سياره فاشله وتوكيل فاشل fsv 2013

[zekoass33]

انا لسه شارى سياره fsv 2013
سياره فاشله وتوكيل فاشل بيتلكك على اى حاجه انا حساس الشكمان عطل لسه مكماتش عشره الاف كيلو وده يخليك تعرف ان ان مكونات السياره رديئه رحت اشتريه من بره لقيتو 500 جنيه والمفاجاه انى لقيت ان العربيه فيها 2 حساس شكمان يعنى الف جنيه ياباشا
انا الاكصدام اتخبط خبطه خفيفه 2 اريباك فتحو رحت التوكيل المهندس قالى هو مظبوط على سرعه 30 كيلو وخرج السياره من الضمان وده عيب في العربيه لان حساس الاريباك راكب مظبوط على اخف خبطه علشان ننفع التوكيل الفاشل وشركه سرقه فلوس الناس انا ندمت انى اشتريت العربيه دى اشد الندم واكسسوارها غالى نار ومش متوفر لافيها انذار ولا وحده رفع زجاج وكلاكس واطى
العربية عالية من ورا والنقطة العمياء فيها كبيرة ... ده بيعرضك للخدش أثناء الركنة الكتاوج الخاص بالسياره انجليزى ومش فاهم منو اى جاجه وده مخالف للقانون حمايه المستهلك ,وانا هعمل فيهم شكوى لجهاز حمايه المستهلك وهمل محضر في قسم الشرطه وهرفع عليهم قضيه ومهما يحصل مش هسيبهم

[M I D O]

لا حول ولا قوة الا بالله .. معلش يا باشا احمد ربنا علي كل شئ ومتسبش حقك ابدا وخليك وراهم مادام هما خالفو حاجة من القوانين بتاعة حماية المستهلك يبقي انت كدة الكورة في ملعبك وتقدر تبهدلهم لانهم مخالفين للقانون وربنا يعوضك خير ان شاء الله

[BESO516]

لا حول الله يارب

واللى يستفزك وينقطك اكتر انها من البفاريه

[hossam_elwani]

هيا دى العربيات الصينى مش حتجيبه من بره

على العموم قدر الله وما شاء فعل محدش بيتعلم ببلاش

[el diesel]

قدر الله وماشاء فعل و هو نصيب فى الاول و الاخر واتعامل معاهم قانونى
واتعامل مع العربية علشان ما تزهقش منها

[monamize4]

سابع مشاركة ليك و داخل تشتم ف العربية و التوكيل , لأ و بريليانس كمان اللى هى من اقوى العربيات الصينى ف مصر ,,,,,,, الصراحة مش بالع الموضوع

[M I D O]

هيا دى العربيات الصينى مش حتجيبه من بره

على العموم قدر الله وما شاء فعل محدش بيتعلم ببلاش

معا احترامي لحضرتك مفيش حاجة اسمها هية دي العربيات الصيني .. الصين دلوقتي بتغزو العالم ومنتجاتها ليها كفائة عالية بس المستوردين الي في مصر هما الي بيجيبو اردء الانواع و بالنسبة للعربيات الصيني هية هية نفس بداية الكوري وكلها كام سنة وهتلاقي الصيني ضرب وبقي اسعار عالية زي الكوري حاليا ولو في مصر شركة محترمة تحترم العميل الي بيعمل المستحيل عشان يشتري عربية وفي الي بيداين وفي الي بيقسط وتجيب حجات بكفائة اعلي و كمان مراكز خدمة محترمة مش لما حاجة تخرب يقلولك منعرفكش و الضمان بلة واشرب ميتة لو تواجد شركات محترمة ومراكز خدمة محترمة وقطع غيار معمرة هتلاقي العربيات الصيني دي بتنافس الكوري

[Mostafa Hessen]

لا تعليق
ياريت صاحب الموضوع يكتب حقائق عن المشكلة بالظبط
لأنى من ملاك العربيه واعتقد ملاك العربية كتير وعارفين ان الإيرباج مبيفتحش بسهوله على 30كم\س
ولو فى مشكله فى الحساس تقدر تغيره فى التوكيل
ياريت حضرتك تكتب بالظبط حضرتك قابلت مين فى التوكيل واى فرع والعربيه ماشيه قديه ؟؟؟
وشكرا

[احمد نور الدين]

السيد العضو الفاضل صاحب المشكلة رجاء ارسال رقم الشاسيه علي الخاص وسيتم التواصل مع التوكيل ومحاولة الوصول لحل واقعي ومنطقي

كما يرجي ارسال التفاصيل بوضوح اكثر وبيان الحادث بالضبط

[zekoass33]

لا تعليق
ياريت صاحب الموضوع يكتب حقائق عن المشكلة بالظبط
لأنى من ملاك العربيه واعتقد ملاك العربية كتير وعارفين ان الإيرباج مبيفتحش بسهوله على 30كم\س
ولو فى مشكله فى الحساس تقدر تغيره فى التوكيل
ياريت حضرتك تكتب بالظبط حضرتك قابلت مين فى التوكيل واى فرع والعربيه ماشيه قديه ؟؟؟
وشكرا

ياستاذ عيب لما تكدبنى
انا ياسيدى رحت مركذ صيانه القطاميه وكانت العربيه ساعتها 3500 كليو والان دلوقتى عامله 9600 كليو متر
اما المهندس ال قابلتو هناك المهندس كريم
قولى انى مبقولش الحقبقه
وشكرا على زوقك

[Mostafa Hessen]

سيدى الفاضل
اعتقد انى لم اقل انك كاذب ابدا
ولكنى وضحت ان الإيرباج مش بيفتح على 30كم/س والسبب ان حساسات الإيرباج اللى هيا فى الأمام محمية خلف الإكصدام تحت القنطرة الحديد يعنى ببساطه لو اخدت خبطة من الأمام لازم تتعدى الصدر وتأثر فى القنطرة الحديد وتطبقها علشان فعلا توصل لحساس الإيرباج
ده شئ الشئ التانى هو انى كله اللى طلبته وده سبب مقولة لا تعليق انى مش شايف غير كلام مرسل وبس يعنى كلام سيارة فاشله وتوكيل فاشل واللى يخليك تكتب ده كان ممكن انت تحكى الموقف بتفاصيله واتعاملت مع مين ورد الفعل وتدى بيانات عن عربيتك بشكل واضح وتسيب القارئ يوضح رؤيته لكلامك اما التهكم فى الكلام والقاء التهم ده شئ اعتقد كلنا منرضهوش ويكفيك ان فى ناس كتير فى المنتدى معاهم عربيتك وماشيين بيها 160000كم و180000 كم واكتر ومحدش عنده مشاكل والعربية فعلا قليلة المشاكل .
على كل حال تمنياتى لك بالتوفيق
وتقبل تحياتى

[احمد نور الدين]

ممكن نلتمس الاعذار لبعضنا يعني صاحب المشكلة خسر الايرباج وخسر التابلوه والفابريقة بتاعة عربيته ولسه ماكملش 10000كم اكيد نفسيته سيئة واي حد مكانه هايكون مخنوق ربنا يكون في عونه وبعدين الاستاذ مصطفي من اكتر الناس اللي بتساعد الاعضاء في القسم ده يمكن بيساعدهم اكتر مني بامانة واكيد عايز يستفسر عن التفاصيل علشان يحاول يساعد صاحب المشكلة فياريت يا شباب نقدر ظروف بعض والموضوع مش تكذيب او غيره احنا هنا اسرة واحدة ولو حد مننا حصلتله مشكله اكيد الكل عايز يقف جنبه ربنا يكفينا جميعا شر الطريق وتقبلوا تحياتي

[wkhater]

السلام عليكم انا من ملاك العربية نعم العربية فيها بعض المشاكل بس اللى حضرتك بتقولوا مش منطقى لماذا
اولا ما فيش شكمان بيبوظ بالشكل ده وبعدين ممكن يتلحم وكمان ممكن تشيل الحساس اللى راكب وتضعة فى الشكمان الجديد
تانى حاجة مافيش حاجة اسمها اير باج يضرب على سرعة 30 هو بيضرب حسب قوة التصادم

[bahaa sadek]

توكل علي الله

[zemanovaxxx]

هو انا هارد ع الموضوع بكلمتين ومن وجهة نظري الشخصية:
1 العربية ممتازة (بقالها معايا 3 سنين ولو فكرت ابيعها يبقي عشان حاجة مش أقل من الألماني).
2 التوكيل ناس زوق جدا وأسعارهم مناسبة ع الأقل ليا + قطع الغيار مش شايف إنها تفرق عن أي عربية تانية ف نفس الفئة السعرية.