تقرير نايل موتورز المصور عن جيلي إمجراند

[mero100]

تحياتي للجميع و للاستاذ/ باسم نجيب ( خصوصا) .... للمره الاولي بشارك في القسم الصيني .

احييك علي تقريرك الرائع الشامل الوافي ....

و أحييك لانك حيادي جدا في عرض التقرير ...... و انا لمست حياديتك في بعض نقاط هامه مثل ردك علي الاستفسار الخاص بموضوع " نسبه انضغاط المحرك " و علاقته ب " برقم اوكتان البنزين " ..... و كان ردك بإن التجربه هيه اللي حتحكم .

تحياتي لحضرتك و لجميع الاعضاء .

[bassem.naguib]

تحياتي للجميع و للاستاذ/ باسم نجيب ( خصوصا) .... للمره الاولي بشارك في القسم الصيني .

احييك علي تقريرك الرائع الشامل الوافي ....

و أحييك لانك حيادي جدا في عرض التقرير ...... و انا لمست حياديتك في بعض نقاط هامه مثل ردك علي الاستفسار الخاص بموضوع " نسبه انضغاط المحرك " و علاقته ب " برقم اوكتان البنزين " ..... و كان ردك بإن التجربه هيه اللي حتحكم .

تحياتي لحضرتك و لجميع الاعضاء .

ربنا يخليك يا باشا .. وشاكر لمداخلتك الكريمة .. وشيء يحسب ليا أن الموضوع ده خلاك تعمل مشاركة في القسم الصيني .. ولو دورت شوية في مختلف أقسام الصيني حتلاقي ما لذ وطاب أيضاً .

خالص تحياتي .

[محمد بازيد]

الله ينور بس انت أخدت المفتاح بتاع العربية بتاعتى وصورتها ازاى انا معايا اختها نفس اللون اتوماتيك هنا فى جدة بعد يارس وصنى بصراحة عربية ممتازة وانتشرت هنا كثير جدا وفى موديل اعلى منها مش لسة نزل فى مصر وبصراحة التقفيل بتاعها ممتاز اللى غايظنى الشعار بتاعها بس

[bassem.naguib]

الله ينور بس انت أخدت المفتاح بتاع العربية بتاعتى وصورتها ازاى انا معايا اختها نفس اللون اتوماتيك هنا فى جدة بعد يارس وصنى بصراحة عربية ممتازة وانتشرت هنا كثير جدا وفى موديل اعلى منها مش لسة نزل فى مصر وبصراحة التقفيل بتاعها ممتاز اللى غايظنى الشعار بتاعها بس

أيوة يا باشا .. أخدت المفتاح من وراك ... ههههههه

وربنا يباركلك في العربية .... ويا ترى 1500 ولا 1800 سي سي .. وأدائها أيه معاك بصفة عامة ..

[horas3000]

انا شفت منها 2 بالفعل
واحده سوده في مدينه نصر و كانت من غير نمر
و التانيه علي طريق الاسماعليه و كانت شامبين و مترخصه عادي
و العربيه شكلها مميز بصراحه

[ehabpopo]

تسلم ايدك على التقرير الحلو ده يا باسم .... وده مش غريب عليك ...

[mimim]

على فكرة يا جماعة انا شفت العربية على الطيعة عربية عااااااادية جدا ولا فيها اى حاجة ذيادة عن سبرانزا مثلا

[S O P H O S]

شايف ان العربية دي هتنجح ان شاء الله
اول مرة اشوف كل صور الموضوع
تسلم ايدك ..

[adel_edrees]

السلام عليكم
أرجو أن يتسع صدركم لي ملاحظاتى هى
1- العربية منها للأرض بدون وجود أى غطاء للموتور و طبعا ده مقصود لمزيد من التهوية لأن العربية فعلا بتسخن
2 - كارتيرات الرفارف من الموكيت و ليست البلاستيك و شوفوا بقى الطين حيعمل فيها أيه
3- السيارة من الداخل تقفيلها ليس به ما يجعلك تنبهر التابلوه والعدادات من أسوء ما يمكن
4 في عيوب تقفيل فى الصاج من الخارج
5- السيارة فيها حاجة صينى بمعنى أنها تصميم مش على درجة عالية من الكفائة
6- السيارة يبدو لى ان عفشتها ممتازة و أن السيارة مش حيبقى فيها مشكلة ألا مشكلة الحرارة

[shaaban2008]

السلام عليكم
أرجو أن يتسع صدركم لي ملاحظاتى هى
1- العربية منها للأرض بدون وجود أى غطاء للموتور و طبعا ده مقصود لمزيد من التهوية لأن العربية فعلا بتسخن
2 - كارتيرات الرفارف من الموكيت و ليست البلاستيك و شوفوا بقى الطين حيعمل فيها أيه
3- السيارة من الداخل تقفيلها ليس به ما يجعلك تنبهر التابلوه والعدادات من أسوء ما يمكن
4 في عيوب تقفيل فى الصاج من الخارج
5- السيارة فيها حاجة صينى بمعنى أنها تصميم مش على درجة عالية من الكفائة
6- السيارة يبدو لى ان عفشتها ممتازة و أن السيارة مش حيبقى فيها مشكلة ألا مشكلة الحرارة

انهارده اتفرجت علي العربيه علي الطبيعه عند سمير ريان - بيبعها ب 79000 تسليم فوري ولايوجد غير لونين الفضي والفيراني.
ومتفق مع حضرتك في النقاط 3 و 4
وكمان لم يعجبني فرش الابواب والتابلوه كله بلاستيك
بس معرفش موضوع السخونه ده حضرتك بتتكلم عن تجربه ولا لأ
العربيه وببساطه بتتميز بالاتي:

1 -الاتساع الرهيب للصالون
2 - والشنطه بحر من الاخر
3 - ابهرني جمال التصميم للشكل الخارجي (اذواق طبعا)
4 -كراسي جلد محترمه وتناسق للالوان داخل الصالون
5 - شويه كماليات معتبره ودي حاجه مش متعودين عليها من غبور
6 -السعر حلو اوي اذا قارناه ببقية الصيني

[apoadel_vip]

تقرير جميل واعتقد ان العربية دي هتحقق نجاح كبير في مصر

[bassem.naguib]

انا شفت منها 2 بالفعل
واحده سوده في مدينه نصر و كانت من غير نمر
و التانيه علي طريق الاسماعليه و كانت شامبين و مترخصه عادي
و العربيه شكلها مميز بصراحه

تقريباً العربيتين دول كان منزلهم غبور من فترة طويلة .. علشان يعمل عليهم تست درايف (للتوكيل وليس للعملاء) .

تسلم ايدك على التقرير الحلو ده يا باسم .... وده مش غريب عليك ...

على فكرة يا جماعة انا شفت العربية على الطيعة عربية عااااااادية جدا ولا فيها اى حاجة ذيادة عن سبرانزا مثلا

لولا اختلاف الأذواق لبارت السلع

شايف ان العربية دي هتنجح ان شاء الله
اول مرة اشوف كل صور الموضوع
تسلم ايدك ..

تقرير جميل واعتقد ان العربية دي هتحقق نجاح كبير في مصر

[zicooo2008]

جزاك الله خيرا معلومات قيمة ومفيدة

[nike7777]

يجماعة انا كلمت غبور من حوالي نص ساعة العربية سعرها رفع رسمي في معرض غبور ل 79400 ومع احتمالية الزيادة والنقصان يرجع لسعر الدولار والاستلام هيكون في ابريل لو حجزت دلوقت واحتمال وقتها يكون فيه مقدرة انها تنزل زجاج فامية خلفي

[nike7777]

انا نزلت التوكيل امبارح وشوفت العربية على الطبيعة
اولا المميزات
1- العربية واسعة جدا لدرجة غير متوقعة بالنسبة لواحد طويل ومليان زي حالاتي كده
2- العربية ليها رهبة جدا من الخارج وانت واقف جمبها كده قبل ما تركبها تحس انك واقف جمب مرسيدس
3- شنطة العربية واسعة جدا لدرجه اني ممكن انام مسترح جواها
4- طبعا امكانيات العربية الي الكل عارفها
ثانيا العيوب بقى او نقدر نقول المخاوف
1- التقفيل النهائي متوسط لو هنتكلم عن التقفيل الخارجي والدهان كان فيه اجزاء في الدهان تحديدا عند الشنطة تحس انها مش مدهونة او مقشرة
2- العربية كاتبين ان ارتفاعها عن الارض 16.7 سم مع ان لما تشوفها تحس انها مش بالارتفاع دا
3 - حوض العربية وتقفيل الماتور كان شوية مش اد كده يعني كانت دواير كهربائية الاسلاك فيها تحس انها مش مظبوطه من عند الدوايات وكمان فيه حاجه شوفتها ان الاسلاك ملفوف عليها شكرتون عادي كده ولزق زي الكهربائية الي في الشارع ودا خوفني جدا لان ممكن بسهولة مع السخونة او مية ممكن تعمل قفله في الدفيرة
5- الماتور منه للارض علطول وفكرني بعربيتي العزيزة ال 128 لما كنت امد ايدي في حوض العربية اجيب الي وقع مني في الارض ومفيش اي حاجه تحمي الماتور والفتيس لو حد لبس في بلاعة عاليه في العربية اكيد هيزعل جامد
6- سعر العربية بيستهبل اخر حاجه يعني بداية كانت 76 ومحدش تقريبا استلم على السعر دا وامبارح السعر كان 79400 وبعدين النهارده الصبح بقى 81500 واحب اقول رايحة بينا على فين يا امجراند بالاسعار دي
اسف لو طولت عليكم بشكل عام العربية مازات عجباني بس محتاج اراء الخبراء في انهم يردو على الاستفسارات دي
1- الماتور بالشكل دا هل فيه خوف منه ولا لا
2- التفنيش بتاع دفيرة الكهربا هل يتخاف منه ولا طبيعي
3- هل ارتفاع العربية دا كويس ولا هتحك كتير في المطبات مع العلم اني عندي مطبات غير عادية في البلد