عيب و لا مصيبة و لا عار ولا مشكلة فى الايمجراند

[M I D O]

عايز نصيحتي ياميدو .. الإنفي برقبة الإيمجراند .. كفايه إنها مستورده ومش تجميع غبور .. وكمان انا شايفها أشيك من الأيمجراند وبالذات من جوه .. وقطع غيارها أرخص وإسمها إسبرانزا لو جيت تبيعها بكره تتباع هوا .. ومافيش فيها كم المشاكل اللي ف الإيمجراند دي كلها .

الانفي من برة الامجراند تتفوق عليها لاكن من جوة تتفوق علي الامجراند وهقول لحضرتك انا لية اختارت الامجراند رغم اني كنت مستني نزول الانفي بفارغ الصبر ومتابعها من اكتر من سنة ...
اولا .. انا عاوز عربية واسعة وشكل جميل وتكييف كويس و تكون ثابتة وفها وسائل امان و ايموبلايزر و زجاج فامية .. دي الحجات الاساسية الي انا عاوزها و للاسف الانفي غير متوفر فيها الايموبلايزر ولا الفامية عشان كدة كنت هحجز ام 11 ولما رحت عشان اتفرج عليها في وكيل معتمد في طنطا قالولي مش موجودة دلوقتي بصراحة قفلت ازاي وكيل معتمد ومعندكش العربية وكمان موضوع ضيق الكنبة هيعملي مشكلة عشان اهلي وعشان كدة انا اختارت الامجراند خصوصا ان المستقبل كلة للامجراند ولو تابعنا المبيعات بتاعة 2013 هتلاقي الامجراند باعت تقريبا 4000 عربية دة لحد شهر 7 و الانفي بايعة 760 عربية تقريبا دة غير ان الناس بتقول ان حاليا الامجراند وصلت 9000 عربية مباعة عشان كدة متوقع انتشار قطع غيارها بس المهم غبور يهتم بيها شوية وبخدمة ما بعد البيع ويحل مشاكلها

[M I D O]

[/quot

انا راى استنى لما نشوف هايصلح العيوب و لا هايطنش
انا معاك انة العربية مبهرة بكل الكماليات و لكن انا مشترى زيرو يعنى مفروض مافيش مشاكل موش كل شوية رايح التوكيل انا شخصيا موش متقبل انى اشترى مثلا و تقابلنى بعض المشاكل البسيطة فتخيل لما تبقى مشكلة واير الفتيس و لا التكييف و لا ماخفى اعظم بعد فترة اية يظهر تانى
طبعا اكيد محتار

انا كنت ناوي استني شهر ونص بس حاليا في عرض تقسيط في كذا معرض 3 شهور مجانا ودة طبعا حلو ليا هقسط 3 شهور ببلاش ولسة هنزل النهاردة ان شاء الله المصرية اشوف اية موضوع العرض دة لو ربنا سهل ممكن اخلص في العربية علي بعد العيد واستفيد بالقسط 3 شهور ببلاش ولا اية راي حضرتك

[M I D O]

يكفى انها تجميع الصين
بس هى ازواق وارزاق
يمكن كل ماتنتشر وتكتب عنها تقارير ممكن الناس تطمن اكتر

مهو للاسف مفيش غير واحد بس اشتراها من المنتدي ومكتبش عنها تقرير حتي هوة افادنا بمعلومات كتير بس كنا عاوزين تقرير شامل

[nehad ibrahem]

ادى ياباشا الصور اترفعت شوفها براحتك واخى لدية ظروف لم تمكنة من رفعها على الفيس وعلى العموم ممكن تاخذها من المنتدى و تنزلها عندكم على الصفحة وان كنت اشك انك سوف تفعل ولو نزلتها يبقى قول
على العموم مرحبا بواحد من اشد المدافعين عن السيارة ومهاجم جيد لكل من يختلف او يتكلم عن عيوب السيارة فى صفحة الفيس مرحبا بك فى المنتدى

اولا انا اعترض على اسلوب جضرتك فى الحوار
ثانيا انا حياديه جدا واملك الاميجراند من اكتر من 9 شهور ولما بتكلم عنها بتكلم عن تجربتى الشخصيه مش عن تجبته غيرى والله اعلم كيفية استخدامه لها حتى لو كان اخويا
ثالثا زى ماحضرتك رفعت الصور هنا تقدر ترفعها عندنا فى الجروب معتقدش ان فى حد هيمنع حضرتك ولا حضرتك محتاج حد يعرض المشكله بالنيابة عن ك وعن اخو حضرتك
رابعا فى ملحوظه انا شوفتها فى الصور واحب اسأل حضرتك عليها لو تكرمت هو اخو حضرتك مغير فرش العربيه لانى لاحظت ان الفرش لونه رمادى فاتح مع العلم ان فرش الاميجراند بيج وياريت تسامحنى على ضعف بصرى

[M I D O]

اولا انا اعترض على اسلوب جضرتك فى الحوار
ثانيا انا حياديه جدا واملك الاميجراند من اكتر من 9 شهور ولما بتكلم عنها بتكلم عن تجربتى الشخصيه مش عن تجبته غيرى والله اعلم كيفية استخدامه لها حتى لو كان اخويا
ثالثا زى ماحضرتك رفعت الصور هنا تقدر ترفعها عندنا فى الجروب معتقدش ان فى حد هيمنع حضرتك ولا حضرتك محتاج حد يعرض المشكله بالنيابة عن ك وعن اخو حضرتك
رابعا فى ملحوظه انا شوفتها فى الصور واحب اسأل حضرتك عليها لو تكرمت هو اخو حضرتك مغير فرش العربيه لانى لاحظت ان الفرش لونه رمادى فاتح مع العلم ان فرش الاميجراند بيج وياريت تسامحنى على ضعف بصرى

انا راجعت الصورة الفرش لونة مختلف لسوء جودة الكاميرا المستخدمة في التصوير وعدم وجود اضائة جيدة

[sky_rider]

يا جماعة ... اللي مش عجباه العربية و شايفها زبالة ده رأيه وهو حر فيه .. يشتري ميشتريش براحته .. يروح يشوف ايه تاني ممكن يركبه ب 83 الف و يرضيه و يبقى مبسوط بيها ... واللي اشترى ربنا يباركلة و يتهنى بيها ... لا احنا بنقول هنا اشتري العربية ولا متشتريهاش .. انما الكلام الساذج بتاع اللي بيقول اللي اشترو حسو انهم وقعو و عايزين يوقعو اكبر قدر من الناس معاهم .. هرد عليه و اقله .. خلاص .. العربية و حشة و محدش يجيبها عشان ميوقعش زينا ,,, .... كدا تمام .. !!! بقيت حلو انا كدة .... حتى تبقى مميزة و مش اي حد راكبها ...

[nehad ibrahem]

انا راجعت الصورة الفرش لونة مختلف لسوء جودة الكاميرا المستخدمة في التصوير وعدم وجود اضائة جيدة

وإشمعنا لون التابلوه باين انه بيج؟؟؟؟؟؟؟؟

[the lawyer]

انا كنت ناوي استني شهر ونص بس حاليا في عرض تقسيط في كذا معرض 3 شهور مجانا ودة طبعا حلو ليا هقسط 3 شهور ببلاش ولسة هنزل النهاردة ان شاء الله المصرية اشوف اية موضوع العرض دة لو ربنا سهل ممكن اخلص في العربية علي بعد العيد واستفيد بالقسط 3 شهور ببلاش ولا اية راي حضرتك

ابوس ايدك بلاش المصرية شركة زبالة ومن اسوء معارض العربيات في مصر ، لومخدتش منها عربية معيوبة ، يبقي لازم يقلبوك في الفلوس

[M I D O]

يا جماعة ... اللي مش عجباه العربية و شايفها زبالة ده رأيه وهو حر فيه .. يشتري ميشتريش براحته .. يروح يشوف ايه تاني ممكن يركبه ب 83 الف و يرضيه و يبقى مبسوط بيها ... واللي اشترى ربنا يباركلة و يتهنى بيها ... لا احنا بنقول هنا اشتري العربية ولا متشتريهاش .. انما الكلام الساذج بتاع اللي بيقول اللي اشترو حسو انهم وقعو و عايزين يوقعو اكبر قدر من الناس معاهم .. هرد عليه و اقله .. خلاص .. العربية و حشة و محدش يجيبها عشان ميوقعش زينا ,,, .... كدا تمام .. !!! بقيت حلو انا كدة .... حتى تبقى مميزة و مش اي حد راكبها ...

حضرتك طبعا هوة مش قصدة المعني الي فهمتة بس دايما في ناس ولو نسبة بسيطة حتي بتكون معندهاش مصداقية وبيحاولو لو حسو انهم وقعو يشدو ناس تانية معاهم لاكن الشهادة لله انا متابع حضرتك في الجروب وانا مكنتش بثق في حد بصراحة قبل كدة لحد ما شفت ليك كومنت احترمتك بعدها وعرفت انك شخصية محايدة لاكن برضو دة ميمنعش ان في ناس تانية معندهاش مصداقية

[M I D O]

وإشمعنا لون التابلوه باين انه بيج؟؟؟؟؟؟؟؟

لون الطابلوة واضح لان الاضائة واضحة فية انما فرش الارضية مش واصلة اضائة كافية وانا عارف حضرتك بترمي علي اية بس الي في دماغك دة غير صحيح

[M I D O]

ابوس ايدك بلاش المصرية شركة زبالة ومن اسوء معارض العربيات في مصر ، لومخدتش منها عربية معيوبة ، يبقي لازم يقلبوك في الفلوس

والله المصرية دي ناس بتقول محترمة وناس بتقول زبالة و بصراحة انا كنت عندهم من اسبوع بسال علي التقسيط وعملولي نظام تقسيط بس هيقلبوني فية اوي عشان كدة قلت لا مش جايب منها لاكن برضو انا هنزل اسأل تاني وفي كذا معرض عامل نفس العرض ممكن اسئل فيهم ان شاء الله

[dedi]

انا كنت ناوي استني شهر ونص بس حاليا في عرض تقسيط في كذا معرض 3 شهور مجانا ودة طبعا حلو ليا هقسط 3 شهور ببلاش ولسة هنزل النهاردة ان شاء الله المصرية اشوف اية موضوع العرض دة لو ربنا سهل ممكن اخلص في العربية علي بعد العيد واستفيد بالقسط 3 شهور ببلاش ولا اية راي حضرتك

بس يا باشا اولا انا شايف حد نصحك بلاش مصرية بس موش عارف طبعا معاملتهم ازاى انا ماتعملتش معاهم قبل كدة
انا لو مكانك هاستنى شوية لسببين انا حاليا معى لانوس فممكن استنى شوية لغاية ماتضبط الامور للايمى
ثانيا انا نفسيا موش متقبل فكرة انى اشترى وادفع فلوس وانا عارف حجم المشاكل بها يمكن غبور يضبط المشاكل و العيوب وبعدين فية مشاكل يعنى ممكن تتعايش معاها اما مشكلة مثل التكييف او الواير اولا قدر اللة مايظهر مستقبلا
موش عارف انا دايما بقارن بينها و بين اللانوس لما اشتريتها زيرو و بصراحة ماشوفتش اى مشاكل منها الا الصيانات الدورية
انا ابتديت اشعر من كلام الناس انة عادى اية يعنى لما دوكو وحش فى عربية زيرو و اية يعنى كباس التكييف بة مشكلة واية يعنى فبرة التانك تتكسر او بكرة الكرسى تتكسر او الواير يتكسر وبعدين انا فى الصعيد يعنى تخيل مع كل مشكلة انزل القاهرة للاصلاح حيث ان توكيل الغردقة يقوم فقط بتربيط العفشة و تغيير زيت
دة راى الشخصى موش عارف انت توافقنى و لا لا
تخيل مشكلة الواير دى ممكن تكلف كام بين ونش للسيارة واقامة فى القاهرة وتعطيل وقت وعودة مرة اخرى وايام تتعطل امامها ساعتها سوف تلعن ابو اليوم الفكرت تشترى فية منتج صينى

[dedi]

اولا انا اعترض على اسلوب جضرتك فى الحوار
ثانيا انا حياديه جدا واملك الاميجراند من اكتر من 9 شهور ولما بتكلم عنها بتكلم عن تجربتى الشخصيه مش عن تجبته غيرى والله اعلم كيفية استخدامه لها حتى لو كان اخويا
ثالثا زى ماحضرتك رفعت الصور هنا تقدر ترفعها عندنا فى الجروب معتقدش ان فى حد هيمنع حضرتك ولا حضرتك محتاج حد يعرض المشكله بالنيابة عن ك وعن اخو حضرتك
رابعا فى ملحوظه انا شوفتها فى الصور واحب اسأل حضرتك عليها لو تكرمت هو اخو حضرتك مغير فرش العربيه لانى لاحظت ان الفرش لونه رمادى فاتح مع العلم ان فرش الاميجراند بيج وياريت تسامحنى على ضعف بصرى

احب اطمنك اخى بيسوق من فترة طويلة ودى 7 سيارة يسوقها و يمتلكها علشان تطمنى وانا باسوق من 25 سنة تقريبا يعنى كلامك بمحاولة التشكيك فى القيادة غير مقبول شكلا اوموضوعا
انا سايب الصور لكم لو كان فية حيادية زى مابتقولو نزلوها عندكم وانا شخصيا يكفينى نزولها هنا فى المنتدى
سلامة ضعف بصرك المرة القادمة سوف اصور لك العربية برخصتها وماركتها
حضرتك شككتى فى القيادة ونوع السيارة وسبتى اصل المشكلة هو دة المعتاد والمتوقع الهروب من اصل المشكلة والدخول فى حوارات مالهاش اى لازمة
هو اعتقد حضرتك قبل كدة علقتى على موضوع بقع الدوكو بانها رطوبة و بتروح من التسخين او الحرارة موش كدة

[dedi]

لون الطابلوة واضح لان الاضائة واضحة فية انما فرش الارضية مش واصلة اضائة كافية وانا عارف حضرتك بترمي علي اية بس الي في دماغك دة غير صحيح

المرة القادمة هااصور العربية و ارقامها ورخصتها و بالمرة البطاقة اية رايك
كدة احنا بعدنا من اصل المشكلة و العيب ومحاولة تشكيك فى السواقة ونوع السيارة اية منطق الحوار الغريب دة
خلاص ياعم علشان ماحدش يزعل العربية ممتازة والكل يشترى و البيتكلم عن العيوب كداب و غلطان كدة كويس

[M I D O]

بس يا باشا اولا انا شايف حد نصحك بلاش مصرية بس موش عارف طبعا معاملتهم ازاى انا ماتعملتش معاهم قبل كدة
انا لو مكانك هاستنى شوية لسببين انا حاليا معى لانوس فممكن استنى شوية لغاية ماتضبط الامور للايمى
ثانيا انا نفسيا موش متقبل فكرة انى اشترى وادفع فلوس وانا عارف حجم المشاكل بها يمكن غبور يضبط المشاكل و العيوب وبعدين فية مشاكل يعنى ممكن تتعايش معاها اما مشكلة مثل التكييف او الواير اولا قدر الله مايظهر مستقبلا
موش عارف انا دايما بقارن بينها و بين اللانوس لما اشتريتها زيرو و بصراحة ماشوفتش اى مشاكل منها الا الصيانات الدورية
انا ابتديت اشعر من كلام الناس انة عادى اية يعنى لما دوكو وحش فى عربية زيرو و اية يعنى كباس التكييف بة مشكلة واية يعنى فبرة التانك تتكسر او بكرة الكرسى تتكسر او الواير يتكسر وبعدين انا فى الصعيد يعنى تخيل مع كل مشكلة انزل القاهرة للاصلاح حيث ان توكيل الغردقة يقوم فقط بتربيط العفشة و تغيير زيت
دة راى الشخصى موش عارف انت توافقنى و لا لا
تخيل مشكلة الواير دى ممكن تكلف كام بين ونش للسيارة واقامة فى القاهرة وتعطيل وقت وعودة مرة اخرى وايام تتعطل امامها ساعتها سوف تلعن ابو اليوم الفكرت تشترى فية منتج صينى

انا عارف طبعا مشاكل العربية ومتابعها معا حضرتك من زمان و العرض دة نازل علي اي نوع عربيات و ان شاء الله انا عاوز استغلة لانة هيوفرلي حجات كتير فلازم اقرر بسرعة عشان كدة عملت حسبة بسيطة لنفسي وهية كالاتي ... انا قدامي في الفئة السعرية بتاعتي 85 الف عندي .. لانوس . فيرنا . انفي . ام 11 . بروتون ساجا . بي واي دي . برليانس كروس . امجراند .. طلع الفيرنا و الانوس برة المقارنة عشان الامان و الشكل القديم .. وطلع الانفي برة عشان مفيش ايموبلايزر ولا فامية .. وطلع الام 11 برة عشان ضيقة وعيلتي ما شاء الله كتير . و طلع الساجا عشان قطع الغيار . وطلع البي واي دي عشان توكيل الامل ومفيش ايموبلايزر . وطلع البرليانس عشان قطع الغيار الغالية وعدم الانتشار .. يتبقي الامجراند فيها عيوب كتيرة اة بس هية اكتر واحدة لمة احتياجاتي وقدامي حل من 2 اشتريها و استحمل لو مشكلة قابلتني لاقدر الله للصيانات وهروح ادفع مقدمها وايدي علي قلبي او اشتري الام 11 واستحمل وجع الدماغ من اهلي وعشان كدة قررت عشان مبحبش وجع الدماغ اجيب الامجراند وايدي علي قلبي و لو لاقدر الله مشكلة قابلتني هصبر للصيانات وربنا يسترها علينا انا كنت هستني شهر ونص شهرين بس العرض الي نازل دة من المصرية و الليثي و كمان معرضين سيارات عشان العيد عاملي اغراء جامد ولازم اقرر بسرعة وربنا يسهل واشوف هعمل اية