صيانه 100 لايمجراند اسواء ما يكون

[hugan]

طيب وبالنسبة لحجم العربية علي 1500 سي سي مأثر في حاجة ولا المحرك كويس علي العربية وهل العربية دي هتستحمل السفر 4 او 5 ايام اسبوعيا 230 كيلو في وجهة نظرك

تستحمل ياباشا
ايه اللي يمنع
الجيلي اخف في الوزن من ال 516 واظن الانفي
لو هاتقارن
الجيلي حتي الان اثبتت وجودها في فتره قصيره
واظن واكيد كمان ان موتورها اقل تعقيدا بكثير من مواتير اسبرانزا او شيري
خامات التابلوه جيده
وفرش الابواب
تقفيل الكابوت ووضعيه الموتور في الحوض
جيد جدا مفيش لعبكه ولا كركبه في الحوض
يعبها نزولها ببطاريه سائله
وفينش العربيه ككل جيد جدا
بالنسبه لسعرها
بامانه لو اي حد شافها وما يعرفش انها صيني
مش ممكن يقول ان العربيه دي صيني

[M I D O]

تستحمل ياباشا
ايه اللي يمنع
الجيلي اخف في الوزن من ال 516 واظن الانفي
لو هاتقارن
الجيلي حتي الان اثبتت وجودها في فتره قصيره
واظن واكيد كمان ان موتورها اقل تعقيدا بكثير من مواتير اسبرانزا او شيري
خامات التابلوه جيده
وفرش الابواب
تقفيل الكابوت ووضعيه الموتور في الحوض
جيد جدا مفيش لعبكه ولا كركبه في الحوض
يعبها نزولها ببطاريه سائله
وفينش العربيه ككل جيد جدا
بالنسبه لسعرها
بامانه لو اي حد شافها وما يعرفش انها صيني
مش ممكن يقول ان العربيه دي صيني

تسلم يا باشا علي الرد وكدة الواحد هيرجع يفكر في الامجراند تاني لاني بثق جدا في راي حضرتك

[midooo_119]

حالا لسه سايق العربيه

بامانه العربيه ممتازه ومناسبه لسعرها
تكييف رائع
السحب مع التكيف معقول مفيش تخسيع ولا نخع في الموتور مع تشغيل التكييف
السحب اول وتاني بدون تكييف ممتاز
العربيه بتجمع كويس
بتجمع كويس عالسرعات الواطيه لكن عالعاليه بتاخد وقت شوية
خلاف مواتير اسبرانزا تقيله اول وتاني
الفينش الداخلي معقول ومناسب
العربيه ضيقه شويه من الخلف
اول مرة اسمعها من حد
ارتفاعها عن الارض عيب
لان العربيه بتحك في المطبات
ده لو محمله لكن لو محدش راكب ورا مش بتحك
الفرامل ضعيفه شويه
برضه اول مرة اسمع حد يقول كده ده احلى حاجه فيها فراملها
العربيه انتشرت انتشار كبير في مده قليله
وده اكبر دليل علي نجاحها
اظن ان العربيه هاتكتسح فئتها بدون منافس
اتفق معاك

[eleanor]

[quote=m i d o;3875069708]هية عمرها ما هتنتشر زي الفيرنا ولا تاخد وضعها لاكن برضو هتنتشر وهتاخد حصة من السوق بس اية وجهة نظر حضرتك في حتة انها لا تصلح للشوارع المصرية ؟؟[/q
انا اسف انى اتاخرت فى الرد على حضرتك بس هى فعلا لاتصلح للشوارع المصريه مش لكونها عربيه سيئه بالعكس هى اصلا مصنعه فى الصين وموجهة لدول الخليج واوربا يعنى مش لمصر بس المشكله ان الى فى مصر غبور بيجمعها هنا مش بيستوردها وهنا تكمن المشكله انه عايز يكسب الضعف ومش هايعرف يوصل للتقفيل اللى بيتصدر لاوروبا

[M I D O]

]
انا اسف انى اتاخرت فى الرد على حضرتك بس هى فعلا لاتصلح للشوارع المصريه مش لكونها عربيه سيئه بالعكس هى اصلا مصنعه فى الصين وموجهة لدول الخليج واوربا يعنى مش لمصر بس المشكله ان الى فى مصر غبور بيجمعها هنا مش بيستوردها وهنا تكمن المشكله انه عايز يكسب الضعف ومش هايعرف يوصل للتقفيل اللى بيتصدر لاوروبا

مشكور علي الرد وهوة فعلا مش هيوصل ابدا لتقفيل اوروبا بس خلي بالك الشاصية الي هنا هوة هوة الي في اوروبا يعني تقريبا مستوي الامان واحد ودي نقطة تميز لانها واخدة 4 نجوم في اوروبا لاكن باقي العربيات من خامات اقل جودة من برة طبعا بكتير وزي ما حضرتك قلت عاوز يعلي ارباحة بمراحل

[eleanor]

مشكور علي الرد وهوة فعلا مش هيوصل ابدا لتقفيل اوروبا بس خلي بالك الشاصية الي هنا هوة هوة الي في اوروبا يعني تقريبا مستوي الامان واحد ودي نقطة تميز لانها واخدة 4 نجوم في اوروبا لاكن باقي العربيات من خامات اقل جودة من برة طبعا بكتير وزي ما حضرتك قلت عاوز يعلي ارباحة بمراحل

بالظبط كده هو عايز يكسب كتير وبس ومش مهم الناس

[S O P H O S]

كل ده فعربية جديدة

[bahaa sadek]

maintenance at abo Rawas is very bad...

[M I D O]

كل ده فعربية جديدة

والغريب ان العربية بتنتشر بسرعة عالية رغم كل العيوب دي لان للاسف في العالم كلة التوكيل بيجري ورا الزبون الا في مصر الزبون بيجري ورا التوكيل وكلة بيقول من غبور يبقي وسع زي الفل واهو غبور مطلع عين كل الناس وبتوع هيونداي مسلموش منة يبقي بتوع الجيلي هما الي هيسلمو

[M I D O]

maintenance at abo rawas is very bad...

كل مراكز خدمة غبور زي الزفت

[Haitham Basha]

و الله كل الي أنا شايفه بيحصل أدامي دلوقتي نفس الي كان بيحصل سنة 2007 أول ما نزلت الإسبرانزا و أنا جبتها و الله كمان مره في عيوب ظهرت أكبر و أخطر من كده في الإسبرانزا و التيجو سواء 1600 أو 2000 و كانت مهازل عند أبو الفتوح بس أنا الحمد لله جظي جه في مشكله التكيف و علبة البيئة الي في الشكمان و غلبوني حوالي أربع شهور على ما حلوها بس حلوها لما طلعت على مدير مركز الصيانة و هو راجل محترم بصراحة و سمعني و هداني لأني كنت على آخري و شااااااااايط و مش طايق نفسي حته لكن الراجل مكدبش خبر و نزل معايا و كشف على العربية بنفسه و آتاري إن الإستهبال جي من مهندسين التوكيل و الصنيعية يقلك هنبعت نجيب كبرسور و مفيش طب جبنه و نركبه و مفيش يومن ويضرب و يبوظ آتاري بقه الي أنا عرفته بعد كده بسنتين من مهندس صاحبي في bmw أبو الفتوح برضو اياميها إنهم كانو بيلصمو أيوه بيلصمو و يزود شحن الفريون و شكراً كسل بقه قله ضمير متعرفش ... المهم مش هطول إلي أنا عايز أقولو إنك يا باشا متسبش حقك مهما كان حتى لو تعريفه و متسمعش لحد أهم حاجة إنك تهدى و تصبر شويه معلش و إن شاء الله كلو هيبقى تمام ... قلبي معاك و الله و حاسس بوجعك ... أخوك في الله ...

[saddam]

أيها اﻷخوة.المواطنون
الناس في الغربيات نوعين
يا إما بيعتبر العربية غاية
يا إما
يعتبر العربية وسيلة
و واضح إن صاحب الموضوع من النوع الثاني ﻷنه قليل الصبر وهو عايز عربية تقضيله مشاويره مش زي الناس اللي بتبقه من الصنف اﻷول عندها ركوب العربية غاية وتقعد أشهر وسنين تدور على عربية.نادرة.أو تجيب زرار أصلي أو يسافر أقاليم عشان سمع واحد عنده قطعة غيار وأحيانا تجيب دينمو وتركبه يشتغل يومين ويعطل متزعلش ترجع تفك تاني
وكل أعطال صاحب الموضوه بما فيها كباس التكييف من التوافه البسيطة وممكن حلها بالصبر والكلمة الطيبة وأنا معاه إن غبور لا يحترم الزبائن في الصيانة وده ﻷنه بيبيع عربيات كتير فالظغط عليه عالي فتلاقيه شوية.شوية.لا يحترم الناس بالطريقة المطلوبة فصدقني مشاكلك كلها بسيطة و90% لو.عملتها بره أرخصلك وأحسن لك من وجع الدماغ يعني أنا عندي إسبرانزا 620 زيرو عيبها في المساعدين حيعمل لي إيه التوكيل حيغيرهملي بالضمان بس إيه الفايدة مهو حيركب نفي النوع الوحش فأشرف لي أغير لعربيتي حاجات على مزاجي تعيش معايا العمر كله
نيجي لموضوع الكباس وناس بتقللك ده عظيم وناس بتقللك ده حقير والخلاصة اﻹثنين كلامهم صح إزاي
الكباس ككباس طالما هو شغال فتكييفها محترم جدا بس لما عطل فهو سيء والعربيات الصينية فيها ثلاثة عيوب مستديمة حتى اللحظة وهي الدينمو والكباس والراديتير

نيجي للناس اللي بتقول ليه العربية.ناس بتشكر فيها وناس بتقول عليها وحشة وده عندي معاه تجربة زمان كان عندي شركة تكس في الخليج فكنت بستلم عربيات كتير من التوكيل بس صنف واحد ودايما وحده من كل 7 أو 8 تطلع معيوبة زي كرونة بتون أو تكييف مش شغال أو حتى كاوتش قديم حاجات بتحصل وعادي الواحد بيحلها
وبالنسبة للإمجراند حاليا ومقارنة بأسعار السيارات الخزعبلية الزيرو طبعا فتعتبر مقبولة جدا أما كمستعمل فغالية وإهدأ وكل اللي في عربيتك بسيط ولا يقلق وهون على نفسك ودمتم

[dode_70]

اكيد سيبك منها دلوقتى

[aftr]

كل اللي حضرتك قلته بأستثناء التكيف راجع لسوء التوكيل مش العربية و طالاما قالو انهم هيغيروا الكمبريسور يبقوا فعلا هايغيروه المسألة مسألة وقت و نرجع و نقول ان برضه كل دي مش مشاكل تعيب العربية في حاجة دا مشاكل توكيل و احسن العربيات و التوكيلات فيها المشاكل دي انا ليا ضديق معاه MBW x1 , و غير فتيس كامل في التوكيل بعد خمس الاف كيلو و دي طبعا حاجة تعيب العربية لان بتوقفها,فما بالك بقا بشوية مشاكل انا شايف انها بسيطة جدا بالنسبة لمشاكل موجودة في عربيات تانية فعلا تعيبها ,فا اصبر شوية و ان شاء الله حضرتك هاتعرف اد ايه العربية جميلة و لو دخلت علي جروب العربية علي الفيس هاتعرف اد ايه الناس بتحبها و بتشكر فيها بأستثناء مشاكل التقفبل اللي بتتحل في زيارة او اثنين بالكثير للتوكيل

مشاكل ايه اللى بسيطه فى عربيه زيرو ربنا معاك بجد ده لو عيب واحد فى العربيه يخلى الواحد قرفان منها ومش عاوز يركبها
اول ماجبت m11 كان فى مشكله فى البطاريه وتم تغيرها فى نفس اليوم بصراحه ابصم بالعشرة افضل توكيل فى مصر من حيث الصيانه والضمان ابو الفتوح 3 سنوات مع الضمان
1- تم تغير مساعدين امامى بعد 3 سنين
2- كالون امامى شمال كان تعليق بسيط فى السنتر مكان الغسيل وتم التغير ضمان
3- علبة دريكسيون بعد 3سنوات تابع الضمان
4- طبعا لو توكيل تانى مفيش ولا تغير ولا يحزنون الكلام ده وعن تجربه عربيه صديق ليه كان مشكله فى المساعدين والتوكيل رفض التغير قال العيب منك وكانت النترا
بصراحه ربنا معاك
والله ياجماعه واحد جارى معاه عربيه نص نقل بيوزع قطع غيار جيلى من لسانه شغال توزيع قطع غيار وقال العربيه فيها مشاكل كتير وناس كتير اشتكت وقال عربيه تعبانه وحرام فيها الفلوس

[jackson_75]

يا جماعة أنا واحد من مالكى السيارة ومرخص العربية سياحة يعنى زى التاكسى ودايماَ بسافر بيها والحمد لله زى الفل والسحب جميل وتقفيلها حلو وما شاء الله متوازنة على الطريق ، والعيوب اللى فيها اللى واجهتنى هى فيبرة تانك البنزين مكسورة ، التكيف كان شحنه ضعيف وزودته وأشتغل تمام وبيسقع بفضل الله بنسبة 90% كويس جداً لأن أنا عربيتى مش مركب لها فاميه ولا ستاير فالتكيف بياخد وقت بسيط على ما بيسقع وفى الحر الشديد ، يعنى لو أنت ماشى بالعربية الساعة 2 الظهر أو 3 ممكن تحس أن التكيف ضعيف شوية ، بس والله بيبقى باين عندى على الشاشة درجة الحرارة بالخارج 47 فطبيعى متحسش بكفاءة التكيف العالية مع هذا الحر ، ممكن يكون الكباس بعد فترة عاوز يتغير لان فيه صوت بسيط بدء يظهر عندى مش عارف سير عاوز يتغير ولا كباس ، بس فى المجمل العربية ماشاء الله قشطة والعيوب ممكن تنحل ان شاء الله بالصبر بالمقارنة بسعر البيع مع عربيات تانية زى التويوتا دلوقتى شوف مثلاً بكام وشوف الاميجراند زيرو بكام ..لو كباس باظ أيه المشكلة يركب غيره ولو سير انقطع ولا أى حاجة ممكن تتشال ويتحط غيرها ،وياعم لو الموتور كله مش عاجبك بعد كده أرميه وركب موتور تويوتا كورولا مش هايقول لا وبيركب على نفس القواعد والضفيرة والكنترول ، اهم حاجة الصبر والهدوء وكل شىء بينحل باذن الله..