الناس اللي معاها امجراند من اكتر من سنتين اخبار العربية معاكوا اية

[kaza]

اخوتي ملاك الامجراند واعضاء المنتدي الكرام وبالاخص ميدو والرجالة اللي وحشونا بجد .....بما اني لقيت القسم نايم حبتين والناس مالهاش حس قلت طيب ما نعنل موضوع جديد في رضا السادة ملاك الامجراند عنها بعد سنتين من الاستخدام وما هي المشاكل اللي حصلت معاك واتحلت ازاي وبدائل قطع الغيار واخبار انتشار قطع الغيار برة التوكيل
بصراحة باحاول اخلي الموضوع شامل لكل من بيدخل القسم وفي انتظار مساهمات الجميع واكرر شكري وتقديري

[kaza]

يالههههههويي 52 مشاهدة ومفيش حد يعبرني بكلمة انتوا فين يا رجالة
الجيلي

[Adnfalcon]

انا هجاوبك .. 3 عربيات مبدأيا فالعيله عندي ايمجراند
الأولي كانت كويسه بس صاحبها شاف الصدأ الداخلي بعينه ونهايتها كانت انها اتقلبت بيه وباعها بحالتها كده بس ربنا سترها
التاني عمل 60 الف كم ف سنه ونصف تقريبا .. ﻷن شغله كله سفر .. ظهر عيبين .. الكونترول ضرب وعمله فالتوكيل .. ومن اسبوعين الموتور رزع .. الله يرحموا .. وحاليا بيتعمر فالتوكيل و هيبيعها
العربيه التالته سليمه ﻷنها مش بتستخدم اوي

[kaza]

انا هجاوبك .. 3 عربيات مبدأيا فالعيله عندي ايمجراند
الأولي كانت كويسه بس صاحبها شاف الصدأ الداخلي بعينه ونهايتها كانت انها اتقلبت بيه وباعها بحالتها كده بس ربنا سترها
التاني عمل 60 الف كم ف سنه ونصف تقريبا .. ﻷن شغله كله سفر .. ظهر عيبين .. الكونترول ضرب وعمله فالتوكيل .. ومن اسبوعين الموتور رزع .. الله يرحموا .. وحاليا بيتعمر فالتوكيل و هيبيعها
العربيه التالته سليمه ﻷنها مش بتستخدم اوي

عربية اتقلبت والتانية جابت كنترول وموتور في 60000كم ...اولا حمدالله علي سلامة قريبك ومش عارف اقولك اية بس انا معايا العربية بقالها سنة ونصف وداخل علي صيانة 30000والعربية جميلة وماشفتش منها حاجة وحشة ...علما باني باجري بيها بسرعات وصلت في بعض الاحيان ل190كم في الساعة ..ووالله جابتهم بدون ضغط والموتور كان فايق ممكن ازود بس خفت من الكلام اللي باسمعه عن الكاوتش والجنوط خصوصا اني كان معايا الولاد ومسافرين من اسكندرية للقاهرة ..بس الحمد لله راضي عن العربية تماما ورنا يديم نعمه علينا والجميع

[Adnfalcon]

ممكن انصحك نصيحه لوجه الله ؟
بلاش تزود عن 140 ابدااااا .. اولا الموتور هيسافر منك زي ما حصل مع خالي
ثانيا عشان سلامتك و سلامه اسرتك

[kaza]

شكرا يااخي علي النصيحة

[kaza]

محدش تاني معاه ايمجراند فينك ياميدو وباقي الناس فين .....ياجماعة عايزين نصحي القسم تاني اخبار الصيانات ومركز صيانة القطامية اخبارة اية وابو رواش عاملين اية حاليا واخبار قطع الغيار والاعطال الشهيرة اي حد يدخل ياجماعة

[zastaffa]

أنا العربية معايا بقالها سنه وشهر وعامل في حدود 38 ألف كم عشان بسافر كتير وبلحس الأسفلت وماعنديش مشاكل بمعني كلمة مشاكل كلها تقريبا تفاهات عدا مشكلة واحدة ظهرت من شهر ومطلعة عين أهلي وهي لمبة التشيك أنجن اللي مانورتش من ساعت ماشتريت العربية ولا مرة مع أنها نورت مع كل اللي أعرفهم في أول 1000كم لدرجة أني بقيت زعلان جدا وعمال أقول أشمعني أنا لحد مانورت من فترة قريبة في المشاوير الطويلة وماترضاش تطفي أبدا غير لما العربية ترتاح خالص مش أقل من ساعة....غالبية المرات اللمبة بتنور معايا في المطبات والسحب بيروح في 60 أـلف داهية طول ماهي منورة بس أمبارح حصلت حاجة غريبة جدا وهي أنها مانورتش مني خااااااااااالص وأنا مسافر ومشغل التكييف طول السكة رايح جاي برغم أني أكلتلي كام مطب حلوين مع أنها يوميا كانت لازم تعكنن عليا !!!! ولما روحت توكيل أبو رواش قالولي معلش دا عيب بنزين وأحنا الجهاز اللي عندنا بايظ فمش هاينفع نعملك سوفت وير جديد......انا بأه ناوي أهدي بس من الشغل شوية وهاروح أمرمط بكرامة أهاليهم الأرض

[kaza]

متهيألي الموضوع بسيط وفي الغالب ضعف طلمبة بنزين او انسداد في فلتر البنزين لا اكثر ومش سوفت وير .....سوفت وير اية
حضرتك بسهولة تروح التوكيل والافضل القطامية واكيد هتلاقي الحل ومعاملة كويسة افضل بكتير من ابو رواش

[zastaffa]

طب توكيل القطامية ده يتراح أزاي لو أنا جاي من مصر الجديدة...عاوز أعرف مكانه بالظبط طريق أيه أو جنب أيه؟؟؟

[kaza]

طب توكيل القطامية ده يتراح أزاي لو أنا جاي من مصر الجديدة...عاوز أعرف مكانه بالظبط طريق أيه أو جنب أيه؟؟؟

اسف علا التاخير ...وشوف ياسيدي هتطلع علي الدايري اتجاة المعادي وبعد مدخل القاهرة الجديدة والشويفات من عند محور المشير طنطاوي وانت ماشي رايح كارفور هتلاقية علي الشمال هتلف من عند تقاطع طريق السخنة وترجع علية ....افضل بكتيير من ابو رواش واسرع في الصيانة وبتشوف عربيتك بيتعمل فيها اية وانت قاعد بتشرب مشروبك في التكييف

[zastaffa]

اسف علا التاخير ...وشوف ياسيدي هتطلع علي الدايري اتجاة المعادي وبعد مدخل القاهرة الجديدة والشويفات من عند محور المشير طنطاوي وانت ماشي رايح كارفور هتلاقية علي الشمال هتلف من عند تقاطع طريق السخنة وترجع علية ....افضل بكتيير من ابو رواش واسرع في الصيانة وبتشوف عربيتك بيتعمل فيها اية وانت قاعد بتشرب مشروبك في التكييف

لسه جاي حالااااا يا معلم من هناك وقالولي لازم العربية تبات بس أنا مارضيتش وعليت صوتي وقولتله أنا عاوز المدير بتاعكم عشان أقدم شكوي ورسيت في الأخر أني هاجيبهالهم بوكره الصبح بدري عشان يتعملها حاجة أسمها أعادة تكويد بيقولي هاتاخد وقت بتاع 4 ساعات وربنا يجعلها أخر الأحزان

[kaza]

لسه جاي حالااااا يا معلم من هناك وقالولي لازم العربية تبات بس أنا مارضيتش وعليت صوتي وقولتله أنا عاوز المدير بتاعكم عشان أقدم شكوي ورسيت في الأخر أني هاجيبهالهم بوكره الصبح بدري عشان يتعملها حاجة أسمها أعادة تكويد بيقولي هاتاخد وقت بتاع 4 ساعات وربنا يجعلها أخر الأحزان

حمد الله علي السلامة وماتقلقش الناس كويسة وهيعملوها لانهم مش عايزين مشاكل وجهاز حماية المستهلك محمر ليهم عينة من فترة
وثق في العربية لانها فعلا كويسة ومناسبة لسعرها جدا ...علي الاقل مش صيني وبيقولوا نيواوبترا

[zastaffa]

حمد الله علي السلامة وماتقلقش الناس كويسة وهيعملوها لانهم مش عايزين مشاكل وجهاز حماية المستهلك محمر ليهم عينة من فترة
وثق في العربية لانها فعلا كويسة ومناسبة لسعرها جدا ...علي الاقل مش صيني وبيقولوا نيواوبترا

هههههههههههههههه تمام كدا يا معلم وبكره أنشألله لما أرجع هابقي أوافيك بأخر وأحدث المستجدات اللي حصلت معايا علي راس الساعة

[abou_zead]

عربية تحفة