عاوز رد ضرورى وبامانه اشترى الامجراند ولا .. لآ

[mohamed_e36]

السيارة عامله معايا 5500كم فقط ومع ذلك اليكم الاتى:-:w6w2005041122 20146b
- نور الاستوب بتاع الفرامل بيعلق بعد غلق السيارة وعشان يطفى لازم ادوس عالفرامل كذا مرة
- صوت طرقعه فى الدبرياج لما انزل بيه للاخر
- ترشيح زيت اعلى وش الموتور وترشيح زيت ايضا من ماستر الدبرياج السفلى ومغرق الدنيا بزودو كل فترة كبيرة
-السحب ضعف جداً ورعشه اثناء تشغيلها واثناء الغلق العربية بتترعش زى مواتير اجاز لما تدور
- المساعد الخلفى يمين هبط وعلى فكرة عشان عارف الرد انا نافخ نتروجين وبشيك عليه كل اسبوع العفشة رديئه عموما جداً جدً
- كمبروسور التكييف انتهى تماما وكل مرة اروح التوكيل بيزودو فيريون ومغروهوليش مع انى من اول الناس اللى اشتكت من التكييف وعودة خروج الهواء الساخن من فتحات التكييف فى التابلوة
- وجود فواصل فى الكنسول دى اكتشفتها مؤخراً
- زحف عند الفرملة بالاخص العجلة الامامية شمال كنت هلبس اكتر من مرةتخيلوا والفرامل ايه بى اس
- وجود ريم على وش مياه الريداتير بكثافه
- صوت عالى بمكنه الباور وده بيوضح جداً عند الركنه
- ردائة الدهان ووجود تقشير اعلى الاكصدام وبعض اجزاء السيارة الداخلية والخارجية
- استهلاك عالى فى البنزين
- صوت الماتور او الماكينه بقى خشن
- الغيارات عموماً بقت بتعض
وذهبت للتوكيل اكثر من 11 مرة وكل ده من رصيد اجازاتى فى العمل يعنى عطلة على الفاضى عدم وجود فنيين على مستوى من الخبرة او العلم بالشىء تقاعس عن الخدمة المطلوبة بطىء شديد وانتظار اكثر من اللازم وعلى ذلك لم يتم عمل اى شىء من المنوه عنه اثناء الاستقبال
- معاملة دون المستوى وحدوث مشاجرات فى بعض الاحيان مع العملة والفنيين
- اهمال شديد عند تجربة السيارة لانى عند تجربة سيارتى من قبل المهندس التوكيل على الطريق خارج التوكيل كان هيخبط السيارة فى عربية نصف نقل كبيرة مسرعه وكان هوا اللى غلطان بالاضافة اننى لاحظت القسوة الشديد على السيارة اثناء تجربتها من جانب الفنيين وايضا وجود شحم واثار متسخه بالصالون عموماً واسلوب غير لائق فى التحدث عند التعليق على ذلك
انا مقدم شكوى فى حماية المستهلك وجارى اتخاذ الاجراءات


منقول من منتدي اخر

بعد الكلام اللي مكتوب ده رأي لصاحب الموضوع بلاش تشتريها انت مش هتجيب عربيه كل يوم ولما تجيب عربيه زيرو عشان تمشي بيها على الاقل سنتين تلاته من غير مشاكل ومن غير ما تفتح الكبوت علشان تبص على حاجه ويطلع فيها المشاكل دي كلها صدقني هتتحصر على كل قرش دفعته غير ضياع الوقت ورايح جاي على التوكيل و تلزيق الحاجه لغايه ما تمشي من عندهم وتكتشف انها بايظه بردو
رأي حاول تبعد عن التقفيل المصري على قد ما تقدر وربنا معاك

[M I D O]

بعد الكلام اللي مكتوب ده رأي لصاحب الموضوع بلاش تشتريها انت مش هتجيب عربيه كل يوم ولما تجيب عربيه زيرو عشان تمشي بيها على الاقل سنتين تلاته من غير مشاكل ومن غير ما تفتح الكبوت علشان تبص على حاجه ويطلع فيها المشاكل دي كلها صدقني هتتحصر على كل قرش دفعته غير ضياع الوقت ورايح جاي على التوكيل و تلزيق الحاجه لغايه ما تمشي من عندهم وتكتشف انها بايظه بردو
رأي حاول تبعد عن التقفيل المصري على قد ما تقدر وربنا معاك

دي مشكلة نادرة لما بتحصل ومحصلتش غير مرة واحدة بس وصاحب العربية حقة يغيرها او يسترد فلوسة

[meedoo69]

العربيه الحمد لله زى الفل
ومافيش عربيه مافيهاش عيوب وده راى عن ركوب عربيات من 20 سنه بانواعها يابانى ايطالى كورى صينى
المهم تقبلك للعيب عشان ما تقفلش من العربيه
العربيه ركوبه محترمه و الاوبشن عالى و محترم
العيب اللى ظهر معايا لحد دلوقتى البطاريه و غيرتها فى الضمان بك سهوله ودى مش جزء من العربيه
استخير و توكل على الله

[Tamer Galal]

جزاكم الله كل خير على الاهتمام والرد لكن من الواضح ان كل واحد عنده خبره مختلفه عن العربيه على حسب حظه

يعنى انا لو خدت القرار يبقى انا وحظى

ربنا يستر

[lanos2004]

لو معايا فلوسها مش هشتريها نهائى

[mohamed_e36]

دي مشكلة نادرة لما بتحصل ومحصلتش غير مرة واحدة بس وصاحب العربية حقة يغيرها او يسترد فلوسة

اللي مخليني مقتنع ان المشاكل في العربيه دي مش هتكون فرديه ان غبور تقفيله زي الزفت وان التوكيل مبيحلش المشاكل بصوره سريعه ولازم يقرفك
دهان عربيات غبور فعلا وحش وضعيف , المكونات اللي في العربيه صيني واكيد هتكون فرز عاشر عشان غبور باشا يكسب على قد ما يقدر

[رمضان شوقى]

الأخ اللى غير البطارية هى البطارية جافة و لا سائلة و العربية موديل ايه 2013 و لا 2014

[bassemali]

أنا دايما بشوف إن أي عربيه تنزل جديد لازم تتساب كده من 4 إلى 5 سنين على الأقل عشان تبان على حقيقتها .. انا ماأشتريتش الإسبرانزا إلا سنة 2012 بعد وجودها 6 سنين ف السوق والحمد لله أثبتت كفأه وبرضه كانت مليانه مشاكل اول مانزلت ( أشهرها نقرة الدريكسيون والمساعدين اللي بتضرب ) لكن التوكيل حلها على طول .. وعلى فكره انا مش بقصد الصيني بكلامي لإن في ماركات تانيه زي الكورولا الجنوب افريقي ومشكلة الفتيس الشهيره .. والفولكس ومشاكل الفتيس .. لكن الصح .. ماتشتريش عربيه لسه نازله بقالها سنه .. وظهرت كمان فيها كل العيوب دي .. رأيي ماتجيبهاش ..

[شريف عدلي]

المشاكل اللي ظهرت في العربية و تعامل التوكيل (غبور) من الجمهور والسيارة - اللي في رأي سئ جداً خلاني أقول للعربية دي مع السلامة

[meedoo69]

الأخ اللى غير البطارية هى البطارية جافة و لا سائلة و العربية موديل ايه 2013 و لا 2014

جافه 2014
ماركه سيلفر

[M I D O]

اللي مخليني مقتنع ان المشاكل في العربيه دي مش هتكون فرديه ان غبور تقفيله زي الزفت وان التوكيل مبيحلش المشاكل بصوره سريعه ولازم يقرفك
دهان عربيات غبور فعلا وحش وضعيف , المكونات اللي في العربيه صيني واكيد هتكون فرز عاشر عشان غبور باشا يكسب على قد ما يقدر

المكونات الصيني الي في العربية جيدة مش وحشة انما المكونات المصرية هية الي زي الزفت

[M I D O]

الأخ اللى غير البطارية هى البطارية جافة و لا سائلة و العربية موديل ايه 2013 و لا 2014

اي بطارية بتتغير حاليا بتكون جافة

[M I D O]

أنا دايما بشوف إن أي عربيه تنزل جديد لازم تتساب كده من 4 إلى 5 سنين على الأقل عشان تبان على حقيقتها .. انا ماأشتريتش الإسبرانزا إلا سنة 2012 بعد وجودها 6 سنين ف السوق والحمد لله أثبتت كفأه وبرضه كانت مليانه مشاكل اول مانزلت ( أشهرها نقرة الدريكسيون والمساعدين اللي بتضرب ) لكن التوكيل حلها على طول .. وعلى فكره انا مش بقصد الصيني بكلامي لإن في ماركات تانيه زي الكورولا الجنوب افريقي ومشكلة الفتيس الشهيره .. والفولكس ومشاكل الفتيس .. لكن الصح .. ماتشتريش عربيه لسه نازله بقالها سنه .. وظهرت كمان فيها كل العيوب دي .. رأيي ماتجيبهاش ..

هوة المفروض اول سنة لاي عربية بتكون اختبارية ليها وبيتم حل كل مشاكل السيارة الي ظهرت في موديل تاني سنة لاكن معا غبور لا حياة لمن تنادي زي ميكون بيقول هوة كدة ان كان عاجبكم

[bahaa sadek]

نصيحه اشتريها
وعلي فكره كتير جدا من اللي بيزموا في العربيم مدسوسين من شركات تانيه منافسه عشان العربيه وقفت بيع عربيات كتير تانيه.......

[M I D O]

نصيحه اشتريها
وعلي فكره كتير جدا من اللي بيزموا في العربيم مدسوسين من شركات تانيه منافسه عشان العربيه وقفت بيع عربيات كتير تانيه.......

مدسوسين اية بس يا باشا هوة كل من قال كلمة وحشة علي العربية مدسوس ؟؟ طيب مثلا انا نازل اشتريها ان شاء الله اول الشهر الجاي ومعايا حاليا شاهين هبقي مدسوس من شاهين