استلمت امبارح امجراند وبدات المشاكل

[M I D O]

مش متاكد تغيير علبه الشكمان تخرجها من الضمان و لا لأ لكن اكيد ماهيصدقوا اى حاجه عشان يخرجوك من الضمان .. ده انا خايف اركب السماعات و الجى ام يقولولى اطلع بره من التوكيل كله

انا كنت قرأت مشاركة لاحد ملاك العربية علي الفيس انة قال في الصيانة يغير علبة البيئة قالولة لو غيرتها هتخرج برة ضمان المحرك وبالنسبة للسماعات و الجي ام بتوع حضرتك انا ناوي لو ربنا اراد وجبتها هرمي سماعتها التعبانين دول واجيب بايونير علي كلامك كدة اني مش هعرف اركب سماعات مختلفة حتي

[genius essam]

متقلقش ممكن يكون المعرض فاصل فيشة عداد السرعة عشان الكيلومتر ميعدش ولمبة الشك منورة عشان الفيشة مفصولة مبروك على العربية وكل سنة وانت طيب

فعلا ده اللى حصل وصلت الفيشه بتاعه العداد واشتغل وتانى يوم لمبه التشك فصلت وفعلا اكتشفت ان معظم المعارض بتعمل الحركه الزباله دى العربيه جاتلى من القاهره للاسماعيليه علشان كنت عاوزه قبل العيد ومستعجل وماشيه فى العداد 10 كيلو بس والله اعلم كانت ماشيه اد ايه قبل كده

[genius essam]

دي حركة قذرة من بعض معارض السيارات عشان العربية عدادها يقف وميحسبش مشيت كام كيلو ومن لسان واحد شغال في المصرية للسيارات قالي انت فاكر اننا هندفع للتريلا 3 الاف جنية عشان نجيب عربية لا طبعا بنجيبها مشي ونفصل العداد ودة بيترتب علية ان لمبة التشيك انجين تنور لان في خلل في العربية وهوة فصل عداد السرعة وقالي بالحرف العربية علي ما تستلمها بتكون ماشية من 300 ل 500 كيلو ودة طبعا شئ فظيع لانك هتمشي بيها الف كيلو كمان لاول صيانة و الفعلي هتبقي مشيت 1500 كيلو ودة هياثر علي المحرك طبعا عشان كدة بفضل شراء العربية من التوكيل نفسة او احد فروعة او معارض محترمة وموثوق فيها اوي وتروح تستلم العربية وهية نازلة من علي التريلا عشان تشوفها بعنيك وتتاكد والنسبة للصوت العالي معا التكييف مش عارف بصراحة استني رد احد الملاك .. روح للمعرض الي شاريها منة قلهم يوصلولك عداد السرعة زي ما فصلوة ..... والف الف مبروك العربية وربنا يحفظهالك ويديك خيرها ويكفيك شرها

فعلا كلامك صح بس انا قابلت الكهربائى اللى بتعامل معاه ووصل الفيشه فى ثانيه وانا واقف معاه فى الشارع وكلمت المعرض قالى كل العربيات بتنزل كده اشتغالات طبعا وشكرا ليك ياباشا

[genius essam]

الف مبروك وربنا يديك خيرها و يكفيك شرها
صوت الموتور بيعلى مع التكييف بس rpmبيكون على كام هو ده يحدد فى حمل على الموتور و لا مافيش
الوضع العادى للمؤشر تحت 1 بحاجه بسيطه
العربيه زى الفل وماتقلقش منها
لحد 1000 كم rpm مايعديش 3 و السرعه ماتزيدش عن 100 و ما تشغلش التكييف
و احجز الصيانه من دلوقتى عشان قدامك شهر انتظار

فعلا مبيعلاش اكتر من 1 بس صوت كمبروسر التكيف اول ميشتغل عالى اوى وفى المشى مش ملحوظ والسحب مش متاثر اوى
احجر على رقم كام والرقم شغال فى العيد ولا لا
وشكرا ليك جدا

[genius essam]

واخيرا المرايا اللى فى الصالون وقعت علشان البهوات المحترمين اللى قفلوا العربيه لصقوها بنص امبوبه امير مجرد ركنت فى الشمس شويه رجعت لقتها وقعه فى الدواسه
مش عارف اضحك وازعل ولا ايه
بس انا كنت متوقع كده من اول يوم استلمت العربيه علشان قريت هنا فى المنتدى ان الموضوع ده حصل مع ناس كتير

[M I D O]

فعلا ده اللى حصل وصلت الفيشه بتاعه العداد واشتغل وتانى يوم لمبه التشك فصلت وفعلا اكتشفت ان معظم المعارض بتعمل الحركه الزباله دى العربيه جاتلى من القاهره للاسماعيليه علشان كنت عاوزه قبل العيد ومستعجل وماشيه فى العداد 10 كيلو بس والله اعلم كانت ماشيه اد ايه قبل كده

بص يا باشا احسب علي جمب 40 كيلو تنقلات العربية الطبيعية و شوف المسافة بين القاهرة للاسماعيلية وضيف عليها 40 يبقي دة العداد الي العربية مشيتة

[M I D O]

فعلا كلامك صح بس انا قابلت الكهربائى اللى بتعامل معاه ووصل الفيشه فى ثانيه وانا واقف معاه فى الشارع وكلمت المعرض قالى كل العربيات بتنزل كده اشتغالات طبعا وشكرا ليك ياباشا

معظم المعارض بتستهبل اووووووووي المهم سيبك انت الف مبروك العربية وربنا يباركلك فيها وسبب استعجال حضرتك هوة الي خلاهم يجيبوها مشي بس كان لازم يقلولك هتيجي مشي مش يضحكو عليك كدة دة لو معرض محترم

[M I D O]

فعلا مبيعلاش اكتر من 1 بس صوت كمبروسر التكيف اول ميشتغل عالى اوى وفى المشى مش ملحوظ والسحب مش متاثر اوى
احجر على رقم كام والرقم شغال فى العيد ولا لا
وشكرا ليك جدا

التكييف عامل اية يا باشا الله يكرمك طمني

[M I D O]

واخيرا المرايا اللى فى الصالون وقعت علشان البهوات المحترمين اللى قفلوا العربيه لصقوها بنص امبوبه امير مجرد ركنت فى الشمس شويه رجعت لقتها وقعه فى الدواسه
مش عارف اضحك وازعل ولا ايه
بس انا كنت متوقع كده من اول يوم استلمت العربيه علشان قريت هنا فى المنتدى ان الموضوع ده حصل مع ناس كتير

الحمد لله انها جات في حاجة بسيطة ودة بقي قرف التقفيل المصري

[genius essam]

التكييف عامل اية يا باشا الله يكرمك طمني

التكيف زى الفل الحمدلله وبيجمع فى الحر والعربيه مركونه فى الشمس من 5 ل 10 دقايق وبالليل فى ثوانى انا لسه بايع النترا 2009 هاى لاين خليجى ومش شايف التكيف فارق عنها حاجه
وربنا يوفققك يا ميدو وتشتريها

[M I D O]

التكيف زى الفل الحمدلله وبيجمع فى الحر والعربيه مركونه فى الشمس من 5 ل 10 دقايق وبالليل فى ثوانى انا لسه بايع النترا 2009 هاى لاين خليجى ومش شايف التكيف فارق عنها حاجه
وربنا يوفققك يا ميدو وتشتريها

مشكووووووور يا باشا طمنتني وربنا يستر انا هنزل اخلص فيها ان شاء الله اول الشهر الجاي بس ربنا يستر لان المعرض قالي هتزيد الفين جنية اول الشهر الجديد

[kar!m]

و احجز الصيانه من دلوقتى عشان قدامك شهر انتظار

يا نهار أبيض .. ليه كده؟

[M I D O]

يا نهار أبيض .. ليه كده؟

عشان ضغط الصيانات في ابو رواش كبيييير جدا فالحق نفسك من دلوقتي واحجز معاد

[د.عماد صلاح]

يعني اللي عايز صيانه يحجز قبلها بشهر ...ايه ده

[M I D O]

يعني اللي عايز صيانه يحجز قبلها بشهر ...ايه ده

ايوة وبالنسبة للي لسة مستلم العربية افضل حاجة يتصل يفعل الضمان ويحجز صيانة الالف عشان علي ميجبهم يكون معادة جة