كل شئ عن 620

[hugan]

بامانه المونرو مساعدين تركبهم وانت مغمض
انا مركبهم في الشاهين من 2005

[ahmadm]

السلام عليكم ورحمة الله وبركاته
اعزائي اخوتي فى هذا المنتدي المحترم الجميل, احب ان انقل لكم تجربتي السفر من القاهرة الي شرم الشيخ والعودة

انطلقت من 8 ايام الي شرم الشيخ مع الاسرة للمصيف وكان توقيت الخروج الساعه 4 صباحا بعد صلاة الفجر, توكلت علي الله وبدأت الطريق حاجه بحاجه عمال ازود السرعه والحمد لله بلا مشاكل وصلت من 140كم تدريجيا الي 200كم والحمد لله ثبات كامل مع تشغيل التكييف طبعا لان الجو كان حر ومن المعروف يفضل علي الطرق السريعه غلق الزجاج لعدم دخول الهواء بشده فيسبب ضيق للسائق وعدم اتزان السياره
ولحظت قبل دخول شرم بحوالي 60-70كم ان مؤشر الحراره بدأ يرتفع شرطه ,انا قلقت وخففت السرعه الي 60كم ومشيت شويه وقفلت التكييف وبعدين لقيت المؤشر رجع تاني لوضعه فى النص , وحسيت انها زي تعليقه كده وبعدين شديت تاني وصلت 140-160كم ودخلت البلد بسلام
وتاني يوم بعد ماريحت شويه فتحت الكبوت اشوف فيه ايه, لقيت الافيز بتاع فلتر الهوا مفكوك من ساعت اخر مره عملت صيانة 25الف مربطوش عليه كويس (عيوب التقفيل المتكرره) ولقيت كده زي ريش طير علي السربنتينه الاماميه, المهم قفلت الافيز كويس جدا ونضفت السربنتينه كويس وطول الوقت هناك الحمد لله ماكانش فيه اي مشاكل, كانت عاديه جدا
وانا راجع مشيت برضه تقريبا بنفس السرعه للتجربه والحمد لله ماحصلش اي حاجه خالص لا ارتفاع حراره ولا غيره

استهلاك البنزين : فولت مره واحده ورحت هناك وقعدت المده بيها هناك من غير ماروح البنزينه وفولتها وانا راجع ولسه حاطط لها بنزين امبارح بالليل بس يعني بعد الوصول بيوم- الحمد لله البنزين تمام
- ذهاب , تفويل62 لتر-------> 630كم (بالمشاوير الداخليه هناك+تكييف)
- عوده ,تفويل63 لتر-------> 640كم

والحمد لله العربيه كويسه جدا واللي عايز يشتريها يتوكل علي الله ولن يندم وهي افضل من اللانوس لانها فئة مختلفه عنها ولا تقارن بيها وقطع غيارها موجوده ولكن اغلي من اللانوس وانتاجها موجود ولكن بالطلب فى ظرف شهر وطبعا لاتنسي الضريبه السنويه اغلي من نظائرها 1600, واللي بيقول انها اتوقف تصنيعها فهو عفوا لايعرف الصحيح وغير متابع لاخبار اسبيرانزا
ولكل وجهة نظره ولا نحقر من احد او اي وجهة نظر

اللهم دمها علي نعمه واحفظها لي
ساوافيكم باخر الاخبار

السلام عليكم كل عام و انت بخير

انا بس كنت عايز اسال سؤال هو فعلا العربية كانت ثابتة على سرعة 200 ؟؟ و فضلت ثابت على السرعة دية اد اية وقت ؟ و ايى مدى تاثير النقر ومطبات الهوا مع السرعة دية ؟؟

[evram]

انا عايز بس اقول حاجة انت من القاهرة و روحت شرم الشيخ و فولت مرة انا 516 فولت من القاهرة و في تلات تربع الطريق بقيت خلاص عايزوة بنزين فولت تاني و روحت هناك ااتانك فية النص هل كدة عربيتي بتاكل ولا ايه التفويلة 45 لتر

[evram]

السلام عليكم كل عام و انت بخير

انا بس كنت عايز اسال سؤال هو فعلا العربية كانت ثابتة على سرعة 200 ؟؟ و فضلت ثابت على السرعة دية اد اية وقت ؟ و ايى مدى تاثير النقر ومطبات الهوا مع السرعة دية ؟؟

الشرعة ايل ماشي عليه كانت 180190 و مكنتش لسة وطيت العربية و كانت الحمد لله سابته جدا جدااااا جدااااااااااا و مشافر كمان اسبوعين تلاته و هقفل العداد 220

[fourseasons]

ya 3am evram wa7shna walahy,anah kaman raye7 sharm ba3d ramadan bas 7'ayef asafer 3alah ael tarek.7'ayef men ael tarek we ael 3arabya te2el m3aya walah 7aga lakadar allah ael 3arabia 516

[fourseasons]

aeh r2ayak ya bob asafer beha wala adeh superjet

[ahmadm]

الشرعة ايل ماشي عليه كانت 180190 و مكنتش لسة وطيت العربية و كانت الحمد لله سابته جدا جدااااا جدااااااااااا و مشافر كمان اسبوعين تلاته و هقفل العداد 220

هو حضرتك معاك 516 ولا 620 ؟؟؟

[ALshahba]

السلام عليكم كل عام و انت بخير

انا بس كنت عايز اسال سؤال هو فعلا العربية كانت ثابتة على سرعة 200 ؟؟ و فضلت ثابت على السرعة دية اد اية وقت ؟ و ايى مدى تاثير النقر ومطبات الهوا مع السرعة دية ؟؟

اولا كل سنة وانت طيب
معلش طولت عليك فى الرد بس كنت ما بخشش نت خالص..

بص يا سيدي... من ناحية الثبات>>>>> الحمد لله مانتكلمش عليها كتير لانها وبكل امانه والحمد لله ثابته جدا جدا ...... كنت ثابت عليها فتره طويله بجد مش حابها قد ايه ... لكن انا فاكر بعد شويه الاقي عربيه قدامي اقوم مهدي السرعه وارجع اجيب تاني 200 والاقي منحني اهدي وارجع تاني لل200 لدرجة ان الناس كنو فاكرني بشد معاهم وانا كنت عايز اوصل بسرعه واستغل عدم وجود رادار وطبعا بالمره اجرب العربيه

ماسمعتش ابدا نقر وانا ماشي علي السرعه العاليه دي......ومطبات الهوا كانها مش موجوده ..... لكن كنت حاسس وسامع صوت الموتور طبعا كان عالي

وكنت ماشي بالسرعه دي وانا مشغل التكييف طبعا لان الجو كان شمس جدا

[ALshahba]

انا عايز بس اقول حاجة انت من القاهرة و روحت شرم الشيخ و فولت مرة انا 516 فولت من القاهرة و في تلات تربع الطريق بقيت خلاص عايزوة بنزين فولت تاني و روحت هناك ااتانك فية النص هل كدة عربيتي بتاكل ولا ايه التفويلة 45 لتر

اهلا بيك يا افرام
انا من القاهره ورحت شرم اصيف وارجع

انا فولت مره واحده بس وانا رايح ومارحتش البنزينه دي خالص الا وانا راجع دخلت فولت تاني مره واحده وجيت بيها علي القاهرة وبعد 3 ايام تقريبا هنا فى القاهره موننت تاني

بص .... ال516 بتسحب بنزين شويه علشان هيا 2كامه لاني انا فاكر وانا معايا 516 زمان كانت بتسحب بنزين كتير بس الموديلات الحديثه منها سحبها اقل وال620 كامه واحده علي 2 موبينه.....والموتور متسوبيشي جالانت ..... وده بيؤدي ان سحب البنزين اقل

زي بالضبط النيسان صني .... 2كامه علويه 118حصان.....وبتسحب بنزين كتير لاي 1600 تتقارن بيها ماعدا 516 لانهم زي بعض فى سحب البنزين

[sndbad111]

أعلنت مجموعة "أبو الفتوح" الوكيل الحصري لسيارات "اسبيرانزا" الصينية في مصر عن طرح السيارة A620 بفترة ضمان لأول مرة 100,000 كم أو 3 سنوات مكفولة بضمان أبو الفتوح في كل مراكز خدمة "اسبيرانزا" المعتمدة.

وتتميز "اسبيرانزا A620" بمحرك 2000 سي سي وتنتمي لفئة السيارات ذات المقصورة الفخمة وتم تزويدها بنظام تعليق خاص أمامي مدمج وذو صلابة عالية رياضي "ماكفرسون" ، ونظام تعليق خلفي متعدد الوصلات، وهو مخصص للسيارات ذات المقصورة الفخمة، والذي ليس من شأنه فقط توفير اتزان السيارة المتميز وراحة ركابها، بل يدعم ايضا القدرة الفائقة على منع الاهتزاز. كما أنه يتميز بسهولة التصميم وديناميكية الحركة.

"اسبيرانزا A620" تقدم مفهوماً جديداً لمتعة القيادة من خلال ناقل حركة يدوي و أوتوماتيكي الـTiptronic المدعوم بمحرك قوي سعة 2000 سي سي لضمان أفضل قوة دفع للسيارة.

"اسبيرانزا A620" وناقل الحركة (INVESC II AMT )

يُعد ناقل الحركة INVESC II AMT أوتوماتيكي/يدوي غاية في براعة الأداء وهو مفخرة شركة ميتسوبيشي اليابانية. فهو مزود بمحول عزم هيدرولي وتروس سرعات كوكبية وهما الأكثر شيوعا وتقدما حاليا، ما يوفر السهولة والأمان أثناء عملية القيادة. وكذلك من شأنه تلبية مختلف طرق الاستمتاع بالقيادة سواء كانت بناقل حركة أوتوماتيكي أو يدوي.

يعمل INVESC II AMT بنظام بارع في اكتشاف الوظائف فهو مزود بكمبيوتر يقوم أوتوماتيكيا باكتشاف وضع دواسة البنزين، والسرعة، وتردد الفرملة بعد تشغيل السيارة وفقا لطريقة السائق في نقل السرعات في مختلف ظروف الطرق، فيقوم بعمل النقلة المناسبة في الوقت المناسب مستمدا البيانات من قاعدة البيانات الموجودة بالكمبيوتر.

فعلى سبيل المثال، نتيجة للاستخدام المتكرر للفرملة من قبل سائق حذر، فيقوم الجهاز بإغلاق هذا النظام أوتوماتيكيا. فعندما يريد السائق خفض سرعته فهو لا يحتاج لان يقوم بنقل السرعات حيث يقوم الجهاز أوتوماتيكيا بخفض السرعة. إذا كانت السيارة تسير على طريق مستوي، فسيقوم الجهاز أوتوماتيكيا باستخدام الأربع سرعات تدريجيا.

"اسبيرانزا A620"لضمان أقصى أمان

كما تم تجهيز A620 بالعديد من وسائل الأمان والسلامة بداية من الفرامل المدعومة بنظام ABS و الوسائد الهوائية المزدوجة بالإضافة لأحزمة الأمان الأكثر تطورا و كذلك قفل حماية للأطفال في المقصورة الخلفية.

السيارة مزودة بفرامل أمامية "ديسكات مهواة" بمساحة 16 بوصة، وبفرامل خلفية ديسكات صلبة لضمان قوة الفرملة. وفي الوقت نفسه، فإن استخدام نظام دائرة الفرامل المزدوجة يجعل نظام الفرملة أكثر أمانا.

يزود نظام الفرملة بجلبة احتكاك تقوم بتوفيرها شركة بورتوتيبو Portotipo Company لضمان كفاءة اداء نظام الفرملة وتوفير الأمان عند القيادة وعند استخدام الفرامل ، وكذلك نظام فرامل مانع للانغلاق ABS+نظام التحكم الالكتروني في توزيع الفرامل EBD لتوفير السهولة والمتعة في كل رحلة ولضمان الأمان التام، فقد تم تزويد "اسبيرانزا "A620 بأربعة قنوات، ودائرة فرامل ABS+EBD رباعية ودائرة مزدوجة لسريان الزيت الهيدرولي المضغوط.

الوسائد الهوائية

"اسبيرانزا A620" مزودة بوسادة هوائية 60 لتر للسائق و أخرى 120 لتر للراكب جوار السائق. تتمتع تلك الوسائد الهوائية بأشهر تكنولوجبا لسلامه المركبات في العالم AUTOLIV TECHNOLOGY ويعمل تصميم الوسائد الهوائية على تقليل تأثير الاصطدام للحد الأدنى لضمان سلامة الركاب.
مقصورة رحبة ذات فتحة سقف مميزة

وقد خضعت كافة الوسائد الهوائية بالسيارة لاختبارات صارمة، حيث تم إجراء اختبار للاصطدام الأمامي المباشر والجانبي على 24 سيارة. وقد أثبتت نتائج الاختبارات أن الوسائد الهوائية تتماشى مع المقاييس الأوروبية بصورة جيدة. فعند اصطدام السيارة من الأمام أو الجانب، ستنفخ الوسائد الهوائية مباشرةً لحماية منطقة الرأس والصدر والكتفين مما يقلل الأضرار التي قد تصيب جسم السائق أو الراكب جواره.

قضبان حماية بالأبواب مضادة للصدمات

تم تزويد السيارة "اسبيرانزا A620" بقضبان حماية صلبة بالأبواب مضادة للصدمات، بالإضافة إلى الهيكل الخارجي عالي الصلابة ذو الانحناءات والذي من شأنهما تقليل تأثير الاصطدام بصورة كبيرة وبالتالي، يحافظ على شكل الأبواب ويمنع تشويهها عند الاصطدام ويرفع مستوى الأمان للركاب داخل السيارة.

عندما ينخفض مستوى سائل الفرامل عن المستوى القياسي يتم إشعال اللمبة التحذيرية لتحذر مالك السيارة كي يقوم بوضع السائل، وذلك لضمان قيادة آمنة.

"اسبيرانزا A620" تتمتع بتصميم يضمن الراحة والرفاهية

يوحي تصميم "اسبيرانزا A620 " الخارجي بأرستقراطية مترفة بينما يعكس التصميم الداخلي روحا عصرية ، حيث تتسم المقصورة الداخلية برحابة ملحوظة بينما تزيد الكراسي الجلدية المقصورتين الأمامية والخلفية ترفا تدعمهم المساند الجانبية بينما يعمل الارتفاع المدروس لجميع المقاعد على ضمان راحة أكيدة.

كما تتمتع لوحة قيادة "اسبيرانزا A620 "بتصميم أنيق وجذاب يبرز الطابع المترف لصالونها بينما يأتي تابلوه السيارة كقطعة فنية قيمة ، وتضم هذه السيارة أيضا مشغل VCD وشاشتين LCD في المقصورة الخلفية لضمان أعلى درجات الرفاهية والمتعة.

واستكمالا لتجهيزات "اسبيرانزا A620 "التي تتعلق بالراحة والرفاهية ، فإن نظام التكييف الأتوماتيكي يتميز بتوزيع مثالي للهواء و"سنتر لوك ، و مكان لتثبيت مقعد الطفل ، الإضافة إلى ميزة التحكم الكهربائي في الزجاج والمرايا الجانبية ، فتحة السقف العلوية ، نظام فيديو مدهش.

"اسبيرانزا A620" مزودة بـ6 سماعات عالية الجودة ما يحقق نقاء وجودة الصوت وكذلك مزودة بمبدل 6 اسطوانات6-DISC CD CHANGER مما يسهل عملية تبديل الاسطوانات ، بالإضافة إلى تزويدها بنظام فيديو سي ديVCD و عدد 2 شاشات عرض LCD خلف مساند الرأس الأمامية الذي قد يجعلك تستمتع بالمشاهدة أينما كنت.

تم تزويد "اسبيرانزا A620 " بفتحة سقف طبقتين تعمل كهربائيا بنظام المستويين (أي تفتح كليا وجزئيا) مما يتحكم بكفاءة في إدخال أشعة الشمس والهواء إلى المقصورة. وعند القيادة ليلا، فإن الهواء الداخل من خلالها يساعد على تبريد السيارة من الداخل مما يضفي الصبغة الطبيعية ومن ثم يعمل على تقليل معدل استهلاك الوقود.

وكذلك تكييف هواء أوتوماتيك مزود "بحساس ذكي" يعمل على تثبيت الحرارة داخل المقصورة ما يساعد على رفع مستوى راحة الركوب. وكذلك يقوم هذا الحساس بالحفاظ على أكثر درجات الحرارة ملائمة مع الحرارة الخارجية وشدة أشعة الشمس حيث يوفر أحسن حرارة وقوة وأداء للهواء بنسبة 0.5 درجة كوحدة تعديل تلقائيا.

كما يوجد كرسي قيادة متميز يضفي راحة لها تأثير كبير على مزاج السائق. يتم التحكم كهربائيا في ضبط كرسي القيادة الجلد للمستوى الذي يوفر الراحة القصوى للسائق ، تم تزويد كرسي القيادة بجهاز طبي لحماية منطقة الوسط ومسند يتم تعديله بثلاث درجات ما يجعلك تستمتع بالقيادة ، يتم تعديل كرسي القيادة عشوائيا بثماني مستويات بأي درجة ميل


لللأمانة الموضوع منقول

[ALshahba]

مشكور جدا علي نقل صورة 620 الجميله

شكرا لمجودك

[AMRSPEED]

تجربتى الأولى على الطريق الدولى بال 620 ما شاء الله عربيه تحفه وثابته جدا كنت ماشى الطريق كله 180 وثابته جدا ما شاء الله وكنت مشغل التكيف وكلو تمام
احلى من ال 516 بكتير متعه انا كنت ماشى الطريق كلو مفيش عربيه عدتنى وثابت على 180 وكمان غرز خفيفه وحاسس ان انا على 100 مش مصدق نفسى ان على السرعه دى وماسك الطاره بأيد واحده

[saddam]

تجربتى الأولى على الطريق الدولى بال 620 ما شاء الله عربيه تحفه وثابته جدا كنت ماشى الطريق كله 180 وثابته جدا ما شاء الله وكنت مشغل التكيف وكلو تمام
احلى من ال 516 بكتير متعه انا كنت ماشى الطريق كلو مفيش عربيه عدتنى وثابت على 180 وكمان غرز خفيفه وحاسس ان انا على 100 مش مصدق نفسى ان على السرعه دى وماسك الطاره بأيد واحده

هي بصراحة عربية حلوة وجميلة وثابتة وقليلة الأعطال كل ده صح ومقارنة بسعرها فتعتبر العربية بلاش وتمشي 180 أو 190 كحد أقصى فكلامك مظبوط بس السرعة بتبان فيها شوية مش لدرجة إنك تخاف وتهدي بس اللي ركب عربيات أمريكاني وألماني يعرف الفرق يعني ال 100 في ال 620 إسبرانزا تحسها كأنها 140 في عربية أمريكاني أو 160 في مرسيدس من ال 6 سلندر والأحجام دي إنما الإسبرانزا عربية محترمة جدا بصراحة بس السرعة بتيان فيها مع إعتزازي وتقبلوا مروري

[ALshahba]

تجربتى الأولى على الطريق الدولى بال 620 ما شاء الله عربيه تحفه وثابته جدا كنت ماشى الطريق كله 180 وثابته جدا ما شاء الله وكنت مشغل التكيف وكلو تمام
احلى من ال 516 بكتير متعه انا كنت ماشى الطريق كلو مفيش عربيه عدتنى وثابت على 180 وكمان غرز خفيفه وحاسس ان انا على 100 مش مصدق نفسى ان على السرعه دى وماسك الطاره بأيد واحده

الف مبرك علي التجربه........ وسلمك الله شر الطريق والسرعات
فعلا هي ممتازه علي الطريق والحمد لله , وكمان ثبات واضح

[AMRSPEED]

ربنا يخليك يارب ويحفظنا جميعا من شر الطريق
كنت عايز اعرف منك عشان توصل لل 200 العربيه اخدت وقت قد ايه اصل انا حسيت ان الأستجابه بعد ال180 مش اوى فكنت عايز اعرف بتوصل للسرعه دى بسرعه ولا بتاخد وقت عشان توصل لل 200