تقرير مصور عن بريليانس s30 او jinbei s30 او 智尚S30 او 金杯s30 او Zhishang S30

[Hmatchy]

العربيه موجوده فى مصر غير دى خالص ولا اير باج ولا ايه بى اس ولا طاره مالتى ولا فوج ولا شاشه التاتش ولا اى حاجه
هو السنسور والفاميه وبس
ومانسوال ب 97 الف

[mazen21]

مفيش فايدة

الجشع


الواحد كان فاكر ان الشركة محترمة ومش هتعمل الحركات التييييييييت. اللي بتعملها الشركات التانية
العربية تكون في بلادها نازلة تجهيز اساسي بجميع الاكسسوارات

يروحوا شايلينك كل حاجة لتحقيق اكبر مكسب ممكن
مع انه لو باعها بالاكسسوارات الاساسية بتاعتها هيكون كسبان برضه لانه كده كده واخد الجمارك (+وقيمة التجميع اذا كانت
بتتجمع هنا) ونسبة الربح بتاعته

[mazen21]

مواصفات السيارة من فيسبوك الخاص ببريليانس مصر

الشركة منزلة العربية في 4 فئات
والفئة الاولى هى الفئة الفاضية

المهم لاحظت ان وزن العربية هو وزن موديل 2014
ومعدل استهلاك الوقود هو لموديل 2013
(راجع المواصفات الصينية للسيارة في نفس الموضوع)

فاعتقد هما اخدوا البودي بتاع موديل 2014 والموتور بتاع موديل 2013
اكيد في فرق فلوس للشركة مصلحة يعني كالعادة فماخدوش موتور 2014

الحاجة الغريبة والمثيرة للشك ان الشركة لم تذكر اي شئ عن السيارة على موقعها الرسمي
((علما ان العربية مهما دورت عليها على الانترنت تحت مسمى بريليانس s30 مش هتلاقي حاجة عنها
غير في الصفحات المصرية ولن تعثر على بيانات عنها الا اذا بحث بالمسميات الصينية))

http://www.brilliance-eg.com
واكتفت بالاعلان عنها على الفيسبوك (وهو ليس له صفة الرسمية)

https://ar-ar.facebook.com/BrillianceEgypt#

[mazen21]

الصور من الواقع (من داخل المصرية للسيارات - كورنيش النيل)

ذهبت الى المصرية للسيارات - كورنيش النيل
وعرفت ان العربية لسة التوكيل باعت واحدة للمعرض في نفس اليوم
15 اكتوبر 2014
وكان معظم مندوبي المبيعات مكنش عندهم فكرة عنها ولما كنت اشاوره عليها
يقولي مفيش الموديل ده اصلا وكان بيقولي دي رينو داستر ولما اصريت دور في الكمبيوتر (ملف بيانات سيارات المعرض) لقى بيانات عنها بس برضه الصورة عندهم مش واضحة لان الشركة على الفيسبوك منزلة اربع فئات ولما انا سألته العربية نازلة كام فئة قال لي واحدة ومش هتنزل غير فئة واحدة

وده خلى تساؤل ينط في دماغي ازاي بعض المواقع قالت ان الدفعة الاولى نفذت اذا كان الوكيل مكنش يعرف عنها حاجة الا امبارح
15 اكتوبر 2014


المهم انا صورت كام صورة بسرعة علشان ماسمعليش كلمتين من حد مع اني كان نفسي اصور الشنطة وحجمها معقول والموتور
ولقيت كل حاجة تقريبا جوه الموتور عليها كلام صيني الى جانب الانجليزي ما عدا
علامة بريليانس محطوطة بدل علامة jinbie

ولقيت في الشنطة الكوريك المثلث ويد الكوريك وقضيب جر السيارة اللي بيركب من قدام
ومثلث عاكس (وكان مكتوب على علبته بالصيني وكذلك مكتوب بالصيني على شنطة يد الكوريك وقضيب الجر )
حتى البطارية صيني

وفي التابلوه موجود اريال السقف والكاتالوج

الجنوط المونيوم زي اللي في الصور السابقة تمام

الشنطة بتتفتح من زرار مخفي تحت النيكل الموجود على الشنطة من بره وبيتهيالي انه كهربا
مش ميكانيا لان بضغطة بسيطة الشنطة بتفتح لوحدها بمساعدة الاثنين مساعدين
وبصراحة ملقتشي جوه اي زرار ليها والمندوب مكنش عارف هل في زرار ولا هيبقى فتحها من الريموت فقط (انا مشفتش الريموت وبتكلم بناء على الصور اللي كنت جايبها)

الكبوت بيفتح من جوه من مقبض اسفل التابلوه من جهة اليسار

وعلى فكرة العربية نفس التقفيل الموجود في الصور
وانا مش عارف هل هما (بريليانس مصر) جايبينها متقفلة ولا اتقفلت هنا
لو حد قدر يعرف لنا المعلومة دي يا ريت يقول لنا

وفقا للي انا شفته المفروض ان دي الفئة الاولى

وبالنسبة لجودة الخامات والموتور والاكسسوارات وشكلها
بيتهيالي ان السعر مناسب دة من في راي المتواضع وبصفتي لست خبيرا في السيارات

ويا ريت حد من الاخوة الخبراء يقول لنا رايه

هى دلوقتي عن يقين عند المصرية - كورنيش المعادي
ممكن يشوفها على الطبيعة

[mazen21]

abs + ebd

العربية وفقا للبروشور بتاع الشركة
على الرغم ان الوضوح بتاعه مش اد كده الا ان ممكن نلاحظ ان جميع الفئات بتنزل فيها
abs + ebd
يا ريت لو حد لاقى نسخة الوضوح بتاعها افضل يرفعها
سبحان الله وبحمده سبحان الله العظيم

[Mostafa Hessen]

شوفتها فى الشارع رايحه معرض شكلها هايل

[mazen21]

لو واحد رايح توكيل بريليانس او بجانبه

لو واحد رايح توكيل بريليانس او بجانبه
يسأل لنا الاسئلة التالية

1-متى ستنزل الفئات الاخرى للسيارة
2-هل الدفعة الحالية تقفيل مصري ام صيني
3-واذا كان صيني متى سيتم التقفيل المصري هنا
4-هل السيارة تخضع لاتفاقية الشراكة الاوروبية
(انا عارف انها صيني وملهاش دعوة باوروبا
بس احنا عارفين يمكن في بند في لوائح جمارك مصر ام الدنيا يدخلها ضمن الاتفاقية اهو نستفاد بفرق الجمارك واكيد ده هيقلل سعر السيارة )
زي ما حضراتكم عارفيين ان في اول يناير سيصل تخفيض الجمارك الى 60%
هو حاليا 50% وكان المفروض ان مصر توصل لنسبة 60% في اول 2014 لكن مصر طلبت التاجيل عام بسبب ظروف الثورات وليس لمصر الحق في التاجيل سوى مرة واحدة وقد استخدمتها ومن ثم لن تستطيع التاجيل مرة اخرى يعني


في اول 2015 تخفيض الجمارك الى 60%

في اول 2016 تخفيض الجمارك الى 70%

في اول 2017 تخفيض الجمارك الى 80%

في اول 2018 تخفيض الجمارك الى 90%

في اول 2019 تخفيض الجمارك الى 100% (صفر جمارك)



سبحان الله وبحمد سبحان الله العظيم

[mazen21]

اختبار التصادم

السيارة ليس لها اختبار تصادم سواء على المعيار الاوروبي او الصيني

والمفاجأة ان الشركتين اللي مفترض ليهم علاقة بالعربية مش مختبرين غير عربيتين فقط

الشركة الاولى
Shenyang Brilliance Jinbei Auto Co., Ltd. (Huachen Jinbei

ومختبرة عربية بياناتها كما يلي

No. Manufacturer Category Model Star Rating 1 Shenyang Brilliance Jinbei Auto Co., Ltd. (Huachen Jinbei) Class B passenger vehicle SY7182HS（Junjie）
Retrieving result


الشركة الثانية


No. Manufacturer Category Model Star Rating 1 BMW Brilliance Auto Co., Ltd. (BMW Brilliance) Class B passenger vehicle BMW7200BD（BMW320i）

المواقع
Safety collision test results

Safety collision test results

HOME | Euro NCAP - For safer cars crash test safety rating


C-NCAP Official Website

[mazen21]

تعبيق على اختبارات التصادم

الشئ المثير للدهشة ان في ناس جايبة فيديوهات لموديلات تانية تبع بريليانس وبتقول انها فيديوهات اختبارات تصادم رسمية
فيا ريت لو يقدروا يقولوا لنا رابط الموقع الرسمي للمعيار الذي تم الاختبار بناء عليه
يعني يحطوا لينا رابط الصفحة بتاع الموديل اللي تم اختباره

سواء من موقع المعيار الاوروبي Euro NCAP
HOME | Euro NCAP - For safer cars crash test safety rating


المعيار الصيني C-NCAP
C-NCAP Official Website

سبحان الله وبحمده سبحان الله العظيم

[mazen21]

الحقيقة وراء عدم الاعلان عن السيارة على الموقع الرسمي المصري

الحقيقة وراء عدم الاعلان عن السيارة على الموقع الرسمي المصري
www.brilliance-eg.com

اللي فهمته من النت ان شركة jinbei دي ليها علاقة بشركة بريليانس بس مش واضح بالضبط ايه هل هى اتفاقية تعاون ام انها فرع من فروع بريليانس مش قادر احدد بس هل العلاقة دي لا زالت موجودة ولا الشركة دي انفصلت عن بريليانس برضه مش واضح

المهم العربية نزلت في الصين من 2012 وبتتباع تحت ماركة jinbei ومعناها بالصيني الكاس الذهبي وده واضح من الصور اللي انا كنت جايبها هى متخذة العلامة كاس ذهبي وكمان بتتباع في تايلاند تحت نفس الماركة ومش عارف كان هيجرى ايه لو باعوها تحت نفس الاسم (وكما قلت دي اول مرة يتحط عليها علامة بريليانس) لكن ليه بريليانس الصين مش معترفة بده حتى الان وده اللي مخلي الشركة المصرية متحطهاش على الموقع الرسمي المصري


طبعا لان المستهلك هنا مش هيتقبل الماركة jinbei خصوصا انهم ابتدوا ادخالها السوق عن طريق الميكروبات الجينبي jinbei اللي شبه التويوتا علشان كده قالوا نحط عليها علامة بريليانس علشان يعرفوا يبيعوها على اساس ان المشتري عارف الماركة مش لسه هيتعرف على ماركة جديدة

والعربية s30 بريليانس الصينية (الشركة الام) نفسها مش معترفة انها تحمل علامتها

في جميع المواقع اللي انا جبتها قبل كده اضافة للموقع التالي وهو الموقع الصيني للشركة (شركة بريليانس) تحت مسماها في الصين
HUACEN AUTO GROUP

http://www.huachenauto.com/Default1.aspx

قائمة منتجات الشركة وليس بها العربية S30

http://www.huachenauto.com/downslist.aspx?st=8#

[mazen21]

السؤال الآن

السؤال الآن هل بريليانس مصر طلبت من بريليانس الصين انها تنزل العربية تحت ماركة بريليانس
فشركة بريليانس الصين عملت اتفاق مع جينبي jinbei بذلك على شرط عدم وضع السيارة وهى بعلامة بريليانس على اي موقع رسمي سواء في مصر او الصين ؟ ولا ايه سواء يحتاج الى اجابة وتوضيح من بريليانس مصر العربية دي اصلها ايه بالضبط؟؟؟؟؟؟؟؟

علاقة العربية بشركة جينبي jinbei واضح وضوح الشمس
عاوزين نعرف علاقة بريليانس الصين بالعربية ايه ؟
واذا كان ليها علاقة بيها ...ليه مش حطاها على مواقعها؟

[mazen21]

لو اعجبك الموضوع لطفا اضغط على زر نشر الموضوع اعلى الصفحة

في اعلى الصفحات غير الصفحة الاولى





في اعلى الصفحة الاولى



سبحان الله وبحمده سبحان الله العظيم

[mazen21]

فيديو للعربية

فيديو للعربية



[flash=http://i7.imgs.letv.com/player/swfplayer.swf?id=20328772&autoplay=0]width=500 height=400[/flash]

[mazen21]

فيديوهات
معلهش المواقع الصيني بطيئة جدا
في تحميل الفيديو انا حاولت احمل منها وانقل الفيديو على اليوتيوب معرفتش


[flash=http://player.video.qiyi.com/ab59050253d697ddc334d0723172bdef/0/243/w_19rshpliph.swf-albumid=2179533209-tvid=2179533209-ispurchase=0-cnid=26]width=350 height=400[/flash]


[flash=http://v.163.com/swf/video/NetEaseFlvPlayerV3.swf?topicid=0008&vid=V714NUEH4& sid=V70BUVMQE&coverpic=http://vimg1.ws.126.nethttp://vimg2.ws.126.net/image/snapshot/2011/4/H/5/V714NUEH5.jpg&autoplay=true]WIDTH=350 HEIGHT=400[/flash]

[ahmad--ezzat]

شكلها منيل بنيله