ال fsv ومشكلة إختيار اللون الأمثل

[zemanovaxxx]

مبروووووووووووووووك علي العربية و اللون الجميل بتعها ... و يارب يكون المنندي يكون ساعدك علي اختيار العربية دي و يارب بارك فيها
المهم متنساش بقا اي ملاحظات عاوز تقولها قول و احنا معاك ..... و ياريت يا جماعة عاوزين مرة نعمل يوم اسمة في حب البريليانس .. ننزل يوم و نتقابل كلنا بس لما الكل يجيب و نشوف و نعرف البريليانساوية علي بعض و نشوف احتياجتنا و اهو في الاخر اي حاجة بتحصل بنسأل بعض الاول قبل التوكيل ...... و اهو كلنا عددنا معقول مش كتير اوي اوي نخالينا نكسل

إنت أكيد بتهزر

أنا لولا المنتدي والأعضاء المحترمين اللي فيه وبالذات قسم البريليانس, وطبعا توفيق ربنا قبل كل ده مكنتش أفكر أشتريها
طبعا عقدة المنتج الصيني تحكمت فيا لبعض الوقت, وكتير من الناس حاربوا الفكرة لمجرد معرفة إن البريليانس Made in PRC ولو إني كنت قولتلهم ده صناعة كوري أو حتي أي حاجة تانية كانوا نزلوا إشتروها تاني يوم, لإن بصراحة العربية مش فارقة خاااااااااالص (دي وجهة نظري الشخصية) عن موديلات تانية كوري أو ماليزي بدون داعي للهجوم علي ماركة بعينها.

أنا رأيي ليه تركب حاجة متجمعة في مصر لما ممكن نركب حاجة مستوردة بالكامل من الصين, ليه لأه هاه؟ لييييييه؟

[bassem.kamal]

بس خلاص انت جبت من الاخر ... ههههه ... و كنت عاوز اوضح حاجة ان وزن العربية عالواقف او حتي سرعة بطيئة 1699 كيلو !!! .. مكتوب عندي في الشاسيه كدة ... وزن المركية .. معرفش لية مكتوب بقا في حتت تانية 1260 و هو مكتوب أصلا 1699 ... ف اكيد المكتوب عليها هو الصح و طبعا كدة ميا ميا اوي اوي .... و المهم المهم انا كان ليا سؤال علي السريع كدة ... لية لما برفع صورة شخصية ليا مش بينفع و صغرتها و كل حاجة و بردو مش راضيه ... المساعدة بقي .... و كمان عاوزكو تشوفو في الصور و الالبومات اللي عندي في الملف الشخصي و تشوفو صورة ال fsv و هي بالشبكة frv و عملتها كدة بالفوتوشوب و شوفو كدة احلي ولا أصلها

[zemanovaxxx]

موضوع الصور أنا مش شاطر فيه أوي, بس هاحاول أعرفلك
موضوع وزن العربية ده أنا مندهش من الكلام اللي بتقوله, لأني شوفتها في البروشور 1260
هتأكد واقولك برضه

[zemanovaxxx]

موضوع الصور أنا مش شاطر فيه أوي, بس هاحاول أعرفلك
موضوع وزن العربية ده أنا مندهش من الكلام اللي بتقوله, لأني شوفتها في البروشور 1260
هتأكد واقولك برضه

[bassem.kamal]

لأ يا حبي .. بص علي البيانات اللي في حوض العربية من قدام و هتلاقي الموديل و رقم الشاسية و وزن العربية 1699 يعني 1700 يعني حاجة أمان أمان المفروض ... و لو طلع الكلام صح هتبقي مفاجأه طبعاً ... و البروشور اكيد مش اصح من المكتوب في العربية من جوا .. ولا ايه .. البروشور دة اكيد في حاجات صح ... بس مش هيعدل علي المكتوب و المحفور جوا العربية اللي جاية كدة من برا

[tornado83]

يا جماعة أنا خلاص اشتريت ال fsv امبارح (اللون الفيراني) زي م رشحتولي
الحمد لله إن ربنا هداني لشراء العربية دي
متشكر ليكو جدا جدا علي أرائكم ومساهماتكم اللي ساعدتني كتير
ياريت الموضوع يفضل مفتوح والناس برضه تفضل تقول أراءها

الف مبروك يا باشا وادعيلى بعدك عشان انا دايخ على الاوتوماتيك ولسه مفبش اى اخبار عنها
ربنا يديك خيرها ويكفيك شرها

[khaled_Saga]

ألف مبروووووووووك يا زيما ربنا يديلك خيرها ويكفيك شرها

ولو انى زعلت منك لما عرفت الخبر من المنتدى مش كان المفروض بردو تدينى تليفون تعرفنى؟؟؟ ده يا عم احنا اصدقاء كفاح فى الكام يوم اللى فاتوا :(

ألف مليون مبروك وربنا يحفظهالك يارب من العين

[tiger451]

انا بعشق الاسود

[zemanovaxxx]

ألف مبروووووووووك يا زيما ربنا يديلك خيرها ويكفيك شرها

ولو انى زعلت منك لما عرفت الخبر من المنتدى مش كان المفروض بردو تدينى تليفون تعرفنى؟؟؟ ده يا عم احنا اصدقاء كفاح فى الكام يوم اللى فاتوا :(

ألف مليون مبروك وربنا يحفظهالك يارب من العين

خالد الله يبارك فيك وعقبالك, هي العربية فعلا جميلة
وبالنسبة للخبر فمعلش سامحني لأن فعلا موبايلي اللي كنت مسجل عليه نمرتك مع المدام بقالوا يومين, إستغلال بأه بعيد عنك
هاكلمك في أول فرصة, وشكرا لمجاملتك.

الف مبروك يا باشا وادعيلى بعدك عشان انا دايخ على الاوتوماتيك ولسه مفبش اى اخبار عنها
ربنا يديك خيرها ويكفيك شرها

يااااااااااااااااارب تلاقي الأوتوماتيك, ولو إني برضه مسمعتش أي خبر عنها في أي مكان روحته
الله يبارك فيك وعقبال كل الناس لما تغير للأحسن

[khaled_Saga]

ههههههههههه ما انا عرفت يا باشا لما اتصلت واتحرجت اوى بصراحة

ياريت تقولى جبتها ومنين وبكام وكده ماتحكى يا عم هو الكلام بفلوس؟

[zemanovaxxx]

ههههههههههه ما انا عرفت يا باشا لما اتصلت واتحرجت اوى بصراحة

ياريت تقولى جبتها ومنين وبكام وكده ماتحكى يا عم هو الكلام بفلوس؟

خالد يا شقيق سامحني للمرة التانية لإني فعلا مش بالاقي وقت أقعد ع النت خاااااااااااالص
أنا هاعمل موضوع منفصل إن شاء الله فيه كل تفاصيل البيع والشرا وكمان إنطباعاتي الأولي عن العربية اللي لحد دلوقتي لا تقل عن الإنبهار بيها كأداء وكشكل وكماليات.
بس مبدأيا لحد ماعمل الموضوع أنا اشتريت طبعا زي م انت عارف أول فئة ف ال fsv اللي هي 1.5 gl و ملقتش الكاملة مانيوال اللي هي 1.5 gls خااااااالص.
المكان اللي اشتريت منه هو أحمد موتورز أخر شارع الهرم وهو موزع رئيسي لبريليانس وقريب جدا من البيت عندي لحسن الحظ, وكان المفرض السعر 75000 نهاااااااائي.
بس أنا طبعا قعدت فاصلت معاه لما الراجل فعلا فعلا قرف مني, ولما قولتله في الأخر هاروح أجيبها من الأحمدي موتورز بـ 74000 اللون الأسود منها, قام قاللي خلاص هاديهالك بـ 74000
في الأااااااااااااااخر خالص توصلنا لـ 73500

أنا علقت 1000 جنيه لحد م الورق ييجي (الإفراج الجمركي وعقد البيع) وأخدت من المعرض بس حاجه إسمها إقرار تسليم سيارة مكتوب فيه التاريخ والساعة

[khaled_Saga]

ألف مبرووووووووك يا محمد باشا ربنا يباركلك فيها امين يارب ومستنيين التقرير المفصل

شكلى كده هاخدك معايا وانا بشترى تفاصلى فى كام الف جنيه كده شكلك عقر فى الفصال هههههههههههه

فكرتنى بيوم من ايام الشقاوة كنا فى اسكندرية ومعانا واحد صاحبنا فقر وفظيع فى الفصال كان بيشترى نضارة من خالد ابن الوليد من بياعين الرصيف المهم الراجل بدأ ب 35 جنيه وفضل صاحبنا ينزل ينزل ينزل لحد مالراجل قفش على 10 جنيه ومش عاوز ينزل مليم وصاحبنا قفشت معاه على 8 حنيه ومش راضى يزود لدرجة انه قال للبياع يا عم والله مامعانا الا هم ال 8 جنيه ووقف واحد ماشى قاللو معكش 2 جنيه اكمل اجيب النضارة -- المهم البياع قرف وقاللو خلاص ياعم هات ال 8 جنيه وارحمنى قرفتنى
واحنا ماشيين بقى قالنا يا كباتن انتوا منين قولنا من بنها قال يعنى بتيجوا تصيفوا كل سنة قولنا اه قال بتيجوا امتى قولنا فى شهر يوليو كل سنة قال والمصحف لا ابيع لب فى شهر 7 من هنا ورايح ههههههههههههههههههههههه

[zemanovaxxx]

اللون الوحيد المكتسح نتائج الإستطلاع حتي الأن هو هو اللون اللي انا اشتريته , كويس والله

[akramesg]

اللون الوحيد المكتسح نتائج الإستطلاع حتي الأن هو هو اللون اللي انا اشتريته , كويس والله

صورى بتلعب دور برضة ابقى صور وفرحنا معاك

[zemanovaxxx]

ابقى صور وفرحنا معاك

أنا بجهز للتقرير يا باشا, وان شاء الله قريب بس مستني أجمع أكبر قدر من المعلومات والإنطباعات عن العربية عشان الحيادية
أنا بس ليا طلب عندك
بطل لعب في مناخيرك