كل شئ عن 620

[ALshahba]

ربنا يخليك يارب ويحفظنا جميعا من شر الطريق
كنت عايز اعرف منك عشان توصل لل 200 العربيه اخدت وقت قد ايه اصل انا حسيت ان الأستجابه بعد ال180 مش اوى فكنت عايز اعرف بتوصل للسرعه دى بسرعه ولا بتاخد وقت عشان توصل لل 200

السلام عليكم
معلش النت كان قاطع عندي فتره طويله فماعرفتش ارد عليك

العربيه اخدت وقت مني ولكن من اكتر الاسباب اللي عطلتني انه كان دايما الاقي عربيه قدامي او ملف فكنت دابما بهدي وابدأ من جديد, وكمان كنت محمل العربيه علي الاخر والشنطه كانت مكبوسه +وكنت شايف اني ممكن اكنت اجيب اكتر من 200 بس محتاج انسياب فى الطريق اكتر ويفضل ماتكنش محل العربيه اوي ولا مالي الشنطه علي اخرها علشان الوزن

[AMRSPEED]

الف شكر مفيش جديد على وحده الرفع
ده فى وحده جديده حلوه اوى نوعها سباى بس جامده جداا
بترفع كل ازاز لواحده
يعنى مثلا تبتدى بالسواق وبعد ما يقفل تدخل على اللى بعده وهكذا وسعرها 60 جنيه
دى احسن بكتير لآن لما بتيجى تقفل اتنين مع بعض او اربعه الكهربا بتقل وبيطلعو بصعوبه فا دى احسن بكتير
بس المشكله دلوقت فى التركيب
المشكله فى عربيتنا انها بتدى ارضى بس
فى كل العربيات بتدى كهربا وارضى فامش عارف ايه الحل انا لفيت كتير
واحد بس اللى قالى هركبهالك ومتخافش بس خايف يلعب كتير لآن قالى هنفك الأربع ابواب وناخد من كل باب سلكين وكبرلى الحوار

[ALshahba]

كويس موضوع وحدات الرفع الجديده دي
بس عايز اقولك ان مفيش حاجه اسمها عربيه بتدي ارضي بس !!!!! مستحيل , لازم يكون فى فرع تغذيه يعني بيدي كهربا بس حتلاقي الكهربائيه مش واخدين عليها بس لان نظامها مختلف شويه

[ALshahba]

صيانة 30 الف

اهلا بيكم !

من حوالي اسبوعين او تلاته حجزت علي صيانة ال30الف كم فى ابو رواش
وكنت عامل حوالي 296xxكم
المهم رحت ودخلت الصبح الساعه 9:00 ص ودخلت العربيه الساعه 9:30ص , وكل اللي اتعملي :
1- تغيير زيت
2- تغيير فلتر
3-تنظيف فلتر
4-مراجعة وربط عفشه

واخدت العربيه الساعه 4:00عصرا ولقيت انهم ما نضفوش الفلتر , طبعا عملت مشكله لاني مستني زياده عن 6 ساعات علشان حاجات تتعمل فى نص ساعه, ودخلت تاني ونضفلي الفلتر
وكتبت فيهم شكوي للتقصير والتخاذل فى العمل
طبعا انا عرفت منين انهم مانضفوش الفلتر ؟؟ّّ فتحت الكبوت وفتحت علبة الفلتر لقيته لسه فيه تراب زي ماهوا .... ودي نصيحه بقولها لكل واحد بيعمل صيانه انه يحاول يراجع وراهم علي قد مايقدر قبل ما يمشي او حتي بعد مايمشي

والتكلفه النهائية:
زيت+فلتر+مصنعية صيانة دوريه= 391جنيه

ودمتم سالمين

[ALshahba]

ترخيص 2000سي سي لل620

اهلا بيكم !

من اسبوع رحت علشان ارخص لان الرخصه انتهت
ولقيت تكلفة ترخيص 2000 سي سي اللي فات عليها سنة = 1050جنيه
انا استغربت وقلتله ليه هوا مش المفروض تقل وتكون اقل من كده, قالي ماهي هيا كده اقل من الجديد ب50 جنيه لان عربيتك اقدم سنة
ولقيت ان موديل السنة لل2000 سى سى = 1100جنيه وبيقل 50 جنيه سنويا

ودفعت تأمين 112 ج ورسوم ورق 10ج وبس , مفيش حاجه اسمها اكراميه واو اي حاجه تحت الترابيزه

الاجمالي
1050+112+10= 1172جنيه رخصة سنة واحده

[AMRSPEED]

نقل الملكيه كان كام ياباشا عشان هنقل الشهر الجاى ان شاء الله

[ALshahba]

السلام عليكم ورحمة الله

نقل الملكية كلف الناقل حوالي 1600 جنيه , بس لان شركة ابو الفتوح كانو كاتبين السعر كامل
لكن لو انت كاتب زي ما الكل بيكتب حوالي 1000جنيه ..... تقريبا مش حيزيد عن 400جنيه

رخصت ولا لسه

[ALshahba]

بقالي فتره استهلاك البنزين عالي يعني بيعمل مش اكتر من 140-160كم علي الاكثر
ولكن الصراحه انا بقالي تقريبا نفس الفتره بسيب البنزين علي الاخر فاعتقد ده اثر علي الرشاشات
علي العموم الايام دي كل اما بمون البنزين بحط معاه اضافات وانا ماشي معاه علي الهادي وربنا يسهل يرجع زي الاول

ساوافيكم باخر الاخبار

[AMRSPEED]

ممكن يكون البوجيهات اكشف عليها ده بالنسبه للبنزين
بالنسبه لنقل الملكيه مش فاهم يعنى ايه لو انا كاتب زى ما الناس بتكتب مش فاهم
يعنى حضرتك انا هدفع حوالى كام نقل ملكيه وهدفع حوالى كام ترخيص سنه

[ALshahba]

ممكن فعلا .... حغيرها بس الصيانة الجاية ان شاء الله او يكشفو عليها .... ونفسي اجيب بوجيهات 4 شمعه زيك

بالنسبة لنقل الملكية : لو انت كاتب فى عقد البيع البلغ كامل اللي اشتريت بيه, فحيكون مصاريف نقل الكيه فى حدود 1600ج علشان فى حاجه اسمها طابع محاماه وضريبه ونسبة ..... لكن لو انت كاتب زي الناس ما بتكتب ان سعر الشراء كان 1000 جنيه بس فحيكون مصاريف النقل فى حدود 400-600 جنيه وبيتحدد معاها السعة اللتريه والموديل
اما الترخيص : حتدفع 1050ج لانك موديل 2010 زيي + الضريبة 112 + 10مصاريف الورق = 1172ج

وبالتوفيق

[AMRSPEED]

انا مش عامل عقد انا معايا توكيل من الراجل ليا يبقى كده ايه النظام

[ALshahba]

كده يبقي ان شاء الله مش حتتكلف غير 400 جنيه تقريبا بس ... لانك حتكتب فى نقل الملكيه القيمة المباعه واكتبها 1000 بس لاتزيد ولاتنقص
وبلغنا باخر الاخبار
بالتوفيق

[AMRSPEED]

بس انا لما سألت فى الشهر العقارى قالولى ملوش دعوه بالقيمه ده بالسى سى وبالموديل ده بالنسبه للعقد المسجل

[SHERIF2009BHIT]

التسجيل فى الشهر العقارى ملهوش دعوة بقيمة البيع فى العقد عندهم جدول يوضح موديل سنة كام وكام سى سى يقولك القيمة كام

[AMRSPEED]

صح ياباشا