صور السيارة الايديا

[ibrahimsaad]

اشكرك اخى العزيز وان شاء الله سوف اتصل بيه

بس على فكره انا لسه قدامى شهرين على مااشترى لانى داخل جمعيه وهااقببضها فى اخر شهر يناير 2008

لكن بحاول انى اخد كل المعلومات واستفسر قبل الشراء ان شاء الله

[HESHAM AMIN]

شوف يا استاذ ابراهيم الموديلات الخمسة الى فوق هما دول الى بتنزل بيهم الهربية
مافيش فرق بين ايديا 1 و 2 غير الشكل الخارجى فقط
العربية ايديا 1 الى ب 43.900 فيها تكييف وباور
الايديا 2 مش بينزل منها بدون كماليات خد الايديا 1 بدون كماليات لو عايز السعر ينزل
على فكرة انا شارى الى بدون كماليات ولو عايز تركب تكييف بعد كدة هى مجهزة لتركيبة لو تحب
بس على فكرة الى بدون كماليات بتيجى بالحجز واسال عليها
علشان انا لما سالت عليها فى كل حتة لقيتها بالحجز والتسليم بعد شهرين
الموتور ال1100 بينزل فى الفول اوبشن فقط

[MoToRiZeR]

معلش انا مش متابع الموضوع من الأول ..

بس اللي هيوصل ل 50 الف .. طب ما يجيب سبيرانزا 113 الجديدة احسن ماهي في نفس السعر و 1300 سي سي مش 1100

[ibrahimsaad]

الف شكر اخى هشام


اخى dehumanizer

فى الحقيقه انا معجب ايضا بال a113 بس ماشفتهاش الا من كام يوم فقط وعلى فكره سألت عن سعرها عندنا قالو لى ب 53 الف

انا لو جبت الايديا هيكون ايديا 1 1100 اللى ب 47 الف

لكن المشكله دلوقت ان الشركه اللى انا ناوى اشترى منها عندنا قالوا لى مافيش عندهم ايديا ومش شغالين فيه حتى انهم استغربوا اسمها ومعنى كده انى مضطر اجيب حاجه تانيه من اللى شغالين فيها لانى مش عايز اجيب من البنك وهما شغالين كويس جدا فى الاسبرانزا بانواعها والشيرى

علشان كده بفكر انى اقلب الجمعيه اللى انا داخلها تانى مره وانتظر كمان 10 شهور واجيب حاجه مثلا زى ال A113 لكن لسه ماقررتش بعد

[eng_mkhalaf]

بس اللي هيوصل ل 50 الف .. طب ما يجيب سبيرانزا 113 الجديدة احسن ماهي في نفس السعر و 1300 سي سي مش 1100

+10000000000

[Meedo]

الشركه اللى انا ناوى اشترى منها عندنا قالوا لى مافيش عندهم ايديا ومش شغالين فيه حتى انهم استغربوا اسمها ومعنى كده انى مضطر اجيب حاجه تانيه من اللى شغالين فيها لانى مش عايز اجيب من البنك

أيه أسم الشركه دى وموجوده فين لأن أنا برضه مش عاوز أتعامل مع البنوك :?: :?: :?:

[Ahmed Anwer]

ملحوظة أخيرة عرفتها الإسبرانزا A113 ب 49 الف بس ،،

تخيل !!!

و فيها Abs , 1300 cc

[douha_wise]

ملحوظة أخيرة عرفتها الإسبرانزا A113 ب 49 الف بس ،،

تخيل !!!

و فيها Abs , 1300 cc

هذا السعر عند ابو الفتوح فقط و ليس بالمعارض العادية وبالحجز و الإستلام بعد 3 شهور أو يزيد غير أن السعر عند الإستلام قابل للزيادة و طبعا غالبا سيزيد بإذن اللة كما فعلوا بالموديلات السابقة و أبو الفتوح على حق فى التلاعب بالناس و زيادة الأسعار بشكل مستفز لأنة يرى التهافت على سياراتة و الإستسلام لزيادة السعر و الإنتظار لمدة شهور لإستلام السيارة و كأنة يبيعها مدعمة

[MoToRiZeR]

بصراحة انا لا اثق في توكيل ابو الفتوح بالمرة لأن من ناس معرفة كذا مرة اسمع عن الفهلوة و الطلسئة اللي بيشتغلوا بيها في التوكيلات .. بحس انه بيجيب اي حد يشغله من غير اشراف و من غير جودة .. و سياسته عموما قائمة علي جمع اكبر قدر ممكن من الارباح و مش مهم في النهاية تقدم خدمة و جودة محترمة للعميل بتاعك ..

[ibrahimsaad]

الشركه اللى انا ناوى اشترى منها عندنا قالوا لى مافيش عندهم ايديا ومش شغالين فيه حتى انهم استغربوا اسمها ومعنى كده انى مضطر اجيب حاجه تانيه من اللى شغالين فيها لانى مش عايز اجيب من البنك

أيه أسم الشركه دى وموجوده فين لأن أنا برضه مش عاوز أتعامل مع البنوك :?: :?: :?:

هو معرض سيارت الاستاذ

وده له فرع عندنا فى كفرالشيخ وفرع فى المحله الكبرى

وانا افضل انى اجيب منه لانه بعيد عن البنك والتقسيط منه مباشره بفايده 8% بس احسن لانه بالبطاقه ووصل النور بس وتجيب له مفردات مرتب او سجل تجارى بس يشوفه علشان يطمن لكن مافيش تحويل مرتب ولاخصم ولا اى حاجه من دى خالص

وبكده يبقى بعدنا عن الشبهات وعن البنك اللى بيكون عامل حظر على العربيه ومعاه نسخه من المفتاح والايصالت اللى بتدفعها بتفضل عنده لاخر وصل وبعدين يديهالك يعنى رقبتنا وفلوسنا والعربيه تعتبر فى ايد البنك

[ibrahimsaad]

ملحوظة أخيرة عرفتها الإسبرانزا A113 ب 49 الف بس ،،

تخيل !!!

و فيها Abs , 1300 cc

السعر ده بتاع التوكيل بس وقابل للزياده لكن فى المعارض اكثر يعنى بتفرق من معرض لاخر عندنا مثلا بسعر 53 الف

[usama_pce]

idea 1 without power

[ibrahimsaad]

idea 1 without power

اخى اسامه أخبارك ايه طمنا عملت ايه فى الايديا

[eng_mkhalaf]

أية يا أسامة طمنا

[zeyad1810]

انا شاكر ليكم جميعا والاستاذ احمد اثار نقطة مهمة جدا --------- المستعمل ولا الجديد -------------
وانا جربت المستعمل قبل كدة فى عربية جولف وانا بصراحة مش ناوى اركب مستعمل تانى نهائى لان دا خراب بيوت
وعربية جديدة ولو كانت اية حتى احسن من المستعمل ومتقوليش حالتها نضيفة كل المستعمل الى عدى 5 سنين عايز مكنة فلوس وراة
فنصيحة لاى واحد بلااااااااااااش مستعمل

انا باختلف معاك لان مش كل زيرو بيكون نضيف والكلام عن طريق ناس مجربة فى المنتدى وحاطة تجاربها علشان الناس تستفاد وانا شايف ان عربية مستعملة ماركة نضيفى احسن الف مرة من عربية زيرو اى كلام