تقرير مصور عن بريليانس s30 او jinbei s30 او 智尚S30 او 金杯s30 او Zhishang S30

[mazen21]

الفيديو الرسمي

الفيديو الرسمي اللي شركة jinbei عملاه للعربيةواحنا لسه مستنيين حد يقول لنا ليه الشركة الصينية او المصرية مش راضية تحط العربية على موقعهاويوضحوا لنا علاقة بريليانس بالعربية ايه

لاحظ في الفيديو انها اوتوماتيك
وابقى قابلني لما ينزلوا منها الاوتوماتيك
يكونوا نشفوا ريق اهالينا

[flash=https://vid.me/y6w]WIDTH=500 HEIGHT=400[/flash]

[tamer amin3300]

تسلم على التقرير والصور والمشاركات التوضيحية عن العربية ... شكرا

[mazen21]

السعر محتاج مراجعة

بعد مراجعة نفسي پيتهيالي ان سعر الفئة الاولى محتاج مراجعة من الشركة
لان بالسعر ده في عربيات ماركات عالمية اقل من السعر ده وبرضه في حاجات اعلى بقدر بسيط وانتظر اراء الخبراء

[mazen21]

خالص تحياتي ا تامر

[mazen21]

السعر

الشركة كانت قايلة قبل ما تنزل العربية ان الفئة الاولى هتكون في حدود 80 الف
وده بيتهيالي متوسط السعر المناسب باعتبار انها اولا واخيرا صيني مش اوروبي
الى جانب مواصفاتها كعربية مانوال

ومستنين نعرف اصل العربية ايه
الشركة بصراحة ودن من طين
وودن من عجين

اضافة لذلك حاول تتصل بيهم
انا مش هاقول لك انت هتعرف بنفسك
مستوى الخدمة اللي المفروض تديك انطباع جيد كعميل

اضافة الى الصفحة بتاعتهم على الفيسبوك
الناس نازلة شتيمة في التوكيل وبتشتكي وقاعدين يسوءوا في سمعة الماركة بصفة عامة واللي ماسك الصفحة ولا كانه هنا فين وفين لما بيرد!!!!

[mazen21]

المقارنة بين تيجو مانوال وبين بريليانس s30

المقارنة بين تيجو مانوال وبين بريليانس s30


انتظروا البقية

[prince9x]

عربيه زباله و خامات رديئة

[prince9x]

التيجو برقبه العربيه دي و ظلم للتيجو انها تتقارن بالزباله دي

[bassem.naguib]

مجهود تشكر عليه يا مازن باشا .. وفي تصوري أنه ممكن يكون حصل اندماج بين الشركتين في الصين (جينبي & بريليانس) أو بريليانس اشترتها .. وبالتالي من الوارد جداً نزول نفس الموديل ولكن تحت مسميات أخرى في دول العالم . وده بيحصل في ماركات تانية كتير .

خالص تحياتي مرة أخرى على المجهود ونقل المعلومة .

[mazen21]

شكرا لذوقك باسم باشا

بخصوص اساس العربية دي ايه
مش المهم ان انا اللي اقول كده ولا حضرتك

الاهم ان الشركة هى اللي توضح ده
وتقول لنا ما هو السبب لعدم ظهور العربية على موقعها وعدم ظهورها على موقع بريليانس الصين كمان
ثانيا الواحد مش عارف العربية متفرق دمها على كام شركة
بريليانس و لا جينبي ولا هواشن اوتو

2013款智尚S30_绵阳华瑞汽车有限公司

قائمة منتجات الشركة وليس بها العربية S30

华晨汽车集团

[bassem.naguib]

اقرأ الموضوع ده .. حيبين جزء من الحقيقة .. وأيه اللي بيحصل من اندماجات بين الشركات في الصين .. بل وبين الشركات العالمية والشركات الصينية .. ومن قبلهم كان هناك شراكة بين شركة بي واي دي ومرسيدس بينز .

http://www.nilemotors.net/Nile/447040-2014.html

[mazen21]

كلامك يا باسم باشا على عيني وعلى راسي

كلامك يا باسم باشا على عيني وعلى راسي
ولكن اي تقرير عن اندماج شركة مع اخرى انا اكتبه او انت تكتبه او واحد تالت يكتبه يظل تقرير غير رسمي
وليس له اي صفة رسمية الا اذا صدر عن اصحاب الشأن اي الشركات نفسها عبر مواقعها الرسمية

ونحن فيما يتعلق بالسيارة الاس 30 امام حقائق تتمثل في ان
السيارة حتى الان ليس لها اي وجود على موقع بريليانس مصر او بريليانس الصين او هواشين اوتو

وفقط موجودة على موقع جينبي وبعلامة جينبي مش بريليانس

كل المطلوب ان الشركة توضح علامة بريليانس اتحطت ازاي على العربية
ثانيا ليه العربية ليس لها اي وجود على موقع بريليانس مصر او بريليانس الصين او هواشين اوتو

[mazen21]

هى العربية دى ملهاش شركة مسئولة عنها

هى العربية دى ملهاش شركة مسئولة عنها

تقول لنا حكايتها ايه بالضبط

=====
شوف الموضوع محطوط من امتى ولا حد من الشركات سائل

ده شئ يؤكد لك ان الشركة دي في الطراوة

[ابو ياسمين]

عزيزى mazen21

أولا أسجل أعجابى الكبير وتهنئتى بموضوعك الجميل الذى بذلت فيه جهد واضح وتابعته بكل اصرار وهذا شئ نادر

ولك التحية عليه وكل التقدير

وثانيا أسمح لى أن أقدم بجهد متواضع أجابة لأسئلتك طالما الشركة لا تجيب

والحكاية تبدو متشابكة ولكن حلها سهل لو بدئنا من المكان الصحيح وكما قلت انت :

( الواحد مش عارف العربية متفرق دمها على كام شركة
بريليانس و لا جينبي ولا هواشن اوتو)

فحل اللغز يبدأ بأن نعرف من هى هواشن اوتو

HuaChen Group Auto Holding. Co

هى شركة قابضة عملاقة تمتلك شركتين وهم :

BMW Brillians

التى تصنع سيارات BMW فى الصين

والشركة الثانية هى :

Brillians Auto

وهذه الشركة تنقسم إلى ثلاث شركات متخصصة وجميعهم تحت إدارة واحدة وهم

Brillians التى نعرفها فى مصر

وشركة Brillians Huasong

والثالثة Brillians Jinbi

وجينبى هى الشركة التى حيرتنا وهى فى الواقع احد الفروع التابعة لبريليانس وتحت إدارتها المباشرة

وفيما يلى صور توضح كل شئ

بيان لمجموعة هواشان و ملكيتها لبريليانس من موقع ويكيبيديا

بيان لبى ام بريليانس والسيارات التى تنتجها فى الصين

بيان للثلاث شركات التابعة لبريليانس ومنها جينبى وجميع منتجاتها وستجد من ضمنها S30

السيارة S30 ومواصفاتها الكاملة وأسم شركتها موجودة على مواقع السيارات الصينية

ومن هذا نجد ان من الطبيعى ان تستبدل بريليانس علامة السيارة بأخرى حسب ظروف السوق الموجهه له

ولا مشكلة فى هذا فكلها شركاتها فى النهاية

[mazen21]

العربية بتتباع على موقع علي بابا

العربية بتتباع على موقع علي بابا الصيني وممكن تشتريها

ويبعتوهالك على البيت
انا بهرج طبعا يبعتهالك على المينا
وانت تخلص جماركها

سعرها يتراوح بين
8.500-11.500
طبعا الفرق من جاي من فئات العربية
ودا معناه ان الفئة الاولى سعرها
8.500 دولار (60775 ج مصري)
طبعا بدون جمرك وخلافه

ومفترض انها لو بتتجمع هنا
تكون ارخص من
(60775 ج مصري) + اضافة الجمرك

[flash=http://www.alibaba.com/product-detail/compact-city-mini-suv-small-family_1157584659.html]width=800 height=500[/flash]