حرامي حاول يسرق الام 11 بتاعتي

[hossam165]

انا بقي حصل موقفين واحد معايا وواحد مع اخويا موقف غريب جدا
اولا انا واخواتي ووالدي في نفس المنزل
انا ووالدي في الدور الثاني واخويا الي اتسرق ده فيالدور الثالث فوق والدي وفوقيه اخويا الثالث جميل
الموقف كالتالي:-
الساعة الواحدة ظهرا
الوالد واخد اليوم ده اجازة
والدي طالع الدور الاخير وجد انبوبة غاز علي السلم راح منادي يا ولاد مين سايب الانبوبة علي السلم كده
(الانبوبة كانت امام شباك المنور الي علي السلم مش امام شقة من الشقق)
خرجت والدتي قالت يمكن بتاع الانابيب سابها لحد ماينزل من عند حد فوق
المهم والدي ظل واقف يشوف اي الموضوع اعتقادا منه ان الانبوبة بتاعة احد اخوتي
المهم عدي وقت كبير ومفيش حس والا خبر راح منادي علي اخويا الثاني ردت الحاجة قالت هو في الشغل وولاده عند حماته
شوف تامر(تامر اخويا الثالث)
ردت مراته قالت لا مش احنا راح طالع علي شقة شقة من السكان الاخرين لان الفار ابتدي يلعب في عبه واعتقد ان فيه حاجة حصلت مع حد من ستات السكان لان الوقت ده المفروض كل البيت لا يوجد فيه غير النساء سواء انا او اخواتي او السكان الاخرين شغلنا من الصبح حتي المساء فخاف ليكون حد من بتوع الانابيب الشيطان لعب بعقله ودخل عل واحدة من السكان لا قدر الله
المهم كل السكان اجمعو انها لا تخصهم
والدتي الفار لعب معاها هي كمان الدنيئة
المهم طلعت تشوف ايه الحوار
وكانت المفاجئة ان شباك المطبخ االي علي المنور الخاص باخي الثاني مفتوح والنور شغال
راحت نازله جايبة المفتاح الي عندها (كل واحد مننا سايب نسخة من مفتاح شقته عند والدي)
وفتحو الشقة واذا بهم يجدو الشقة مقلوبة راسا علي عقب والحاجة راحت راقعة بالصوت الحياني ...................... ويا بختك يا ابني الـ و..............ولكم ان تتخيلو الباقي
المهم نتصل بالنجدة تفتكرو يقولو ايه روح اعمل بلاغ في القسم
راح عمل بلاغ في القسم قالولو روح المديرية عشان يطلعو معاك حد من البحث الجنائي راح جابه بالعربية وجيه جيه البيه قعد يلف في الشقة ورفع البصمات وخد بصمات الي بيدخلو الشقة وخد علي كل واحد خد بصماته 10 جنيه وقال ايه رسوم معاينة وعاوز حد يرجعه المديريه اخويا قاله انا مش هقدر خد حق التاكسي اهه واعتذرله طبعا لانه طبعا عمال يلف من ساعة مبلغناه بالخبر وكمان قالوله لازم تيجي باليل لرئيس المباحث لان البيه كان غير موجود
والعوض عند الله علي الي راح من دهب وفلوس بس الحمد لله ماخدوش الانبوبة لان طبعا كان باين ان هما اتنين مش واحد لواحده
عاوز اقلوكم انهم قابلو الحج وهوطالع السلم وكتر خيرهم رمو عليه السلام وهما نازلين ناس زوق زوق زوق الصراحة ياعني
ومن ساعيتها كلنا ركبنا حديد علي الشبابيك وقفلنا شبابيك المنور كمان بالحديد

اخوكم حسام من ام الدنيا

[teha]

سبحان الله ربنا ستر و الانذار عمله فضيحة اما لو كان انذار عادي يعني من اللي لما تلمس العربية ده يقعد يصوت كان اتوقع انه قعد براحته و فك الكاسيت ويمكن كمان كان حاول يدور العربية و يسرقها .

و انا لما كنت في ابو رواش بعمل الازاز قالولي ان محدش يقدر يدور العربية الا اللي معاه المفتاح حتى لو انت نفسك عملت نسخة على المفتاح ده برده مش هيتنفع تتدور العربية بيه.

ربنا يسرتها معانا جميعا .

[hossam165]

بالنسبة ليا انا
الحمد لله العربية اتقلبت وهي واقفة تحت البلكونة
يوم من الايام الصبح لاقيت جرس التليفون بيرن
صحيت لاقيت اخويا هو الي بيتصل
انا: سلام عليكم
هو: وعليكم السلام انت نايم
انا: انت عارف اني هنزل متاخر
هو: ايه الي كسر زجاج العربية بتاعتك
انا: ايهههههههههههههه
هو :بقولك ايه الي كسر الزجاج كده عندك هو انت متعرفش والا ايه
انا : طبعا لا
هو : طب بص من البلكونة
انا : ابص من البلكونة مش شايف اي حاجة لاني اول حاجة بصيت علي البربريز امام وخلف
ورحت قايله هو ده وقت هزار علي الصبح
هو : ياعم هزار ايه مهو مكسور قدامك اهو
انا : ادعك عيني وانظفها من العماس يمكن اكون لسه نايم برده مش شايف حاجة
فين يا عم
هو: اهو راح مقرب ومشاور علي المثلث الصغير الي في الزجاج الخلفي للباب
وراح قايلي انزل احسن
انا : نزلت ببص علي العربية اتاري هو مكانش عاوز يقولي انها اتقلبت والحمد لله ايضا الراجل طلع زوق وكسر الهواية وفتح الباب الي ورا ثم الباب الي قدام وقعد فك الكاسيت والجي ام وحاول يفك سماعات الابواب بس للاسف في حد مسابوش ياخد فرصته انو يكمل الطقم
ملحوظة انا نايم في اليوم ده بعد صلاة الفجر يمكن بساعتين
وروحت رايح ادور علي الحتة المثلث ديه طول اليوم ادور عليها واخيرا ركبتها لدرجة ان انا قولت كان قالي كنت اديته الي هو عاوزه من غير تكسير الزجاج
ورحت رايح تاني يوم ركبت انذار في العربية

اخوكم حسام من ام الدنيا

[teha]

انا سمعت بقة ان اليويمين دول مش بيكسر الازاز كسر ده بيرش عليه اسبراي باين او في مادة كدة بيرميها على الازاز يقوم نازل كله مرة واحدة مش عارف.

انا اصلا مسمعتش صوت كسر اي حاجة انا فجاه سمعت صوت كلكس العربية بتاعتي ورا بعض .

[shaddadfalcon1]

انا بقي حصل موقفين واحد معايا وواحد مع اخويا موقف غريب جدا
اولا انا واخواتي ووالدي في نفس المنزل
انا ووالدي في الدور الثاني واخويا الي اتسرق ده فيالدور الثالث فوق والدي وفوقيه اخويا الثالث جميل
الموقف كالتالي:-
الساعة الواحدة ظهرا
الوالد واخد اليوم ده اجازة
والدي طالع الدور الاخير وجد انبوبة غاز علي السلم راح منادي يا ولاد مين سايب الانبوبة علي السلم كده
(الانبوبة كانت امام شباك المنور الي علي السلم مش امام شقة من الشقق)
خرجت والدتي قالت يمكن بتاع الانابيب سابها لحد ماينزل من عند حد فوق
المهم والدي ظل واقف يشوف اي الموضوع اعتقادا منه ان الانبوبة بتاعة احد اخوتي
المهم عدي وقت كبير ومفيش حس والا خبر راح منادي علي اخويا الثاني ردت الحاجة قالت هو في الشغل وولاده عند حماته
شوف تامر(تامر اخويا الثالث)
ردت مراته قالت لا مش احنا راح طالع علي شقة شقة من السكان الاخرين لان الفار ابتدي يلعب في عبه واعتقد ان فيه حاجة حصلت مع حد من ستات السكان لان الوقت ده المفروض كل البيت لا يوجد فيه غير النساء سواء انا او اخواتي او السكان الاخرين شغلنا من الصبح حتي المساء فخاف ليكون حد من بتوع الانابيب الشيطان لعب بعقله ودخل عل واحدة من السكان لا قدر الله
المهم كل السكان اجمعو انها لا تخصهم
والدتي الفار لعب معاها هي كمان الدنيئة
المهم طلعت تشوف ايه الحوار
وكانت المفاجئة ان شباك المطبخ االي علي المنور الخاص باخي الثاني مفتوح والنور شغال
راحت نازله جايبة المفتاح الي عندها (كل واحد مننا سايب نسخة من مفتاح شقته عند والدي)
وفتحو الشقة واذا بهم يجدو الشقة مقلوبة راسا علي عقب والحاجة راحت راقعة بالصوت الحياني ...................... ويا بختك يا ابني الـ و..............ولكم ان تتخيلو الباقي
المهم نتصل بالنجدة تفتكرو يقولو ايه روح اعمل بلاغ في القسم
راح عمل بلاغ في القسم قالولو روح المديرية عشان يطلعو معاك حد من البحث الجنائي راح جابه بالعربية وجيه جيه البيه قعد يلف في الشقة ورفع البصمات وخد بصمات الي بيدخلو الشقة وخد علي كل واحد خد بصماته 10 جنيه وقال ايه رسوم معاينة وعاوز حد يرجعه المديريه اخويا قاله انا مش هقدر خد حق التاكسي اهه واعتذرله طبعا لانه طبعا عمال يلف من ساعة مبلغناه بالخبر وكمان قالوله لازم تيجي باليل لرئيس المباحث لان البيه كان غير موجود
والعوض عند الله علي الي راح من دهب وفلوس بس الحمد لله ماخدوش الانبوبة لان طبعا كان باين ان هما اتنين مش واحد لواحده
عاوز اقلوكم انهم قابلو الحج وهوطالع السلم وكتر خيرهم رمو عليه السلام وهما نازلين ناس زوق زوق زوق الصراحة ياعني
ومن ساعيتها كلنا ركبنا حديد علي الشبابيك وقفلنا شبابيك المنور كمان بالحديد

اخوكم حسام من ام الدنيا

طيب كويس انهم رفعو بصمات
ده انا قلت للظابط اللي جه عمل معاينه بعد ذل طبعا وانتظار طول النهار عشان كنا يوم جمعه انه يرفع البصمات قالي مش بترفع البصمات الا لما يبقي في قتيل

ومع ذلك لما ودينا الحرامي لما اتمسك معملوش حاجه

بس انا لسه عارف دلوقتي من والدي انه ماخدش شهر بس- ده اخد 6 شهور وعليه قضيتين تانيين
واحده خناقه تقريبا والتانيه قتل مراته في الصعيد وهربان هنا في البحيره
تخيل ده كان ممكن يعمل ايه لو شاف مراتي ولا والدي صاحيين

[Moh.Abdelbaset]

من كام يوم كدة كنت سهران شوية و حوالي على الساعة 1ونص كدة سمعت فجاه صوت الكلكس بتاع العربية بتاعتي بيضرب ورا بعض (للعلم الانذار هوه الكلكس) و الصوت ده كان بيطلع ساعات لو فتحت الشنطة من الريموت و كان الانذار شغال .
المهم طبعا انا اتخضيت و طلعت اجري على البلكونة بصيت لقيت في حد طالع يجري من العربية بتاعتي وشايل شوية جاجات وحضها كدة و بيجري طبعا انا قعدت اقول حرامي و قمت نازل طبعا جري على العربية.
طبعا ملقتش الحرامي و بصيت لقيت الازاز بتاعي مكسور و درج التبلوه مفتوح و متاخد كل اللي فيه و الدرج اللي في نص ده اللي فوق الكاسيت مفتوح و متاخد منه الفلاشة و الكابل بتاعها .
حاولت انظف الكرسي من الازاز و اطلع بالعربية اجري ورا الحرامي لقيت ايدي هتتعور و لازم انظف بالراحة المهم نظفت العربية و رحت القسم وطبعا ياريتني ما رحت عديت على كذا واحد لحد ما وصلت للظابط و في الاخر الظابط قالي مفيش حد موجود عشان تعمل محضر و قالي تعالى بكرة و رحت بكرة برده كان الشخص المجهول لسة مجاش عشان المحضر فنفضت و قلت الحق اروح اصلح الازاز.
كلمت كذا مركز ضيانة عشان اسال على الازاز فطلع مفيش الا في ابو رواش قمت اخد بعضي و طالع على هناك و الحمدلله الازاز اتعمل سعره 76 جنيه و تركيبه 90 جنيه مش عارف ازاي بس الحمدلله انها على قد كدة.
الحرامي سرق دفتر الصيانة و ضمان الكاسيت و البطارية و الفواتير بتاعت الصيانة و الفلاشة والكابل بتاعها و بتاع الموببايل و علبة مناديل تقولي حرامي ايه ده مش عارف.
قالولي الحل بتاع دفتر الضمان اني اروح لمركز الصيانة اللي بعمل في الصيانات الدورية واطلب منهم يطلعولي صور من الفواتير بتاعت الصيانات الدورية و الفواتير تبقى بدل الدقتر.

بس بصراحة الانذار ده انا كنت بقول ايه الفضيحة كل مقفل العربية تزعق بس لله الحمد طلع فضيحة لاي حرامي.

اللهم لك الحمد و قدر الله و ماشاء فعل و اللهم اجرني في مصيبتي و اخلفني خير منها

قدر الله و ماشاء فعل
الحمد لله إنها جت على قد كده

أنا سكن برده في التجمع الثالث- المحلية6

ليا واحد صاحبي في المحلية الخامسة عند الهدى ماركت
عنده لانسر 2008 نزل لقا الهواية مكسورة في أجازة العيد اللي فاتت
بس مفيش حاجة متاخدة من العربية
و صاحبي لقا واحد واقف جنبها..يبقى أكيد ده الحرامي
صاحبي بيقول بتعمل ايه هنا..قاله لقيت العربية مفتوحة فكنت داخل أزمر علشان صاحبها يطلع
راح صاحبي سابه يمشي
صاحبي لما كان بيحكي للي بيركب زجاج الهواية
الصنايعي اللي بيركب قاله تيييييييييييييييييت..إنت إزاي تسيبه يمشي

[teha]

معلش هوه مين اللي مسك الحرامي بالضبط يعني انت بتقول لما وديناه لما اتمسك .

[hossam165]

طيب كويس انهم رفعو بصمات
ده انا قلت للظابط اللي جه عمل معاينه بعد ذل طبعا وانتظار طول النهار عشان كنا يوم جمعه انه يرفع البصمات قالي مش بترفع البصمات الا لما يبقي في قتيل

ومع ذلك لما ودينا الحرامي لما اتمسك معملوش حاجه

بس انا لسه عارف دلوقتي من والدي انه ماخدش شهر بس- ده اخد 6 شهور وعليه قضيتين تانيين
واحده خناقه تقريبا والتانيه قتل مراته في الصعيد وهربان هنا في البحيره
تخيل ده كان ممكن يعمل ايه لو شاف مراتي ولا والدي صاحيين

[center]اصلا الضابط مكلفش خاطره ييجي يعاين او يبعت حتي عسكري مستجد يفهم ايه الي حصل[/center]

اخوكم حسام من ام الدنيا

[mmffor]

lvi ;kj vh;k td hgahvu hgلا حول ولا قوة الا بالله!

[M.Nasr]

ربنا يسترها معانا والله الواحد ماشى بدعاء الوالدين

[PoweRPassioN]

هي الشرطه بقت في خدمه مين؟؟
ربنا يسترها على عبيده..

[teha]

ماكينة الازاز الباب الوراني فصلت تاني و لما كنت في ابو رواش سالتهم موجودة قالولي لأ و الحاوية بتاعت قطع الغبار هتوصل بكرة يعني ممكن كمان اسبوع تلاقيها موجودة .

المهم رحت للراجل اللي كان عملهالي قبل كدة قالي ده الفبرة اتكسرت و لازم فبرة جديدة قلتله و بعدين قالي طبعا الفبرة بتاعتها مش موجودة بس اقرب حاجة ليها بتاعت الاوكتافيا و هي من فبر دي الومنيوم يعني احسن بكتير من ديه و ان شاء الله مش هتتكسر و انا عملتها برده لام 11 و بقالها اربع شهور مشتكاش .

المهم قلتله تمام و ان شاء الله رايح بكرة اشوف ايه النظام .

على فكرة لما الحرامي كسر الازاز بتاعي كان الازاز اللي ورا الماكنة بتاعته فاصلة و حاطط حتة ورقة كدة واضحة اوي زانق بيها الازاز عشان ميقعش .

لو كان الحرامي ركز شوية كان نزل الازاز اللي ورا بايده وسرق اللي كان عاوزه و لا كان كسر الازاز و وداني ابور رواش عشان اعمله .

و لكن اللهم لك الحمد في كل حال و لعله خير ان شاء الله .

[shaddadfalcon1]

معلش هوه مين اللي مسك الحرامي بالضبط يعني انت بتقول لما وديناه لما اتمسك .

اتمسك بعديها باسبوع وهو بيسرق 5 شقق في بلد جنبنا وبما ان الخبر بيتشر بسرعه عندنا فالناس اتصلو بينا وقتها ورحنالهم وانا رحت بنفسي سلمتي واتهمته ان هو اللي سارقنا

[bassemali]

الحمد لله انها جت على قد الورق

و اكيد الحرامى ده تبع التوكيل --- عشان كده سرق كل دفاتر الضمان و الصيانه

ده أنت التوكيل مربيلك الهسس..... ههههههههه
ماتزعلش مني أنا بهزر والله ...ههههههههههه

[m_zizo620]

معلش ربنا يعوض عليك انا كمان كسروا ازاز عربيتي و طلع كل حاجة كانت في تابلوة العربية بس ملقاش حاجة تستاهل فسبها و جري و فضلت تضرب انذار لحد الصبح ما البطارية نامت