بريليانس جالينا وسقوط سعرها إلى هذا الحد لماذا ؟

[tamlove]

السلام عليكم ورحمة الله وبركاته
أود أن أشترى بريليانس جالينا مستعمل ولكنى أتسأل وأريد أن أعرض عليكم وجهة نظرى فى ترددى تجاه هذه السيارة
- سعرها عندما نزل فى السوق كان يقترب من 150 ألف
- سعرها فى المستعمل من 60 إلى 70 ألف لموديلات 2006 و 2007 و2008 أى سعرها نزل النصف ؟؟!!!!!!!!!!!!!!!!.
- نزول سعرها فى المستعمل بهذه الطريقة هل يدل على ضعف السيارة على المدى القريب والبعيد
- وكل زملائى فى العمل ينصحونى إبعد عن الصينى لآنى أريد سيارة معمرة على المدى البعيد
أرجو من سيادتكم توجيه النصحية لى عن ترددى تجاه ما سبق
والسلام عليكم ورحمة الله وبركاته ؟

[akmm]

؟؟؟؟؟؟؟؟؟؟؟؟؟؟؟؟؟؟؟؟؟ اى سياره سعرها بينزل وحتى بعد تركيب النمر ولو لسه عامله 600 كم ولكن العقده من السيارات الصينى بتخلى السعر ينزل كتير عن الطبيعى ... زى الكورى زماااااان يقولك كورى ... ياراجل ؟؟

[momadine]

العربية جديدة دلوقتى ب 100 ألف بالظبط

[tamlove]

يا اخوانى انا قصدى بتنزل زيادة عن اللزوم قوى لدرجة أقل من النصف ؟!!!!
فهمين قصدى ؟ حراااام

[MohammedAladel]

زى ما حصل مع اسبرانزا a620 بل أنا أفضل البريليانس

فعلا كلمة صينى ليها تأثير كبير ودا من حقنا أنا مش مقتنع بحاجة أسمها أبداع وابتكار صينى هو ما إلا وغير تقليد وسرقة فى كل صناعتهم

طبعا فيه شركات عالمية بتصنع فى الصين ولكن دا ميخليناش نقول إن دى الصناعة الصينية

لكن أنابتكلم عن الصناعة الصينية الأصل والفكر هى صناعة سيئة جدا جدا

[amz2011]

ابعد عن الصينى و غنيله

[S O P H O S]

+111111
فعلا ..

[hammoda]

بص ياغالى العربية دي كانت ب150 لما كانت بتنزل تقفيل برة تبع بورش بخامات عالية الجودة ودة تحسه في موديلات 2006و2007 فخامة وثبات ينافس الالمانى واليابانى ولان توكيلها الغبي جمعها بعد كدة هنا بخامات اقل واسوا اللي هيا مديلات 2008 و2009 الي 2012 الحالى العربية عزف عنها المشتري فوقع السعر الى100000 والدليل هتلاقي سعر ال2006وال2007 مستعمل دلوقتى اعلى من سعر ال2009وال2010 تحياتى

[dr.hazem]

الفكره ان العربية صيني...
وده بيعمل عقده....
بس عايز انوه لحاجه...
الصينيين بتعملك حل لمشكلتك الحاليه لكن هما مش مبدعين في السلع المعمره....
وبالتالي العربيات الصيني معموله لواحد بيشتري العربية وعامل حسابه انه كمان 5 سنين يغيرها بغض النظر عن حالتها....
اما اللي عايز حاجة معمره بمعنى كلمة معمره وبيفكر يقعد العربية اكتر من 7 سنين فلا أعتقد ان الصيني حاليا هو الخيار الامثل....
مع العلم اني راكب عربية صينية ومقتنع تماما بيها عشان تكون في الصورة..
تحياتي

Sent from my SE Arc S using Forum Runner

[tamlove]

ملخص الكلام أنا قدامى عربية بريليانس 2009 بسعر 70 ألف وعاملة 100 ألف كيلو وحالته جيدة أشترها وأتوكل على الله ولا لا ؟

[el_lod_81]

لا أنصحك بشرائها فثمنها المنطقى لا يزيد عن 60 ألف جنيه

[mohsal]

ملخص الكلام أنا قدامى عربية بريليانس 2009 بسعر 70 ألف وعاملة 100 ألف كيلو وحالته جيدة أشترها وأتوكل على الله ولا لا ؟

كتير جدا عليها السعر ده موديل 2009 وعامله 100 الف كمان اما تحسبها 100 الف على 3 سنين من 2009 تلاقى ان صاحبها مشى بيها 30 الف فى السنه يعنى كل شهر بيعمل بيها 2500 كيلو يعنى اخد خيرها خلالالالالالالاص
انصحك لو غاوى جالينا خليك فى موديلات 2006 او 2007 حتلاقى حالات نظيفه جدا وعداد قليل ب 70 الف كتير جدا ادخل وتابع كونتاكت كارز وحتلاقى حالات كويسه
لان من بعد 2007 السياره بقت صينى بالكامل وتقفيل مصرى
انصحك كمان ان اختيارك للعربيه يعتمد على نوع الشوارع اللى العربيه بتمشى فيها لان الجالينا عربيه كبيره وطويله صعب المشى بيها فى الشوارع المكسره و فى الزحمه وصعب تلاقيلها ركنه - الجالينا ممتازه للطرق الطويله والسفر والافضل تركنها فى جراج

[احمد نور الدين]

الصيني الصيني ابعد عن الصيني الصيني وحش الصيني بيعض مع احترامي الكامل لهذا الراي ولكن العربيه تتقدر بحالتها ومشيها وخبرة الناس اللي ركبتها

الجالينا 2008 اللي هيه صيني مصري النهارده عمرها داخل علي 5 سنين ومسمعناش حد قال عليها عيب قاتل او انها خربت مثلا مع الاخذ في الاعتبار ان اعظم السيارات الغير صينيه تظهر بها عيوب قاتله زي فتيس التويوتا جنوب افريقيا وفتيس الجيتا dsg صحيح طبعا ان دي شركات محترمه وبتسحب العربيات المعيبة لتغييرها وتصليح العيب لكن تظل هناك عيوب قاتله

الصيني زي ما قال دكتور حازم مافيش ابداع احيانا لكن هيه عربيات عمليه وسعرها مناسب

نييجي للجالينا موتور وفتيس ميتسوبيشي جالانت محدش اشتكي منهم

عفشه رائعه علي فكرة انا اخدت مطب اول امبارح ربنا مايوريكم علي 120 والعربيه كانت محمله ونزلت قلت العوض علي الله في العفشه وهلاقي الزيت علي الارض

والحمد لله بجد العربيه اثبتت انها جامدة وكله تمام طبعا حكت من تحت سنة لكن حتي الشكمان سليم

كلامي مش معناه انها عربيه وهمية لكن باختصار هي عربيه كبيرة وثابته علي الارض وسعرها مناسب
وفي جميع الاحوال انا مابحبش المستعمل

تقبل خالص تحياتي وتمنياتي باختيار موفق حتي لو ماجبتش الجالينا بس استسمحك القي نظرة علي تقرير شامل للبريليانس جالينا هاتلاقيه في القسم

[wkhater]

شكلك غاوى صينى

نا شايف انك مصمم على شراء سيارة صينى
انا رأى اشترى سيارة صينى جديدة وشيك ومثل الجالينا وهى h350 العربية موديل جديد ماتورة كويس و1600 سى سى والمبلغ اللى تشترى به المستعمل خليه مقدمة والباقى على 3 سنوات والله الموفق

[yyy]

ملخص الكلام أنا قدامى عربية بريليانس 2009 بسعر 70 ألف وعاملة 100 ألف كيلو وحالته جيدة أشترها وأتوكل على الله ولا لا ؟

خش علي اليوتيوب شوف ال crash test
بتاعها وانت هتقرر بنفسك تشتريها ولا لأ