الى ملاك جيلى Ck2 فقط

[Superdriver]

ممكن تقييم سريع للعربية و إمكانياتها و مركز الخدمة من الأعضاء مالكي العربية؟ مع خالص الشكر

[mody_halawa]

شهور متعتبرش فترة كافية لاختبار عربيةو في حاجة كمان تخليك تشك في العربيات الصيني
انها فشلت في دخول اوروبا و دة دليل انها عربية فاشلة من ناحية الامان
اللي انا شايفه اهم حاجة لازم الواحد ياخد باله منها وهو بيجيب عربية جديدة
وعموما الايام هي اللي هتثبت كفاءة الجيلي او غيرها من الصيني

امان ؟؟؟؟؟؟؟؟؟؟؟؟؟؟؟؟
طيب هى الاوبترا فيها امان
الالنترا فيها امان
الامان دة محدش بيفكر فية فى مصر

[M.almaghraby]

renault logan is ur best choice i think

[MomoMedo]

امان ؟؟؟؟؟؟؟؟؟؟؟؟؟؟؟؟
طيب هى الاوبترا فيها امان
الالنترا فيها امان
الامان دة محدش بيفكر فية فى مصر

انا قولت اتمنعت من دخول اوروبا
لكن احنا عادي ياعم صلي عالنبي

[SaMeR-PrOtOn ]

انا مارح اكذب عليك وقلك اني ركبتها وطلعت سيئة لان ربنا شايف وبيعرف نصيحة لوجه الله لاتشتريها الجيلي سيئة جدا جدا جاري عندو وحدة وصارلها عنده 9 شهور وعامل بيها 14000 كم وبيشكي منها كتير كتير وبيلعن الساعة يلي اشتراها فيها وكل اسبوع بروح بصلح بالتوكيل تخيل ان كل العاملين بالتوكيل صاروا بيعرفوه لكتر ذهابه عالصيانة بالتوكيل والاسبوع الماضي عمل فيها حادثة والحمد لله ربنا بقوته نجاه من الموت يعني عربيته مابقي فيها شي كيف طلع منها سليم والله مابعرف يعني الجيلي مافيها عوامل أمان لاتشتريها

[samarko_SDF]

بص يامعلم انا معايا جيلى سباركي موديل 2006 نتكلم عن المزايا والعيوب
نبتدي بالمزايا :
1- صاجها احسن من الفيرنا واللانوس 2
2- موتورها كويس ونفس اداء اللانوس 2 مع انها 1400 مش 1500 او 1600 زي اللانوس
3- قطع غيارها فى التوكيل رخيصه نسبيا (علشان صيني طبعا )
4- العربيه بتجري ومابتقولش لا معاك
5- لو بتبص للشكل العربيه ال سي كيه تو شكلها ممتاز جدا واحلى شكل فى الفئه بتاعتها
6- فول اوبشن وكل حاجه فيها كهربا ومريحه جدا لانك مبتعملش حاجه بايدك تقريبا كل حاجه بزراير
7- موفره فى البنزين
8- العربيه السي كي تو مع صحبي وانا شوفتها حته حته فعلا معالجين كل المشاكل الى فى السباركي خد عندك (كرسي بيعلى ويوطي , نور التابلو بيعلى ويوطي , اوسع بكتير من الاسباركي , عفشتها احلى من الاسباركي بمراحل , متقفله كويس وعربيه ماسكه نفسها عن الاسباركي , الكبوت عليه عوازل علشان الصوت , الشنطه من ورا ليها مكان يتقطع علشان تركب سمعات كبيره لو انت حابب دوشه بقي انا اتعذبت عندي فى العربيه لحد مركبت سمعات وفى الاخر شيلت السيخين الى بيسندوا الشنطه ولما بقيت بفتح الشنطه بقيت افتحها بايدي :) يعني تقريبا كل الحاجات الى كنت عانيت بيها لقيتها متحسنه فى السي كي تو )
9- عربيه عاليه عن الارض علشان المطبات وبلدك

10- تكييفها حلو اوي تقريبا زي اللانوس 2

نيجي بقي للعيوب (هما كتير شويه
بص ياسيدي هو اولا كده فى عيبو كتير اوي الى هيا السطحيه الى خد بالى منها تقريبا اتعدلت فى السي كي تو انما العيوب الجوهريه يا معلم مقدرتش اقول لصحبي تعالى نجربها لانه بيخاف عليها اوي نبتدي العيوب بقي :
العربيه بامانه ربنا الواحد يقول الى ليه والى عليه خرتقتها بمعني كنت بنزل اخمس بيها ده غير اني طلعت فوق رصيف وخبط فى عمود نور ربنا يكفيكم الشر (من الاخر شافت معايا ايام سوده ) ولسه مكمله والله اصيله.
1- العربيه مش استابيلتي يعني من الاخر مش بتاعه سواقه شباب وغرز على 100 و120 منصحكش خالص بس فى السي كي تو انا شايفها استابيلتي كويسه اوي والعربي الاسباركي عايزه توطي شويه علشان تبقي استابيلتي
2- كل الى بعانيه الفيبر بتاع العربيه اي حاجه بلاستيك بتتكسر بسرعه فخد بالك اوي من الشبكه لانها ضعيفه والاكصدامات والمرايات علشان ضعاف وغاليين انا اخر مزهقت روحت رابط الاكصدام بحبل غسيل واديها يا معلم
....فاصل ونواصل

[samarko_SDF]

نكمل العيوب بس خد بالك انا مش مهتم بالعربيه وحط تحتها كذا خط
3- العربيه فى التوكيل وكان ليها عيوب وده طبعا قبل الحادثه العيوب بقي بتاعتها (الازاز تقيل ,الموتور صوته بيعلى لوحده ,الفرامل مش جامده , كان فى اصوات غريبه فى العربيه وطقطه وكان فى فار وقطه جوه العربيه ولحد دلوقتي الصوت موجود )
4- العفشه بتاعه الاسباركي معجبتنيش خالص بس لما غيرتها بعفشه دايهاتسو شاريد حسيت بالفرق بص ياباشا انا نزلت الحرفيين وجبت مساعدين امامي وجنبين خلفي الجنب ده الى بيركب عليه الكاوتش علشان بعد الحادثه العربيه كانت بتاكل بلي بطريقه غبيه بس بيني وبينك الياباني ياباني يا معلم الفرامل بقت عشره على عشره الحمد لله ربنا يجعل كلامي خفيف عليها لحسن دي امو لمس ماعلينا نكمل
5- تحس ان الصينين كانوا داعيين على العربيه وهما بيعملوها او تقريبا اتخنقوا منا كمصريين فعملوا عربيه تطلع علينا الجديد والقديم وده بقوله لان الفينشينج بتاع العربيه كان فرز عاشر تلاقي كاوتشه مش موجوده عداد البنزين معلق ومابيتحركش من مكانه كانه ملزوق بغرا
6- التابلوه من جوه العربيه مكانش متين بمعني ايه...بمعني ان الفيبر او البلاستيك الى مصنوع منه رخيص فعلشان كده متحسش ان التابلوه ناشف تحس انك لو رزعته برجلك هيتكسر مش عارف ده كان احساسي وبيني وبينك مجربتش موضوع اني ارزعه برجلى

دي تقريبا كل العيوب ...هتقولى طلعت فيها القطط الفاطسه هقولك انا بردو سوقت العربيه دي لما كان عندي 18 سنه تهور شباب بقي وغرز وتخميس حاسس اني راكب بي ام مدتش العربيه قدرها علشان كده تعبتني وانا عندي 21 سنه اهو وبروح وباجي بيها الشغل وفى امس الحاجه لعربيه ...نصيحتي بقي وخلاصه الكلام الصين بتزغلل عين الزبون بمعني انها تديلك عربيه محصلتش بس الاداء مش هو الى هيخليك تجيب العربيه وتعيش معاك العمر كله هتقولي ياعم لو عاشت ال5 سنين بتاعه التوكيل يبقي كويس ولو عليهم 3 سنين كمان وانا محافظ عليها يبقي رضا هقولك وانت كل 10 سنين هتجيب عربيه الواحد عايز يجيب عربيه يريح بيها راسه وميصرفش عليها مليم قبل 6 سنين على الاقل والصيني كله مش كده
هتقولي ياعم وانا اصرف ليه منا محافظ عليها هقولك كل العربيات الصيني عليها عفريت هتقولي هصرف عليها كتير ؟؟ هقولك لا العادي طول منتا معملتش بيها حوادث هتقولى طيب اشطه مهي الحياه زي الفل اهي بس خد بالك الوقفه مع الصانيعيه ولا حتي التوكيل مقرفه وخصوصا لو انت عندك شغل ومش فاضي وكتر ماهتصرف على العربيه ولو قليل هتزهق منها وهتبقي مش طايقها ....من الاخر بردو لو حافظت عليها ممكن تعييش معاك وتبقي كويسه بس اوعي فى يوم تشد مع حد او تاخد غرز لانها مش مضمونه والسي كي تو احلى بكتير جدااااااااا من الى معايا حالايا بس خد بالك الصيني هيبقي طول عمرك تحت رحمه التوكيل لانك مش هتلاقيلها مضروب فى السوق (لانها صيني طبعا واستحاله تضرب نفسها ) وفى نفس الوقت هتبقي شايل هم قطع الغيار انا لما بدلت العفشه بياباني طلع عنيا علشان اشوف حاجه تركب على العربيه بتاعتي ...... بس بردو هيا كويسه مش وحشه يعني مستحملاني الحمد لله ماشاء الله عليها وانا مهمل فيها جدا....وخد بالك قدامك كذا حل ممكن تجيب مستعمل نضيف اسكودا مثلا او اي نوع تاني حسب تفكيرك وحبك للعربيات او تستني شويه من غير عربيه وتجيب حاجه حلوه ومضمونه وقطع غيارها بره التوكيل (عربيه تقدر تصرف عليها من الاخر )

[moataz200730]

يا جماعة الف شكر لردودكم بصراحة مش عارف اقول ايه بس شوفتوا بقى انا عملت ايه انا وفرت 23 الف جنية و جبت سكودا فيليشيا مستعملة و حالتها حلوة اوى و الالمانى المانى برضه شوفتو بقى انا قلت خلينى ف المضمون اريحلى من الصينى لانى لو كنت جبت الجيلى و حتو لو كان فيها حاجة بسيطة كنت هاجس انها صينى حيطاردنى ع طول و الحمد لله ادعولى يا جماعة ربنا يكرمنى بعربيتى دى

[SaMeR-PrOtOn ]

ألف مبروك ربنا يباركلك ويكرمك فيها ويكفيك شر الطريق بس على فكرة السكودا مش الماني السكودا تشيكي تحياتي لحضرتك

[Superdriver]

يا جماعة الف شكر لردودكم بصراحة مش عارف اقول ايه بس شوفتوا بقى انا عملت ايه انا وفرت 23 الف جنية و جبت سكودا فيليشيا مستعملة و حالتها حلوة اوى و الالمانى المانى برضه شوفتو بقى انا قلت خلينى ف المضمون اريحلى من الصينى لانى لو كنت جبت الجيلى و حتو لو كان فيها حاجة بسيطة كنت هاجس انها صينى حيطاردنى ع طول و الحمد لله ادعولى يا جماعة ربنا يكرمنى بعربيتى دى

في رأيي الجيلي زيرو كانت أفضل

[sindbad2day29]

الرينو لوجان المغربية الجديدة بتبدا من 59 الف فاضية و الاوتوماتك فل اوبشنز ب 66 انا شايفها مناسبة جدا

لوجان ؟؟؟؟؟؟؟؟؟حراااااااااااااااااااااااااام!!!!!!!!!!!! !!!!!!!!!!!!!11

[fakoussa]

بلاش صينى خليك فى المضمون

[dya2008]

اتكل علي الله و هات مابل بريميرا اهي في الاخر ابو غالي و موثوقه عن جيلي كتير