صور السيارة الايديا

[HESHAM AMIN]

يعنى اية يدور على موتور سوزوكى يحطة
وفين التوكيل وبيعمل اية مع العلم مركز الصيانة فاسكندرية ناس محترمة
وعلى العموم المفروض يطالب بتغير الموتور ولو ضغط عليهم اعتقد حايوافقوا

[eng_mkhalaf]

http://www.nilemotors.net/Forum/viewtopic.php?t=10864

http://www.nilemotors.net/Forum/viewtopic.php?t=11188

الينكات دية بتشرح المشكلة كاملة

[ibrahimsaad]

ربنا يباركلك ياخ هشام ويكفيك شرها

بصراحه الواحد اصبح محتار جدا ومش عارف يقرر يجيب ايه

الصينى سعره رخيص وفيه كماليات وعربيات حديثه لكن ياصابت ياخابت وانت وحظك زى ماقال الاخ احمد

والعربيات اللى مضمونه ولاضامن الا الله طبعا غاليه

معادله صعبه جدا

وكمان المشكله اللى حصلت للاخ اسامه تحير الواحد اكثر

لكن لله الامر من قبل ومن بعد

عموما اخ هشام ياريت تكون على اتصال باى اخبار جديده بموضوعك هذا وتخبرنا بكل جديد

ولى سؤال انت جبت ايديا 1 ولا 2 وتنفع لاسره ولا لا

[HESHAM AMIN]

انا جبت ايديا 1 بدون كماليات
وهى تنفع لاسرة انا بركب انا والمدام وقرودى التلاتة

[ibrahimsaad]

انا جبت ايديا 1 بدون كماليات
وهى تنفع لاسرة انا بركب انا والمدام وقرودى التلاتة

ربنا يباركلك فيها يارب ويكفيك شرها اللهم انت والمسلمين كلهم يارب

[ibrahimsaad]

ياريت ياأخ هشام تكتب لنا مواصفات السياره علشان انا قررت اشتريها

وهى كاربراتير ولا انجشكشن ؟

واستهلاكها ايه فى الوقود وسرعتها كام

[eng_mkhalaf]

ياريت ياأخ هشام تكتب لنا مواصفات السياره علشان انا قررت اشتريها

إلف مبروك مقدما

[Meedo]

ياريت ياأخ هشام تكتب لنا مواصفات السياره علشان انا قررت اشتريها

على فكره موش أنت لوحدك اللى بتفكر فيها أنا كمان بأفكر أجيبها بس عاوز أتفرج عليها على الطبيعة الأول لكن هى مش منتشرة ومش عارف أسأل عليها فين يا ريت لو حد يعرف حد بيتعامل غيها يبلغنا و يكون ناحية مصر الجديدة أو مدينة نصر

[eng_mkhalaf]

حاجة غريبة جدا
مش عارف لية الأقبال الجامد على الأيديا دية غلبت الشيرى ;) ;) ;)

[ramyfawzy]

الف مبروك يا هشام باشا

الف مبروك يا هشام باشا وربنا يبارك لك فيها ويديك خيرها انشاء الله
انا شفتها عند سلامة موتورز (موزع معتمد ) جنب طيبة مول في شارع النصر
وعند الفادي موتورز (في مكرم عبيد -اول شمال بعد السلاب على طول)
على فكرة يا جماعة العربية دي انجيكشن مش كاربريتر
الموتور والعفشة غالبا سوزوكي (على حسب كلامهم على النت)
اي خدمة

رامي (ابو احمد)

[Ahmed Anwer]

طب ما تخيلوكي في الإسبرانزا a113

علي الأقل وكيلها ابو الفتوح و شيري اكبر شركة صينية و في طريقها للإنتشار

يأما ألتو أو سبارك ،،، اضمن و فرق سعر مش كبير

[ibrahimsaad]

حاجة غريبة جدا
مش عارف لية الأقبال الجامد على الأيديا دية غلبت الشيرى ;) ;) ;)

الاقبال لانها شكلها حلو وحديثه وسعرها مناسب

والنقطه الاهم اللى ممكن تحسم الموضوع انها انتاج مشترك بين شركه ايطاليه وشركه سوزوكى المعروفه ويتم التصنيع فى الصين

وهذا بخلاف معظم الموديلات الصينيه المعروفه اللى بيكون داخلها عك صينى

[ibrahimsaad]

طب ما تخيلوكي في الإسبرانزا a113

علي الأقل وكيلها ابو الفتوح و شيري اكبر شركة صينية و في طريقها للإنتشار

يأما ألتو أو سبارك ،،، اضمن و فرق سعر مش كبير

الاسبرانزا سعرها يعتبر غالى جدا مقارنه بالايديا هى فوق الستين الف

وطلعت نزلت فهى صينى برده

واللى خلانى ادفع ستين الف فى صينى ادفعهم فى عربيه معروفه زى اللانوس مثلا او الفيرنا او اللادا كالينا مثلا

[douha_wise]

دة موقع السيارة على النت

http://www.chideal.com/

و دة موقع الشركة

http://www.changhe-auto.com/index3.html

و استهلاك البنزين للسيارة 1100 سى سى لكل 100كيلو 4.8 على سرعة 90ك/س و انا افضل ايديا 2 فموتورها 1100 و شكلها افضل من ايديا 1 التى موتورها 1000 و ايضا ايديا 2 عدد الصبابات فيها 16 و ليس 8 كما فى ايديا 1 برغم ان الوكيل كاتب فى البروشور الخاص بمواصفات السيارة انها 16 لكن بنفس البروشور لكن المواصفات المكتوبة باللغة الإنجليزية مكتوب انها 8 صباب و أن ال 1100 16 صباب و انا عندى هذا البروشور و مصورة لكن لا اعرف كيف ارفعة فلو عندكم طريقا ارسلوها لى و انا ارفعة لكم و على فكرة هذة السيارة عند حوالى 5 من جيرانى و هى جميلة بسم اللة ما شاء اللة و انا سوقتها و عجبتنى جدا لكن مشكلتها معى انا بالذات انى باحتاج شنطة كبيرة و شنطتها اكبر من اسبيرانزا A113 الى حد ما و هى اعلى فى الإرتفاع منها و لا تقل شياكة عنها بل ربما تتميز عنها خاصة فى المنظر الخلفى و على فكرة المصنع الذى ينتجها فى الصين هو نفس المصنع الذى يصنع تقريبا كل انواع السوزوكى الملاكى و ستجدوا هذا موجود بموقع الشركة على النت

[eng_mkhalaf]

الاقبال لانها شكلها حلو وحديثه وسعرها مناسب

والنقطه الاهم اللى ممكن تحسم الموضوع انها انتاج مشترك بين شركه ايطاليه وشركه سوزوكى المعروفه ويتم التصنيع فى الصين

وهذا بخلاف معظم الموديلات الصينيه المعروفه اللى بيكون داخلها عك صينى

كدة مع كلام douha_wise تبقى سيارة كويسة ;)