لماذا الصيني والماليزي (ليه تدفع اكتر لما ممكن تدفع اقل)

[habibbeloved]

اذا كنت تفكر في شراء سيارة اري الافضل فى السعر الصينى او الماليزى الاتوماتيك حتي لو الاوتوماتيك فيه بعض المشاكل لاني لااتخيل سواقة المانيوال بالذات في وسط البلد والتسارع لايهمني في شئ, لقد فكرت في اي سياره اخري وبنفس المواصفات وجدت اني لازم اشتري مستعمل وباضعاف السعر صدقوني الصيني الان فرصة بكل المقاييس مهما يقال عنه مع اني حتي الان لم اركبه اطلاقا ولا حتي تاكسي وايضا لازم تضعوا في الا عتبار ارتفاع مستوى المعيشة والاجور فى اي دولة اخرى منتجة للسيارات وبالتالى يرفع سعر السيارة واهم شئ في الموضوع ان الموتور والعفشة والفتيس ومستلزمات الامان حتي الشاسيه في السيارات الصيني والماليزى تكنولوجيا غربية فيه ايه تاني حتي لو فيه بعض عيوب التقفيل بملاليم يمكنك تلافي هذا المهم ان اساس السيارة اكتر من ممتاز واللى معاه فلوس كتيير عايز يجيب سيارة غالية وخلاص وعمره ماحيقتنع بيها مش علشان كفاءتها ولكن علشان رخيصة وانا شخصيا اري ان الماليزى اثبت كفاءة في الكام سنة الماضية وانها سيارات محترمة.

[ahmedbasto]

بس فى فرق فى الأمان والراحة والتقفيل

[Ahmed.Ali]

اعتقد ان الفرق بين الماليزي و الصيني كبير و دا لان بروتون بتتعاون مع شركات كبيره جدا في التصميم و التصنيع

[Eng. Rafy Samy]

احب اوضح
لا يوجد اي تشابة نهائي ولا يمكن المقارنة او التشبية بين الصيني والماليزي

تقبل تحياتي

[hemaa_82]

الموضوع مش في تشابه ولا لأ.... الموضوع انهم نفس الفئة السعرية ..... و في ماليزي نضيف و فية لأ و فيه صيني نضيف و فيه لأ..... و لما نيجي نبص علشان نقول شبه بعض ولا لأ نبص في نفس الفئة ....

يعني مثلا ايه اللي يفرق الجينا عن الm؟؟؟؟

• نفس الحجم تقريبا" الm اكبر"
• ... نفس السعة و القوة .."ال m اعلي HP بس علي rpm اعلي"

• نفس معاملات الامان تقريبا"الجين فيهاair bagsزيادة بس الام انشف في الصاج و الشاسيه"..
• نفس الكماليات تقريبا"الmفيها rain sensor , light sensor مكن رفع بس الجين فيها "adjustable head light."
• جنوط سبور "الmاكبر"
• ال2 حلوين " الشكل ازواق"

بس ال جين اغلي 10 الف جنيه ...."بس برضو نفس الفئة"....

من ناحية شركات كبيرة ف cheryاكبر شركة صيني و برضه الموتور بتاعها مطور مع AVL و العفشة و التعليق في الM11 معمولين معmira الانجليزي و برضه بروتون شركة مش صغيرة و كفايه ان وراها حكومة دولة بتتقي ربنا ....

بس المشكلة في الشركتين الوكلاء المصريين الحلويين ربنا يرحمنا منهم ... بس برضوا ابو غالي + ابو الفتوح اعتقد احسن من عزو

علي الاقل انا بحترم ابوغالي

[ehaballam]

اذا كنت تفكر في شراء سيارة اري الافضل فى السعر الصينى او الماليزى الاتوماتيك حتي لو الاوتوماتيك فيه بعض المشاكل لاني لااتخيل سواقة المانيوال بالذات في وسط البلد والتسارع لايهمني في شئ, لقد فكرت في اي سياره اخري وبنفس المواصفات وجدت اني لازم اشتري مستعمل وباضعاف السعر صدقوني الصيني الان فرصة بكل المقاييس مهما يقال عنه مع اني حتي الان لم اركبه اطلاقا ولا حتي تاكسي وايضا لازم تضعوا في الا عتبار ارتفاع مستوى المعيشة والاجور فى اي دولة اخرى منتجة للسيارات وبالتالى يرفع سعر السيارة واهم شئ في الموضوع ان الموتور والعفشة والفتيس ومستلزمات الامان حتي الشاسيه في السيارات الصيني والماليزى تكنولوجيا غربية فيه ايه تاني حتي لو فيه بعض عيوب التقفيل بملاليم يمكنك تلافي هذا المهم ان اساس السيارة اكتر من ممتاز واللى معاه فلوس كتيير عايز يجيب سيارة غالية وخلاص وعمره ماحيقتنع بيها مش علشان كفاءتها ولكن علشان رخيصة وانا شخصيا اري ان الماليزى اثبت كفاءة في الكام سنة الماضية وانها سيارات محترمة.

طبعا ومن غير تردد هات البروتون..... بلاش الصيني .... وال بروتن خامات أحسن واعتمادية أكبر وحتعيش ضعف الصيني ..... بس للأسف أنا اللي فاكره إن التوكيل وحش ... بس برده ابوالفتوح مش ملاك

[ALshahba]

كل شئ بيتطور وبياخد اكيد وقت, ولكن من الظريف ان الصيني فى وقت صغير استطاع ان يخدم رغبات اغلب المشتريين للسيارات حتي وان كانت الجوده مازالت اقل من 90% لكنها انتشلت الناس من ركوب سيارات افخم مافيها ان كاوتشاتها جديده مثل 128, بولونيزو 131,132 وغيره (مع الاحترام لراكبيها طبعا,ده على سبيل المثل فقط)وغيرها من انواع الفيات والقديم كله
يعني ممكن دلوقت اركب عربيه واخليها معايا مثلا 5 سنين وبعد كده اغير ممكن لنفس الموديل واكيد حيكون اتحسن او افكر فى موديل تاني بس حدفع اكتر طبعا ودي مافيش فيها مشكله لان اللي بيختار حاجه ومقتنع بيها فلازم يتفع ضريبتها..امر طبيعي,
وطبعا اللي عايز يجيب اي نوع سواءا صيني او غيره فلازم يحدد طلباته وامكانياته ثم يقرر اي نوع يريد
لكن بلانش نعيش عريان (تيييت) ونحب التريقه
ودمتم سالمين

[meetooz]

بص يا سيدي ..... أنا من أكتر الناس اللي علقوا على العربيات الصيني ....وده عن تجربة واقتناع باللي بقوله ...وشايف إن العربيات دي سواء ال cherry أو ال geely عربيات مش كويسة وال موضوع مش مجرد عند ومكابرة ... أنا كمهندس بحط standard وأمشي عليه مهما كانت النتيجة ...حتى لو العربية دي بحبها أو لأ ....يعني مثلا أنا بحب ال waja بس أنا شايف إن العربية دي مفيهاش غير motor وده مش كفاية يعني لو أنا بدي درجة على كل حاجة العربية ممكن تاخد عندي 10 من 10 ك motor وده صعب بس كمثال مشيها .... بس لازم حتاخد درجة قال في حاجات تانية والمتوسط حيبقى قليل فـككل العربية تقيمها مش حيبقى كويس ...والموضوع مش أمزجة ...ومش لازم اسوق العربية سنة علشان أحكم عليها .... في جزء معروف من ال data sheet بتاع العربية وجزء من سواقة العربية ....وفي الآخر ...تلاقي حد يقولك ..إنت متحيز ضد العربية ...أو يقولك ده اللي موجود بالسعر ده.... لأ دور في السوق شوية والتعب حتلاقي .... ولما تزنقه يقولك إنت منحاز ضد العربية من غير سبب مقنع ....أُمّال أنا كنت بأقول ايه من الصبح كل العيوب دي وشايف إنه عادي خلاص اشتريها يا سيدي بس بلاش تنصح حد بيها ... طب يا اخي ...أنا بأقول رأيي وكل واحد حر .....يقولك العربية الفلانية فيها كذا ....أيوه عارف ولو قلتلي اشتريها حديك نصيحة وحقولك عيبها .....بس احنا بنتكلم على عربية محددة متروحش تقول اللانوس فيها كذا ...أيوه يا سيدي فيها ...بس ده مش عذر لا للعربية دي ولا لللانوس ...الإتنين فيهم عيوب ...بس مش معنى كده إن العربية دي أحسن من اللانوس لان اللانوس فيها حاجات تشيل فـال متوسط بيبقى كويس .....من برده مين قال لك إني بأقول اللانوس كويسة أصلا...بس قصاد الصيني أحسن قصاد أي عربية تانية لأ... وكده

ودلوئتى العضو ده بيقول هات بروتون من غير تردد ........ no comment

[ehaballam]

ودلوئتى العضو ده بيقول هات بروتون من غير تردد ........ no comment

اخي العزيز meetoz
أولا : أحب إني أقولك مدى سعادتي إنك بقيت عارف كلامي كويس , وحافظه لدرجة إنك بقت تستشهد بيه .... صدقني ده حاجة بتجلب السرور في نفسي المتواضع ....
ثانيا : بس أحب أقول لحضرتك إنك فهمت غلط , اخونا هنا بيسأل على نوعين بالتحديد , الصيني والماليزي , فـالمنطق بيقول إن الإجابة لازم تكون في حدود السؤال , ولما الراجل يوضح السعر اللي هو محدده ...ساعتها ييجي وقت الاقتراحات ...بس كإجابة على سؤال محدد , أيوه أي حاجة ماليزي أحسن من الصيني كله .
حتيجي تقولي إزّي تنصحه بالماليزي وإنت من شوية بتقول عليه وحش ... حقولك .... الموضوع مفيهوش تناقض ولا حاجة ...
ححاول ابسط الشرح على اد ما أقدر ...علشان المعلومة توصل لانها فيها لفة شوية .....
عندك قطار .... الدرجة التانية بالتأكيد أحسن من درجة التالتة ..بس مش أحسن من الأولى ....
العربية حاجة زي كده ... بس الصيني مش الدرجة التالتة ...دي المقطورة اللي بينقلوا فيها البضاعه في آخر القطار ..... فـأي حاجة أحسن منها
يعني مثلا : لو كان قال لي أجيب a113 ولا saga حقوله saga... بس لو قالي saga ولا لوجان ...حقوله لوجان.... لو قال لي GEN2 ولا accent حاقلوا GEN2 إنما لو قال GEN2 ولا fiat punto حاقولوا punto ....
ده هو ال standard اللي أنا بقول عليه ....
وعلشان تعرف بس الترتيب أهو علشان تحاول تطبق القاعدة :
1- اوروبي
2-ياباني
3-امريكاني
4- ماليزي
5-كوري
6-صيني
والقاعدة دي عامة ... بس في حاجات بتشذ.... ودي حالات نادرة جدا وده بيبقى لإن مفيش مقابل في نفس الفئة السعرية متوافر ... أو لإن العربية ده مختلفة عن باقي النوع بتاعها ...زي ال 3 موديلات دول بالذات من ford ...ال mondeo وال focus وال fiesta دول امريكاني يعني ترتيب 3 بس العربيات دول بالذات تصميم وصناعة اوروبي ومخصصين للسوق الأوروبية ... يعني مش بينزلوا امريكا .... فـدول بيعاملوا معاملة الاوروبي .
وياريت كده أكون ازلت أي لبس عندك في اللي بقوله ... وأنا مقدر إن اللفة بتاعت الفكرة صعبة عليك ...بس إن شاء الله أكون بسطتلك المعلومة على اد ماأقدر ... ولو في استفسار اضافي ... اسأل في أي وقت احنا اخوات يا اخي العزيز.

[ehaballam]

كل شئ بيتطور وبياخد اكيد وقت, ولكن من الظريف ان الصيني فى وقت صغير استطاع ان يخدم رغبات اغلب المشتريين للسيارات حتي وان كانت الجوده مازالت اقل من 90% لكنها انتشلت الناس من ركوب سيارات افخم مافيها ان كاوتشاتها جديده مثل 128, بولونيزو 131,132 وغيره (مع الاحترام لراكبيها طبعا,ده على سبيل المثل فقط)وغيرها من انواع الفيات والقديم كله
يعني ممكن دلوقت اركب عربيه واخليها معايا مثلا 5 سنين وبعد كده اغير ممكن لنفس الموديل واكيد حيكون اتحسن او افكر فى موديل تاني بس حدفع اكتر طبعا ودي مافيش فيها مشكله لان اللي بيختار حاجه ومقتنع بيها فلازم يتفع ضريبتها..امر طبيعي,
وطبعا اللي عايز يجيب اي نوع سواءا صيني او غيره فلازم يحدد طلباته وامكانياته ثم يقرر اي نوع يريد
لكن بلانش نعيش عريان (تيييت) ونحب التريقه
ودمتم سالمين

ياريت تكون أخدت بالك إنك كده بتقارن الصيني بعربية بقالها فوق ال 30 سنة في السوق ... بس حتى كده برده الصيني يخسر قدام ال 504 مثلا .....

[ALshahba]

بكل بساطه يا جماعه
اللي مش شايفها عربية تستاهل الفلوس مايجيبهاش ويجيب اوروبي ... واللي مشمعاه تمن الاوروبي او الياباني يداين او ياخد قرض يسدد فيه طول عمره او الورثه من بعده ... مسأله بسيطه!!!
واللي مش شايف ان العربيات الاسبيرانزا ذات جوده فى الكفائه.....يروح يركب تاكسي ويعيش مع المواصلات هو و اولاده ويحوش لحد مايجيب اللي فى نفسه
بس خلي بالك لحسن بعد ماتحوش تمن الياباني او الوروبي يكون سعرها تضاعف مرتين او تلاته..... اكتبها فى وصيتك للورثه!!
-واللي عايز يحمي نفسه من البهدله... يلحق يركب القطر درجه سادسه..... او يلحق زمايلو مشي ....ده قراره....بس ما يندمش بعد فوات الوان

[bahaaallam]

بكل بساطه يا جماعه
اللي مش شايفها عربية تستاهل الفلوس مايجيبهاش ويجيب اوروبي ... واللي مشمعاه تمن الاوروبي او الياباني يداين او ياخد قرض يسدد فيه طول عمره او الورثه من بعده ... مسأله بسيطه!!!
واللي مش شايف ان العربيات الاسبيرانزا ذات جوده فى الكفائه.....يروح يركب تاكسي ويعيش مع المواصلات هو و اولاده ويحوش لحد مايجيب اللي فى نفسه
بس خلي بالك لحسن بعد ماتحوش تمن الياباني او الوروبي يكون سعرها تضاعف مرتين او تلاته..... اكتبها فى وصيتك للورثه!!
-واللي عايز يحمي نفسه من البهدله... يلحق يركب القطر درجه سادسه..... او يلحق زمايلو مشي ....ده قراره....بس ما يندمش بعد فوات الوان

السلام عليكم
[marq="3;right;3;scroll"]
مش محتاجة وصيه ولا حاجة
[/marq]هى العملية كلها احتاجات وقدرات
يعنى فى واحد عايز يشترى اوبشن,وواحد عايز يركب عربية, وبعدين الاوروبى مش حلم زى ما انت متصور
انت ممكن تشتيرى رينو كليو موديل 2008 ب 55000 جنية، و دى بكل تاكيد انضف 100 مرة من الصينى, بس هو كدا فى ناس عندها عقدة الزيرو( و بالنسة لاخ اللى بيقول انها رحمت الناس من 128 و الفيات بشكل عام، العربية الصينى عمرها الافتراصى 5 سنوات وتفتح بقئها ودى ميكملش ربع عمر العربيات دى)، اصلها بالعقل ، مفيش عربية فيها الاوبشن دى كلها ويسعر منخفض دى معادة معرفة الجودة = السعر.
بالنسبة لموضوع البروتون ولا الصينى، اكيد شركة بتتغامل مع لوتس وبتنقا تكنولوجيا من لوتس حتبقى بلا شك احسن من الصينى .

[ALshahba]

السلام عليكم ورحمة الله
والله كنت حشتري العربيه رينو كليو ورحت شفتها وركبتها فى التوكيل بتاعهم فرع المعادي
وماكنتش مقتنع تمااااااما بحاجه اسمها ابيرانزا او صيني بشكل عام...ولكن بعد مارحت وركبتها وكل ما اركب فبها دماغي تخبط فى القايم الاسر وكل ما اكلم صاحب المعرض وهو بيقولي ايه رأيك فيها دماغي عماله تلطش فى القايم الشمال برضه وانا بكلمه, ومش لاقي فين زراير الزجاج الكهربائي اكتشف انها معموله فى التابلوه الامامي !!!! انا استغربت جدا من سوء التصميم الداخلي وادور علي ازرار الزجاج الخلفي الاقيها تحت عند الدواسه ورا!!!! واقعد من ورا الاقيها يدووب مقاس عربيه هاتش باك!!!!!مع كان معايا هاتش باك الناس كانت بتثني عليها من وسعها (كيا برايد)
والسعر بتاعها الجميل 74000 كاش !!!!!
بص بصراحه هي عاليه عن الارض وفراملها قويه ( ثقه من صاحب المعرض) واستهلاك بنزينها محدود لانها 1400 شئ جميل
وبعديها بيوم اروح لتوكيل اسبيرانزا فى المعادي واركب الصيني
سبحان الله..... الاقيه واااااسع جدا وامكتنياته فظيعه بالمقارنه اللي فى دماغي ... وكل ما اكلم الراجل المسئول دماغي الحمد لله ما اتخبططش كما هو المعتاد فى الاخري وفى الاخر الاقي سعرها 64000 زمان يعني ..!!! دماغي لفت وقعدت بعدها فتره طويله عمال اقارن
ربنا هداني لل 516 ...والحمد لله راحت مع الحادث اللي اتكلمت عنه سابقا وكنت مبسوط بيها طيلة سنتين وكان شكلي بيها كويس والحمد لله وحامياني مع اسرتي ... صحيح كان استهلاك بنزينها عالي لكن سرعتها تعادل السحب ده بمشي بيها 180 ومشغل التكييف علي السريع والحمد لله علي ثباتها وعمرها ما اهانتني وسط الناس ولا تعلو زقو معايا ولا مكانيكي يلحقني لحسن عطلت
اعطالها ان صح النعبير كلام فاضي...
شد فرامل اليد..... تقوية الاتكييف....ضبط الزوايا...حاجات زي كده صحيح التوكيل كان قارفني من الزحمة (كثرة البيع) لكن عمر ما حد قل ا دب معايا بل الاعتذارات شغاله كل شويه....
وعجبني اوي موضوع الزجاج ذو اللمسه اللي موجود فى التويوتا عند الواق فقط وفى 516 كل الابواب
-وعمر ماكان الزيرو عقده... دي رفاهيه وعزه فى الركوب
-وكفاااايه اوي علي العربيه 5 سنين بعد كده اقلب وهات جديد ....نظريتي الشخصيه

ودمتم سالمين

[hugan]

يا لخي مين قاللك انها خمس ستين والعربيه تنتهي يعني ايه انت لو بصيت علي العربيه ما تفرقش عن اي عربيه تانيه ما تخش علي بقيه الاقسام اللي في المنتدي وشوف كميه المشاكل اللي في الاوربي واليا باني والكوري اشمعني الاسبرانزا يعني وبعدين اظن ان المصريين ما هماش شعب يعرف ايع الكويس والسيء واكبر دليل عاي نجاح العربيه هي انتشارها الجامد لان مفيش حد ها يرمي فلو سه حتي لو كانو 10000 جنيه مش 68000 او 100000 وبعدين للا مانه واحد صديق ليه واللل العربيه قربت معاه علي ال 170000 كيلو ايوه 170000 والعربيه ما اتتفككتش من بعضها ولا الرفا رف وقعت ولا الا بواب طارت انا ما اعرفش ايه الكلا مالغريب ده انا اظن ان السبب في الهجوم ان كل واحد جاب كوري او يابا ني اوحتي اوروبي اكتشف انه انضحك عليه ودفع مبلغ كبير في عربيات عاديه وبرده مليانه مشاكل يمكن اكتر من الصيني فمن خلال الهجوم علي عربيه زي الا سبرانزا يحا ولو يقولو لنفسهم ان فرق السعر الجامد اللي هما دفعوه يستاهل والله انا قبل ما اجيب العربيهال516 قلبت في جميع الماركات لحد 10000 من انترا الي لا نسر الي صني الي اوبترا الي سيراتو الشكل القديم انا با اقول علي الفءه المانوال لاقيتهم والله ما يفرقوش عن ال516 في حا جه يمكن ال516 تتفوق عليهم الخلاصه انك في مصرالعربيا ت طالما في رنج ال 100000 كله يتساوي والصين يتميز عليهم بميزه انخفاض السعر مع كفاءه ما تقلش عنهم والعربيات شغاله واثبتت كفاءه في السوق وعمر الناس ما ها تشتري شي فاشل او ترمي فلوسها علي الا رضوالمفروض نخرج من حكايه الا عتماديه الي المشاكل العاديه اللي بتقابلها اي عربيه من اي ماركه

[augast]

اولا اشكر الاستاز / hemaa
على الرد الموضوعة مش كلام وخلاص
انا شايف الراجل اللى عمل الموضوع مقارينش بين الأتنين
علشان كل التعليقات ناس بتنحاز للماليزى او الصينى
وناس بتقارن بين gen والاسبيرانزا كلها
مش معقول طبعاً
وبعدين مين اللى قال ان الصينى مبيستخدمش تكنولوجيا
الصينى اللى مرغبة فى الناس
- الكلمتين اللى بيتقالو ( التكنولوجيا المستخدمة من a - z مع الشركات العابمية )
- الرفاهية و الامكانيات
- السعر
مع احترامى الشديد للى معاهم كليو انضف من مين
بكل تاكيد انضف 100 مرة من الصينى
بتقارن كليو بجميع العربيات الصينى ده على انهى اساس حضرتك ركبت جميع العربيات الصينى وطلعت وحشة وعربية واحدة احسن مينهم كلهم
رجاء اللى يقارن يقارن عربية بعربية
- gen ب m
- كليو ب 516
كدة علشان نستفاد بلاش الانحياز