تقرير أستخدام جيلى أميجراند ec 7 بعد 6000 كيلو

[Ramy-Ahmed]

تسلم ايدك تقرير ملخص ووافى شكرا .ربنا يديك خيرها ويكفيك شرها

[gamal saad]

وياباشا ياريت لو حضرتك او أى زميل بالمنتدى يقدر يعرفنى وظيفة وفائدة زرار السيكيوريتى ( security) الموجود بجانب زرار فتح الشنطة وضبط أرتفاع فوانيس النور ونور التابلوة

[midooo_119]

وياباشا ياريت لو حضرتك او أى زميل بالمنتدى يقدر يعرفنى وظيفة وفائدة زرار السيكيوريتى ( security) الموجود بجانب زرار فتح الشنطة وضبط أرتفاع فوانيس النور ونور التابلوة

زرار security بينور لما بتقفل العربيه بالريموت بيقولك الانذار مفعل و لا لأ زى الى بيركب انذار و تلاقى فيه لمبة زرقا عند الازاز الى قدام بتنور وتتطفى

زرار ضبط الفانوس وده للنور الوسط لان العالى مش على عدسات و ده بيتحكم فارتفاع العدسات و انصحك تخليه تحت عالاخر لانه بيضرب فعين الى قدامك

زرار نور التابلوه ده بيعلى النور و يهديه حسب ماانت عاوز و ده شامل نور الكاسيت و مفاتيح ازاز الابواب الاربعه

[Mohab555]

عربيه شكلها حلو جدا بس مش هتنجح زى الفيرنا على صعيد الاعتماديه و قوه الاداء

[koki99us]

السلأم عليكم ورحمة الله وبركاته


بقالى كتير مابكتبش هنا ولأ فى اى منتدى ملحوظاتى عن العربية. السيارة حاليا معايا بقالها شهرين, عداد 6130 كيلو , قبل هذه السيارة كنت امتلك خمسة سيارات أخرى , بالترتيب ( تويوتا ياريس , متسوبيشى لأنسر 1.6 , هيونداى فيفا 1.5 , بى أم دبليو e36 . ثم هيونداى تانى ) وبسوق من 7 سنوات , يعنى تقيمى هيكون عن خبرة وبشكل موضوعى, هاحاول ألخص ملحوظاتى فى نقاط حتى يتسنى للقارىء متابعتها بشكل منتظم ومتسلسل ..
1- أستهلاك البنزين عالى جداً داخل المدينة , أمبارح فولت العربية , اخدت 49 لتر على عداد رحلات 412 , يعنى تقريباً عملت فى اللتر 8 كيلو .. أنا على فكرة رجلى خفيفة جداً على دواسة البنزين ومش من النوع اللى بيحرق فى الطلعة , بسيبها تجمع مع نفسها وبعدين بدوس وبفتح معاها .. أنا ببقى مشغل التكيف طبعاً فى كل خروجاتى , العربية كانت بستهلك معايا فى الطوالى والطرق المفتوحة 11.4 فى اللتر .

2-الكاوتش عندى مظبطه كله على 28 عشان المطبات والنقر بتاعت القاهرة , فى الطرق الطوالى والمفتوحة ببقى مظبطه كله على 30 , يوجد مطبات عشوائية بالقاهرة مستفزة جداً ودائماً العربية بتحك فيها من تحت مع أنى ببقى راكب انا وزوجتى وطفلين صغيرين , مش عارف الوضع يبقى ايه مع المطبات لو راكب معايا 4 أفراد بالغين !!

3-الدهان الخارجى سىء وبيقشر من أقل زلطة او حاجة تتنطر عليه من أي عربية نقل محملة .

4-التجميع فى الغيارات معقول ومش وحش , والطلعة على الأول فى الزحمة حلوة بردوا مش وحشة , بس لو أنت أتزنقت وعاوز تعمل غرزة عشان تعدى من نقل أو عربية فى طريق رايح جاى أو توك توك , مانصحش حد يعملها لأن العربية مش هاتخدمك فى النقطة دى وكمان انت ماتعرفش اللى فى المقابل هيبقى فاهم النقطة دي ولأ هيلبس فيك , فيفضل عدم المغامرة بالنقطة دى لأن تجميعا لعمل غرزة وحش وسىء جداً والمغامرة اكيد مش هتبقى فى صالحك ..!!

5-التكيف مش وحش ومش حلو , معقول , بس فعلاً لأحظت انه لو متظبط على 22 والمروحة تبقى متوسطة بيكون أدائه احسن بكتير وبيسقع كويس .

6- التقفيل جيد جداً واقصد تفقيل المقصورة عن الأصوات الخارجية , ما بحسش أنى سامع الأصوات الخارجية وأنا مقفل الزجاج كله وبالخص لو أنا شارب أسبريت ومشغل الكاسيت واعصابى هادية بتبقى الدنيا ربيع بجد , هههههههههه .

7 - العفشة سيئة جدا وناشفة بشوارع القاهرة , من النوع الناشف ولأزم الكاوتش ينزل على 28 وألأ هاتحس بدبدبة ووجع فى الضهر , ولكن فى الطرق السريعة بتبقى العفشة ولأ أروع من ذلك فى الثبات ..!!

8- الثبات أكثر من رائع مثل الأوكتافيا .

9- الدوفيهات الخاصة بالسيارة كتير وتحتاج حرص لعدم تجريحها وخاصة من الأكصدامات والرفارف والعتب .

10- المرايات اليمين والشمال الخارجية رؤيتها خادعة ولأ تعطى المسافة الصحيحة ولأ يجب
الأرتكان عليها بشكل كلى خاصة لو وراك عربية أو حائط وقريبة جداً من السيارة لأنك هاتلبس فى اللى وراك , رؤيتها غير صحيحة .

11- الكراسي ناشفة ومتعبة للظهر ويوجد مسافة ما بين الظهر من أسفل والكرسي.. عشان كده هتحتاج لمخدة صغيرة او سفنجة لملء هذا الفراغ من أسفل ,, بشكل عام قيادة السيارة بشكل يومى بشوارع مثل شوارع القاهرة سوف يكون مؤلم للجسد والظهر بسب نشوفية الكراسي..!!!

12- السيارة بشكل عامة رائعة فى التصميم الخارجى وملفتة لأنتباه كل من يراها وتعطى أحساس للجميع بأنها تستحق أكثر من ثمنها ..
ع
13- الفرش الداخلى جيد جداً ويمكن تنظيفه بمنتهى البساطة والسهولة .

14 - حساسات الركن رائعة وعملية .

15 - المصابيح الأمامية جيدة جداً ويمكن العتماد عليها , اما الفوجات فنورها ضعيف يفضل أستبدال مصابيحها بزينون

16- سماعات الكاسيت معقولة جداً لمن هم فى مثل عمرى ( أنا 38 عام ) أما بالنسبة للشباب من هواة الصوت العالى فأكيد هيحتاجوا تغير هذه السماعات بأخرى وتركيب gm ..

17- الفرامل قوية جداً ومسعفة ولله الحمد ..

مستوى رضائى عن السيارة 80 % وأنصح بشرائها لفئات الأعمار البالغة ولمن هم ذوى خبرة بالقيادة , اما بالنسبة للفئة العمرية من الشباب بالعشرينات ولمن هم حديثى العهد بالقيادة فلأ أنصح بشرائها لهم ..!!!!

ديه كانت أخر نقاط ملحوظاتى بكل أمانة لكل من هو مقبل على شراء السيارة ولتبادل أراء الأخريين من مالكى السيارة أيضاً ,, أرجو ان اكون قد أفدتكم

اولا تحيياتي على التقرير الرائع ثانيا....لفت انتباهي عبارة حديثي القيادة لاتنصح بشرائها ارجو توضيح السبب حيث اني بصدد شراء السيارة وهي اول سيارة لي انشاء الله تحياتي لك

[jackson_75]

اولا تحيياتي على التقرير الرائع ثانيا....لفت انتباهي عبارة حديثي القيادة لاتنصح بشرائها ارجو توضيح السبب حيث اني بصدد شراء السيارة وهي اول سيارة لي إن شاء الله تحياتي لك

أستاذ koki99us أعتذر جداً عن التاخير بالرد نظراً للأنشغال وقلة وقت الدخول على النت , انا كنت أقصد من هذه العبارة أن العربية منفوخة شوية من فوق الاكصدامات ومن العتب ومن عند الابواب ، ده غير أن الشنطة عالية شوية والاكصدام الامامى كمان كبير وعريض ، وطبيعى أن لو فى حد جديد بالقيادة فلزم هتحك منه ، بأى شكل من الاشكال لأزم هاتحك وبالاخص من عند الاكصدام الامامى لو مش متمرس وبيركن جنب رصيف هايحكها ، بأختصار عاوزة حذر فى الركنات وكمان أبعاد العربية كبيرة وبالاخص الجزء السفلى منها كلها من تحت المرايات الجانبية مش بيبان فيها ، فلأزم تاخد بالك من العتب وأنت بتركن ولأزم تعرف تقرص علىالغيار عشان تاخد منها أقصى عزم ، هى دى كانت وجهة نظرى ، تحياتى لك

[yasserelshakwe]

انا متشكر جداً على هذا التقرير الرائع والجميل جداً والوافي
لي سؤال انا معايا حوالي 150 ألف جنية اشتري بيهم ايه بالظبط
برجاء سرعة الاجابة لأني مستعجل بجد

[M I D O]

انا متشكر جداً على هذا التقرير الرائع والجميل جداً والوافي
لي سؤال انا معايا حوالي 150 ألف جنية اشتري بيهم ايه بالظبط
برجاء سرعة الاجابة لأني مستعجل بجد

انا لو مكان حضرتك اجيب لانسر شارك الفئة الاولي اوتوماتيك او لانسر بومة كاملة اوتوماتيك

[محمد مختار]

دمياط الجديده

السلأم عليكم ورحمة الله وبركاته


بقالى كتير مابكتبش هنا ولأ فى اى منتدى ملحوظاتى عن العربية. السيارة حاليا معايا بقالها شهرين, عداد 6130 كيلو , قبل هذه السيارة كنت امتلك خمسة سيارات أخرى , بالترتيب ( تويوتا ياريس , متسوبيشى لأنسر 1.6 , هيونداى فيفا 1.5 , بى أم دبليو E36 . ثم هيونداى تانى ) وبسوق من 7 سنوات , يعنى تقيمى هيكون عن خبرة وبشكل موضوعى, هاحاول ألخص ملحوظاتى فى نقاط حتى يتسنى للقارىء متابعتها بشكل منتظم ومتسلسل ..
1- أستهلاك البنزين عالى جداً داخل المدينة , أمبارح فولت العربية , اخدت 49 لتر على عداد رحلات 412 , يعنى تقريباً عملت فى اللتر 8 كيلو .. أنا على فكرة رجلى خفيفة جداً على دواسة البنزين ومش من النوع اللى بيحرق فى الطلعة , بسيبها تجمع مع نفسها وبعدين بدوس وبفتح معاها .. أنا ببقى مشغل التكيف طبعاً فى كل خروجاتى , العربية كانت بستهلك معايا فى الطوالى والطرق المفتوحة 11.4 فى اللتر .

2-الكاوتش عندى مظبطه كله على 28 عشان المطبات والنقر بتاعت القاهرة , فى الطرق الطوالى والمفتوحة ببقى مظبطه كله على 30 , يوجد مطبات عشوائية بالقاهرة مستفزة جداً ودائماً العربية بتحك فيها من تحت مع أنى ببقى راكب انا وزوجتى وطفلين صغيرين , مش عارف الوضع يبقى ايه مع المطبات لو راكب معايا 4 أفراد بالغين !!

3-الدهان الخارجى سىء وبيقشر من أقل زلطة او حاجة تتنطر عليه من أي عربية نقل محملة .

4-التجميع فى الغيارات معقول ومش وحش , والطلعة على الأول فى الزحمة حلوة بردوا مش وحشة , بس لو أنت أتزنقت وعاوز تعمل غرزة عشان تعدى من نقل أو عربية فى طريق رايح جاى أو توك توك , مانصحش حد يعملها لأن العربية مش هاتخدمك فى النقطة دى وكمان انت ماتعرفش اللى فى المقابل هيبقى فاهم النقطة دي ولأ هيلبس فيك , فيفضل عدم المغامرة بالنقطة دى لأن تجميعا لعمل غرزة وحش وسىء جداً والمغامرة اكيد مش هتبقى فى صالحك ..!!

5-التكيف مش وحش ومش حلو , معقول , بس فعلاً لأحظت انه لو متظبط على 22 والمروحة تبقى متوسطة بيكون أدائه احسن بكتير وبيسقع كويس .

6- التقفيل جيد جداً واقصد تفقيل المقصورة عن الأصوات الخارجية , ما بحسش أنى سامع الأصوات الخارجية وأنا مقفل الزجاج كله وبالخص لو أنا شارب أسبريت ومشغل الكاسيت واعصابى هادية بتبقى الدنيا ربيع بجد , هههههههههه .

7 - العفشة سيئة جدا وناشفة بشوارع القاهرة , من النوع الناشف ولأزم الكاوتش ينزل على 28 وألأ هاتحس بدبدبة ووجع فى الضهر , ولكن فى الطرق السريعة بتبقى العفشة ولأ أروع من ذلك فى الثبات ..!!

8- الثبات أكثر من رائع مثل الأوكتافيا .

9- الدوفيهات الخاصة بالسيارة كتير وتحتاج حرص لعدم تجريحها وخاصة من الأكصدامات والرفارف والعتب .

10- المرايات اليمين والشمال الخارجية رؤيتها خادعة ولأ تعطى المسافة الصحيحة ولأ يجب
الأرتكان عليها بشكل كلى خاصة لو وراك عربية أو حائط وقريبة جداً من السيارة لأنك هاتلبس فى اللى وراك , رؤيتها غير صحيحة .

11- الكراسي ناشفة ومتعبة للظهر ويوجد مسافة ما بين الظهر من أسفل والكرسي.. عشان كده هتحتاج لمخدة صغيرة او سفنجة لملء هذا الفراغ من أسفل ,, بشكل عام قيادة السيارة بشكل يومى بشوارع مثل شوارع القاهرة سوف يكون مؤلم للجسد والظهر بسب نشوفية الكراسي..!!!

12- السيارة بشكل عامة رائعة فى التصميم الخارجى وملفتة لأنتباه كل من يراها وتعطى أحساس للجميع بأنها تستحق أكثر من ثمنها ..
ع
13- الفرش الداخلى جيد جداً ويمكن تنظيفه بمنتهى البساطة والسهولة .

14 - حساسات الركن رائعة وعملية .

15 - المصابيح الأمامية جيدة جداً ويمكن العتماد عليها , اما الفوجات فنورها ضعيف يفضل أستبدال مصابيحها بزينون

16- سماعات الكاسيت معقولة جداً لمن هم فى مثل عمرى ( أنا 38 عام ) أما بالنسبة للشباب من هواة الصوت العالى فأكيد هيحتاجوا تغير هذه السماعات بأخرى وتركيب gm ..

17- الفرامل قوية جداً ومسعفة ولله الحمد ..

مستوى رضائى عن السيارة 80 % وأنصح بشرائها لفئات الأعمار البالغة ولمن هم ذوى خبرة بالقيادة , اما بالنسبة للفئة العمرية من الشباب بالعشرينات ولمن هم حديثى العهد بالقيادة فلأ أنصح بشرائها لهم ..!!!!

ديه كانت أخر نقاط ملحوظاتى بكل أمانة لكل من هو مقبل على شراء السيارة ولتبادل أراء الأخريين من مالكى السيارة أيضاً ,, أرجو ان اكون قد أفدتكم

[محمد مختار]

السلام عليكم ورحمه الله وبركاته والله انا مشترك فى الموقع النهارده جديد
العربيه دى : جيلى ايمجراند شوفتها شكلها حلو وقريت عنها وعن مواصفتها سعرها تحفه ، بس قريت عن مشاكلها من الساده المحترمين اللى اشتروها صراحه حاجه تخوف بجد ، عيوب فى التكييف وفى الفرامل وبتحف فى المطبات وأعطال فى كاسيت ولمبه تشيك ، انت بتتكلم فى عربيه زيرو ، المفروض الكلام ده ميكونش فيها ولا دى مشكله التقفيل المصرى ، واللى عرفته ان الوكيل (غبور) بيرفع من ثمنها عرفت أن أول ما نزلت كانت 79900 وسألت عليها فى المصريه (دمياط) 84500، وشكراً

[S O P H O S]

تقرير جميل