منعا للجدل وكثرة الكلام عن اسبيرانزا m11

[egypt0777]

مساء الخير يا د/أحمد ...
أنا من ملاك الأم11 القداااام.. و من الناس اللى عملت مقابلات و محضر للتوكيل فى أبورواش.. و دلوقت بنجهز نفسنا أنا و المتضررين و هنرفع قضية نصب و احتيال على أبوالفتوح.. و الحمد لله لقينا المحامى اللى نثق فيه علشان مايبيعناش لأبوالفتوح...

أنا بس عاوز أعلق على عنوان الموضوع.. حضرتك الجدل اللى على الاسبيرانزا و الأم11 عمره ماهيخلص أبدا..
لأن فعلا العربيات مثيرة للجدل جدا.. ماينفعش يبقى توكيل مخرج عربيتين نفس الموديل و تكون واحدة على الشعرة و التانية مليانة عيوب... دى عربيات مش لعبة...
و الناس اللى زعلانة من العربيات و بتتكلم لازم نحط نفسنا مكانهم و ماينفعش انى طالما عربيتى سليمة أزعل من أى حد يشتم عليها... المفروض انى أعذره..

أنا عربيتى عاملة 18000كم..
غيرت فيها ,, بوجيهات ,, دينامو ,,, علبة دركسيون ,,
من أسبوعين كنت فى أبورواش ,, ليه ,, لأن الاشارة اللى جنب الباب الشمال اللزق بتاعها فك من جسم العربية لوحده كام مرة.. و كل مرة أعملها على حسابى و تفك تانى...
و المرايه بتاعة الشماسه اللى قام الكرسى اليمين اتكسرت لوحدها,,, و الله العظيم ما حد لمسها,,,
من تلات ايام رحت تكنوسيرفيس علشان الفتيس ماكانش عاوز ياخد غيار و كان ناشف جدا.. و دى تانى مرة تحصل معاى..
قالولى فى هواء فى اسطوانة الدبرياج و احنا شفطناه . بس الماستر بتاع الاسطوانة عاوز يتغير و هو مش موجود دلوقتى و هنطلبة من أبورواش..

أنا الايصالات اللى عندى حضرتك لو بصيت عليها هتلاقينى بأروح للتوكيل تقريبا كل 3 أسابيع..
أنا دكتور زى حضرتك.. و انت أكيد عارف ان الواحد ماعندوش وقت أساسا لأى حاجة ,, و لما اشتريت عربية جديدة كنت بفكر فى حاجة تريحنى لكن للأسف العربية طلعتى عبء ..

يبقى أنا لما اجى هنا فى المنتدى و أقول بعلو صوتى ,, يا جماعة الاسبيرانزا بكل موديلاتها عربيات زباااااااااااااااالة
يبقى عندى حق و لا لأ...

و انا لما أقول كل الموديلات دى مش غلطة دى حقيقة ,,لأنى من كتر زياراتى للتوكيل قابلت ملاك كتير جدا و اتكلمت معاهم فى كل حاجة..

ماينفعش يا جماعة الكلام ده ,, ان كل واحد عنده عربية عاوز الناس كلها تمدح فيها عمال على بطال..

اسف للأطالة..

الله يكون فى عونك صراحة ان الحوارت اللى انت بتقلها كلها عديت عليها مع اختلاف موديل العربية و الحجات اللى باظت عندى

ان فعلا بقيت مكسوف من عيلتى لما كل يومين اقلهم ان طالع على التوكيل اكنى شغال هناك و يا ريت طالع بصلح حاجة لا زى اما رحت زى اما جيت

بالعكس بكره اليوم اللى فكرت ارحلهم و اليوم اللى عرفت فيه عربيات ابو الفتوح

والحمد لله انك طلعت عضو قديم عامل مشركات 140 عشان مفيش حد يقول انهم شخص واحد بيخش و يطلع بس بعضويات مختلفة

و الله يا ريت تبعتلى على الخاص عنوان المحامى بتاعك عشان اشترك معاكم فى الدعوا عشان اظاهر ان مشوار حماية المستهلك ده طويييييييييييييييييييييييييييييييل

عموما قلبى معاك و ربنا يعينك على بلوة ابو الفتوح

[attiahf]

ربنا يعين الجميع وارجو من كل الاعضاء انة قبل ما يشترى بناء على اراء الاخرين فى المنتدى انة يحاول يجرب بنفسة ومايشتريش العربية اول ما تنزل لغاية ما يبان فيها مشاكل ولا لأ
انا للاسف اشتريت على طول بدون ما استنى وسمعت الاراء فى المنتدى والنتيجة زى ما قال الدكتور اصبحت العربية مشكلة....
يا ريت كنت جبت مستعمل لان كدة كدة كنت حتبهدل واروح التوكيل او الميكانيكى واهو كدة كدة الوقت ضايع وكل اسبوعين تلاتة فى التوكيل لغاية ما زهقت ؟؟؟؟؟؟؟حسبى اللة ونعم الوكيل فى التوكيل

[egypt0777]

ربنا يعين الجميع وارجو من كل الاعضاء انة قبل ما يشترى بناء على اراء الاخرين فى المنتدى انة يحاول يجرب بنفسة ومايشتريش العربية اول ما تنزل لغاية ما يبان فيها مشاكل ولا لأ
انا للاسف اشتريت على طول بدون ما استنى وسمعت الاراء فى المنتدى والنتيجة زى ما قال الدكتور اصبحت العربية مشكلة....
يا ريت كنت جبت مستعمل لان كدة كدة كنت حتبهدل واروح التوكيل او الميكانيكى واهو كدة كدة الوقت ضايع وكل اسبوعين تلاتة فى التوكيل لغاية ما زهقت ؟؟؟؟؟؟؟حسبى اللة ونعم الوكيل فى التوكيل

الله يكون فى العون

هو عربيت حضرتك ايه

[odaoda]

الله يعينكوا جميعا
قريبى معاة 516 من سنيتن وعاملة 40000 بدون مشاكل ولا اى شئ اتغير برة جوة الضمان تصوروا!!!!

[egypt0777]

ربنا يباركله فيه و يكفيه شر ابو الفتوح

[ahmedsamir79]

ال 516 عربيه جميله جدا
وده عن تجربه

[attiahf]

الله يكون فى العون

هو عربيت حضرتك ايه

تيجو 1600 موديل 2010

[kimocyc]

تيجو 1600 موديل 2010

استاذي الفاضل عطية... سؤال: بالنسبة لمشكلة حضرتك لسه متحلتش لغاية دلوقتي .؟؟؟

والمشكلة مش كانت تربيط عفشة وعضة فتيس ؟؟؟ ولا في حاجة تانية ؟؟

[attiahf]

لا يا فندم امشكلة كانت بخصوص علبة الدركسيون وتم حلها بتركيب واحدة جديدة على حساب الوكيل
بس بعد مماطلة وبعت شكاوى لطوب الارض

[egypt0777]

لا يا فندم امشكلة كانت بخصوص علبة الدركسيون وتم حلها بتركيب واحدة جديدة على حساب الوكيل
بس بعد مماطلة وبعت شكاوى لطوب الارض

يعنى هيه عاده ابو الفتوح ولا حيشتريها

هو اصلا متخصص فى تزهيق الناس عشان يطفشهم من التوكيل و بالتالى كسب من نحيتين

باع عربية و هرب من مسؤليه ضمانه ليها

[kimocyc]

لا يا فندم امشكلة كانت بخصوص علبة الدركسيون وتم حلها بتركيب واحدة جديدة على حساب الوكيل
بس بعد مماطلة وبعت شكاوى لطوب الارض

طيب حضرتك ايه الأعراض اللي كانت معاك (حسيت بيها) بخصوص علبة الدركسيون ؟؟

[attiahf]

طيب حضرتك ايه الأعراض اللي كانت معاك (حسيت بيها) بخصوص علبة الدركسيون ؟؟

مفيش اعراض قاتلة هو المشكلة كانت فى صوت زى تزييق ونقر وكان بيزيد لما اخد مطب او الارضية سيئة
والاصوات راحت بعد تركيب علبة دركسيون جديدة ..هو يمكن دلوقتى الدركسيون تقيل شوية بس اعتقد حياخد وقت لغاية ما يطبع

[fineart607]

والله انا شايف انها عربيه حلوه ان شاء الله
وربنا يبارك فيها

[kimocyc]

والله انا شايف انها عربيه حلوه ان شاء الله
وربنا يبارك فيها

وهي كدا فعلا و إن شاء الله تفضل عربية حلوه وربنا يبارك لملاكها ويكفيهم شرها..

[fineart607]

وهي كدا فعلا و إن شاء الله تفضل عربية حلوه وربنا يبارك لملاكها ويكفيهم شرها..

اللهم امين