رابطه لملاك جيلي ck

[arafahamada]

احنا متشوقين الى كتالوج السياره وياريت حضرتك ما تتأخرش علينا وربنا يبارك فيك

[xmando11]

ده رابط الكاتلوج بتاع العربية
https://www.mediafire.com/?0exyu4n5248nlcd

[el_lol_007]

شكرا ليكم جدا على مشاركاتكم و انا سعيد بمشاركه اعضاء محترمين و نقدر اننا نستفيد من تجاربنا مع العربيه دى انا العربيه دى عجبانى جدا فعلا بس كنت محتاج اعرف البدايل و اديني بتعلم منكم كلكم و شكرا ليكم كلكم ناس محترمين جدا
و شكرا لحضرتك جدا على الكتالوج
و كل عام و حضراتكم بخير

[el_lol_007]

من فضلكم عندى استفسار
انا السنتر عندى كان بيقفل على سرعه معينه و بد كده بطل يقفل لوحده يا تري حد يعرف السبب
حاجه تانية مؤشر البنزين عندى مش مظبوط و بيلخبط فى القراية يا تري العوامه تحت الكنبة ولا لازم افك التانك
و شكرا ليكم

[xmando11]

كل سنة وانت طيب
بس انا عندى السنتر مش بقفل لوحده خالص
لو كان بيقفل لوحده يبقى كده اكيد فى مشكله
بالنسبه للعوامه انا فكات الكانبه قبل كده بس والله مش فاكر شوفتها ولا لا
بس سهل ممكن تبص عليها

[atwany2]

انا اشتريت المساعدين الامامية ب 550 جنيه من التوفيقيه واحد جابهم لي من محل اسمه شاهين تقريبا بعد ما لف كتير وانا في اسوان لما دورت ملقيتهمش ولقيت بتاعة الفيرنا زيها بالظبط بس الودن اللي بيتربط فيها الشداد مش موجوده وموجود بدلها مربع فيه فتحة صغيرة 6 مم تقريبا ولوفيه تعديل ياريت اللي جربه يفيدن وبالنسبه للخلفي لم نجدهم بس تمنهم قالوا 650 جنيه وممكن بعد اسبوع علي حسب كلامهم يجبوهم وبالنسبه لتيل الفرامل انا صاحب العربية اللي قبلي كان مليهم والطنبوره فيها مجاري فقلت اغير التيل وبعد مافكيناه لقيتهة مليان زي ماهو وربطناه تاني وبقي يصفر من ساعتها بس انا بجيب شوية ميه في الجردل مع اريال واكبهم علي الطنبوره او من خلال العجل الصفاره بتروح وانا لسه مركبتش المساعدين والعربيه فيها هزه شويه تقريبا عايزه ضبط زوايا وترصيص فقلت خليها بعد ما اركب المساعدين بالمره
\بس انا عايز اسال علي حاجة انا العربية بتستهلك بنزين اللتر بيعمل 7.5 كم وده كتير شويه فاضطريت افول بنزين 80 هل الاستهلاك عندكم كده برضه ولا انا فيه مشكله

[el_lol_007]

باشا استهلاك البنزين كده عندك كتير و فيه مشكله انا استهلاك البنزين عندى تقريبا مابين 11 و 13 كيلو للتر
نظف البوابه و غير فلتر الهوا و الزيت و البوجيهات و قولى الاخبار ايه

[arafahamada]

ياريت شرح بسيط على طريقه حل وتنظيف البوابه بتاعه الهواء

[xmando11]

ياريت شرح بسيط على طريقه حل وتنظيف البوابه بتاعه الهواء

http://m.youtube.com/watch?v=41yFXjibtLY#

بص علي الفديو ده بس انت ممكن تفك الكوليه عند البوابه وتشيل الغطاء بتاع فلتر الهواء بالخرطوم اللي. رايح البوابه
[media]http://[/media]

[arafahamada]

شكرا يا حبيبى على الاهتمام والفيديو

[mabdelhak82]

ملاك الجيلى ck2

الساده ملاك الجيلى ck2 انا عايز اشتريها ايه رايكم فيها بصراحه يعنى ايه مميزاتها و عيوبها و اشتريها و لا لا و سعرها فى حدود كام انا بفكر فى موديل 2008 فما فوق

[M I D O]

الساده ملاك الجيلى ck2 انا عايز اشتريها ايه رايكم فيها بصراحه يعنى ايه مميزاتها و عيوبها و اشتريها و لا لا و سعرها فى حدود كام انا بفكر فى موديل 2008 فما فوق

رايي بلاش عشان العربية مش منتشرة

[arafahamada]

العربيه جميله وانا أشتريت موديل 2009 بمبلغ 36000 وهى مثل الفيرنا وال لانوس نفس الفئه وأى عربيه تحتاج المحافظه

[M I D O]

العربيه جميله وانا أشتريت موديل 2009 بمبلغ 36000 وهى مثل الفيرنا وال لانوس نفس الفئه وأى عربيه تحتاج المحافظه

طيب وقطع الغيار يا باشا متوفرة فين و اسعارها اية و خامات نضيفة ولا لا و في صنايعية بيفهمو فيها ولا لا

[arafahamada]

الاخوه الاعزاء حاولت ا ن أكشف على تيل الفرامل الخلفى ولكننى حينما فكيت العجله الخلفيه وحاولت حل الطنبور الخلفى لم أتمكن وهو فى العربات موديلات اخره بيتحل بالساهل .,. ياريت اى حد يكون حل وكشف على التيل الخلفى يقول لى كيفيه حله وشكرااا