استلمت امبارح امجراند وبدات المشاكل

[genius essam]

[overline]الحمد لله والشكر لله على كل حال استلمت امبارح العربيه 2014 فضى فاميه ب 83500 الحمد لله المشاكل مش كبيره
1-استلمت العربيه واكتشفت ان لمبه التشك منور
2-عداد السرعه مش شغال واقف على صفر وباقى العدادات شغاله
3-صوت الماتور بيعلى اوى لما اشغل التكيف
حد يطمنى ايه الحل
بس العربيه ممتازه جدا جدا فى المشى والعفشه والوسع

[/overline]

[ahmedsrs]

متقلقش ممكن يكون المعرض فاصل فيشة عداد السرعة عشان الكيلومتر ميعدش ولمبة الشك منورة عشان الفيشة مفصولة مبروك على العربية وكل سنة وانت طيب

[saddam]

صديقي المواطن
مبروك.وبالتوفيق وعربية جميلة ومشاكلها زيارة بسيطة للتوكيل ساعتين وكلها تتحل خليك متفائل إختيارك موفق وصحيح
أما موضوع.عداد.السرعة فعايزك بس تبصلي عدادها شغال ولا واقف برضو ﻷن لو مش شغال فدي حيلة قديمة.أوي من إخواننا تجار المعارض وهو إنو بيفصل العداد وبيركب العربية يستعملها أو بدل متيجي العربية من.الجمارك على تريلات بينزلها ويجيبها سواقة فبيفصل العداد عشان الزبون ميخافش ويشتريها
وببساطة ممكن في التقفيل عدت عليهم وبسيطة ربع ساعة ويرجع يشتغل لا تقلق مشاكلك بسيطة وبالتوفيق وإلى اﻷمام
ودمتم للنضال

[M I D O]

دي حركة قذرة من بعض معارض السيارات عشان العربية عدادها يقف وميحسبش مشيت كام كيلو ومن لسان واحد شغال في المصرية للسيارات قالي انت فاكر اننا هندفع للتريلا 3 الاف جنية عشان نجيب عربية لا طبعا بنجيبها مشي ونفصل العداد ودة بيترتب علية ان لمبة التشيك انجين تنور لان في خلل في العربية وهوة فصل عداد السرعة وقالي بالحرف العربية علي ما تستلمها بتكون ماشية من 300 ل 500 كيلو ودة طبعا شئ فظيع لانك هتمشي بيها الف كيلو كمان لاول صيانة و الفعلي هتبقي مشيت 1500 كيلو ودة هياثر علي المحرك طبعا عشان كدة بفضل شراء العربية من التوكيل نفسة او احد فروعة او معارض محترمة وموثوق فيها اوي وتروح تستلم العربية وهية نازلة من علي التريلا عشان تشوفها بعنيك وتتاكد والنسبة للصوت العالي معا التكييف مش عارف بصراحة استني رد احد الملاك .. روح للمعرض الي شاريها منة قلهم يوصلولك عداد السرعة زي ما فصلوة ..... والف الف مبروك العربية وربنا يحفظهالك ويديك خيرها ويكفيك شرها

[Hunting_Eagle]

دي حركة قذرة من بعض معارض السيارات عشان العربية عدادها يقف وميحسبش مشيت كام كيلو ومن لسان واحد شغال في المصرية للسيارات قالي انت فاكر اننا هندفع للتريلا 3 الاف جنية عشان نجيب عربية لا طبعا بنجيبها مشي ونفصل العداد ودة بيترتب علية ان لمبة التشيك انجين تنور لان في خلل في العربية وهوة فصل عداد السرعة وقالي بالحرف العربية علي ما تستلمها بتكون ماشية من 300 ل 500 كيلو ودة طبعا شئ فظيع لانك هتمشي بيها الف كيلو كمان لاول صيانة و الفعلي هتبقي مشيت 1500 كيلو ودة هياثر علي المحرك طبعا عشان كدة بفضل شراء العربية من التوكيل نفسة او احد فروعة او معارض محترمة وموثوق فيها اوي وتروح تستلم العربية وهية نازلة من علي التريلا عشان تشوفها بعنيك وتتاكد والنسبة للصوت العالي معا التكييف مش عارف بصراحة استني رد احد الملاك .. روح للمعرض الي شاريها منة قلهم يوصلولك عداد السرعة زي ما فصلوة ..... والف الف مبروك العربية وربنا يحفظهالك ويديك خيرها ويكفيك شرها

الواحد يروح معرض محترم ايه بقي و حضرتك بتقول المصرية نفسهم بيعملو كده

ده انا لما كنت ببص على عربية جديدة و الاقيها ماشيه 15 ولا 20 كيلو استغرب اوي

عموما مبروك العربية و ربنا يبارك فيها

[dedi]

مبروك عليك وانشاء اللة تكون زى الفل

[M I D O]

الواحد يروح معرض محترم ايه بقي و حضرتك بتقول المصرية نفسهم بيعملو كده

ده انا لما كنت ببص على عربية جديدة و الاقيها ماشيه 15 ولا 20 كيلو استغرب اوي

عموما مبروك العربية و ربنا يبارك فيها

عندك معرض زي سمير ريان و شيرين كار دي المعارض الي اعرف انهم بينقلو عربياتهم علي تريلا و اي عربية جديدة يا باشا طبيعي تبقي ماشية من 10 ل 50 كيلو كحد اقصي ودي مسافة نزول العربية من التريلا و طلوعها وخروجها من الميناء لو مستوردة او المصنع لو تقفيل محلي بيكون تنقلات العربية مش اكثر وانا شفت الامجراند في فرع غبور عندنا عدادها عامل 13 كيلو ودة الي المفروض يكون في كل العربيات

[meedoo69]

[overline]الحمد لله والشكر لله على كل حال استلمت امبارح العربيه 2014 فضى فاميه ب 83500 الحمد لله المشاكل مش كبيره
1-استلمت العربيه واكتشفت ان لمبه التشك منور
2-عداد السرعه مش شغال واقف على صفر وباقى العدادات شغاله
3-صوت الماتور بيعلى اوى لما اشغل التكيف
حد يطمنى ايه الحل
بس العربيه ممتازه جدا جدا فى المشى والعفشه والوسع

[/overline]

الف مبروك وربنا يديك خيرها و يكفيك شرها
صوت الموتور بيعلى مع التكييف بس rpmبيكون على كام هو ده يحدد فى حمل على الموتور و لا مافيش
الوضع العادى للمؤشر تحت 1 بحاجه بسيطه
العربيه زى الفل وماتقلقش منها
لحد 1000 كم rpm مايعديش 3 و السرعه ماتزيدش عن 100 و ما تشغلش التكييف
و احجز الصيانه من دلوقتى عشان قدامك شهر انتظار

[midooo_119]

[overline]الحمد لله والشكر لله على كل حال استلمت امبارح العربيه 2014 فضى فاميه ب 83500 الحمد لله المشاكل مش كبيره
الف مبروك عالعربيه ربنا يباركلك فيها
1-استلمت العربيه واكتشفت ان لمبه التشك منور
2-عداد السرعه مش شغال واقف على صفر وباقى العدادات شغاله
عشان العداد مفصول فعلا اللمبه منورة حضرتك ترجعلهم عشان يركبوه

3-صوت الماتور بيعلى اوى لما اشغل التكيف
حد يطمنى ايه الحل
لو العربيه لسه بارده فعلا صوت علبه الشكمان بيبقى عالى لكن لما بتسخن الصوت بيهدى و ده عيب علبه البيئه مش صوت الموتور لو مضايقك غير العلبه ديه بحاجه محترمه

بس العربيه ممتازه جدا جدا فى المشى والعفشه والوسع
ده حقيقى

[/overline]

[hugan]

كل المعارض مفيش عندهم ضمير
انا باشوف مهازل علي المحور
عربيات زيرو رايحه المعارض وبينقلها سواقين

[M I D O]

بس يا باشا لو غير علبة البيئة او قرب من الشكمان عموما هيخرج المحرك من الضمان

[M I D O]

كل المعارض مفيش عندهم ضمير
انا باشوف مهازل علي المحور
عربيات زيرو رايحه المعارض وبينقلها سواقين

في معارض محترمة برضو بس نسبة بسيطة اوي و الافضل الواحد يشتري من التوكيل او موزع معتمد للوكيل

[hugan]

في معارض محترمة برضو بس نسبة بسيطة اوي و الافضل الواحد يشتري من التوكيل او موزع معتمد للوكيل

العربيات بتتنقل وتتسلف بين المعارض والوكلاء
بمعني انك ممكن تكون عايز عربيه بلون معين عند الوكيل
مش موجوده عنده حاليا
يقولك 10 دقائق ياباشا
يرفع سماعه التليفون
يكلم المعرض الفلاني
عندك عربيه باللون المطلوب مثلا
ايوه موجوده
طيب ابعتها
الفكره انك مفيش وسيله تتاكد منها ان العربيه مش متهانه في النقل من المصنع او الجمرك
الا انت ورزقك وستر ربنا

[midooo_119]

مش متاكد تغيير علبه الشكمان تخرجها من الضمان و لا لأ لكن اكيد ماهيصدقوا اى حاجه عشان يخرجوك من الضمان .. ده انا خايف اركب السماعات و الجى ام يقولولى اطلع بره من التوكيل كله

[M I D O]

العربيات بتتنقل وتتسلف بين المعارض والوكلاء
بمعني انك ممكن تكون عايز عربيه بلون معين عند الوكيل
مش موجوده عنده حاليا
يقولك 10 دقائق ياباشا
يرفع سماعه التليفون
يكلم المعرض الفلاني
عندك عربيه باللون المطلوب مثلا
ايوه موجوده
طيب ابعتها
الفكره انك مفيش وسيله تتاكد منها ان العربيه مش متهانه في النقل من المصنع او الجمرك
الا انت ورزقك وستر ربنا

معاك فعلا في النقطة دي بس لما رحت لفرع توكيل عندنا قالي رئيس المبيعات ان العربية لو عندة بيجبهالي فوري لو مش عندة اللون بحجز وبيخيرني انها تيجي مشي تاني يوم او استني يومين تلاتة لحد متيجي علي التريلا وانا ومزاجي وساعتها قلتلة لا طبعا لو مش موجود استني المهم انة قالي انة مبيحركش عربية من المصنع الا بالتريلا الا لو العميل الي طلب يستلم بسرعة بيجيبوها مشي بس بيعرفوة ومش بيفصلو الكابل بتاع العداد واعتقد ان نسبة من الناس بيكون عندهم شفافية في الكلام لاني لما كلمتة عن عيوب العربية قالي ايوة فعلا وكان بياخد ويدي معايا في الكلام عكس لما رحت فرع تاني برضو عندنا وسالت عن العيوب قالي مفيش عيوب نهائي وعملي البحر طحينة وانا طبعا عملت عبيط ومش فاهم عشان معنديش استعداد ادخل في مناقشة مالهاش لازمة