صيانه 100 لايمجراند اسواء ما يكون

[msds_eg]

اولا انا استلمت العربيه من اسبوع ودي كانت العيوب قبل صيانه
1-التكيف مبيشتغلش
2-الفرامل مفيش
3-اهتزاز قوي جدا لو دست علي الفرامل سوء ديسكات طبعا
4- تيل الفرامل سي جدا مخلي الجنوط الي قدام سوده زي الفحم
5-الفتيس بيرد مني علي التاني والخامس
6-كلبسات الكرتيره الي قدام مكسره
7- الكاست مبيشتغلش
8-البطارية مرشحه
9-الزوايا
بعد كده العربيه عملت 500 كيلو اتصلت احجز صيانه لقيت الكول سنتر بيقولي اققرب معاد 3-7 قولتلوا مينفعش قالي خلاص روح علطول من غير حجز قولت ماشي رحت وانا عامل 1100 روحت الساعه 8 صباحا لقيت طوبير قعدت استنيت لقيت محدش بينادي علي حد لغايت الساعه 11 قومت اتكلمت مع الناس الي قاعده جمبي وشرحت ليهم العيوب الي عندي قالولي احنا وكل الناس الي قاعده عندها نفس العيوب ويمكن اكثر منك وبعدها بشويه بدات المشاكل كل واحد يدخل يتخانق معاهم مفيش حد مكنش بيتخانق هناك المهم دخلت المهندس استقبلني الساعه 12 ونص وانا قاعد من 8 المهم ايه العيوب الي عندك قولتلوا عليها قالي تمام وطلع جرب العربيه وقالي هتستلم الساعه 4ونص وفعلا اربعه ونص كنت بستلمها بس با النسبه للعيوب ايه الي حصل فيها بقا

1-التكيف فعلا مش شغال بس واحنا هنبعت للصين علشان دي عند الناس كلها ولما يغيرو نوع الكمبرسور هنغيرهولك قولت ماشي
2- الفتيس لما كان بيرد من علشان الفتيس مكنش راكب صح في مكانه وخلاص عملناه
3-الكاست الوكيل بتاعه مش عندنا روح شوفه بره
4-الزوايا الجهاز مش شغال
5-التيل هو كده لازم يطلع رايش
6-الاهتزاز راح خلاص والحاجات الباقيه اتعملت

طلعت بيها علي الطريق لقيت الاهتزاز لسه زي مهو مرحش رجعت تاني الساعه كانت خمسه قولتلوا هو انتا مفيرتش الطنبير قالي لا ده انا عملت محاوله كده قولتلو غيرها دلوقتي خدها غيرها وخرجت من التوكيل الساعه 5 ونص مفيش دل كده انا خرجت اشتم فيهم شتيمه عربيه زباله وتوكيل ازبل ده انا ندمت اني اشتريتها 10 ساعات بعمل صيانه ال 1000 انا بنصح اي حد انو ميشتريهاش من الي شفته هناك ومن الي سمعته من الناس هناك والله مفيش واحد بس شكر فيها العربيه دي خبور غبور للشعب المصري

[bassem.naguib]

حضرتك استلمت من التوكيل نفسه ولا من موزع ليه ؟!

الموضوع عاوز صبر وشوية مناهدة مع التوكيل لحد ما تاخد حقك .. بس طول بالك شوية .

[zoma ahmed]

لا حول ولا قوة إلا بالله ,,, انا كنت خلاص هشتريها بس الكلام دا قلقني وشكلي هرجع افكر تاني

[amagroup]

الصيني حدث ولا حرج
بس طالما شربتها بقي حاول في التوكيل لغايه ما تاخد حقك وتطمن علي العربيه
ولو قادر تبيعها يكون افضل لانك بالكلام بتاعك ده خلتني احس انك راكب عربيه تخوفك اصلا انك تسوقها

[midooo_119]

اول مرة اشوف كمية العيوب ديه مع حد ان شاء الله تتحل كلها لان العربية مش سيئه للدرجه دى لكن ده نصيبك و معلش استحمل شوية لان المشكله ان مفيش غير ابو رواش و طبعا عليهم ضغط جامد شوف كام واحد عمل زى حضرتك راحلهم من غير حجز

[msds_eg]

حضرتك استلمت من التوكيل نفسه ولا من موزع ليه ؟!

الموضوع عاوز صبر وشوية مناهدة مع التوكيل لحد ما تاخد حقك .. بس طول بالك شوية .

من الوكيل يباشا شارع احمد عرابي المهندسين

[msds_eg]

لا حول ولا قوة إلا بالله ,,, انا كنت خلاص هشتريها بس الكلام دا قلقني وشكلي هرجع افكر تاني

متزعلش مني يباشا عربيه سئ جدا جدا والوكيل اسواء وروح مركز الصيانه ابو روش وانتا تعرف ان العربيه سئ حصلت امبارح اكثر من 20 مشكله وكل الناس الي كانت موجوده عندهم نفس الشكوي ده في واحد كمبروسر التكيف عنده مبيشتغلش قلولوا هنركبلك واحد جديد قلهم ماشي قلولوا بس هو مش موجود الراجل بقاله شهر ونص من غير تكيف وراح قلهم انا مش ماشي غير مشوف حل

[msds_eg]

اول مرة اشوف كمية العيوب ديه مع حد ان شاء الله تتحل كلها لان العربية مش سيئه للدرجه دى لكن ده نصيبك و معلش استحمل شوية لان المشكله ان مفيش غير ابو رواش و طبعا عليهم ضغط جامد شوف كام واحد عمل زى حضرتك راحلهم من غير حجز

لا يباشا كل الناس عندها نفس العيوب

[msds_eg]

الصيني حدث ولا حرج
بس طالما شربتها بقي حاول في التوكيل لغايه ما تاخد حقك وتطمن علي العربيه
ولو قادر تبيعها يكون افضل لانك بالكلام بتاعك ده خلتني احس انك راكب عربيه تخوفك اصلا انك تسوقها

انتا بتقول فيها يباشا انا بقيت بخاف منها جدا

[M.Elgergawy]

اطلع على حماية المستهلك

[mohamed hussei]

ربنا معاكوا شوف جهاز حماية المستهلك وحاول تبعت شكوي ل الفرع الرئيسي ل جيلي في صين عن طريق الانترنت

[msds_eg]

ربنا معاكوا شوف جهاز حماية المستهلك وحاول تبعت شكوي ل الفرع الرئيسي ل جيلي في صين عن طريق الانترنت

انشاء الله هو ده الي هيحصل

[sameh.elsakka]

اولا انا استلمت العربيه من اسبوع ودي كانت العيوب قبل صيانه
1-التكيف مبيشتغلش
2-الفرامل مفيش
3-اهتزاز قوي جدا لو دست علي الفرامل سوء ديسكات طبعا
4- تيل الفرامل سي جدا مخلي الجنوط الي قدام سوده زي الفحم
5-الفتيس بيرد مني علي التاني والخامس
6-كلبسات الكرتيره الي قدام مكسره
7- الكاست مبيشتغلش
8-البطارية مرشحه
9-الزوايا
بعد كده العربيه عملت 500 كيلو اتصلت احجز صيانه لقيت الكول سنتر بيقولي اققرب معاد 3-7 قولتلوا مينفعش قالي خلاص روح علطول من غير حجز قولت ماشي رحت وانا عامل 1100 روحت الساعه 8 صباحا لقيت طوبير قعدت استنيت لقيت محدش بينادي علي حد لغايت الساعه 11 قومت اتكلمت مع الناس الي قاعده جمبي وشرحت ليهم العيوب الي عندي قالولي احنا وكل الناس الي قاعده عندها نفس العيوب ويمكن اكثر منك وبعدها بشويه بدات المشاكل كل واحد يدخل يتخانق معاهم مفيش حد مكنش بيتخانق هناك المهم دخلت المهندس استقبلني الساعه 12 ونص وانا قاعد من 8 المهم ايه العيوب الي عندك قولتلوا عليها قالي تمام وطلع جرب العربيه وقالي هتستلم الساعه 4ونص وفعلا اربعه ونص كنت بستلمها بس با النسبه للعيوب ايه الي حصل فيها بقا

1-التكيف فعلا مش شغال بس واحنا هنبعت للصين علشان دي عند الناس كلها ولما يغيرو نوع الكمبرسور هنغيرهولك قولت ماشي
2- الفتيس لما كان بيرد من علشان الفتيس مكنش راكب صح في مكانه وخلاص عملناه
3-الكاست الوكيل بتاعه مش عندنا روح شوفه بره
4-الزوايا الجهاز مش شغال
5-التيل هو كده لازم يطلع رايش
6-الاهتزاز راح خلاص والحاجات الباقيه اتعملت

طلعت بيها علي الطريق لقيت الاهتزاز لسه زي مهو مرحش رجعت تاني الساعه كانت خمسه قولتلوا هو انتا مفيرتش الطنبير قالي لا ده انا عملت محاوله كده قولتلو غيرها دلوقتي خدها غيرها وخرجت من التوكيل الساعه 5 ونص مفيش دل كده انا خرجت اشتم فيهم شتيمه عربيه زباله وتوكيل ازبل ده انا ندمت اني اشتريتها 10 ساعات بعمل صيانه ال 1000 انا بنصح اي حد انو ميشتريهاش من الي شفته هناك ومن الي سمعته من الناس هناك والله مفيش واحد بس شكر فيها العربيه دي خبور غبور للشعب المصري

السلام علكيم,

استاذ msds_eg انا اول مرة اشارك في المنتدي هنا و كان ليا الشرف ان اول موضوع ارد عليه هو موضوع حضرتك , انا من ملاك العربية من اكثر من 6 شهور و العربية عاملة معايا دلوقتي 5200 كم و ما شاء الله العربية ممتازة و انا راضي عنها جدا ,اما المشاكل اللي عند حضرتك هي في الاصل مشاكل بسيطة ماعدا موضوع التكيف لان في الاغلب السربنتينة عايزة تتغير مش الكمبروسور بتاعه لان فيه عربيات و انا الحمد لله منهم التكيف عندي ممتاز و في عربيات السربنتينة بتبقا مخرومة و مش بيقولو غير لما تزنقهم و للعلم السربنتينة دي من الاجزاء المصرية اللي راكبة في العربية فا لازم حضرتك تضغط عليهم في التوكيل عشان يعترفوا بكده و يغيروها اما بالنسبة لضبط الزوايا فا هو بالفعل الجهاز عندهم بايظ و كانو قايلين انهم هايجيبوا جهاز جديد علي شهر 7 فالافضل انك تظبطها بره زي مانا عملت ولو السوفت وير بتاع العربية مش موجود هي بتتظبط علي تويوتا كرولا ,اما بالنسبة للكاسيت فهو بالفعل توكيله مش مع غبور مع واحد اسمه فيديو باص في العاشر من رمضان رحلهم و هيغيروه لحضرتك علي طول ,المهم ان المشكلة الوحيدة في الاشخاص اللي شغلين في التوكيل مش العربية لان ما شاء الله العربية ممتازة و لكن حضرتك تقدر تكلم الكول سنتر و تشتكي الاشخاص اللي في التوكيل و تهددهم بحماية المستهلك و يوم او اثنين هتلاقيهم بيكلموك و بيقولو لحضرتك تعالي و هيعملو اي حاجة حضرتك عايزها , هو للاسف مش بيجوا غير لما الواحد يههدهم, و ان شاء الله العربية تبقي زي الفل مع حضرتك بس بمنتهي الامانة العربية فعلا ممتازة و كل مشاكلها مشاكل تقفيل بسيطة.

[M I D O]

فتيس راكب غلط ؟؟ والله انا مش لاقي شتيمة اشتمها هية الناس دي مبتفهمش و مبيجربوش العربية بعد التجميع وبالنسبة للتكييف هية حالة عامة فعلا و اغلبية الناس بتقول علية كلام وحش وقليل الي بيشكر فية و فعلا انت قابلتك عيوب كتيرة اوي وكنت طلعت علي حماية المستهلك والناس الي بتقول خليك ورا التوكيل عشان تاخد حقك معا احترامي الكامل لحضراتكم هوة الواحد جايب عربية جديدة عشان يفضل يجري ورا حقة في التوكيل ولا عشان تريحة علي الاقل 5 سنين ؟؟ ربنا معاك يا باشا و العيوب دي تخلص ومعلش استحمل نصيبك كدة وان شاء الله كل العيوب دي تتصلح

[elpasha1]

قلبي معاك