صور شاسيه و تعليق الاسبيرانزا A113

[Khalid_Mostafa]

بص يا CryptonX قد تكون شيري عملت حاجه متقدمه جداً وكلام المهندس الي انتا بتتكلم عنه علي عيني وعلي راسي إلا في الأتي :

" الناس الي بتقول انها ملحومة في الشارع دي يا اما ماشفتش عربيات جديدة من تحت قبل كدة , يا اما ميعرفوش حاجة في شاسيه السيارات "

ديه بقي معلش بيفتي فيها ..و الناس كلها بتروح تغسل العربيات بتاعتها من تحت و اكيد شافت المنظر قبل كده وانا من الناس دي وكان معايا قبل كده سويفت و ماتيز و لانسر و نيسان 96 و اتوس واقدر اقول بكل تأكيد ان نظام المواسير ده قد يكون احسن او اوحش بس المؤكد ان مش هوه ده الستاندرد بتاع الصناعة مفيش داعي يقول ان احنا مشفناش عربيات جديده من تحت
وعشان ادعم كلامي فالتي صورة الياريس الهاتشباك من تحت..شوف بس التصميم وقارنه بالصور السابقة :

[fiatmomo]

:)
باب الجدال مفتوح ...

لكن ماينفعش اجادل مع بشمهندس سبعاوى ..... اهل مكة ادرى بديارها

بس يابشمهندش .. انا لما شوفت الشاهين ( او دوجان 98 بمعنى اصح ) من تحت .. مش عارف توحيلك انها قوية .. ومتصممه كويس ... ( حبقى اشوفها تانى بنظرة اكثر تمحصاً ) و الله انا مش متعصب ضد العربيات الصينى .. بس العربية دية a11 عفشتها وشكل الشاسيه من قدام ... يخوف ... مش عارف الاحساس دة وصلى ليه !!!

واستاذ خالد مصطفى مشكورا حط صورة شاسيه اليارس ...فى اختلاف شاسع فى شكل التصميم ...

فى حاجة لاحظتها انهاردة والعربية دية ماشية جمبى !!!! انا لاحظت انها عالية من قدام بشكل ملحوظ شوية .



مش عارف انا مش عاوز اتكلم اكتر من كدة علاشان انا حاسس انى فعلا بدأت افتى زى ما الاستاذ قالى:D...

بس على العموم .. شكرا لكل المشاركين على النقاش الجميل ده

[noni67]

مش انا باقول لكم ان مشكلة المصريين الفتى
كل واحد بيفتى علشان يبان عارف
من قال لا اعلم فقد افتى
كل واحد بيقول وجهه نظره سواء صح او غلط
على العموم اتكلموا زى ما تحبوا وافتوا كيفما شئتم
المهم ايه النتيجة فى الأخر
انا ما حدش عرف ايه الموضوع ولا ليه المواسير ولا لحامها ازاى ولا الكارتيرة اللى مرة حديد زهر ومرة انتمونيوم معموله كده ليه
ولا حد عارف مشواؤ المقص اللى بتتكلموا عليه فيدته ايه
عارفين ليه لان ما فيش حد فيكم متخصص كل واحد بيفتى بكيفة
على العموم هى مصر زى ما قلت ولسة باقول كويس علسها اوى ال 128 ب 50 الف جنية
حلوه اوى عليكم العربية دى كل واحد يفتى فيها ويعمل الى هوه عايزة فيها ده كبير مصر
سلام

[Khalid_Mostafa]

مش انا باقول لكم ان مشكلة المصريين الفتى
كل واحد بيفتى علشان يبان عارف
من قال لا اعلم فقد افتى
كل واحد بيقول وجهه نظره سواء صح او غلط
على العموم اتكلموا زى ما تحبوا وافتوا كيفما شئتم
المهم ايه النتيجة فى الأخر
انا ما حدش عرف ايه الموضوع ولا ليه المواسير ولا لحامها ازاى ولا الكارتيرة اللى مرة حديد زهر ومرة انتمونيوم معموله كده ليه
ولا حد عارف مشواؤ المقص اللى بتتكلموا عليه فيدته ايه
عارفين ليه لان ما فيش حد فيكم متخصص كل واحد بيفتى بكيفة
على العموم هى مصر زى ما قلت ولسة باقول كويس علسها اوى ال 128 ب 50 الف جنية
حلوه اوى عليكم العربية دى كل واحد يفتى فيها ويعمل الى هوه عايزة فيها ده كبير مصر
سلام

علي الأقل كل واحد بيقول رأيه و الي هو شايفه ..وإحنا يا سيدي بنفتي وياريت بقي مادمت بمبتحبش تفتي ، يا ريت بأه يا باشا ترحمنا من ردودك السلبيه الي متغنيش المناقشة بأي فايده

[noni67]

مناقشة ايه هو انتم كده بتتناقشوا
انتم بتفتوا وفعلا هارحمكوا من ردودى زى ما بتقول سلبية
لأنها تحصيل حاصل
افتوا زى ما تحبوا هما دول المصريين الفتى والفهلوه لكن فعل للأسف ما فيش
الله يكون فى عونكم ويهديكم للخير ان شاء الله

[Khalid_Mostafa]

مناقشة ايه هو انتم كده بتتناقشوا
انتم بتفتوا وفعلا هارحمكوا من ردودى زى ما بتقول سلبية
لأنها تحصيل حاصل
افتوا زى ما تحبوا هما دول المصريين الفتى والفهلوه لكن فعل للأسف ما فيش
الله يكون فى عونكم ويهديكم للخير ان شاء الله

هو الأخ مش مصري ولا حاجه ؟؟؟ ....قولنا بس انتا جنسيتك ايه عشان نبقي عارفين
لازم تعرف ان فيه حاجات علي الإنترنت اسمها Reviews لأي متنتج وفائدته ان المستهلكين بيقولوا رأيهم وبتكون مفيده جداً للمستهلكين المحتملين...يعني بالعربي كده ..المفروض انك قبل ما تشتري اي حاجه بتشوف ردود فعل المستهلكين للحاجه دي عامله ازاي و ده بيكون عامل من عوامل شرائك من عدمه. والـ Reviews دي ياباشا إن كنت متعرفش ، موجوده في كل دول العالم و جميع الجنسيات ...مش المصريين بس

[CryptonX]

رسالة من مركز لصيانة السيارات لسيارات فولكس فاجن في الصين :

Hello CrptonX,

Ive looked over the pictures, but the welds on
that dont look too bad at all. Certainly hand welded, but not bad



Best Regards,

[fiatmomo]

مناقشة ايه هو انتم كده بتتناقشوا
انتم بتفتوا وفعلا هارحمكوا من ردودى زى ما بتقول سلبية
لأنها تحصيل حاصل
افتوا زى ما تحبوا هما دول المصريين الفتى والفهلوه لكن فعل للأسف ما فيش
الله يكون فى عونكم ويهديكم للخير ان شاء الله

لا الله الا الله
... هو حضرتك ليه مٌُصر على طريقه كلامك ..المستفزه ؟؟ اتمنى يكون كلامك فى احترام للاعضاء اكتر من كدة ... حتى لو احنا بنفتى ... انتا متضايق لية .. هو انتا قريب ابو الفتوح .. ولا ليك مصلحة .. ولا العربية دية عزيزه عليك مثلا ؟؟ ما كل العربيات الى فى الدنيا بيطلع عليها تعليقات ( شوف تويوتا وفيات و ستروين ورينو وغيرها وغيرها بيتقال علية اية .. وعلى سبيل الترقيه ) ودة فى كل الدنيا مش فى مصر بس !!!!!!!!.. انتا مسمعتش عن ( لولا اختلاف الازواق لبارت السلع ) , ( مسمعتش ان احترام رأى الغير حتى لو كان مخالف لرأيك وحتى لو كان غلط ) !!!!!!!!!!!
انا ياسيدى شايف انها صفيحة سيئة الشكل والتصميم والتصنيع على اربع عجلات.. وانا حر فى رأيى حتى لو كان غلط
.. ومالكش انك تقول انى غلطان ( انا حر فى رأيى ) مش عاجبك رأيى انتا بردة حر ..لكن انا شايف انك بتعمم وعمال بتقول بنفتى ومش عارف اية ..؟ وقبل كدة قولتلى ربنا يسامحك .. وربنا يهديكم ؟؟؟؟ حضرتك واعى لمعانى كلامك ؟ هو كل دة علاشان ( بنفتى فى حته صفيح ):) !!

كنت اتمنى ان روحك تكون طيبة اكتر من كده .
وتتكلم معانا بأسلوب ارقى من كدة .. بس انتا حر يا مستر نونى :):)

* شكرا استاذ خالد مصطفى , كريبتونكس .. على المعلومات و حُسن الحوار .

[wghania]

ده مش شاسيه الاسبرانزا مممكن لان شاسيه الاسبرانزا في جزء كبير مغطي كارتيرة الزيت الصور دي مافيهاش يعني ماتقدرش تشوف الموتور بنفس المنظر ده يمكن يكون ده موديل قديم الي مش مصدق ينزل تحت عربيته ويشوف

[Khalid_Mostafa]

ده مش شاسيه الاسبرانزا مممكن لان شاسيه الاسبرانزا في جزء كبير مغطي كارتيرة الزيت الصور دي مافيهاش يعني ماتقدرش تشوف الموتور بنفس المنظر ده يمكن يكون ده موديل قديم الي مش مصدق ينزل تحت عربيته ويشوف

الي مصور العربيه دي من تحت هو مالكها وهو يتحدث عن الاسبيرانزا A113
حضرتك بتتكلم عن اي موديل ؟؟

[wghania]

انا بتكلم على شاسية 516 وبعدين لية تحذف المشاركة ماتسيبني انا انفيه بنفسي على العموم انا حالغي اشتراكي بالمنتدى ودي كانت اول مشاركة واخر مشاركة
شكرا على ذوقك

[Khalid_Mostafa]

انا بتكلم على شاسية 516 وبعدين لية تحذف المشاركة ماتسيبني انا انفيه بنفسي على العموم انا حالغي اشتراكي بالمنتدى ودي كانت اول مشاركة واخر مشاركة
شكرا على ذوقك

انا مش فاهم انت بتتكلم عن ايه !!!!؟؟؟؟؟ ولا انت بتكلم حد تاني ؟؟