عيب و لا مصيبة و لا عار ولا مشكلة فى الايمجراند

[dedi]

انا عارف طبعا مشاكل العربية ومتابعها معا حضرتك من زمان و العرض دة نازل علي اي نوع عربيات و ان شاء الله انا عاوز استغلة لانة هيوفرلي حجات كتير فلازم اقرر بسرعة عشان كدة عملت حسبة بسيطة لنفسي وهية كالاتي ... انا قدامي في الفئة السعرية بتاعتي 85 الف عندي .. لانوس . فيرنا . انفي . ام 11 . بروتون ساجا . بي واي دي . برليانس كروس . امجراند .. طلع الفيرنا و الانوس برة المقارنة عشان الامان و الشكل القديم .. وطلع الانفي برة عشان مفيش ايموبلايزر ولا فامية .. وطلع الام 11 برة عشان ضيقة وعيلتي ما شاء الله كتير . و طلع الساجا عشان قطع الغيار . وطلع البي واي دي عشان توكيل الامل ومفيش ايموبلايزر . وطلع البرليانس عشان قطع الغيار الغالية وعدم الانتشار .. يتبقي الامجراند فيها عيوب كتيرة اة بس هية اكتر واحدة لمة احتياجاتي وقدامي حل من 2 اشتريها و استحمل لو مشكلة قابلتني لاقدر الله للصيانات وهروح ادفع مقدمها وايدي علي قلبي او اشتري الام 11 واستحمل وجع الدماغ من اهلي وعشان كدة قررت عشان مبحبش وجع الدماغ اجيب الامجراند وايدي علي قلبي و لو لاقدر الله مشكلة قابلتني هصبر للصيانات وربنا يسترها علينا انا كنت هستني شهر ونص شهرين بس العرض الي نازل دة من المصرية و الليثي و كمان معرضين سيارات عشان العيد عاملي اغراء جامد ولازم اقرر بسرعة وربنا يسهل واشوف هعمل اية

موضوع محير و قرار موش سهل
طبعا الانوس و الفيرنا شكرا و الانفى موش عارف لية مانتشرتش فى السوق البى و اى دى بردة شكل قديم ومشاكل الوكو و الوكيل بردة والساجا و البريليانس مالهومش وجود قوى و قطع الغيار بردة
يعنى غبور اقوى كتوكيل واسم بس لو يضبط المشاكل التى فيها
ربنا يعينك و يختار المناسب ليك

[M I D O]

موضوع محير و قرار موش سهل
طبعا الانوس و الفيرنا شكرا و الانفى موش عارف لية مانتشرتش فى السوق البى و اى دى بردة شكل قديم ومشاكل الوكو و الوكيل بردة والساجا و البريليانس مالهومش وجود قوى و قطع الغيار بردة
يعنى غبور اقوى كتوكيل واسم بس لو يضبط المشاكل التى فيها
ربنا يعينك و يختار المناسب ليك

طبعا قرار مصيري بالنسبة ليا وربنا يستر وان شاء الله لو في عمر وفي نصيب وحجزتها و جبتها هنزل تقارير عن كل مسمار في العربية بكل حيادية وبدون تحيز نهائي عشان كل كلمة هكتبها هتحاسب عليها قدام ربنا لان الي هيشوف كلامي ممكن يكون سبب في شرائة العربية

[the lawyer]

والله المصرية دي ناس بتقول محترمة وناس بتقول زبالة و بصراحة انا كنت عندهم من اسبوع بسال علي التقسيط وعملولي نظام تقسيط بس هيقلبوني فية اوي عشان كدة قلت لا مش جايب منها لاكن برضو انا هنزل اسأل تاني وفي كذا معرض عامل نفس العرض ممكن اسئل فيهم ان شاء الله

نصحية مني روح علي بنك مصر فايدة 8.2 وعلي 7 سنين

[dedi]

طبعا قرار مصيري بالنسبة ليا وربنا يستر وان شاء الله لو في عمر وفي نصيب وحجزتها و جبتها هنزل تقارير عن كل مسمار في العربية بكل حيادية وبدون تحيز نهائي عشان كل كلمة هكتبها هتحاسب عليها قدام ربنا لان الي هيشوف كلامي ممكن يكون سبب في شرائة العربية

ان شاء اللة ربنا يعينك و يختار الذى فية الخير
اكيد سوف يكون تقرير بكل حيادية و بلا مصلحة او مجاملة
انت عارف اننا لما بنتكلم عن العيوب و بنكشفها دة فية مصلحة كبيرة للذين اشتروا بمعنى لما يتم الحديث عنها سوف يقوم التوكيل بمحاولة ارضاء و اصلاح العيوب ولكن محاولة طمس العيوب التوكيل موش هايسال و يطنش بس مع الاسف ماحدش عاوز يفهم

[dedi]

من فترة ماقريتش على الفيس شوف يا ميدو واحد بيشتكى من الشكمان وعاوز يغيرة وواحد تانى عمل اختراع وعدل الفبرة بتاعت التانك وواحد بيشتكى من زيت الباور انة بينقص كل 5000 كيلو وواحد تانى بيشتكى من تقل الباور انا موش عارف زيرو اية دة
انا راى تستنى شوية يا ميدو

[M I D O]

نصحية مني روح علي بنك مصر فايدة 8.2 وعلي 7 سنين

طيب واية شروط بنك مصر علما اني طالب و والدي معاش ووالدتي خلاص هتخش معاش قريب وناوي اجيبها علي اسم والدتي لاكن في البنك تعملي تنازل وتتكتب الرخصة باسمي ودة يثبت ملكيتي للعربية

[M I D O]

ان شاء الله ربنا يعينك و يختار الذى فية الخير
اكيد سوف يكون تقرير بكل حيادية و بلا مصلحة او مجاملة
انت عارف اننا لما بنتكلم عن العيوب و بنكشفها دة فية مصلحة كبيرة للذين اشتروا بمعنى لما يتم الحديث عنها سوف يقوم التوكيل بمحاولة ارضاء و اصلاح العيوب ولكن محاولة طمس العيوب التوكيل موش هايسال و يطنش بس مع الاسف ماحدش عاوز يفهم

ربنا يخليك يا باشا وطبعا لما الوكيل هيلاقي ناس كتير بتقول عيوب وسمعة العربية بتضعف غصب عنة هيصلحها في الدفعات الجديدة ويصلحها للناس الي اشترت وربنا يقدم الي فية الخير

[M I D O]

من فترة ماقريتش على الفيس شوف يا ميدو واحد بيشتكى من الشكمان وعاوز يغيرة وواحد تانى عمل اختراع وعدل الفبرة بتاعت التانك وواحد بيشتكى من زيت الباور انة بينقص كل 5000 كيلو وواحد تانى بيشتكى من تقل الباور انا موش عارف زيرو اية دة
انا راى تستنى شوية يا ميدو

طبعا انا قرأت الكلام دة كلة وانا كنت ناوي اصبر بس بصراحة عرض ال 3 شهور دة لو صحيح يبقي جالي فرج من عند ربنا لان ابويا مطلع عيني بالعربية بتاعتة كل ما باخدها منة بيعملي فرح

[Mohamed_Hamid]

مع احترامي لحضرتك كلامك غلط :-d

sent from my xperia arc s using forum runner

مع احترامى لحضرتك اثبتلى ان كلامى غلط !!!!

[Mohamed_Hamid]

واحد صاحبى شغال ف مصنع غبور المسئول عن تجميع الايمجراند (شركة بريما)
قالى بالحرف الواحد العربية الصينى دى أى قطعة فيها بتاعت مرة واحدة
يعنى لو فكيت فرش الباب ف الغالب بيركب مفارق وأى حاجة كدة
بس قالى موتورها جبار وكان فى مشكلة ف ضفيرة الايرباج
وكذا إيرباج من بتوع التابلوة ضربو والعربية لسه ف المصنع بس المشكلة دى إتحلت خلاص

شكرا على الافادة
ياريت الأخ حازم اللى بيقوللى كلامك غلط يتفضل يقرا المشاركة دى !

[dr.hazem]

شكرا على الافادة
ياريت الأخ حازم اللى بيقوللى كلامك غلط يتفضل يقرا المشاركة دى !

انا راكب عربية صيني و2 نسايبي
فكيت عندي قرش باب السائق مرتين وفرش الراكب 3 مرات وفكيت فرش الباب الخلفي يمين مره ومفيش من الكلام ده حاجة...
حصل لعربيتي حادثه تم فيها تغيير باب الشنطه والصدام والفانوسين ومفيش الكلام ده....
غيرت الطارة عندي ومفيش فرق ولا الكلام ده....
وكل واحد يصدق اللي يريحه...
تحياتي

Sent from my Xperia Arc S using Forum Runner

[dr.hazem]

وعشان بس لا تفكر اني فكيتهم من كتر المشاكل ولا حاجة
عربيتي فكيت فرش السائق لاني كنت مسافر وحاطط عالشباك شماسه ونسيت الشماسه وبفتح الشباك اتحشرت بين الفرش والشباك ونطرت الازاز من مجراه ففكيته عشان اظبطها...

التاني فكيته لاني حسيت ان مكنة الازاز عايزه تتزيت وبالصدفه كانت اكرة الباب الخارجية بتعمل صوت اكتشفت انها مكسوره ففكيته تاني فيما بعد عشان اركبها...
عربية نسيبي فكيته عشان كانت مخبوطه بسيط وتترد بالايد ورديتها....

بالنسبالي كنت من اشد المعارضين للسيارات الصينية ولكن بعد ما جربت واستخدمت عرفت ان كلامي في السابق كان غلط...

تحياتي

Sent from my Xperia Arc S using Forum Runner

[Mohamed_Hamid]

انا راكب عربية صيني و2 نسايبي
فكيت عندي قرش باب السائق مرتين وفرش الراكب 3 مرات وفكيت فرش الباب الخلفي يمين مره ومفيش من الكلام ده حاجة...
حصل لعربيتي حادثه تم فيها تغيير باب الشنطه والصدام والفانوسين ومفيش الكلام ده....
غيرت الطارة عندي ومفيش فرق ولا الكلام ده....
وكل واحد يصدق اللي يريحه...
تحياتي

sent from my xperia arc s using forum runner

معلش بس برضه حضرتك مقدمتش ما يفيد ان كلامى غلط زى ما بتقول
ممكن تكون راضى عن اداء عربيتك. ماشى ربنا يبارك لك فيها. لكن اديك شايف السواد الأعظم من الصينى عامل ايه

[dr.hazem]

معلش بس برضه حضرتك مقدمتش ما يفيد ان كلامى غلط زى ما بتقول
ممكن تكون راضى عن اداء عربيتك. ماشى ربنا يبارك لك فيها. لكن اديك شايف السواد الأعظم من الصينى عامل ايه

دنا اثبتلك ان الكلام اللي نقلته حضرتك في المشاركة على لسان الشخص اللي من المصنع غلط في غلط...
بالنسبة لحضرتك هردلك ببساطة...
انا ركبت عربيات من كل الفئات والانواع وركبت الشيري فالمقارنه بالنسبالي سهلة....
العربيات الصيني فيها عيوب فينشنج واضحة محدش يقدر ينكرها لكن بالتجربه وبعد سنه وشهرين مع عربيتي وبالنظر لسعر العربية وامكانياتها.. احب ااكدلك انها تستحق كل مليم دفعته فيها....
تحياتي

Sent from my Xperia Arc S using Forum Runner

[Mohamed_Hamid]

دنا اثبتلك ان الكلام اللي نقلته حضرتك في المشاركة على لسان الشخص اللي من المصنع غلط في غلط...
بالنسبة لحضرتك هردلك ببساطة...
انا ركبت عربيات من كل الفئات والانواع وركبت الشيري فالمقارنه بالنسبالي سهلة....
العربيات الصيني فيها عيوب فينشنج واضحة محدش يقدر ينكرها لكن بالتجربه وبعد سنه وشهرين مع عربيتي وبالنظر لسعر العربية وامكانياتها.. احب ااكدلك انها تستحق كل مليم دفعته فيها....
تحياتي

sent from my xperia arc s using forum runner

ما هو ده اللى انا بتكلم فيه. هو انا كمشترى مضطر انى اركب عربية فيها عيوب فينيش واضحة زى ما تفضلت والمفروض انى ابقى راكب عربية محترمة؟!
والمفروض انى اروح اهاتى مع التوكيل الفاشل اساسا علشان يصلحلى العيوب اللى العربية نزالة بيها اساسا؟! وكل ده علشان ايه علشان اركب عربية زيرو ب80000 واسمى راكب زيرو ؟! ويتحرق دمى بأضعاف الفلوس دى؟!
فى عربيات صينى استثناء وبتكون حالتها كويسة لكن الأغلب...؟؟؟ ودى اصلا كارثة تانية
علشان كدة بقول الصينى رمى فلوس على الأرض