سياره فاشله وتوكيل فاشل fsv 2013

[zekoass33]

سيدى الفاضل
اعتقد انى لم اقل انك كاذب ابدا
ولكنى وضحت ان الإيرباج مش بيفتح على 30كم/س والسبب ان حساسات الإيرباج اللى هيا فى الأمام محمية خلف الإكصدام تحت القنطرة الحديد يعنى ببساطه لو اخدت خبطة من الأمام لازم تتعدى الصدر وتأثر فى القنطرة الحديد وتطبقها علشان فعلا توصل لحساس الإيرباج
ده شئ الشئ التانى هو انى كله اللى طلبته وده سبب مقولة لا تعليق انى مش شايف غير كلام مرسل وبس يعنى كلام سيارة فاشله وتوكيل فاشل واللى يخليك تكتب ده كان ممكن انت تحكى الموقف بتفاصيله واتعاملت مع مين ورد الفعل وتدى بيانات عن عربيتك بشكل واضح وتسيب القارئ يوضح رؤيته لكلامك اما التهكم فى الكلام والقاء التهم ده شئ اعتقد كلنا منرضهوش ويكفيك ان فى ناس كتير فى المنتدى معاهم عربيتك وماشيين بيها 160000كم و180000 كم واكتر ومحدش عنده مشاكل والعربية فعلا قليلة المشاكل .
على كل حال تمنياتى لك بالتوفيق
وتقبل تحياتى

ياسيدى الفاضل انا ماقولت فتح على سرعه 30 انما لما رحت التوكيل المهندس هو ال قال العربيه مظبوطه على سرعه 30 كليو وخلى بالك ان العربيه موديل 2013 ممكن تكون انتا بتكلم على موديل قديم وايه رايك لما حساس شكمان يبوظ بعد 6000 كليو برده من الحادثه وبليتين عجل خلفى فيهم خشونه وده كلام التوكيل ومعايا مستند بكده برده من الحادثه تحب اصورك الورقه بتاعه التوكيل
عاوز رايك بصراحه
والله انا لازعلان على العربيه ولا من اى احد بالمنتدى
وشكرا ليكم جميعا

[zekoass33]

السلام عليكم انا من ملاك العربية نعم العربية فيها بعض المشاكل بس اللى حضرتك بتقولوا مش منطقى لماذا
اولا ما فيش شكمان بيبوظ بالشكل ده وبعدين ممكن يتلحم وكمان ممكن تشيل الحساس اللى راكب وتضعة فى الشكمان الجديد
تانى حاجة مافيش حاجة اسمها اير باج يضرب على سرعة 30 هو بيضرب حسب قوة التصادم

ياستاذ انا ماقولت الشكمان باظ انما بقول حساس الشكمان والعربيه فيها 2 حساس للشكمان انا حضرتك مقرئتش المشاركه كويس لكن طبعا مش في المده دى يبوظ شكمان
وشكرا لحضرتك

[ahmed1981]

لم توضح ما المشكلة في الموضوع

هل المشكلة أن قطع الغيار غالية ؟؟

ما فهمته منك أن العربية حصلها حادثة والحساس باظ بسبب الحادثة
وبالتالي مش هيتغير في الضمان

فأين المشكلة ؟؟
-
-

[Mostafa Hessen]

ياسيدى الفاضل انا ماقولت فتح على سرعه 30 انما لما رحت التوكيل المهندس هو ال قال العربيه مظبوطه على سرعه 30 كليو وخلى بالك ان العربيه موديل 2013 ممكن تكون انتا بتكلم على موديل قديم وايه رايك لما حساس شكمان يبوظ بعد 6000 كليو برده من الحادثه وبليتين عجل خلفى فيهم خشونه وده كلام التوكيل ومعايا مستند بكده برده من الحادثه تحب اصورك الورقه بتاعه التوكيل
عاوز رايك بصراحه
والله انا لازعلان على العربيه ولا من اى احد بالمنتدى
وشكرا ليكم جميعا

يا أخى
انا كل اللى كنت عاوز افهمه تفاصيل وليس تشكيك ولا طالب مستند علشان تثبت كلامك
بس مش لازم نتكلم ونوصف العربيه انها فاشله بشكل عام وانت تقدر تتصفح القسم وتشوف مشاكل الناس مع العربيه وانت حتقدر تاخد تصور وانطباع بشكل عام
خلينا فى مشكلتك وزى مقلتلك انا مش بشكك فى كلامك ...
بس خلينا نكون منطقيين السيد المهندس اللى قال ان الحساس مظبوط على 30 كم/س المفروض يدينا دليل على الكلام ده لانه ببساطه لو واحد راكب عجله حيمشى اكتر من 30 كم/س وانا شخصيا اتخبطت مرتين من قدام مره فى ملف والتانيه واحد بيرجع بدهره والمرتين الحمد لله والفضل لله سليمه اللى عاوز اقوله ان كلام السيد المهندس من غير دليل يبقى كلام مش مظبوط بجانب انه كمان مش منطقى لأنه كده اى حد حيخبط من قدام الحساس حيضرب !!
بجانب انى كمان فكيت الإكصدام بالرفرين بالصدر بالفوانيس كل ده على ايدى انا وبأكدلك ان الحساسين تحت القنطرة الحديد يعنى مش اى خبطة تضربهم لازم تطبق القنطره وبردك علشان متقولش انى بكذبك عربيتى موديل 2009 .
اما بخصوص حساس الشكمان فأنا فعلا مش فاهم انت كاتب من الحادثه ولا تقصد مش من الحادثة لو فى الحادثه ده قضاء الله وقدره اما لو من غير سبب عربيتك فى الضمان فين المشكله.
بليتين العجل الخلفى فيهم خشونه ده شئ وارد غريب بس وارد وبردك عربيتك فى الضمان تقدر تغير فى الضمان وضمانك 60000 كم .
وده يوصلنا لنقطة بردك مهمه هو التوكيل رفض يغيرلك الحساسات والبلى فى الضمان ولا ايه المشكله بالظبط .
واخيرا موفق وحقك تأكد مش حيضيع طالما انت صاحب حق وكلنا معاك فى اى مساعده ..
وتقبل تحياتى.

[Mostafa Hessen]

ممكن نلتمس الاعذار لبعضنا يعني صاحب المشكلة خسر الايرباج وخسر التابلوه والفابريقة بتاعة عربيته ولسه ماكملش 10000كم اكيد نفسيته سيئة واي حد مكانه هايكون مخنوق ربنا يكون في عونه وبعدين الاستاذ مصطفي من اكتر الناس اللي بتساعد الاعضاء في القسم ده يمكن بيساعدهم اكتر مني بامانة واكيد عايز يستفسر عن التفاصيل علشان يحاول يساعد صاحب المشكلة فياريت يا شباب نقدر ظروف بعض والموضوع مش تكذيب او غيره احنا هنا اسرة واحدة ولو حد مننا حصلتله مشكله اكيد الكل عايز يقف جنبه ربنا يكفينا جميعا شر الطريق وتقبلوا تحياتي

الأخ الكريم الأستاذ أحمد
تحية طيبة وتقبل ارق امنياتى لك للمجهود اللى بتقوم بيه فى القسم وتواصلك الدائم مع التوكيل بخصوص الأعضاء.
وأكيد رسالتك وصلت لينا جميعا وكلنا مقدرين حالة من يعانى من سيارته ولا شك ان هذا من الأمور المؤرقه جدا..
وانا وكما اشرت فى مداخلتك ما طلبت غير التوضيح الموضوع للأمر وفقط لكى يتسنى لمن يريد المساعده ان يفهم ما حدث فالأمر كان مجرد هجوم على السيارة والتوكيل اما ملابسات الأمر فغير واضحه اهى حادثه او عيب صناعه هل التوكيل استجاب ام رفض وهذا ما قصدته ب (لا تعليق) ولم اقصد ابدا تكذيب صاحب الموضوع والذى أكن له كله التقدير.
اعجبنى جدا تفهمك للموضوع وتوضيحك للأمر ..
واشكرك على ذلك
كما اتوجه بالشكر لأخى باسم على متابعته للمداخلات واعتقد انه لم يريد التدخل لأن الأمر لم يتعدى المناقشه.
لكم منى ولصاحب الموضوع كل الشكر والتقدير...

[khaledazizeg]

ياستاذ عيب لما تكدبنى
انا ياسيدى رحت مركذ صيانه القطاميه وكانت العربيه ساعتها 3500 كليو والان دلوقتى عامله 9600 كليو متر
اما المهندس ال قابلتو هناك المهندس كريم
قولى انى مبقولش الحقبقه
وشكرا على زوقك

ربنا يكرمك في المشكلة ديه وتحلها بس بلاش بعد اذنك تتعامل مع كريم داه لان انا اتخانقت معاه قبل كدة عشان مستفز جدا ومش بيساعدك خالص

[khaledazizeg]

بس انا عايز اوضح حاجة لحضرتك حضرتك تعتبر مشكلة فردية وانا مقدر ان حضرتك اكيد متضايق لان فلوس بالنسبة لحضرتك اترمت في الارض بس ان شاء الله ربنا معاك ويكرمك

[engherc]

يا جماعة مش ممكن الهجوم الغير مبرر على الراجل ده يعني مش عشان العربية ديه معاك ولا حتى ي سيدي بتحبها تبقى أحسن عربية في الدنيا و مفيش زيها ياخي ده الجيتا و الجولف بجلالة قدرهم اللي لامؤخذة يعني العربية اللي بتتكلموا عليها ديه متجيش فيهم حاجة و هما فيهم عيوب مش عيزين العربية يبقى فيها عيب حرام عليكوا

[cheetos_back]

واضح ان سيادتك اشتريت عربية تانية غير الfsvلان العربية دي معايا ونفس الموديل ولله الحمد مفيهاش المشاكل اللي بتقول عليها وفيها وحدة رفع بس اللي مش فاهم في الاسانسير

[prince9x]

يا أخى
انا كل اللى كنت عاوز افهمه تفاصيل وليس تشكيك ولا طالب مستند علشان تثبت كلامك
بس مش لازم نتكلم ونوصف العربيه انها فاشله بشكل عام وانت تقدر تتصفح القسم وتشوف مشاكل الناس مع العربيه وانت حتقدر تاخد تصور وانطباع بشكل عام
خلينا فى مشكلتك وزى مقلتلك انا مش بشكك فى كلامك ...
بس خلينا نكون منطقيين السيد المهندس اللى قال ان الحساس مظبوط على 30 كم/س المفروض يدينا دليل على الكلام ده لانه ببساطه لو واحد راكب عجله حيمشى اكتر من 30 كم/س وانا شخصيا اتخبطت مرتين من قدام مره فى ملف والتانيه واحد بيرجع بدهره والمرتين الحمد لله والفضل لله سليمه اللى عاوز اقوله ان كلام السيد المهندس من غير دليل يبقى كلام مش مظبوط بجانب انه كمان مش منطقى لأنه كده اى حد حيخبط من قدام الحساس حيضرب !!
بجانب انى كمان فكيت الإكصدام بالرفرين بالصدر بالفوانيس كل ده على ايدى انا وبأكدلك ان الحساسين تحت القنطرة الحديد يعنى مش اى خبطة تضربهم لازم تطبق القنطره وبردك علشان متقولش انى بكذبك عربيتى موديل 2009 .
اما بخصوص حساس الشكمان فأنا فعلا مش فاهم انت كاتب من الحادثه ولا تقصد مش من الحادثة لو فى الحادثه ده قضاء الله وقدره اما لو من غير سبب عربيتك فى الضمان فين المشكله.
بليتين العجل الخلفى فيهم خشونه ده شئ وارد غريب بس وارد وبردك عربيتك فى الضمان تقدر تغير فى الضمان وضمانك 60000 كم .
وده يوصلنا لنقطة بردك مهمه هو التوكيل رفض يغيرلك الحساسات والبلى فى الضمان ولا ايه المشكله بالظبط .
واخيرا موفق وحقك تأكد مش حيضيع طالما انت صاحب حق وكلنا معاك فى اى مساعده ..
وتقبل تحياتى.

للأسف يا جماعه

أنا قرات كتالوج السياره و مكتوب فيه إن الإير باج فعلا ممكن تفتح على سرعه 29 كيلومتر / الساعه فى بعض الحالات !!!!

هو الكتالوج معايا بتاع موديل 2013 و ربنا يسترها و انا فعلا من ساعه ما قرأت الجمله دى و أنا خايف جدا !

بصراحه صاحب الموضوع معاه حق يتضايق و يزعل ما دام الكلام مكتوب فى كتالوج السياره يبقى حقيقى !

[ibrahimsaad]

للأسف يا جماعه

أنا قرات كتالوج السياره و مكتوب فيه إن الإير باج فعلا ممكن تفتح على سرعه 29 كيلومتر / الساعه فى بعض الحالات !!!!

هو الكتالوج معايا بتاع موديل 2013 و ربنا يسترها و انا فعلا من ساعه ما قرأت الجمله دى و أنا خايف جدا !

بصراحه صاحب الموضوع معاه حق يتضايق و يزعل ما دام الكلام مكتوب فى كتالوج السياره يبقى حقيقى !

يعنى افهم من كده بقى ان الواحد يدور على عربيه من غير ايرباج احسن لان الواحد معرض كثير جدا لاى خبطه فى اى وقت وممكن الايرباج يفتح فى اى لحظه

وبعدين مااحنا ياما ركبنا عربيات من غيره

[Dr_Moustafa]

بعد فضيحة دهان العربيات الزيرو

التوكيل يبقى فعلا فاشل فاشل فاشل

[Mina SE]

انا حاولت افتح الفيديو بس بيقولوا الفيديو اتشال و دورت على اليوتيوب بس بردو مش موجودز ممكن حد يحطوا تانى هنا

[prince9x]

يعنى افهم من كده بقى ان الواحد يدور على عربيه من غير ايرباج احسن لان الواحد معرض كثير جدا لاى خبطه فى اى وقت وممكن الايرباج يفتح فى اى لحظه

وبعدين مااحنا ياما ركبنا عربيات من غيره

اخويا قال لى أطلب من التوكيل يفصل السينسور بتاع الإيرباج

مش عارف ده ينفع والا لاء

و كمان معقول نكون دافعين الاف تمن الايرباج و نستغنى عنها كده

بس برضه شىء مرعب بتاع ان الايرباج يفتح على سرعه منخفضه كدا

انا عايز اعمل موضوع على الصفحه الرئسيه و أسأل ملاك السياره حصلهم حاجه لما حد منهم خبط بسيارته من الامام هل الايرباج فعلا فتح ؟؟

عايزين نعرف تجارب الناس اللى اتخبطت عربياتهم من الامام بسرعات منخفضه