إعـــــــلان

Collapse

.

,
See more
See less

هي مش دي البريليانس جالينا يا جماعة!!!

Collapse
X
 
  • Filter
  • الوقت
  • Show
Clear All
new posts

  • #61
    استاذ ياسر كلام 10 / 10

    استاذ رضا احييك على امثالك بتجيبها منين دى باشا

    ولكل كارهى الصين موتو بغيظكو وياويلو اللى هشوفو منكو عالطريق
    [img2]http://img593.imageshack.us/img593/8153/fsfsw.jpg[/img2]

    Comment


    • #62
      انا راي ياجماعة ما حدش يرد باي تعليق كل ما اخش المنتدى الاقي نفس الموضوع ده بتفتح
      خلاص ما حدش يرد خليه يختفي من قائمة مواضيع قسم المنتدى
      من الاخر البريليانس هي الاختيار الموفق
      [CENTER][mtmoeg]http://www.nilemotors.net/Nile/signaturepics/sigpic73834_1.gif[/mtmoeg][B][FONT=Arial Black][SIZE=6][COLOR=Blue]

      أفضل سيارة في فئتها[/COLOR][/SIZE][/FONT][/B]


      [/CENTER]

      Comment


      • #63
        المشاركة الأصلية كتبت بواسطة yasser100 مشاهدة المشاركة
        همه بيشتموا في الصيني علشان اتكشف النصب اللي في العربيات خصوصا الكوري اللي بينقطونا فيه بالاوبشن , كاسيت مش عارف بيعمل ايه 2000 جنيه زياده , فتحت سقف 5000 , جنوط 7000 و كلها حاجات خايبه بتنزل في اي عربيه بره و ماليهاش تمن كل العربيات الصيني نازله فيها و باسعار معقوله و كفاءه جيده و عن تجربه
        كلام مظبوط و دلوقتى الموديلات الصينى الجديدة 2010 بتنزل الهاف اوبشن منها بجنوط و سى دى ام بى ثرى و سنسور ركن و مرايات كهرباء و زجاج كهرباء و فوانيش شبورة امامى و خلفى و و احدث تكنولوجيا فى المواتير الحديثة و ِABS , EBD و باور و تكييف قوى و سنتر لوك و مفتاح ريموت و وحدات رفع للزجاج الأمامى - عايزين ايه تانى يا مفتريين شوف بقى لو سيارة من السيارات اللى انتوا شايفين انها احسن من الصينى تبقى بكام لو نزلت فيها الكماليات ؟ طبعا مش ب 70000 ج
        مش كده ولا ايييييه ؟
        و الله انا بفرح جدا بكلامهم ده بحس انهم متغاظين و مولعين و ده تعبير صريح عن النار اللى والعة جواهم

        Comment


        • #64
          المشاركة الأصلية كتبت بواسطة akramesg مشاهدة المشاركة
          استاذ رضا احييك على امثالك بتجيبها منين دى باشا
          يا باشا القاموس مليان بس انت أشّر و انا جاهز
          تحياتى

          Comment


          • #65
            المشاركة الأصلية كتبت بواسطة akramesg مشاهدة المشاركة
            استاذ ياسر كلام 10 / 10


            و الله دي حاجه بسيطه , الواحد بس بيزعل لما يشوف الناس بتتكلم عن جهل و المفروض انهم يكونوا مثقفين , او همه فعلا مثقفين بس مضللين , انا احترم رايهم لو يذكروا المميزات و العيوب و مفيش حاجه خاليه من العيوب , طيب يقولوا رايهم في الاخبار المكتوبه النهارده في اول صفحه في الاهرام عن رينو سحب 35000 سياره فلورينس الجديده من دول الخليج المتصنعه في كوريا علشان مشكله في دورة المحرك و الاحتراق , 35000 سياره يعني كل اللي اتباع في الخليج لانهم مش غاويين الرينو في الخليج , و رينو سحبتهم علشان خايفين من رد الفعل لكن هنا و لا حد هيعبرهم , علي الاقل اللي اشتروا الجالينا ما حصلش لهم مشاكل و تبقي سلملي علي خامات التصنيع الهاي كوالتي .
            اللهم بارك لنا فيما رزقتنا

            [SIGPIC][/SIGPIC]

            Comment


            • #66
              ياجماعة احنا الحمدلله فكرتنا واقتنعنا بالبريليانس عالي جدا وعموما احب اوجه كلامي لثلاث فئات لقيتهم في قسم البريليانس هم :
              اولا : (الى من لا يريد ان يقتنع ويريد فرض رأيه بالقوة ) اقوله ذي ما بيقول جمهور الاهلي اللي خايف يروح يعني اللي مش عاجباه العربية لمجرد انها صيني فقط يروح ويريحنا
              ثانيا : (الى من اقتنع بالعربية ولسه اه اجيبها ولا لأ يعني المتردد وطبعا حقه الشروة عربية ) اقوله أسترجل واركب بريليانس وما تخفش
              ثالثا : ( الى ملاك البريليانس اصدقائي في المستقبل) اقول هنيئا لكم ومبروك عليكم العربية ولعلمكم من خلال كلامكم عنها انا اشتريتها حسيت في كلامكم المصداقية والنصيحة وخلاص هانت انا في انتظار استلامها
              [CENTER][mtmoeg]http://www.nilemotors.net/Nile/signaturepics/sigpic73834_1.gif[/mtmoeg][B][FONT=Arial Black][SIZE=6][COLOR=Blue]

              أفضل سيارة في فئتها[/COLOR][/SIZE][/FONT][/B]


              [/CENTER]

              Comment


              • #67
                المشاركة الأصلية كتبت بواسطة pavly3 مشاهدة المشاركة
                فعلا يا أخى حاجه غريبه جدا جدا

                فى ناس عاوزه تفرض رأيها فى العربيه حتى على اللى معاه ومجربها

                وهو كده بالعافيه وحشه يعنى وحشه

                انا شايف ان الشركه كانت فى منتهى المصداقيه وبجد ارفعلهم القبعه لو كانت شركه تانى كانت قالت لا دى مش عربيتنا ودى حروب من شركات تانيه والكلام اللى بنسمعه فى جميع المجالات ده

                انما الشركه بمنتهى الاحترام عرضت فى الفيديو بتاع التست ان الاختبار ده اتعمل بعد 79 يوم من الاختبار الاول وفى الاخر جابت نتيجة الاختبار الاول ونتيجة الاختبار الثانى وده اعتراف ضمني منهم على ان فعلا دى كانت عربيتهم وطوروا سبل الامان فيها اكتر لحد ما وصلت ل 3 نجوم

                وحقيقى دى حاجه تدعو للفخر

                وانا واحد من الناس شوفت الفيديو الاول وشوفت الفيديو التانى وسألت كويس وبناءا عليه حجزت عربيه بيرليانس
                أولا : معاك العربية وجربتها وكل الكلام الجميل ده .... للاسف أنا مباخدش بيه ..لإن أنا معرفش حاجة عن خلفيتك في العربيات .... وحضرتك مش مقياس...
                ثانيا : حتقولي ولا حضرتك ... مش حعارضك في النقطة دي ... بس حقولك نشوف الناس اللي بتفهم بتقول ايه ... بص على اوروبا وامريكا وكل الدنيا ....
                ثالثا:عربية ايه اللي طنط 3 نجوم في 79 يوم .... إنت فاكر الموضوع ايه بالضبط ...حتتين حديد بيتحطو وخلاص .... وال اختبار الجديد اللي خدت في 3 نجوم كان في أنهي دولة ...وتحت أنهي مقاييس ... ويا ترى دخلت بيه اوروبا ... أو حتى اسبانيا اللي بيتقال إن الاختبار الجديد ده كان فيه ....
                رابعا : لو حضرتك فاكر إن الديمقراطية.... إني أسيبك تدي معلومات غلط للناس لمجرد إن حضرتك مقتنع بيها ومردش عليك ... لانك حر ... للاسف لأ ... انت تقول اللي إنت عايزه وأنا أقول اللي أنا عايزه ...وكل واحد ياخد قراره بنفسه ....
                خامسا : مع إحترامى الشديد لرأى حضرتك ..... أيوة حضرتك لما تقول إنها حلوة .... و انا شايف انها أى كلام ... انا حر .... و على فكرة دة رأى الناس اللى بتفهم عربيات علشان كدة , لما أى حد يجى يقوللى حلوة علشان أنا شايف كدة .... أقوله أسف .. طب على الأقل إدينى دليل ... أمارة يعنى ..... ولا رأى حضرتك لا رأى بعد رأيك
                ختاما أنا ممسكتش عصايا و قولت اللى حيجيب العربية دى حمدوا على رجليه ..... اللى عايز يشيل يتفضل .....
                [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

                Comment


                • #68
                  المشاركة الأصلية كتبت بواسطة akramesg مشاهدة المشاركة
                  والله الموضوع ينرفز

                  بص الاختبار اسبانى زى مهو واضح فى الفيديو بس لو عايزو المانى متزعلش

                  سيادتك علامة وكل حاجة ومحدش غيرك بيفهم واحنا عربياتنا زبالة واحنا حسبناها غلط عشان لاقيين فلوسنا فى الارض

                  وانا شربت العربية وعشان انا شخص مريض بحاول اشربها لأكبر عدد ممكن !!!!

                  انصحك تروح تعمل مصلح فى حتة تانية

                  ولو شفتك على الطريق هوريك العربية الزبالة بتعمل اية

                  محنا مش هنخلص من الموضوع دة
                  متدخلش الموضوع في ناحية شخصية ...... خليك professional ..... وعلى فكرة الطبيعي غالبية الناس مش لازم تفهم في العربيات .... مش فرض عين ....فرد كفاية ...بمعنى إن مجموعة تعرف وتنصح اللي ميعرفوش
                  ... ماحدش قال إنك راجل مريض وأهبل وال كلام اللي إنت قلته ده, إنما حضرتك معلوماتك مش كافية إنك تقول العربية كويسة ولا لأ .... وده مش عيب لانك بالتأكيد في شغلك أو في هوايتك بتفهم أحسن مني .... إنما أنا بفهم في ال IT وفي العربية ......
                  أما موضوع إنك لو شفتني في الطريق حتوريني .... حارد عليك واقولك .... متقدرش والمؤاخذة لأني تقيل عليك .... ويا سيدي , حتى لو إنت أحسن برده إيه المشكلة ....اخوات برده ...في بيتها يعني
                  [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

                  Comment


                  • #69
                    المشاركة الأصلية كتبت بواسطة yasser100 مشاهدة المشاركة
                    والله يا جماعه انا مش عارف لغاية امتي هنفكر بجهل و عصبيه و ليه بنعتقد ان كل واحد جاهل و عبيط برغم انه النت و الدش مش سايبين حد عبيط .
                    اولا انا كتبت هنا قبل كده و قلت الصين بتصنع كل الجودات العيب مش في الصناعه الصيني العيب فينا احنا , الصين بتشوف انت عايز ايه و بكام و تصنعهولك , المشكله عندنا انه احنا سمحنا بدخول زبالة الصيني , اوروبا ما يعرفوش و ما شافوش زبالة الصناعه الصيني و اللي سافروا اوروبا يعرفوا الكلام ده كويس لان كل المنتجات هناك صيني و بجوده عاليه جدا و الكلام ده فين ؟ و الله في المانيا ام الصناعه , حتي اديداس صناعه صيني , انا كان نفسي اشتري اي حاجه حتي لو مش عايزها بس تكون صناعه الماني .
                    امريكا بجلالة قدرها صرحت في معرض ديترويت للسيارات 2009 ان الصين اكبر منتج للسيارات 2011 و الاخ اللي بيقول انه في الصين مابيركبوش العربيات دي هناك مين اللي قالك الكلام ده ؟ روحت و شوفت ولا بتردد الكلام اللي بتسمعه و خلاص ؟ تفتكر بيركبوا ايه ؟ الصين ملىار و نص بيركبوا ال دودج مثلا ؟ كل العربيات اللي هنا بيركبوها هناك , افتح الموقع بتاع بريليانس و انت تعرف بيبيعوا اد ايه هناك .
                    الياباني اول ما نزل في السبعينات كان اللي يركبه بيشاوروا عليه انه عبيط و الكوري من عشر سينين ما كنشي بيتركب و لغاية دلوقتي ما بيتركبش لا في اوروبا و لا امرىكا و لغاية النهارده و علشان الكوري يتباع في امريكا و يغروا الناس بينزلوا عليه ضمان 10 سينين علشان يتباع و الله ولا اليباني بيتباع في اوروبا و معروض بارخص الاسعار , و انا كنت هناك لما النيسان تيدا نزلت و كانت معروضه ببلاش و لا حد كان بيشتريها .
                    طيب اللي بيشتم في السيارات الصيني , بتقارنها بايه ؟ باللوجان ؟ اللي التوب منها بيتجمع في شركة داتشيا و الشعبي بيتجمع في المغرب ؟ و لا بتقارنه بلانوس اللي موتورها من رومانيا ؟ و لا بالفرنا اللي هيونداي بتبعها لنا زي اللي بيبيع الهوا في ازايز ؟ولا الافيو اللي طوب الارض اشتكي منها و اللي اصحابها بيصلحوها علي حسابهم بره و همه لسه في الضمان ؟ ولا الاكسنت الورقه علي الطرق السريعه ؟و لو مش مصدقين ادخلوا هنا علي اقسام العربيات دي و الميه تكذب الغطاس .ولا بالا قارن كده بريليانس FSV or FRV بانيسان صني التقفيل المصري الزباله واللي كنت رايح ادفع فيه 90000 جنيه و هيه متساويش اكتر من 70000 علي البطاريه الميه اللي فيها و لا تقفيل موبيكا .
                    اذا كان الاخوه اللي بيشتموا في الصيني علشان يسوقوا لماركات تانيه بعد ما خافوا من الحصه اللي خدتها السيارات الصيني من السوق و خصوصا من حصة السيارات الكوري اللي الصيني هتعديها يبقي اسمه تضليل .
                    بالنسبه للكراش تيست اللي بيتكلموا عنه انا اتكلمت عليه قبل كده , طيب يورونا التيست بتاع السيراتو كده , هيطلع تيست 100% خمس نجوم و بوسه كمان , بس انا ما صدقش الا اللي بتشوفه عيني و شوفوا حوادثها علي الطرق السريعه و الله ما ها تعرفوا وشها من ضهرها . و اللي راكبين الفيات 128 , 125 , 127 و الادا و البيجو 504 نقلهم البقيه في حياتكم انتم لسه عايشين ازاي .
                    ارحمونا من فتاويكم الخايبه .
                    معاك النت مسابش حد , بس قدرة الناس إنها تفهم الكلام ال technical بتفرق حسب الثقافة والعلم والدراسة .....
                    ومعاك برده إن العيب مش في الإنتاج الصيني ..... بمعنى إنك تشتري أي ماركة محترمة منتجة في الصين عادي ,ومتقلقش ....لإن في حاجة اسمها production proccess الشركات العالمية بتلزم بيها أي مصنع خارج أو دخْل البلد الأم .... بمعنى نفس المعايير للجودة اللي بتطبق في أي مصنع ل sony مثلا في اليابان هي هي اللي بتطبق في بلاد الواق واق
                    ......
                    أما الصيني بس فـلأ ..... بيعملوا اللي يبيعوه في سوق معيَّن ....بمعنى في سوق زي مصر ... مفيش معايير جودة ملزمة للشركات ... بيعمل حاجة و للهند بيعمل حاجة تانية ...وهو أصلا مستهدف شريحة سوقية معينة .... وبيلعب بموضوع الكماليات .....
                    الياباني بدأ في الخمسينات يا هندسة .... وهو مستهدف السوق الأوروبي من الأساس ..... وبدأ يعمل ويطور عربيته على الأساس ده ..... ولما جتلك هنا في السبعينات ... كانت واكلة السوق في اوروبا وامريكا .... يعني جتلك عا لية أساسا ..... وفي ........ry عن العربيات الياباني وتاريخها ممكن ابعتهالك لو عايز ....
                    أما الصيني فـبدأ مع نفسه في الصين وبدأوا يصدروا , زي ما الصين بتعمل لكل الدنيا في نفس الوقت ..... إنت اشتريت واوروبا رفضت ..... فـياترى مين اللي صح ؟؟؟؟
                    يا اخي العزيز .... الصين أكبر منتج للعربيات في العالم لإن 80% من الشركات العالمية هناك .... بس مش قصده العربيات الصيني اللي من مركات محلية ...... ودي بالورق انتاجها ميجيش 20% من اجمالي إنتاج الصين من العربيات .... وممكن تستخدم النت وتشوف ....
                    أما اقارن البريليانس بايه ....إنت بتقارن عربية ب 67 ألف بعربية ب 86 ألف ... الظريف إن اللوجان اللي مش عجبك دي واخدة 3 نجوم في ال euroncap الرسمي مش ADAC ودي الماني على فكرة .....
                    وعلى فكرة كل العربيات اللي حضرتك كاتبها دي معدتش ال 75 ألف ...مش 90 ألف .... وعلى فكرة برده رغم انهم عربيات اقتصادية مش معمولة للرفاهية , إنما اللانوس اللي هي عربية تعبانة , أي كلام أحسن من FRV .... رغم فرق الموتور ... وخاماتها اللي أي كلام أحسن من الخامات بتاعت لعب الأطفال اللي في البريليانس ال FRV اللي إنت بتقول إنها أحسن اختراع بعد الكهربة......
                    اقولك حاجة اظرف ال 128 اللي مش عجباك دي أحسن ..... حتقولي اززززززاي ....شفته إنه مش فاهم حاجة ...حقولك عربية بقالها 35 سنة شغالة ....ياترى ال FRV والصيني عموما عاومره حيبقى 10 سنين ؟؟؟؟ اشك إنها 5
                    أما موضوع الكراش تست ... فـمرسيدس c190 موديل 1999 كانت بتجيب 2 لما تم اختبارها يا ترى ....مرسيدس عملت ابحاث وخليت كل عربيتها 5 نجوم ليه ,,,,أكيد ناس فاضية معاها فلوس .... العلم اتقدم يا باشا .... لما الناس كانت بتعمل عربيات , وبتعمل حوادث , واكتشفوا طريقة يقللوا الخساير البشرية شوية .... بفضل علم الله .... نرميه ونقول حسبنا ماوجدنا عليه أباءنا ... ولا نطور نفسنا .... ده اسمه الأخذ بالاسباب يا هندسة
                    [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

                    Comment


                    • #70
                      انا مش فاهم واخدين الموضوع بعصبيه ليه ؟ و ديموقراطيه و غير ديموقراطيه , ليه مش فاهمين انه احنا هنا اغلبيتنا بنركب زبالة العربيات و باسعار غاليه و ده لازم نعترف بيه رضينا ام ابينا سواء كان كوري او صيني او حتي اليباني و اللي مش مصدقني يقرا لقاء رشيد مع رابطة و كلاء استيراد اليباني اللي طالبين فيه مد مهلة القانون الجديد بتاع المواصفات علشان يعدلوا خطوط الانتاج في المصانع اليباني اللي بتصدر لنا و مش عايز اقول هوه رد عليهم و قال ايه...., ثانيا : اللي عايز يقول رايه في عربيه يقول المميزات و العيوب و اكيد كل حاجه ليها مميزات و عيوب مش يشتم و خلاص و يضلل الناس و يكرهم في عربياتهم اللي دافعين فيها فلوس و يقوللي اصل ده رايي الخبرا , يا ما الخبرا ودونا في دهيه , لكن اركب العربيه و قول و الله ياجماعه انا لقيت فيها مميزات كزا و كزا و دي برضه العيوب و فيه ناس كتير محترمه عامله هنا كده و استفدت برايهم و انا باشتري ده لو انت عايز تفيد زملاءك اللي هنا . مش تكتب لي عنوان بتهكم " مش هيه دي الجالينا يا جماعه " و تستفز الناس و بعدين تقوللي ديموقراطيه و خبرا .
                      ثالثا : الكراش تيست اللي بتقولوا عليه لا يصلح تماما لمصر و انا كتبت في الموضوع ده قبل كده و قلت اللي سافروا اوروبا او امريكا هيفهموا كلامي لان الوضع و النظام هناك مختلف تماما عن مصر و ان اغلب الوفيات و الاصابات في الحوادث في مصر مش نتيجة التصادم بقوه من الخلف زي اوروبا لانه عندهم السرعه المسموح بيها في الحاره الشمال علي الطرق السريعه 180 كم و بيسوقوا في خطوط مستقيمه بسرعه واحده و مسافات بين السيارات محسوبه و في طابور غريب الشكل و كثافه عاليه من السيارات و غير مسموح باي خطا لان اي خطا الكل هيلبس في بعضه بقوه زي ما بنشوف في الاخبار طابور طويل لابس في بعضه . فالتالي التيست ده مهم بالنسبه لهم , احنا عندنا في مصر اتخن طرىق 100 كم و انه 40% من الحوادث في مصر علي الطرق السريعه بسبب الاطارات و انفجارها و 20% بسبب قطع الغيار المضروبه و ده مش كلامي دي احصائيات و زارة الصناعه , يعني الكراش تيست الاوروبي ما لوش اي نسبه و انا باقيم السياره في مصر .
                      رابعا : ما فيش حد بيركب العربيات دي في اي دوله محترمه لا الصيني و لا الكوري و لا حتي اليباني , اللي بيركب اليباني في المانيا اللي مش لاقي ياكل و فين لما تشوف عربيه ياباني هناك و اللي سايقاها واحده عجوزه لانها عربيات ناعمه شويه بس ثبات سيء بالنسبه للالماني علي السرعات اللي قلت عليها .
                      يعني من الاخر ما فيش داعي للتنطيط علي بعض
                      اللهم بارك لنا فيما رزقتنا

                      [SIGPIC][/SIGPIC]

                      Comment


                      • #71
                        انا فاهم كويس الكلام اللي انت بتقوله عن quality control process بس ما اعتقدش ان شركه سيئه زي البريليانس شركة bmw تعمل معاها join finisher و تجازف بسمعتها و تاخد عربيتها تحت ضمانها و تتحمل مشاكلها و قرفها . ده معناه ان العربيه علي الاقل فيها الحد الادني من الكواليتي . انا مش بدافع عن الصيني او الكوري او غيره انا كل رايي باصبه انت ايه انسب حاجه ممكن تشتريها علي قد فلوسك و فيها علي الاقل الحد الادني من الكواليتي في ظل الاسعار اللي اني مجبر عليها
                        اللهم بارك لنا فيما رزقتنا

                        [SIGPIC][/SIGPIC]

                        Comment


                        • #72
                          بصراحه ربنا انا بطلت اتناقش في الموضوع بتاع الصيني ده مع الناس اللي كاتبين مشاركات في الموضوع ده هنا
                          لأني لقيت الناس داخله خناقه مش داخله تتناقش او تطرح وجهه نظرها و عايزين يصادروا علي اراء كل الناس و الموضوع اتحول الي كلام ناس صغيرين عمالين يقولوا كلام فاضي ملوش لازمه من نوعيه اللي هشوفوا هقطعوا علي الطريق و النار ولعه جواهم من الصيني و الحاجات دي ( باعم انا راكب اوكتافيا هتغاظ من الصيني ليه)
                          مينفعش نحول الموضوع لحاجه شخصيه و مش معني ان بعيب في العربيات الصيني و حضرتك عندك واحده اني بعيب فيك انت شخصيا لأن مش معني انك راكب صيني انك مبتفهمش و مش معني اني راكب الماني او ياباني ان انا بس اللي بفهم. بس اللي عنده معلومه او خبره اكتر يحاول يفيد ناس تانيه بيها يمكن تكون المعلومه دي وسيله لانقاذ حد من خساره كبيره هو مش قدها
                          و بعدين انا لما اتكلمت في الموضوع فده كان بناء علي تجربه مع اتنين من العيله عندنا زائد اني بحكم شغلي و سفري بره فانا ركبت عربيات تقريبا من 90% من الشركات سواء الماني او ياباني او امريكي او كوري و لأني العربيات دي هوايه عندي من وانا عيل صغير و بقرأ فيها كتير جدا بالاضافه لخبرتي لفتره طويله مع العربيات .علشان كده بركز في كل عربيه بركبها علشان اعرف العيوب و المميزات اللي فيها
                          كل الحكايه اني بنتقد العربيات الصيني اللي بتيجي مصر و اللي التاجر او المستورد بيروح يتفق عليها و يجيبها لأنه مش بيتفق علي استيراد افضل جوده للعربيات لكن بيشوف اكتر ربح هيجيلوا منين و يرجع مصر و ياخدله كشك في ابو رواش و يقول ده مركز صيانه او يتفق مع مركز صيانه تعبان و يقولك ده مركز الخدمه بتاعي و بعد ما يبيع لوط العربيات اللي استورده و يكسب الملايين هيقفل و يقولكوا عيشوا مع نفسكوا و ساعتها هتبقي الخساره كبيره للملاك
                          يعني شوفوا سمعه الاسبيرانزا اد ايه و بقت تاكسيات و الشيري اللي هي اول عربيه صيني في مصر و رغم كده مش عارفين يعدوا من موضوع المواصفات الجديده و طلعت قطع غيارهم مش عارفه تعدي من المواصفات المصريه و حط الف خط تحت المصريه دي. فما بالك بالمواصفات الخليجيه او الاوروبيه او الامريكيه و ما بالك بباقي الأنواع العجيبه اللي في مصر زي الbyd و الشانا و و وو الخ
                          يا جماعه انا و الله مهندس مدني يعني انا مليش اي علاقه بشركات السيارات و لا التسويق و هاخد نسبه لو الصيني اتباع او ماتبعش . انا بقول نصيحه لوجه الله لا اريد منكم جزاء ولا شكورا
                          اللي اشتراها مبروك عليه و ربنا يكفيه شرها و شر الخساره فيها و اللي هيشتري يفكر كويس الأول و يعرف ايه اولوياته و يقرر
                          والسلام عليكم
                          [CENTER][FONT=Garamond][SIZE=2]اللهم لا اله الا انت سبحانك ... اني كنت من الظالمين
                          اللهم مالك الملك تؤتي الملك من تشاء و تنزع الملك ممن تشاء و تعز من تشاء و تذل من تشاء . بيدك الخير انك علي كل شئ قدير[/SIZE][/FONT]
                          [/CENTER]

                          Comment


                          • #73
                            المشاركة الأصلية كتبت بواسطة yasser100 مشاهدة المشاركة
                            انا فاهم كويس الكلام اللي انت بتقوله عن quality control process بس ما اعتقدش ان شركه سيئه زي البريليانس شركة bmw تعمل معاها join finisher و تجازف بسمعتها و تاخد عربيتها تحت ضمانها و تتحمل مشاكلها و قرفها . ده معناه ان العربيه علي الاقل فيها الحد الادني من الكواليتي . انا مش بدافع عن الصيني او الكوري او غيره انا كل رايي باصبه انت ايه انسب حاجه ممكن تشتريها علي قد فلوسك و فيها علي الاقل الحد الادني من الكواليتي في ظل الاسعار اللي اني مجبر عليها
                            انا اعتقد ان وكيل ال bmw في مصر (البافاريه) هو اللي واخد توكيل البريليانس مش الشركه الأم هي اللي عامله شراكه مع البريليانس و دي تفرق كتير
                            و بعدين احنا كلنا نتمني اننا نركب عربيات كويسه و فيها كماليات كتير و بسعر معقول بس لازم الجوده كمان تكون معقوله و فلوسي متترميش في الأرض و الاقي قطع غيار جودتها عاليه و لما ابيع العربيه اخسر بس النسبه المعقوله في الخساره مش اخسر نص فلوسي اول ما اطلع من المعرض
                            لو الحاجات دي موجوده في الصيني صدقني مش هتلاقي حد مش راكبها و اولهم انا
                            [CENTER][FONT=Garamond][SIZE=2]اللهم لا اله الا انت سبحانك ... اني كنت من الظالمين
                            اللهم مالك الملك تؤتي الملك من تشاء و تنزع الملك ممن تشاء و تعز من تشاء و تذل من تشاء . بيدك الخير انك علي كل شئ قدير[/SIZE][/FONT]
                            [/CENTER]

                            Comment


                            • #74
                              انا معاك في كلامك و انا نفسي احتكيت خارج مصر كتير . بس يا جماعه خدوا في الاعتبار فرق المستوي و فرق الدخل . الناس هنا معاها قرشين علي ادهم و التجار و الوكلاء بيلعبوا بيهم و ما فيش اللي يحاسب . برضه الناس عايزه تركب عربيات فيها اوبشن كويسه و علي اد فلوسهم و همه عارفين كويس انها مش هاي كواليتي . بس بيحسبوها بطرقه تانيه . يقولك انا مشاويري اد ايه و لا اقصي استخدام للعربيه مره سفر مصيف في السنه او هنزل اهيص شويه مع اصحابي باليل , يعني انا شاري العربيه دي لمراتي كل اللي بتعمله في اليوم 20 كم ايا كانت العيوب اللي في عربيه مش هتظهر بقسوه مش زي اللي بيشغلها تاكسي مثلا و في نفس الوقت معاها اوبشن جميله , يعني مش محتاج اشتريلها bmw . خلاصة الكلام انت راجل profissional ما ينفعش اكسر بخاطر الناس اللي اشتروها و اقول انها كلها عيوب . ما فيش حاجه اسمها كلها عيوب في الدنيا كلها , لكن ممكن اقول يا جماعه العربيه كويسه و فيها مميزات للاستخدام المتوسط اما الهرد وورك له حاجات تانيه و هيه فعلا العربيه معقوله جدا
                              اللهم بارك لنا فيما رزقتنا

                              [SIGPIC][/SIGPIC]

                              Comment


                              • #75
                                مشكووووووووووووووووووووووووووووووو ر على التوضيح
                                انهوا النقاش في الموضوع ده بقى
                                [CENTER][mtmoeg]http://www.nilemotors.net/Nile/signaturepics/sigpic73834_1.gif[/mtmoeg][B][FONT=Arial Black][SIZE=6][COLOR=Blue]

                                أفضل سيارة في فئتها[/COLOR][/SIZE][/FONT][/B]


                                [/CENTER]

                                Comment

                                Working...
                                X