هي مش دي البريليانس جالينا يا جماعة!!!

[ahmad_samy]

علي فكره مش ظريف ابدا انك تقول علي وجهه نظر واحد (كلام ملوش لازمه) لان فيها اساءه للشخص ده لان كل واحد و ليه و جهه نظره و طريقه في حكمه علي الأمور و محدش اجبرك انك تعمل بوجهه نظري دي
و اذا كنت انت شايف انك ممكن تضحي بكل حاجه اساسيه في سبيل الكماليات و اللي ممكن تركبها من عند اي حد بتاع اكسسوار فده حقك و في ناس كتير بتفكر زيك كده و هما دول اللي بتقوم عليهم سياسات البيع و التسويق للمنتجات دي. و مبروك عليك عربيتك الصيني و ربنا يكرمك فيها

اولا غلبتني بذوقك وانا اسف اذا كنت اسأت لك
ثانيا : العربية البريليانس بالذات متجربة من كذا عضو وكلهم بلا استثناء بيشكروا فيها وادائها
ثالثا : انا لسه ما جبتش عربية انا حاجز بس وبرضه بريليانس fsv اوتو 1600
رابعا : كلامك منطقي في حالة العربية فعلا الناس اشتكت منها لكن مع البريليانس الحمد لله الشكاوي تكاد تكون معدومة يمكن علشان العربية لسه اللي جربها عددهم مش كبير بس كفاية ان كل ما تخش قسم البريليانس تلاقي الوضع تاني مافيش شكاوي غير غربيات يني تانية
خامسا : انا كنت على نفس مبداك في سعر اعادة البيع وقطع الغيار وعلشان كده كان اختياري قبل fsv نيو اكسنت سبورت بس انا لقيت شكاوي كثيرة في العفشة والتنطيط وخدمة غبور غير ان العربية صغيرة وكان في اختيارات ذي الاوبترا والافيو والفيرنا الكيا ريو و البروتون جين 2 بس في النهاية كان القلب مايل للبريليانس
خامسا : شكرا لك على ذوقك

[ehaballam]

this subject was mentioned before, and they modified 23 crash point in the car and it got later on 3 stars! but i hate this car so much , the quality of the interior is horrible and its all made of plastic! mitsubishi lancer is much better

للاسف الكلام ده غير صحيح ..... مع احترامي لحضرتك ....
هم دخلوها اختبارات محلية في بلاد تانية بس لسة صفر في ال euroncap

[ehaballam]

كلام مالوش لازمه انا اللي يخليني اشتري عربية علشان الناس علشان سعرها بعد ما اشتريها واحرم نفسي من كماليات من حقي احس بيها
الشركات اللي انت بتعترف بيها مش معتبرانا بني ادمين ومش راضية تحط في عربيتها اي حاجة شوف الهيونداي الفئة الواحدة ليها كام سعر كل ما يحطوا حاجة يزود في السعر في عربياتها لما الصيني بيحترمني اقول وحش ولما الاقي الكوري بيهيني ومستخسر يديني كماليات بحجة الفلوس واللي شايفه انه طمع يبقى حبيبي
اي منطق انت بتتكلم بيه انت وغيرك ارحمونا من حجة بعد البيع وحجة خامات التقفيل حجج هاملة والله انتم بدافعوا عن مين ؟؟؟؟؟؟

ماهو حضرتك فاكر إن العربيات ببلاش .... وال سؤال أنا لما اديك laptop ب 500 جنيه يا ترى هل زي أي laptop من أي ماركة حتى لو مش محترمة ...لأ , وهي دي عربية تبقى ب 159 ألف ليه أُمّال الهوندا تبقى بكام إن شاء الله .....
ولو حضرتك عايز تشتري عربية أي حاجة علشان كاسيت وشوية كلام فارغ إنت حر .... إنما احنا مش حنغير زمتنا علشان حضرتك بتحب الكماليات ......بالنسبة ليَّ أنا الأهم عندي العربية .....ومعاملات الأمان .... مش صفر.... صفر ليه هو احنا عمرنا ملوش لازمة ...

[akramesg]

الصفر اللى حضرتك بتتكلم علية ده مش euroncap ده مركز اختبارات خاص فى اسبانيا وهو هو اللى عاد الاختبار وبقى 3 نجوم

الغرض من الاختبارات دى منع بريليانس كأول شركة صينية محاولة اختراق الاتحاد الاوروبى

اخيرا كل الاختبارات على سرعة 60 اما على السرعات العالية كله بيتساوى حتى اللى جايب نجوم وافتكر ديانا اللى اتفعصت فى عربية مجهزة تجهيز خاص

معاك ان الجالينا غاليا بس ليها زبونها لكن ال FRV و FSV بصراحة مفيش اى عربية افضل بالسعر ده

اخيرا كل اللابتوبس اللى فى السوق صينى العيب مش فى الصين لان الناس دى بتصنع هناك كل الماركات العالمية المهم جودة المنتج

[ahmad_samy]

ماهو حضرتك فاكر إن العربيات ببلاش .... وال سؤال أنا لما اديك laptop ب 500 جنيه يا ترى هل زي أي laptop من أي ماركة حتى لو مش محترمة ...لأ , وهي دي عربية تبقى ب 159 ألف ليه أُمّال الهوندا تبقى بكام إن شاء الله .....
ولو حضرتك عايز تشتري عربية أي حاجة علشان كاسيت وشوية كلام فارغ إنت حر .... إنما احنا مش حنغير زمتنا علشان حضرتك بتحب الكماليات ......بالنسبة ليَّ أنا الأهم عندي العربية .....ومعاملات الأمان .... مش صفر.... صفر ليه هو احنا عمرنا ملوش لازمة ...

حبيبي الصفر ده كان زمان وهاتقول ايه على الهيونداي الفيرنا والكسنت واكيا الريو والافيو والاوبترا لو دخلت اختبار هاتاخد كام
ثانيا : انا جايب لاب توب lenovo صيني ذي الفل واسأل على ماركته ممتازة
ثالثا : معظم الشركات اللي في السوق المصري بتبيع اسم ( ماركة) مش خامة زي زمان

[mohamedhfz]

شوفوا الخبر ده و انتوا هتعرفوا احنا بتكلم عن ايه

القاهرة - محرر مصراوى - أصدر المهندس رشيد محمد رشيد وزير التجارة والصناعة السبت قراراً بشطب شركة شيري أوتوموبيل الصينية المنشأ من سجل الفحص الظاهري للرسائل الصناعية غير الغذائية ( القائمة البيضاء) بالهيئة العامة للرقابة علي الصادرات والواردات .
وجاء قرار الوزير نتيجة لتكرار رفض العينة التي أجريت عليها الفحوصات المعملية (مساعدين سيارات) وثبوت عدم مطابقتها للمواصفات خلال شهر مايو الماضي.
وأكد المهندس رشيد محمد رشيد أنه سيتم تطبيق عقوبات مشددة علي الشركات المستوردة التي تتلاعب بالمواصفات والجودة، أو تقوم بأي ممارسات تضر بالمستهلك المصري، وأوضح رشيد أن هذه العقوبات سوف تشمل الشطب نهائيا من سجل المستوردين، وأنه سيتم وضع الشركات الأجنبية المخالفة في قائمة سوداء لمنع التعامل معها.
ويعلن المهندس رشيد محمد رشيد خلال الأيام القليلة المقبلة، عن قوائم سوداء جديدة بأسماء شركات مصرية استوردت سلعا مشكوكا فيها، وسوف تنضم هذه الشركات إلي قائمة الـ27 شركة التي تلاعبت في شهادات الاستيراد من الصين وأحالها الوزير إلي التحقيق.
وأكد المهندس رشيد أن الوزارة سوف تتصدي بكل حسم وقوة لأي محاولات لإدخال سلع غير مطابقة للمواصفات وضارة بالمستهلك.
وأوضح رشيد أنه من الآن فصاعدا سيتم إعلان أسماء الشركات المخالفة حتي يتم انضباط السوق والمستوردين، وقال رشيد إن حماية المستهلك وضبط السوق يمثلان أولوية قصوي للحكومة المصرية، وحذر رشيد بقوة قائلا: "وعلي المتلاعبين تحمل العواقب" .
ومن جانبه، أكد المهندس محمد شفيق رئيس الهيئة العامة للرقابة علي الصادرات والواردات أنه سيتم عمل مسح شامل لضبط السلع غير المطابقة الموجودة في السوق، وقال: "إنه لن يسمح بأن تكون السلع الصينية المطروحة في السوق المصرية أقل في الجودة من مثيلتها بالسوق الأمريكية والأوروبية" .
وأضاف شفيق قائلاً : "نحن لسنا بلد النفايات، ولا أحد فوق القانون" .
المصدر : صحيفة الأهرام ، مصراوى

[ahmad_samy]

كلام جميل من اخ بينصح بس الكلام ده حطوا في قسم الشيري مش عند البريليانس يعني مكانه مش هنا

[mohamedhfz]

كلام جميل من اخ بينصح بس الكلام ده حطوا في قسم الشيري مش عند البريليانس يعني مكانه مش هنا

انا كلامي كان علي العربيات الصيني بصفه عامه و محددتش نوع عربيه معين

[ahmad_samy]

شوفوا الخبر ده و انتوا هتعرفوا احنا بتكلم عن ايه

القاهرة - محرر مصراوى - أصدر المهندس رشيد محمد رشيد وزير التجارة والصناعة السبت قراراً بشطب شركة شيري أوتوموبيل الصينية المنشأ من سجل الفحص الظاهري للرسائل الصناعية غير الغذائية ( القائمة البيضاء) بالهيئة العامة للرقابة علي الصادرات والواردات .

انا قصدي على الكلام ده بالذات انك تضعه قي قسم الشيري مش عند البريليانس الناس اللي اشترت ما اشتكتش ما اشتكتش ما اشتكتش ما اشتكتش ما اشتكتش ما اشتكتش
لكن اللي اشترى الكوري اشتكى واللي اشترى الشيفروليه اشتكى

[akramesg]

انا كلامي كان علي العربيات الصيني بصفه عامه و محددتش نوع عربيه معين

تعميم الصينى خطأ
القمر الصناعى الصينى مش ممكن يكون بجودة ابو 2.5 الصينى

والعربيات فيها الوحش وفيها الوحش (بأختلاف التشكيل)

واخيرا مفيش عربية ملاك بدون مشاكل

وكل واحد بيحسبها بطريقته

وكل واحد شايف انه مش غلطان فى قراره

لو كان عندك تجربة عملية او شكوى من شيئ معين شاركنا فيه عشان يكون النقاش له هدف ونتيجة

[kisho55555]

ربنا يسترها على اصحابها ...

[amrhesham]

انا كلامي كان علي العربيات الصيني بصفه عامه و محددتش نوع عربيه معين

كان نفسى حضرتك تشوف واحد كان جايب كيا سيراتو وماشى بيها على طريق الغردقة والفتيس افش منة وجاب وينش يشلها بس للاسف مش هقدر اكتب اسم المنتدى يبقى دة دليل ان كل السيراتوا فشلة لا طبعا بس كل عربية فيها مشاكل

[ehaballam]

الصفر اللى حضرتك بتتكلم علية ده مش euroncap ده مركز اختبارات خاص فى اسبانيا وهو هو اللى عاد الاختبار وبقى 3 نجوم

الغرض من الاختبارات دى منع بريليانس كأول شركة صينية محاولة اختراق الاتحاد الاوروبى

اخيرا كل الاختبارات على سرعة 60 اما على السرعات العالية كله بيتساوى حتى اللى جايب نجوم وافتكر ديانا اللى اتفعصت فى عربية مجهزة تجهيز خاص

معاك ان الجالينا غاليا بس ليها زبونها لكن ال FRV و FSV بصراحة مفيش اى عربية افضل بالسعر ده

اخيرا كل اللابتوبس اللى فى السوق صينى العيب مش فى الصين لان الناس دى بتصنع هناك كل الماركات العالمية المهم جودة المنتج

أولا .... ADAC الماني مش اسباني ..... واعتقد إن الالمان مش بيهزروا ولا هم بتوع مؤامرات علشان اختراق الاتحاد الاوروبى.....
ثانيا :حضرتك شايف إن اختبارات الأمان ملهاش لازمة .... لإن القياس عند 60 .... فـحضرتك ممكن تقرأ في الموقع ليه اختاروا 60 ......وده باحتصار لإن معدل السرعة اللي بيفضل بعد الفرامل بيبقى اقل بكتير من ال 60 .... ده اللي أنا فاكره

فـبالتالي الكلام بتاع كله بيتساوى في السرعة ده لما حضرتك تبقى ماشي على 200 ومادوستيش فرامل .... أما لو دست فـسرعتك بتقل بصورة كبيرة .......
أما اللي يشتري الجالنا be-140 ألف ويستخسر 10 ويجيب هوندا مثلا ... يبقى يستاهلها .....

[ehaballam]

حبيبي الصفر ده كان زمان وهاتقول ايه على الهيونداي الفيرنا والكسنت واكيا الريو والافيو والاوبترا لو دخلت اختبار هاتاخد كام
ثانيا : انا جايب لاب توب lenovo صيني ذي الفل واسأل على ماركته ممتازة
ثالثا : معظم الشركات اللي في السوق المصري بتبيع اسم ( ماركة) مش خامة زي زمان

حضرتك لو دخلت على HOME | Euro NCAP - For safer cars crash test safety rating حتعرف إن في كتير من العربيات دي جايب 2 و 3 وساعات 4 .... وبرده العربيات دي بنص تمن الجالينا......... وعربيات أي كلام أساسا....

وال نقطة الظريفة ك IT وخبرة مش أي كلام .... ممكن تستري أي ماركة عالمية مصنوعة في الصين عادي
إنما ماركة صيني من اساسها لأ ... وبرده على فكرة lenouvo دي IBM .....
وعلى فكرة برده اسم الماركة ليه تمن .... هي بتحافظ علييه وإنت بتدفع تمنه ..... هي دي المعادلة بينكم ......
أما موضوع الخامات فـده ليه معايير كتير مش زي ماإنت فاكر .... إنما كل شركة بتعمل حساب ل اسمها .... علشان كده أشتري منها ... إنما الصيني لأ .....

[ehaballam]

تعميم الصينى خطأ
القمر الصناعى الصينى مش ممكن يكون بجودة ابو 2.5 الصينى

والعربيات فيها الوحش وفيها الوحش (بأختلاف التشكيل)

واخيرا مفيش عربية ملاك بدون مشاكل

وكل واحد بيحسبها بطريقته

وكل واحد شايف انه مش غلطان فى قراره

لو كان عندك تجربة عملية او شكوى من شيئ معين شاركنا فيه عشان يكون النقاش له هدف ونتيجة

ده للاسف كلام حق يرد بيه باطل .....إسرائيل عملت قمر صناعي مفكرتش تعمل عربية ....فلندا عملت نوكيا ودي مش موبيلات بس ... دي واحدة من الحيتان الصناعية في الدنيا معملتش عربية .... والصين بتعمل عربيات لشركة عالمية إنما لما حاولوا يعملوا عربيات هم عملوا زبالة ده مش معناه أي حاجة
أما كل واحد بيحسبها بمزاجه ...فـهل يستوي الذين يعلمون والذين لا يعلمون ... وواجب اللي بيعرف إنه يفهم اللي مشبيعرف وبيحسب حسبته غلط إنه غلطان .... علشان ربنا حيحاسبنا على العلم ده

انا قصدي على الكلام ده بالذات انك تضعه قي قسم الشيري مش عند البريليانس الناس اللي اشترت ما اشتكتش ما اشتكتش ما اشتكتش ما اشتكتش ما اشتكتش ما اشتكتش
لكن اللي اشترى الكوري اشتكى واللي اشترى الشيفروليه اشتكى

ماحدش اشتكى دي مش معناها إنها كويسة ... استنى عليها شوية وشوف قطع الغيار ...و العمر وحاجات كتير .... وال جودة وال أمان .....
بس سؤال لما هي أحسن عربية في سعرها أُمّال مش بتتباع إلى في العالم التالت ليه ليه مش في امريكا واوروبا وأستراليا وأغلب اسيا وامريكا الجنوبية ولا حتى الخليج
يا ترى لييه
الكوري وحش مفيش جدال وقطع غيره زي قلتها ..... بس في نسبة جودة اضعاف أنضف عربية صيني ...يا راجل ده الناس اللي عنها كوري فرحوا إنهم مبقوش أسوء حاجة في السوق