مؤشر حرارة العربية جيلى

[رمضان شوقى]

منذ شراء العربية حتى اليوم مؤشر حرارة العربية يكون فى المنتصف أى على الأربع شرط و لكن اليوم لاحظت و لأول مرة أثناء قيادة السيرة و لمسافة 20 كيلو اى تم تسخين العربية أن مؤشر العربية على ثلاث شرط و ذلك لمدة دقيقتين ثم رفع الى الأربع شرط و بعد ثلاث دقائق تقريبا المؤشر نزل الى الثلاث الشرط و بعد دقيقة أو دقيقتين رفع الى أربع شرط و استمر على ذلك برجاء المداخلات لتفسير الأمر ...........

[رمضان شوقى]

أين تفسير الخبراءءءءءءءءءءءءءءءءءءءءءءءءءء

[walaaeldeen]

السلام عليكم
هو اللي يقلق زياده لو السخونه بترتفع عن الأربعه انما في حالتك فلا خوف لغاية ما تعمل الصيانه القادمه
والله المستعان

[رمضان شوقى]

المشكلة هو ايه التفسير لشئ زى ده .............

[hassanradwan74]

من الاخر لا تقلق ،، بينقص شرطه لما تكون ماشي علي سرعة عالية لفترة لانه بيحصل تبريد خارجي من الهواء المندفع الى الموتور ، وعند الوقوف مباشرة ترفع للشرطة الرابعة ،اهم حاجة ما تزيدش عن ٤

[رمضان شوقى]

المقلق لى انها حدثت لأول مرة منذ شراء العربية حتى فى أشد الحر الحرارة لا تزيد و لا تنقص عن الشرطة الرابعة علشان كدة أنا حاسس ممكن الفيوز الخاص بؤشر الحرارة أو سلك مش مربوط كويس أو لشئ أخر لأن النهاردة نقصت شرطة ياعالم بكرة تزيد شرطة لذلك انا ببحث عن السبب ........ و هل حدث ذلك مع زميل اخر

[Sherif Mandoor]

المفروض العداد يصل لدرجه حراره بين 80 و 90 ويظل المؤشر ثابت لايتحرك حتى على السرعه العاليه لوجود الترموستات فعند الصيانه اطلب الكشف على مؤشر الحراره والترموستات

[رمضان شوقى]

المفروض العداد يصل لدرجه حراره بين 80 و 90 ويظل المؤشر ثابت لايتحرك حتى على السرعه العاليه لوجود الترموستات فعند الصيانه اطلب الكشف على مؤشر الحراره والترموستات

هو ده بالفعل ثبات الحرارة منذ شراء العربية و لكن لو مشكلة ترموستات أعتقد الحرارة ترفع مش تنخفض و الله أعلم

[adel_edrees]

المشكلة في ترموستات الكوعة

[د.عماد صلاح]

حضرتك مفروض توديها التوكيل لان كده ممكن يكون الثرموستات فيه مشكله

[رمضان شوقى]

فى مشاركة سابقة للاخ meedoo و ياريت يشاركنا الرد كان غير الترمستات لان امبير الحرارة بيعلى جدا و مؤشر الحرارة بيصل للأخر و لكن فى حالتى انا الحرارة بتنقص شرطة ثم بعد دقيقتين تظهر الشرطة الرابعة مرة أخرى

[M I D O]

عاااااااااااادي جدااااااااااا طول منتا ماشي خصوصا لو سرعة عالية العربية بتنزل ل 3 شرط ولما تمشي بطئ او تقف بتبقي 4 شرط ومادام معدتش 5 شرط انت في السليم

[hassanradwan74]

عاااااااااااادي جدااااااااااا طول منتا ماشي خصوصا لو سرعة عالية العربية بتنزل ل 3 شرط ولما تمشي بطئ او تقف بتبقي 4 شرط ومادام معدتش 5 شرط انت في السليم

الكلام دا في الشتاء بس بسبب اندفاع الهواء البارد في اتجاه الموتور ،،ودا عن تجربة ومتابعة

[رمضان شوقى]

مفيش تفسيرات اخرىىىىىىىىىىىىىىىىىىىى

[M I D O]

الكلام دا في الشتاء بس بسبب اندفاع الهواء البارد في اتجاه الموتور ،،ودا عن تجربة ومتابعة

علي فكرة وحاليا برضو طول منتا ماشي بسرعة عالية سواء صيف او شتاء الحرارة بتنزل