منعا للجدل وكثرة الكلام عن اسبيرانزا m11

[hamada_71]

والله أنا حصل معايا موقف كنت حنزل أبوي العربية دي وأنا ماشي

كنت مسافر من الإسماعيلية للقاهرة وماشي تقريبا 100 أو 120 وبعد العاشر فوجئت بحفرة في وسط الطريق وعملت غرزة سريعة كده شمال في يمين والحمد لله زي الفل ومتهيألي لو عربية تانيه متهيألي كانت قلبت أكيد

[hemaa_82]

بصوا يا اخوانا .... بجد و بدون افترا ولا علي العربيه ولا الملاك ولا الصين ولا توحة.....
كل واحد دافع فلوس نفسه في احسن حاجة
كل واحد بيبيع حاجة نفسه ياخد فلوسك و مايديكش حاجة


بس للامانة.... الm11 كفكرة فهي عربية تحفة تصلح لتكون عربية العمر

الصين اجتهدت وفعلا طلعت نتيجة في العربيه دي(بغض النظر بقي ان هما كفرة ولا لا مش الموضوع .... هما عملوا عربية حلوة جدي علي رأي جوني الكبير)
توحة نقي عربية حلوة التنين و نزلها بسعر بالمقارنة للسوق جامد فحت

بس المشكلة الكبري في الناس اللي هما ممكن يكون منهم انا او انت او اخوك او اي حد اللي بيشتغلوا علي خط الانتاج و مراقبة الجودة اللي هما بيشتغلوا بالكيف .... مضايق يتلصق او مبسوط يتقي ربنا

و اكيد في نسبة من الاستهبال في خط الانتاج الصيني
و نسبة اكبر في خط التجميع المصري
ونسبة اكبر واكبر عند الصنايعية اللي بتجمع


بس برضة العربية فكرتها اكتر من رائعة
متورها حمال اسية
عفشتها اختراع
تكيفها تلاجة
شكلها لا نقاش عليه


ممكن تكون مستهلاكتها وحشة "تيل . سير كاتينة علي 40 الف . حد وهوة بيجمع كسر كلبس تابلوهولا عتب ولا بطانه داخلية ولا عازل حراري ولا مركبوش فمفارق او بيسرب حرارة




انما لو كان الناس اللي علي خط انتاجها بيتقوا ربنا كانت بقت احسن عربية تحت 110 الف

و لازلت اصر برغم موجة الصعاب اللي بتواجهني اليومين دول -و برضه نحمد الله من قبل و من بعد- ان عربيتي الحمد لله زي الفل ....

الخبطة عدت علي خير و بكلام فاضي
الزجاج اتصلح و ولا كأنه كان مكسور
الحمد لله مفيش مشاكل كهربا ولا عفشة_عايزة تربيط بس- ولا خامات داخلية معطوبة

ربنا يسترها معايا و معاكم و يعدي اللي عنده مشاكل علي خير منها ان شاء الله

السلام عليكم

[odaoda]

http://www.nilemotors.net/Nile/175536-m11-fsv-jac-b-15-byd-f3.html#post3872977447

[fineart607]

اوعى طريق الأسمعاليه القاهره فيه نقر صعبة جدا ربنا يحفظك ويحفظ كل الناس

[khaledazizeg]

دكتور احد انا ملاحظ ان حضرتك بتستخدم و الله كتير

احنا من غير حلفان مصدقينك ان العربية ممتازة وانا لا اختلف معاك تمام و ال كل عربيات شيرى ممتازة

بس للاسف ابو الفتوح لما حب يجمعها فى مصر ضحك على الناس و استرخص اوى اوى اوى طبعا هو لازم يخش السوق بعد المشاكل المالية اللى عنده
طب يعمل ايه يجيب عربية من الصين و يحاول يرخص فى سعرها على حساب مكونتها و اللى بيسعده ان الصين ممكن تنزلك منتج بمواصفات اقل حسب السعر ( قله ضمير من الصينين مع جشع تجار ) و مش رخص فى سعرها لا ده كمان جمعها فى مصر
يعنى لا جودة و لا تقفيل يرضى حد
ونتج عنه ان الواحد بيستلم العربية هو و حظة بمعنى مفيش مشكله واحده عند الكل لا ده كوكتيل مشكاكل اللى عندك مش زى اللى عندى و ده سببه سوء التوكيل و اللى سعده غياب الضمير الصينى

مثلا التيجو اللى بتنزل فى ليبيا ولا اوروبا مختلفة تمام عن التيجو الى الاسف الناس المصرين فرحنين بها
مثلا فى 516 2000 سى سى بتقف فى ابو رواش اتفرج عليها و انت تعرف الفرق فى الضمير و الاستهانة بالناس

للاسف ابو الفتوح بس اللى عامل كده و اللى زودها انه ما بيعترفش بغلطة لا بيقاوح معاك و يفهمك ان انت عمرك ما ركبت عربية قبل كده

المشكله يا سيى الفاضل ليست فى سيارتنا بل فى التوكيل لانه مش من اسوا التوكيلات ده هو الفشل و السوء بعينه و اللى انا دايما بقول عليه انه لا يرقى الا ان يكون ورشه نقل عام ولا بيحاول يطور فى نفسه ولا بيهمه خدمه ما بعد البيه

وللاسف كمان انه رخص فى سعرها ده حاجة ما تفرحش ده تخوف لان انخفاض السعر ده على حساب الجودة اكتر ما هى بايظة

بالاضافة الى الرعب اللى عمله للناس فى ضمنها 5000 او 3 شهور يا يخرج من الضمان -- يعنى الواحد يبقى عامل بالعربية 10000 كيلو و يروح يعمل صيانة الرابعين عشان مدة الشهور هات اى توكيل تانى بيعمل الرعب ده فى نفوس الناس زى ابو الفتوح وده عشان يخرج الناس بدرى بدرى من الضمان بحجة ان الواحد مش منتظم فى الصيانات - ده يرضى حد شوف كام واحد خرج بسبب الموضوع ده

وشكرا لموضوعك

انا عايز اوضح لحضرتك حاجة بالنسبة للصينيين مش عندهم قلة ضمير
انا عندى اعز اصدقائى بيتعامل معاهم وبيقولى ممكن يعملولك من المنتج الواحد اكتر من سعر بسبب الجودة وذلك بنائا على طلب التاجر
ومثال لذلك انا عندى تليفون صينى بقالة اكتر من 10 سنين وبيقع وبيتكسر وشغال زى الفل وداه بسبب انى جايبة من عمان
يعنى الصينيين عندهم من اى منتج 15 نوع من الجودة حسب طلب الزبون عشان هما مابيوقفوش حالهم هما عايزين يبيعوا كل حاجة
داه بيبقى غش تجار مش اكتر

[fineart607]

بصوا يا اخوانا .... بجد و بدون افترا ولا علي العربيه ولا الملاك ولا الصين ولا توحة.....
كل واحد دافع فلوس نفسه في احسن حاجة
كل واحد بيبيع حاجة نفسه ياخد فلوسك و مايديكش حاجة


بس للامانة.... الm11 كفكرة فهي عربية تحفة تصلح لتكون عربية العمر

الصين اجتهدت وفعلا طلعت نتيجة في العربيه دي(بغض النظر بقي ان هما كفرة ولا لا مش الموضوع .... هما عملوا عربية حلوة جدي علي رأي جوني الكبير)
توحة نقي عربية حلوة التنين و نزلها بسعر بالمقارنة للسوق جامد فحت

بس المشكلة الكبري في الناس اللي هما ممكن يكون منهم انا او انت او اخوك او اي حد اللي بيشتغلوا علي خط الانتاج و مراقبة الجودة اللي هما بيشتغلوا بالكيف .... مضايق يتلصق او مبسوط يتقي ربنا

و اكيد في نسبة من الاستهبال في خط الانتاج الصيني
و نسبة اكبر في خط التجميع المصري
ونسبة اكبر واكبر عند الصنايعية اللي بتجمع


بس برضة العربية فكرتها اكتر من رائعة
متورها حمال اسية
عفشتها اختراع
تكيفها تلاجة
شكلها لا نقاش عليه


ممكن تكون مستهلاكتها وحشة "تيل . سير كاتينة علي 40 الف . حد وهوة بيجمع كسر كلبس تابلوهولا عتب ولا بطانه داخلية ولا عازل حراري ولا مركبوش فمفارق او بيسرب حرارة




انما لو كان الناس اللي علي خط انتاجها بيتقوا ربنا كانت بقت احسن عربية تحت 110 الف

و لازلت اصر برغم موجة الصعاب اللي بتواجهني اليومين دول -و برضه نحمد الله من قبل و من بعد- ان عربيتي الحمد لله زي الفل ....

الخبطة عدت علي خير و بكلام فاضي
الزجاج اتصلح و ولا كأنه كان مكسور
الحمد لله مفيش مشاكل كهربا ولا عفشة_عايزة تربيط بس- ولا خامات داخلية معطوبة

ربنا يسترها معايا و معاكم و يعدي اللي عنده مشاكل علي خير منها ان شاء الله

السلام عليكم

كلام حضرتك ممتاز جزاك الله خير وانا عن نفسى لو ظهر حاجه عندى او عند الناس الى جابوها الى اعرفهم
هقول لكم على طول بس الحمد لله حتى الأن زى الفل بفضل الله من 8/2009
والله المستعان بس ان ملاحظ انها الحمد لله انتشرت فى مدينتى الآن حوالى 6 عربيات بينما لا يوجد برليناس او جاك بى كلاس والحمد لله كل الى استلمها جديد مفيش مشاكل وده دليل ان شاء الله ان الدنيا اتظبطت لما بنزل القاهره بشوفها كتير وحتى فى الدقهليه برده الحمد لله موجوده
ربنا يسترها معنا والعربيه تمام الحمد لله

[fineart607]