الناس اللي معاها امجراند من اكتر من سنتين اخبار العربية معاكوا اية

[kaza]

عربية تحفة

اشكرك علي التفاعل بس ياريت تقولنا رايك بمصداقية وبالتفصيل الممل

[Killer bee]

الساده الأعضاء الكرام
انا عايز عربيه في حدود ال 100 الف او اقل
مش مهم مانيوال ولا اتوماتيك
المهم تكون عربيه " ثقه " و تعييش و توكيل كويس و قطع غيار سهل الاقيها و بسعر كويس - و طبعا تكون بتكييف
انا لا اعرف اي شئ نهائي عن السيارات - صفر بأمتياز
انا حاليا بجد محتار بين كذا عربيه و كل ما اسأل حد يقولي رأي شكل
انا محتار بين الأيمجرند 7 / لوجان / افيو / لادا جرانتا المانيوال / سانديروا اقل فئه
و بجد قربت أتجنن فعليا و الموضوع ده واكل كل دماغي و وقتي بقالي أسبوع
أرجوكم الأفاده و ليكم ألف شكر

[MaZaGAngeE]

نسيبي لسه جايبها كسر زيرو… ملاحظته عليها ان التكييف بياخد وقت لحد ما يبرد العربية… غير كده هوه مبسوط بيها ..

[RedBull_30]

حمد الله علي السلامة وماتقلقش الناس كويسة وهيعملوها لانهم مش عايزين مشاكل وجهاز حماية المستهلك محمر ليهم عينة من فترة
وثق في العربية لانها فعلا كويسة ومناسبة لسعرها جدا ...علي الاقل مش صيني وبيقولوا نيواوبترا

تخيل حضرتك تقوم من النوم وتيجي تبص على عربيتك و تفاجئ انها اصبحت الاوبترا الجديدة !!
يا ترى هيكون نظرتك ليها بالشكل اللي انت عرضته علينا دلوقت ؟
سؤال كمان للجميع
هل الاوبترا في الاصل من شيفروليه هي واللانوس ؟؟
العربيتين دول موجودين في امريكا او جه عليهم وقت كانو بيتمشو في شوارع امريكا ؟؟

الاوبنرا الجديدة هتدخل دوامة اللانسر شارك اول ما ظهرت و ربنا يعينها و يعين اصحابها بسبب السوق العجيب اللي احنا فيه .

بعتذر لصاحب الموضوع عن خروجي عن الموضوع الاصلي لكن فيه كلام لا بد للوقوف عنده لتصحيح الفهم و والله لا اقصد التعالي ولكن اقصد الانتباه لما نقوله ..
في النهاية هي حرب بين تجار كبار هم فائزون ونحن خاسرون لو منتبهناش .

[dedi]

الساده الأعضاء الكرام
انا عايز عربيه في حدود ال 100 الف او اقل
مش مهم مانيوال ولا اتوماتيك
المهم تكون عربيه " ثقه " و تعييش و توكيل كويس و قطع غيار سهل الاقيها و بسعر كويس - و طبعا تكون بتكييف
انا لا اعرف اي شئ نهائي عن السيارات - صفر بأمتياز
انا حاليا بجد محتار بين كذا عربيه و كل ما اسأل حد يقولي رأي شكل
انا محتار بين الأيمجرند 7 / لوجان / افيو / لادا جرانتا المانيوال / سانديروا اقل فئه
و بجد قربت أتجنن فعليا و الموضوع ده واكل كل دماغي و وقتي بقالي أسبوع
أرجوكم الأفاده و ليكم ألف شكر

فكر بالعقل واحدة واحدة
- توكيل كويس واحسن من غيرة ( حصلت مع اخى موقفين - تغيير تكييف بالكامل بعد انتهاء الضمان بتاعة -ومشكلة فى الفتيس دون ان يشتكى منها )
العربية انتشرت انتشار رهيب وهذا يعنى توافر قطع الغيار الجديدة والمستوردة
امكانيات العربية والفخامة والاوبشن اكثر من رائع
السعر مقبول بين ماركات كثيرة
تم تلافى العيوب السابقة والتى ظهرت من قبل
الشكاوى الموجودة على النت والهرى الفاضى دة اغلبة حرب توكيلات
هذة الاسباب التى فكرت فيها انا شخصيا قبل الشراء
ربنا يوفقك

[scientist9508]

انا هجاوبك .. 3 عربيات مبدأيا فالعيله عندي ايمجراند
الأولي كانت كويسه بس صاحبها شاف الصدأ الداخلي بعينه ونهايتها كانت انها اتقلبت بيه وباعها بحالتها كده بس ربنا سترها
التاني عمل 60 الف كم ف سنه ونصف تقريبا .. ﻷن شغله كله سفر .. ظهر عيبين .. الكونترول ضرب وعمله فالتوكيل .. ومن اسبوعين الموتور رزع .. الله يرحموا .. وحاليا بيتعمر فالتوكيل و هيبيعها
العربيه التالته سليمه ﻷنها مش بتستخدم اوي

أنا معجب جدآ بطريقة عرضك للنصيحه

[ashourashour]

عربية اتقلبت والتانية جابت كنترول وموتور في 60000كم ...اولا حمدالله علي سلامة قريبك ومش عارف اقولك اية بس انا معايا العربية بقالها سنة ونصف وداخل علي صيانة 30000والعربية جميلة وماشفتش منها حاجة وحشة ...علما باني باجري بيها بسرعات وصلت في بعض الاحيان ل190كم في الساعة ..ووالله جابتهم بدون ضغط والموتور كان فايق ممكن ازود بس خفت من الكلام اللي باسمعه عن الكاوتش والجنوط خصوصا اني كان معايا الولاد ومسافرين من اسكندرية للقاهرة ..بس الحمد لله راضي عن العربية تماما ورنا يديم نعمه علينا والجميع

لا حول ولا قوه الا بالله 190 بعربيه امجراند ومعاك ولادك !!!!

اللي معاه عربيه الماني ومعاه ولاده مبيعملش كدا

انت محتاج تعيد حساباتك

ربنا يهدينا ويهديك