لسه بايع الأسبرانزا A113 حالا

[eng_mkhalaf]

تمام يا كريم - طبعا أحنا مش هنحكم على عربية من تجربة واحدة لازم يبقى فى كذا تجربة وأختبار علشان يبقى الحكم واقعى - انا حاسس أن فى العربيات الصينى بعض الموديلات بيكون فيها عربيات بجودة وجودة شكل
بس على العموم العريبة تعتبر كويسة فى شريحتها السعرية وأحسن من حاجات كتير أغلى بدون داعى.
وربنا يبارك لعمك ويدية خيرها ويكفية شرها وعقبال 120 إلف أن شاء االله ومستنيين تقييم ال 20 إلف منك

[Karim_Monir]

يا سيد كريم مفيش رآى شخصى اسمة (الكتكوت الاعرج ) لو قريت كلام الاستاذ ماجد نفسة صاحب الموضوع هتلاقى انة قال المشاكل اللى قابلتة مع العربية بدون ادنى تجريح فى العربية نفسها بصرف النظر ان المشاكل كالاتى :
-مادريتش غير مرة واحدة
-صوت عالى فى العفشة
-الجنط اليمين ورا فية صوت فى الملفات (ممكن اوى يكون عيب فردى )
-غربلة بعد ال 100
-الكاسيت حلو بس ماينفعش تغيرة غير بالاصلى
--------------و لا تعليق على مدى خطورة المشاكل !! --------------------

اللى انا اقصدة ما ينفعش نطلق مسميات فيها سخرية و تهكم على اى نوع عربية مهما كانت لآن لها ناس جايبنها و مقتنعين بيها ذى ما ردوا عليك ...واذا كنت بتقول على العربية (حتة حديد ) فامظنش ان اى حد بيدخل منتدى للسيارات عندة العربية مجرد حتة حديد فقط !

بمعنى أخر ماينفعش اكون لابس جاكت و تيجى تقولى (اية الشوال اللى انت لابسة دة ) انقضة بمنطقية ووضوح مثلاً (الخامة مش هاتستحمل -التفصيلة قديمة -اللون مش لايق ...و هكذا ) و ماتنتظرش لو قلت غير كدة انى مزعلش ...و ترجع تقلى لا اصل انا بنقض حتة قماش !!


مش عايزين الناس تبنى قراراتها على مسميات و تعبيرات فيها استهجان
من السهل اوى لى اى حد يطلع تعبير لكن صعب اوى لأى حد انة يقول تقرير .

وعشان احنا كلنا هنا اخوة جايين نفيد و نستفيد (فيدنى بما لا يستطيع الاخرون افادتى )

يا سيد سيات لوفر هو بعد اللي قاله ده وعايز نقض موضوعي
هو بيخاف يفتح العربية الزيروووو اللي دافع فيها 50 الف جنية قدام زملائة احسن تكسفة وتسيبه في مطر ولا في شمس محبوس برة مش عايزة تدخله وتقوللي نقد موضوعي
عرية بتغربل بعد ال 100 ومش عيب ترصيص طبعا لانها عيب تكون خارجة من التوكيل فيها عيب ترصيص وده هاتلاقي عيب في الكاوتش او الجنط وتقوللي مش نقد موضوعي
عفشة بتدب ويقولك بياخد النقرة كانها مطب جامد وتحس العربية اتهبدت ليه هو راكب سيات
دي لو سيات 133 مش هاتعمل معاه كدة وتقوللي عايز نقد موضوعي
اما عن كلامك (((يا سيد كريم مفيش رآى شخصى اسمة (الكتكوت الاعرج ) )) لو ده مش راي شخصي امال يبقى راي مين
وبعدين اخيرا وليس اخرا انا بتكلم مع اصدقائي اللي اعرفهم ويعرفوني كويس ويعرفوا مين كريم منير
مش سيادتك

[Karim_Monir]

تمام يا كريم - طبعا أحنا مش هنحكم على عربية من تجربة واحدة لازم يبقى فى كذا تجربة وأختبار علشان يبقى الحكم واقعى - انا حاسس أن فى العربيات الصينى بعض الموديلات بيكون فيها عربيات بجودة وجودة شكل
بس على العموم العريبة تعتبر كويسة فى شريحتها السعرية وأحسن من حاجات كتير أغلى بدون داعى.
وربنا يبارك لعمك ويدية خيرها ويكفية شرها وعقبال 120 إلف أن شاء االله ومستنيين تقييم ال 20 إلف منك

محمد يا خلف هو انت نسيت الاسبيرانزا بتاعت وائل وبتاعت كل الناس بتوع الاسبيرانزا وكل المشاكل والقرف اللي شافوة
لو نسيت يا محمد ارجع ودور في منتدي الاسبيرانزا عشان شكللك نسيت
وادي ابو الفتوح بيبعتلنا هدية مقرفة تانية اسمها 113

50 الف جنية واقعد في عربية من غير مشاكل
انا اعرف واحد صاحبي جاب لانوس مش بيها 80 الف كم في سنة واحدة معملش فيها غير زيت وفلاتر ئوكاتينة ومن غير مايقرب ناحية التوكيل
مش مش لسه زيرو وفيها القرف ده
بلاش كل ماتلاقي حد بيسقف للصيني تسقف معاه وانتكلم بموضوعية او نقلبها احزاب احسن
وبلاش انت بموضوع البالونة ده ;)

[eng_mkhalaf]

أنت يا كيمو شكللك بعيد عن المنتدى ومواضيعة فى تعليق للأخ كريبتونكس على العربية دية وهية مع عمة وعاملة 12 إلف ويبقلوك العربية زى الفل من لسان سواق العربية - يبقى أصدق مين -

[eng_mkhalaf]

هو انا إللى صقفت عالطول ولا أنتم أول ما واحد أتكلم على العربية وحش كلة قعد يصقف وراة ويتريق على العربية بما سمحت لة نفسة من غير تمحيص وتدقيقي فى نقد العربية - لكن لما أنا وقفت مع حد أتكلم على العربية كويس بقيت بقى وحش ومش كويس وهفقد مصدقيتى وحبة كلام كبير كدة مش فهمة :p
ولو الموضوع كدة أنا بكرة هعمل موضوع عن شرائى S600 ولقيت فيها بلاوى ودية عربية رايحة فى داهية و أونطة وحرام فيها الفلوس.
الموضوع أسهل وأكبر من مجرد تعليق على عربية أحنا منتدى محترفين وهواة ولازم لما واحد محترف يقول كلمة تكون صحيحة 100 فى 100 أن لم تكن قاعدة ولما واحد هاوى يقول حاجة لازم تدرس كويس من جانب المحترفين لأنهم لما يقولوا كلمتهم هتبقى قاعدة ومش محتاجة جدال وأنا شايفك يا كريم أنك من المحترفين ومن القلائل فى المنتدى إللى الواحد بيرجع ليهم فى أمور كثيرة ولما لقيت تعليقك كدة أتضايقت مش علشان موضوع عربية صينى ولا ديولة لكن لأن أحنا أتعودنا ناخد كلامك عالطول من غير تفكير

وبعدين اخيرا وليس اخرا انا بتكلم مع اصدقائي اللي اعرفهم ويعرفوني كويس ويعرفوا مين كريم منير
مش سيادتك

معلشى أنا أتقبست الكلام دة مع أنة مش ليا - بس يا كريم جرى العرف لو أنت موجة الكلام لشخص معين صديق بقى أو عدو يبقى على الخاص مش العام لأن لو كدة مش هيبقى أسمة العام هيبقى حاجتين عام للى أعرفة وعام للى معرفوشى وبكدة هتبقى أفتكاسة جامدة موووووت :D - وكمان يا كريم مش صحابك بس إللى عرفين مين كريم أحنا كلنا عارفين كيمو الروش وعارفين مين هوة - ومش عايزين الأمور تأخد حساسية ملهاشى لازمة خالص - والرجل الطيب دة قصدة خير وأنا معاة لأن التريقة زادت قوووى على العربية فى الموضوع دة


المهم :-أية أخبار البالونة بتاعتك;)

[TAG_Turbo0]

معلش انا فرات الموضوع متأخر شويه
بس كان الله فى العون وهى تجربه وعدد
وانا شخصيا أنصحك بالصنى وأنت مغمض

[ماجد يوسف وهبه]

مش عارف احيانا بحس أنى ماكنش المفروض أقول حاجة بس أرجع وأقول دى أمانه ومسئوليه انى أنوه عن شىء أنا جربته وطلع وحش (من وحهة نظرى) وبالأخص مع الناس اللى بتعلم منهم كتير من صغيرهم لكبيرهم.

بصوا يا جماعة قد يكون كلامى مخيب لظنون بعض الناس اللى شايفين أن الأسبرانزا ماركة كويسه جدا بس يوجد بعض النقاط واجبة الإيضاح:

1- مش معنى أنى بقول أن A113 وحشه تبقى كل الصينى وحش. أنا شخصيا فى مجال عملى بأتعامل مع الصينى وشايفه كويس جدا. المشكلة أن الصين تعرف تعمل الحلو والوحش بمعنى أن مستوى الجودة مفتوح جدا بعكس دول كتير زى ألمانيا مثلا مستوى معروف ومحدد أو تايلاند أو اندونيسيا مستواهم معروف وحتى المصرى بقول معروف مش حلو أو وحش. فالواحد بياخد الحاجة وبختك يابو بخيت. وده وارد برضه فى الماركة الواحده يعنى على ما أسمع أن A620 سيارة حلوه مع انها نفس الشركة بتاعة A113 وهى دى المشكلة
طيب لو نفس الشركة طلعت منتج جديد اسمه C450 يطلع حلو ولا وحش؟ محدش يعرف
أذا التحذير من A113 فقط ومحدش يأخده على عربيته لو نفس الماركة وطراز آخر
طالما العربيه مريحاك ومبسوط بيها يبقى ربنا يديمها عليك وتعيش لغاية لما تدوُب صاجها.

2- أنا من طبيعتى أنى حساس جدا لأى حاجة غلط فمن الممكن جدا كل اللى أنا قلته لا يمثل شىء بالنسبة لواحد عايز مجرد حاجة تنقله من بيته للشغل والعكس بدون أى أهتمام لمستوى النقل ده ايه أهو أحسن من الأتوبيس وخلاص (التفكير ده فى حد ذاته مش غلط وانا بأتكلم بصفه عامه ومش فى دماغى حد معين) فهى فى الآخر وجهات نظر وهذا ما يفسر أن بعض الناس يرون انها عيوب صغيرة من الممكن تجاهلها والبعض الآخر يراها قاتله. الأثنين صح كل واحد حسب أستخدامه.

3- كل اللى قلته صح وحصل ولكن تبقى نقطه أن من الممكن جدا تكون عربيتى بالذات فيها مشاكل مش موجودة فى عربيات كتير أو كانت موجودة فى الأول وأتصلحت أو التوكيل عرف المشاكل وعالجها فى PDI كل ده وارد بس نادر جدا فى الماركات الأخرى.

الخلاصه: كل اللى بقوله لكل واحد عايز يجيب العربيه دى هذه مخاطرة جربها الأول عجبتك هاتها
وياسيدى ده نوع من أنواع كتيره مش هى دى عربية العربيات شوف حاجه تانى متجربه كويس

أخيرا: أنا حملت الصور على اللينك التالى

http://rapidshare.com/files/88848776/DSC00021.zip.html

ومستنى أرائكم عن الصور

بناء على ترشيحاتكم أنا حجزت النيسان صنى وان شاء الله هستلمها فى خلال الأسبوع ده

[Chicco]

ماجد باشا حضرتك بني آدم محترم جدا و مشاركة حضرتك مفيدة جدا
النقاش ده حضرتك مالكش ذنب فيه ... ديه موجودة من أول المنتدى ما ابتدى
ألف مبروك على الصني إختيار موفق باذن الله

[SEATLOVER]

معلشى أنا أتقبست الكلام دة مع أنة مش ليا - بس يا كريم جرى العرف لو أنت موجة الكلام لشخص معين صديق بقى أو عدو يبقى على الخاص مش العام لأن لو كدة مش هيبقى أسمة العام

الف شكر يا باشمهندس ...و اللهى ريحتنى من الرد .

[eng_mkhalaf]

شكرا أستاذ ماجد على الرد الجميل ومبروك مقدما على الصنى وهية عربية مفيشى غبار عليها ومستنيين التقييم أن شاء الله
الأخ سيات لفر - مفيشى شكر ولا حاجة بس انا لقيت حاجة غلط من وجهة نظرى وحبيت أوضحها بكل حيادية

[Karim_Monir]

هو انا إللى صقفت عالطول ولا أنتم أول ما واحد أتكلم على العربية وحش كلة قعد يصقف وراة ويتريق على العربية بما سمحت لة نفسة من غير تمحيص وتدقيقي فى نقد العربية - لكن لما أنا وقفت مع حد أتكلم على العربية كويس بقيت بقى وحش ومش كويس وهفقد مصدقيتى وحبة كلام كبير كدة مش فهمة :p
ولو الموضوع كدة أنا بكرة هعمل موضوع عن شرائى S600 ولقيت فيها بلاوى ودية عربية رايحة فى داهية و أونطة وحرام فيها الفلوس.
الموضوع أسهل وأكبر من مجرد تعليق على عربية أحنا منتدى محترفين وهواة ولازم لما واحد محترف يقول كلمة تكون صحيحة 100 فى 100 أن لم تكن قاعدة ولما واحد هاوى يقول حاجة لازم تدرس كويس من جانب المحترفين لأنهم لما يقولوا كلمتهم هتبقى قاعدة ومش محتاجة جدال وأنا شايفك يا كريم أنك من المحترفين ومن القلائل فى المنتدى إللى الواحد بيرجع ليهم فى أمور كثيرة ولما لقيت تعليقك كدة أتضايقت مش علشان موضوع عربية صينى ولا ديولة لكن لأن أحنا أتعودنا ناخد كلامك عالطول من غير تفكير

معلشى أنا أتقبست الكلام دة مع أنة مش ليا - بس يا كريم جرى العرف لو أنت موجة الكلام لشخص معين صديق بقى أو عدو يبقى على الخاص مش العام لأن لو كدة مش هيبقى أسمة العام هيبقى حاجتين عام للى أعرفة وعام للى معرفوشى وبكدة هتبقى أفتكاسة جامدة موووووت :D - وكمان يا كريم مش صحابك بس إللى عرفين مين كريم أحنا كلنا عارفين كيمو الروش وعارفين مين هوة - ومش عايزين الأمور تأخد حساسية ملهاشى لازمة خالص - والرجل الطيب دة قصدة خير وأنا معاة لأن التريقة زادت قوووى على العربية فى الموضوع دة


المهم :-أية أخبار البالونة بتاعتك;)

يا محمد تجيب 500 ولا 600 وتقول عليها وحشه
ما يخصنيش في شيء اكيد الناس اللي هاتضحك عليك زي اللي بيقول ان الشاهين احسن من الكرولا
لكن انا كلامي محدد وعلى ماركة واحدة بس وعلى طراز واحد ومن نطاق تجربة عملية من شخص امين زي استاذ ماجد
واهو رجع وضحلك وقال انه بيتكلم على طراز محدد وانا برضه بتكلم عن نفس الطراز
ومش عشان انت معاك عربية صيني هاتقعد تدافع عن كل الصيني حتى لو عاملة لعب اطفال
انت اللي راكبها دي ماتعتبرش صيني دي تقفيل صيني لكن نفس خط انتاج سيات توليدو لكن لما تيجي تقارنها بعربية زي اسبيرانزا يبقى لاء هانقف ونقيم ولو الكلام ماعجبنيش هاتريق طالما ماجرحتش في حد
واضح كلامي يا محمد
اما عن كلامي لاصدقائي يا محمد واضح اننا بنتكلم عن موضوع محدد هنا وبنتريق عليه(انا واصحابي) ومش هاسمح لحد انه يتدخل فيه(برضه انا واصحابي) ومش متقبل كلامك انك ترد مكان حد يا محمد

[Karim_Monir]

مش عارف احيانا بحس أنى ماكنش المفروض أقول حاجة بس أرجع وأقول دى أمانه ومسئوليه انى أنوه عن شىء أنا جربته وطلع وحش (من وحهة نظرى) وبالأخص مع الناس اللى بتعلم منهم كتير من صغيرهم لكبيرهم.

بصوا يا جماعة قد يكون كلامى مخيب لظنون بعض الناس اللى شايفين أن الأسبرانزا ماركة كويسه جدا بس يوجد بعض النقاط واجبة الإيضاح:

1- مش معنى أنى بقول أن A113 وحشه تبقى كل الصينى وحش. أنا شخصيا فى مجال عملى بأتعامل مع الصينى وشايفه كويس جدا. المشكلة أن الصين تعرف تعمل الحلو والوحش بمعنى أن مستوى الجودة مفتوح جدا بعكس دول كتير زى ألمانيا مثلا مستوى معروف ومحدد أو تايلاند أو اندونيسيا مستواهم معروف وحتى المصرى بقول معروف مش حلو أو وحش. فالواحد بياخد الحاجة وبختك يابو بخيت. وده وارد برضه فى الماركة الواحده يعنى على ما أسمع أن A620 سيارة حلوه مع انها نفس الشركة بتاعة A113 وهى دى المشكلة
طيب لو نفس الشركة طلعت منتج جديد اسمه C450 يطلع حلو ولا وحش؟ محدش يعرف
أذا التحذير من A113 فقط ومحدش يأخده على عربيته لو نفس الماركة وطراز آخر
طالما العربيه مريحاك ومبسوط بيها يبقى ربنا يديمها عليك وتعيش لغاية لما تدوُب صاجها.

2- أنا من طبيعتى أنى حساس جدا لأى حاجة غلط فمن الممكن جدا كل اللى أنا قلته لا يمثل شىء بالنسبة لواحد عايز مجرد حاجة تنقله من بيته للشغل والعكس بدون أى أهتمام لمستوى النقل ده ايه أهو أحسن من الأتوبيس وخلاص (التفكير ده فى حد ذاته مش غلط وانا بأتكلم بصفه عامه ومش فى دماغى حد معين) فهى فى الآخر وجهات نظر وهذا ما يفسر أن بعض الناس يرون انها عيوب صغيرة من الممكن تجاهلها والبعض الآخر يراها قاتله. الأثنين صح كل واحد حسب أستخدامه.

3- كل اللى قلته صح وحصل ولكن تبقى نقطه أن من الممكن جدا تكون عربيتى بالذات فيها مشاكل مش موجودة فى عربيات كتير أو كانت موجودة فى الأول وأتصلحت أو التوكيل عرف المشاكل وعالجها فى PDI كل ده وارد بس نادر جدا فى الماركات الأخرى.

الخلاصه: كل اللى بقوله لكل واحد عايز يجيب العربيه دى هذه مخاطرة جربها الأول عجبتك هاتها
وياسيدى ده نوع من أنواع كتيره مش هى دى عربية العربيات شوف حاجه تانى متجربه كويس

أخيرا: أنا حملت الصور على اللينك التالى

http://rapidshare.com/files/88848776/DSC00021.zip.html

ومستنى أرائكم عن الصور

بناء على ترشيحاتكم أنا حجزت النيسان صنى وان شاء الله هستلمها فى خلال الأسبوع ده

استاذ ماجد الف مبروك الصني وطبعا اختيار موفق
واكيد عرفت بالتجربة العملية ما يتعنية السيارات الصينية وما يحاول ابو الفتوح انه ينهب بيه الشعب المصري ويزيد من معاناته
عربية زيرو اروح بيها صيانه كل يوم
سبت ايه ل 128 موديل سبعينات

[Karim_Monir]

بس انا لقيت حاجة غلط من وجهة نظرى وحبيت أوضحها بكل حيادية

اظن حق رد الغلط تحتفظ بيه لنفسك طالما ما يخصكش لان واضح تماما انك انحازت للجانب الصيني بدون اي حيادية اللي بتتكلم عنها

[eng_mkhalaf]

كريم أنا ملاحظ أن الهجة زادت حدتها شوية فى موضوع ميستهلشى خالص وعلى العموم طالما انك اتكلمت على العام من حق إى حد يرد على تعليقك لأنة يا باشا وبما أنك واحد من مخضرمى المنتدى عارف أن الكلام طالما على العام يبقى من حق إى حد يرد علشان كدة عملوا الخاص - وأنا مش عارف انت بتجادل فى أية
أنتم حكمتم على العربية من أول أختبار ليها وقلتم وحشة دة شىء يخصكم أنتم والغريبة انى مفيشى حد علق بنكلة على تعليق كريبتونكس وهو بيشكر على العربية وكلة مسك فى كلام الأخ الفاضل ماجد - حاجة غريبة ومش عايز أعرف لية لأن الرد معروف

ما يخصنيش في شيء اكيد الناس اللي هاتضحك عليك زي اللي بيقول ان الشاهين احسن من الكرولا

شكرا ليك

ومش عشان انت معاك عربية صيني هاتقعد تدافع عن كل الصيني حتى لو عاملة لعب اطفال

أنا ليا مداخلات كتير لبعض السيارات الصينية وبهاجمها - هو يعنى علشان أنا معايا صينى يبقى أكدب وأقول على عربيات وحشة أنا حلوة - لية يعنى هو أنا بأخد نسبة على كل عربية بتطلع من الصين ولا أية - كلامك عجيب وغير منطقى

ومش متقبل كلامك انك ترد مكان حد يا محمد

مش عارف بأى حق أنت بتكلم كدة - تانى مرة - شكرا ليك

لحد كدة الموضوع دخل فى زاوية ضيقة قوى وأنا منسحب منة حفاظا على علاقتى الطيبة بأعضاء المنتدى ودية أخر كلمة هكتبها فى الموضوع دة

[fiatmomo]

كل الخلافات دية علاشان حتة صفيح على اربع عجلات ؟
؟؟؟؟؟؟؟؟؟؟؟؟؟؟؟؟؟

صلو على النبى وسيبكم من الحوارات الى لا حتقدم ولا حتأخر ...

الاسبرينزا برغم عيوبها الا انها بتتباع ... وبتتباع كويس اوى كمان ...تقولو عليها كتكوت تقولو عليها سحلية ... الناس بتشتريها ( مش عارف على اية الصراحة؟ ) بس ديه ازواق وكل واحد حر فى زوقة وفى رأية .