رابطه لملاك جيلي ck

[tarek elbadry]

السلام عليكم
وحشتونى جدا
موضوع ان المروحة تشتغل على طول دة معناة ان الترمستات بايظ
انا عندى نفس المشكلة اشتريت 2 وطلعو بيظين جبتهم من الصينية وابو عوف
والترمستات عندى بيشتغل بمزاجة مرة مظبوط زمرة بعد النص ومرة ميشتغلش خالص
واحد صاحبى قالى ترمستات الانوس بيشتغل تمام عليها من غير اى تعديل وهوة مجربو
انا لسة مجربتش بس لو حد جرب ياخد القديم معاة علشان فية تخين ورفيع

[xmando11]

فعلا حد قالي علي حساس الانوس ده
وانا جبت مره كان بتاع الاكسنت
وجبت واحد من ابو عوفهي المشكله عندي كان المروحه بتتاخر في الدوره
الموضوع ده ممكن يكون طلمبة المياه مش بتقلب كويس او الحساس فعلا بظ او في هو في الدوره
انا روحت لكهرباءي يعملي زرار للمروحه قاعد يلعب في الكتاوت وحساس المروحه ومعرفش يعمل مفتاح والمروحه فضلت شغال بس لما كشفت كمبيوتر قر حساس مروحه وغيرته ولسه نفس المشكله
بس انا حاسس انه حصل مشكلة في الكنترول
علي فكره انا شجرت المياه اللي فيها حساس المروحه كانت مخرومه وجبتها النهارده استيراد بتاعت الكورولا بس لسه مركبتهاش

[tarek elbadry]

الحمد لله تم تركيب ترمستات لانوس 25 جنية هوة هوة بتعها نفس الفيشة من غير اى تعديل خد القديم معاك وانتة بتشترى
شغال زى الفل
المشكلة التانة ان حساس الحرارة بيقراء غلط عاوز افكة وانضفة او اغيرو لو حد غيرو تمنو كام
الحساس دة اللى مكانو فوق الترمستات ولا مكان تانى

[ahmed salh]

لو سمحت

عاوز اعرفاللمبة الحمراء اللى تحت لمبة البطارية بتاعت اية ولية العربية وهية ماشية على سرعة 80-90 بترعش جامد مع زيادة البنزين

[tarek elbadry]

عاوز اعرفاللمبة الحمراء اللى تحت لمبة البطارية بتاعت اية ولية العربية وهية ماشية على سرعة 80-90 بترعش جامد مع زيادة البنزين

السلام عليكم
موضوع اللمبة لو ممكن تصورها وتنزلها نعرف ونفيدك
اما الرعشة دة ممكن يكون ترصيص كاوتش

[atwany2]

انا عايز اغير راس كوبلن شمال وانا في اسوان فيه محل عندنا بيجيب الحاجة من القاهرة لما رحت له وبعت عليه قال انهم بيسالوا عدد السنون في الكوبلن كام 30 ولا 24 وانا مش عارف فيه حد عنده فكره هي جيلي ck 2009

[el_lol_007]

باشا بخصوص راس الكوبلن لازم الكوبلن يتفك و تعد عدد السنون الداخليه بتاعته
موديل 2009 فيه 23 سن داخلى و فيه 30 سن داخلى و ال 24 سن دول بيبقوا من بره فى الاتنين
كده حضرتك لازم تفك القديم و تعد السنون بتاعته

[atwany2]

هو اقدر افكه بنفسي واعد السنون وبعد كده اجيب العفشجي يركب اصل العربية ما بتتحركش

[el_lol_007]

هو اقدر افكه بنفسي واعد السنون وبعد كده اجيب العفشجي يركب اصل العربية ما بتتحركش

للاسف يا باشا لازم الكوبلن يتفك خالص ولازم صنايعي هو اللى يفكه
بص لو عرفت تفك فرده بتاعت الكاوتش و تقطع كاوتش الكوبلن و تمسح الشحم و تغسله كويس و تمور الفتيس و تعلم علامه على الاكس اللى داخل الكوبلن من ناحية المشرشر و تلف الاكس وانت بتعد الشرشره بتاعت الاكس هتعرف هو كام سنه بس هتتبهدل شويه و ده الحل الوحيد من غير متفك الكوبلن

وربنا يعينك

[sameh.2]

السلام عليكم
انا كان عندى صوت خشانة فى الفتيس ولما كنت بدوس دبرياج الصوت بيمنع المهم كنت ماشى فى طريق سفر وبعدين الغيار الخامس باظ ياعنى بيجى بس مش بيسحب
فكيت الفتيس عند ميكانيكى ووديتة لبتاع فتيس وقالى قاعدة الخامس عاوزة تتغير وسالت عليها عند الشيخ طة فى الحرفيين قالى انة بيبيع الشجرة كلها يعنى مجموعة التروس ب 1500ج بس الصنايعى بتاع الفتيس راح عزبة شلبى واشترى قاعدة الخامس ب 300ج وغير بلية كمان ب 40ج وقفل الفتيس وكلة تمام ماشى دلوقتى بقالى اسبوع

[sameh.2]

حد عنة فكرة عن تنظيف الرشاشات ازاى وبتتكلف كام عشان العربية بتقطع فى اول الغيارات وبتمنع لما بدوس جامد يعنى فى اخر الغيار

[tarek elbadry]

السلام عليكم
انا كان عندى صوت خشانة فى الفتيس ولما كنت بدوس دبرياج الصوت بيمنع المهم كنت ماشى فى طريق سفر وبعدين الغيار الخامس باظ ياعنى بيجى بس مش بيسحب
فكيت الفتيس عند ميكانيكى ووديتة لبتاع فتيس وقالى قاعدة الخامس عاوزة تتغير وسالت عليها عند الشيخ طة فى الحرفيين قالى انة بيبيع الشجرة كلها يعنى مجموعة التروس ب 1500ج بس الصنايعى بتاع الفتيس راح عزبة شلبى واشترى قاعدة الخامس ب 300ج وغير بلية كمان ب 40ج وقفل الفتيس وكلة تمام ماشى دلوقتى بقالى اسبوع

السلام عليكم
هوة الميكانيكى جاب قاعدة الخامس بتاع عربية اية
للعلم علشان انا عندى نفس الموضوع

[sameh.2]

السلام عليكم
هوة الميكانيكى جاب قاعدة الخامس بتاع عربية اية
للعلم علشان انا عندى نفس الموضوع

الصنايعى بتاع الفتيس هو اللى اشتراها وقالى انها بتاعة العربية جابها من بتاع استيراد بس وهو بيركبها لقى ان مقاسها اكبر ميلى ووداها للخراط خد منها الميلى دة وركبها وقالى انها بتاعة العربية بس موديل مختلف يعنى سنة بعد او قبل ؟؟؟!!

[atwany2]

الحمد لله لقيت الكوبلن 23 سن وجبت راس كوبلن ب 155 جنيه وركبه الميكانيكي والحمدلله كله تمام

[sameh.2]

الحمد لله لقيت الكوبلن 23 سن وجبت راس كوبلن ب 155 جنيه وركبه الميكانيكي والحمدلله كله تمام

مبروك ربنا يتم عليك الخير منها وتفضل كويسة على طول