لسه بايع الأسبرانزا A113 حالا

[memo_hefnawy]

تعليق بسيط على العربية أم 50 ألف عايز يبقى فيها إيه !!!

أنا أختى جابت برودوا كليسا 1000 سى سى من حوالى 4 أسابيع

العربية سعر المانيوال 51 و الأوتوماتيك 57

العربية ماليزى موتور و فتيس دايهاتسو ميرا

عشان الناس إللى بتقول على الكماليات و بيهتموا أوى بيها فى الصينى :
---------

العربية فيها الآتى:
=====
1- سنتر لوك
2- زجاج أمامى كهربا
3- مفتاح إمبوليزر
4- فتحة تنك و شنطة من الداخل
5- كاسيت
6- مرايات كهربا
7- الكنبة الخلفية قابلة للطى
8- باور ستيرنج
9- تكييف

العربية عموما العفشة بتاعتها ناعمة ما شاء الله و خامات الصالون تعتبر أكثر من جيدة جدا
خامات التابلوه بتاعها أنضف من الفيرنا العربية سحبها أوتوماتيك و تكييف ممتاز يعنى 1000 سى سى و عليهم أوتوماتيك + تكييف و مع ذلك حلوة جدا و ممتازة كسيتى كار

قابلت ناس فى التوكيل معاهم كليسا و معاهم كانشيل موديل 99 بيشكروا جدا فى العربية و عن ندرة مشاكلها

إيه يخلينى أروح أجيب وزة ولا بطة ولا كتكوت أجرب فيه ؟ و فيه حاجة ماتورها يابانى و تقفيلها نضيف و ماشية فى الشارع بقالها 10 سنين ؟

[Ahmed Samy]

إيه يخلينى أروح أجيب وزة ولا بطة ولا كتكوت أجرب فيه ؟

:D:D:D:D:D

[elhamy]

يا جماعة أنا بعتقد إن كل اللي بيشتكي بيبالغ مش أكتر لإن في ناس كتيير إشترت العربية ديه 113 وملهاش شكوي بالمبالغة ديه وكل شكواهم بتتعلق بمشاكل الشوارع المصرية وده شئ مشترك حتي في العربيات اليباني لإني ركبت لانسر 1600 وكنت حاسس فيها بنفس مشكلة الدبدبة مش لإنها وحسشة ولكن لإن الشوارع المصرية شوارع تبوز أي عربية مهما كان تصنيعها ويارايت الموضوعية عشان حرام وربنا هيحاسب الناس عي كلامها ده

ومشكوراً لكل من يقول رايه بما يرضي الله لإنها أمانة

[Karim_Monir]

تعليق بسيط على العربية أم 50 ألف عايز يبقى فيها إيه !!!


إيه يخلينى أروح أجيب وزة ولا بطة ولا كتكوت أجرب فيه ؟ و فيه حاجة ماتورها يابانى و تقفيلها نضيف و ماشية فى الشارع بقالها 10 سنين ؟

يووووة يا محمود
هو انا هامشي في المنتدي اعلم فيكم
516 = وزة صغيرة
620 = وزة كبيرة
113 = كتكوت أعررررج
قول تاني كدة
أعرررررج ايون عليك نور
نفس الوصفة اللي وصفتها لشاركي فوق وتبقي عال العال
اوعى تنسى تاني بقي :D:D:D:D:D
------
50 الف جنية
ده انا اجيب لانوس 2005 تكييف وباور وعربية كبيرة وصالون وثبات وعفشة
ولا ريو 2003 ولا 2004 وزي الفل
ولا سيفيا 2000 او 2002
وكمان ممكن نوبيرا 99 الشكل القديم
ولا ولا ولا
مش ابو الفتوح اللي عمال يجرب فينا ده
يجرب فينا لانوس اه
عربية اثبتت نفسها من اول يوم
يجرب فينا اسبيرانزا يبقى حررررام

[Karim_Monir]

يا جماعة أنا بعتقد إن كل اللي بيشتكي بيبالغ مش أكتر لإن في ناس كتيير إشترت العربية ديه 113 وملهاش شكوي بالمبالغة ديه وكل شكواهم بتتعلق بمشاكل الشوارع المصرية وده شئ مشترك حتي في العربيات اليباني لإني ركبت لانسر 1600 وكنت حاسس فيها بنفس مشكلة الدبدبة مش لإنها وحسشة ولكن لإن الشوارع المصرية شوارع تبوز أي عربية مهما كان تصنيعها ويارايت الموضوعية عشان حرام وربنا هيحاسب الناس عي كلامها ده

ومشكوراً لكل من يقول رايه بما يرضي الله لإنها أمانة

لالالالا يا شيخ
اوعى تقول لانسر بتدبدب
تلاقيك ركبت واحدة اسبور بعفشة رياضية حسستك الاحساس ده
لكن في فرق بين دبه ودبدبة
دبة يعني المشوار بتاع المساعد قليل عشان الثبات
لكن دبدبة يعني عقشة زي الزفت بتشخلل
والراجل شرح كل حاجة في كلامة مش بنفتري علية
وعلى فكرة
احنا بنخاف ربنا في كلامنا ومش بنضل حد والحمد لله

[Dr Ahmed]

وهى الاسبرانزا ب 50 ألف؟؟؟
على حسب علمى ب 64 !!!

[Hossam_Hassan]

والنبى يا كريم بلاش حكاية الوز و الكتاكيت دى أحسن انفلونزا الطيور مش عاتقة

[memo_hefnawy]

يا عم كريم العيب مش على أبو الفتوح العيب على الناس إللى شايفة إن عادى إن عربية زيرو أروح بيها التوكيل كل يوم و التانى و إيه يعنى

أنا مابدفعش فلوس أيا كانت فى عربية زيرو عشان أروح كل شوية التوكيل و قرف التوكيل و التصليح

الفلوس إللى إتدفعت دى أكيد صاحبها شاقيان فيها و جاب زيرو عشان يوفر حبة وقت عشان بيشقى فى شغله و عايز يوفر حبة راحة أو وقت لحياته لشغله مش آخد النهارده أجازة عشان أروح للوكيل و يفضل يثبت فيا و يقولى كده فل و كده تمام و العربية مافيهاش حاجة

أو ذى ما صاحب الموضوع ذكر إن الفرش شايط و إتقطع لوحده بعد مش عارف أد إيه أو الريموت علق و أحرجه أمام زملائه أو العربية ماشية بتعمل صووت عالى فى المطبات

يا جماعه إللى دفع فلوس فى زيرو دفعهم عشان يرتاح مش عشان يأجر شقة أمام مركز الصيانة و عشان يسوق و هو عنده راحة بــــــــــال مش قلقان لا تعطل ولا تتهبب

أنا مابقولش الصينى ده كذا أو كذا لكن طالما توفر بديل ليه أروح لحاجة لسه بتتجرب و فى بداية حياتها التصنيعيه؟

و ذى ما كريم قال كان ممكن أجيب مستعمل أو ذى ما أنا ذكرت فيه حلول أخرى فى الزيرو

بس للأسف معظمنا الدعايا بتزغلل عنينا و أبو الفتوح شاطر أوى فى الدعايا و التسويق

[eng_mkhalaf]

هو انا هامشي في المنتدي اعلم فيكم
516 = وزة صغيرة
620 = وزة كبيرة
113 = كتكوت أعررررج

إية يا كريم أنت شاكلك كدة تاجر فراخ كبير :-)

يا جماعة مش كل الصينى وحش - وإلف مبروك يا محمود على البردوا - على فكرة أول عربية دخلت مصر مع واحد زميلى ودة يبقى عمة المرحوم هاشم عليان صاحب شركة هاشم باص توكيل البردوا وأبنة محمد إللى ماسك التوكيل كان معاة واحدة من حوالى 10 سنين وكان بيعمل بيها شغل طحن وكانت قايلة معاة جامد قووووى وعلى كلام صاحبى أنها عربية جراية جداااااااا وحمالة أسية - هية فعلا عربية كويسة وأن شاء الله الشيرى A11 تحصلها بس انا هقول كدة بقلب جامد لما أكسر 100 إلف أن شاء الله بدون مشاكل كبيرة

[Sharky]

يووووة يا محمود
هو انا هامشي في المنتدي اعلم فيكم
516 = وزة صغيرة
620 = وزة كبيرة
113 = كتكوت أعررررج
قول تاني كدة
أعرررررج ايون عليك نور
نفس الوصفة اللي وصفتها لشاركي فوق وتبقي عال العال
اوعى تنسى تاني بقي :D:D:D:D:D

كريم باشا أنا حفظت خلاص ممكن أسمع
طيب أبدأ بقى
كتكوت أعررررررررررررج
كتكوت أعررررررررررررج
كتكوت أعررررررررررررج

إيه رأيك حفظت كويس :D

[memo_hefnawy]

ربنا يباركلك يا محمد :)

عربيتك ال A11 لحد دلوقت واضح إنها أفضل ما وصل لنا من عائلة شيرى مش عارف ليه جايز عشان واخده من التوليدو !! الله أعلم

لكن الوز و الكتاكيت مش مقتنع بيهم نهائى

[eng_mkhalaf]

الحمد لله وربنا يسترها معايا ويطلع مخاطرتى فى محالها - وأنا متفائل خير

[SEATLOVER]

يا استاذ سيات لوفر اكيد احنا كمنتدي لازم نعبر عن راينا الشخصي قبل ما نعبر عن الراي الموضوعي عشان الاستاذ ماجد باعها بعد ما شرح مشاكلها
واستاذ ماجد شخصية تجيد الحكم على السيارت وواضح انه كان واخدها مغامرة
بس مبدا التجارة بيقول على قد نسبة المخاطرة على قد نسبة الربح
وهو خاطر بس خسر وغيرة خاطر ونجح
ويا ريت ترجع ورا شوية كدة لكلام وتقييم استاذ وائل عطية وهو من قدامى الاعضاء وصديق عزيز واخبار العربية الاسبيرانزا ايه معاه بعد ما قعدت سنة وغيرة وغير
احنا مش بنجرح في شخص
احنا بنجرح في عربية حديد
طب مانا كل يوم واحد يطلعلي يقولي الشاهين احسن من الكرولا بتاعتك
بزعل ؟؟؟
ابدا بقولوة بس انقضها نقض موضوعى او كتير مابردش
سمعة السيارة هيا اللي بتتكلم عني
وفي النهاية احنا كلنا اخوة جايين هنا نفيد ونستفيد مش نجرح في بعض
ربنا يديم المعروف

يا سيد كريم مفيش رآى شخصى اسمة (الكتكوت الاعرج ) لو قريت كلام الاستاذ ماجد نفسة صاحب الموضوع هتلاقى انة قال المشاكل اللى قابلتة مع العربية بدون ادنى تجريح فى العربية نفسها بصرف النظر ان المشاكل كالاتى :
-مادريتش غير مرة واحدة
-صوت عالى فى العفشة
-الجنط اليمين ورا فية صوت فى الملفات (ممكن اوى يكون عيب فردى )
-غربلة بعد ال 100
-الكاسيت حلو بس ماينفعش تغيرة غير بالاصلى
--------------و لا تعليق على مدى خطورة المشاكل !! --------------------

اللى انا اقصدة ما ينفعش نطلق مسميات فيها سخرية و تهكم على اى نوع عربية مهما كانت لآن لها ناس جايبنها و مقتنعين بيها ذى ما ردوا عليك ...واذا كنت بتقول على العربية (حتة حديد ) فامظنش ان اى حد بيدخل منتدى للسيارات عندة العربية مجرد حتة حديد فقط !

بمعنى أخر ماينفعش اكون لابس جاكت و تيجى تقولى (اية الشوال اللى انت لابسة دة ) انقضة بمنطقية ووضوح مثلاً (الخامة مش هاتستحمل -التفصيلة قديمة -اللون مش لايق ...و هكذا ) و ماتنتظرش لو قلت غير كدة انى مزعلش ...و ترجع تقلى لا اصل انا بنقض حتة قماش !!


مش عايزين الناس تبنى قراراتها على مسميات و تعبيرات فيها استهجان
من السهل اوى لى اى حد يطلع تعبير لكن صعب اوى لأى حد انة يقول تقرير .

وعشان احنا كلنا هنا اخوة جايين نفيد و نستفيد (فيدنى بما لا يستطيع الاخرون افادتى )

[eng_mkhalaf]

مش عايزين الناس تبنى قراراتها على مسميات و تعبيرات فيها استهجان
من السهل اوى لى اى حد يطلع تعبير لكن صعب اوى لأى حد انة يقول تقرير .

+1000000000000
كريم أنت عارف الكورولا مسمينها إية -------- البالونة
قول ورايا

ب ا ل و ن ة

أقول تانى :-)

[CryptonX]

الغريب بقى اني عمي اشترى واحدة لابنه و بنته ( يخمسوا فيها يعني ) و هما شغلهم في الطريق الصحراوي و هما ساكنين في مدينة نصر .
السيارة عملت 12.000 كم في وقت قليل جدا !

وطبعت عيوب سيارة الاستاذ ماجد لعمي ( يمتلك الa113 و بي ام دبليو 525 و تويوتا كامري و 128 ) و هو الي بيودي السيارة للصيانة بنفسه

ولا عيب من ده ظهر معاه نهائي الا عيب الريموت و ظهر عند التسليم.. و كان سببه البطارية و اتغيرت في التوكيل و شغالة من ساعتها

و لا في عيوب في المطبات و لا اي حاجة .. الحاجة الوحيدة الي مش عاجباه ان الفرش بتاعها نوعه سيء بس علي اد تمنها زي ماقال
بالنسبة لسائق السيارة نفسه .. السيارة ممتازة بالنسبة له ( 27 عام ) يعيبها الويحد انها غير متزنة بعد ال 120 كم .
و الزجاج الخلفي صغير جدا و متعب للرؤيا في المرايا الخلفية .
فمعرفش بقى هل دي حظوظ و لا ايه بالظبط !