كل شئ عن 620

[tasaka]

هو انا فعلا روحت لعفشجى وقالى ان الاسكترا منزلة زيت على اليمين ولازم تتغير ميفهاش تصليح او ربط وحروح انهاردة اعملها إن شاء الله
بعد اذنك بقي سؤال هى فعلا مالهاش غير تغيير ولا ممكن تتصلح ؟
على فكرة مشكلتى حقيقة اكيد مش بهرج يعنى

تسريب الزيت ملوش دعوه ان كسره الدريكسيون تزيد و تبقى الضعف زى انت ما وصفت

تسريب الزيت يؤثر على خفه و تقل الدريكسيون




و خلى بالك لو الزيت نقص .. يبقى الطلمبه كمان حتبوظ .. يعنى الطلمبه ممكن تبوظ فى وقت سريع جدا جدا لو الزيت نقص .. او لو دخل هوا فى الدوره

فحاول تحل مشكله الاسكاترا بدرى قبل ما تبوظ الطلمبه كمان .. ده يتوقف على التسريب عندك بسيط جدا ام زياده .. و ده حيبان معاك فى مقاس زيت الباور بينقص اد ايه و فى مده اد ايه

يعنى مجرد ربع ساعه و الزيت ناقص ممكن يغير صوت الطلمبه ( حتى لو صلحت الاسكاترا لاحقا .. حيفضل الصوت متغير خلاص ) .. و مع التكرار الطلمبه تبوظ نهائى




قبل اى شيئ حتشوف سعر طقم الاصلاح و سعر الاسكاترا الكامله كام .. و بناء عليه ممكن تقرر ايه الانسب ليك لو فرق السعر كبير

بصفه عامه لاى عربيه .. بيكون فيه طقم اصلاح للسكاترا .. بس ده يتوقف على حاله الاسكاترا نفسها و انهى اولسيلات اللى بتسرب .. و برضه نوع العربيه

و لكن هل طقم الاصلاح موجود ام لا للاسكاترا بتاعتنا .. الله اعلم

هل طقم الاصلاح بيعيش بعد تغيييره عندنا ام لا .. دى خبره العفشجى بالتجربه ( لو كان اشتغل فى 620 قبل كده )

عموما عربيتنا هى ميتسوبيشى ( ما اعرفش الاسكاترا ميتسوبيشى ام لا ) .. لو كانت ميتسوبيشى يبقى اللى اعرفه بالتجربه عن نفسى .. صعب اسكاترا ميتسوبييشى تبوظ و بالتالى اعتقد انها لو باظت ممكن ينفع لها طقم الاصلاح ( مجرد تخمين )

لاحظ موش كل عفشجى بيعمل طقم الاصلاح .. فيه عفشجيه بيكون عنده خبره و شبه متخصص فى كده .. ده هو اللى تأخذ رأيه فى الحل المناسب

[وليد وهبة]

اولا قبل اى شئ اشكر ليك سرعة ردك عليا
ثانيا بقي حقول لحضرتك اللى حصل بالتفصيل مع الاخذ في الاعتبار ان خبرتى في تصليح اى شئ بالسيارة ابسط مما يكون واغلب معلوماتى من حضراتكم
اللى تم معايا انى روحت لمركز اسمه الجمال لانه اكتر مكان كنت بجيب من محله قطع غيار للعربية بتاعتى والعفشجى اللى قالى حنحل الاسكترا وتغيرها كان بردو بيقولى حتجيبها من عنده
المهم انه قالى بعد تجربة العربية ان سعر الاسكترا 2350 غير طقم مساعدين قدام قالى حوالى 800 وانه لما يرفع العربية ممكن يطلع حاجة بسيطة وميكونش مضطر للتغيير
بصراحة مقتنعدتش بيه
روحت لعفشجى تانى وبعد ما جرب وبص على العفشة قالى ان تسريب الزيت مش خطير وانه مجرد ترشيح بسيط وفعلا زي ما حضرتك قلت زيت الباور لم يقل والاسكترا اتحركت حاجة بسيطة من اليمين (مكان الترشيح) وهى محتاجة كوتشتين ولما يفك بكرة حيشوف لو في حاجة في المقصات ولو المساعدين بتوع اللانسر ينفعوها ولا لا
ده كل اللى تم بالتفصيل وانشاء الله بكرة اقولك ايه اللى تم لو مزهقتش منى وبكرر ان خبرتى في العربية مش كبيرة فلو كنت بقول حاجة غلط يبقى انا فاهماها غلط واكون مبسوط لو تصلحولى المعلومة لانى فعلا استفدت كتيييييييبير من خبراتكم
وشكرا

[tasaka]

اولا قبل اى شئ اشكر ليك سرعة ردك عليا
ثانيا بقي حقول لحضرتك اللى حصل بالتفصيل مع الاخذ في الاعتبار ان خبرتى في تصليح اى شئ بالسيارة ابسط مما يكون واغلب معلوماتى من حضراتكم
اللى تم معايا انى روحت لمركز اسمه الجمال لانه اكتر مكان كنت بجيب من محله قطع غيار للعربية بتاعتى والعفشجى اللى قالى حنحل الاسكترا وتغيرها كان بردو بيقولى حتجيبها من عنده
المهم انه قالى بعد تجربة العربية ان سعر الاسكترا 2350 غير طقم مساعدين قدام قالى حوالى 800 وانه لما يرفع العربية ممكن يطلع حاجة بسيطة وميكونش مضطر للتغيير
بصراحة مقتنعدتش بيه
روحت لعفشجى تانى وبعد ما جرب وبص على العفشة قالى ان تسريب الزيت مش خطير وانه مجرد ترشيح بسيط وفعلا زي ما حضرتك قلت زيت الباور لم يقل والاسكترا اتحركت حاجة بسيطة من اليمين (مكان الترشيح) وهى محتاجة كوتشتين ولما يفك بكرة حيشوف لو في حاجة في المقصات ولو المساعدين بتوع اللانسر ينفعوها ولا لا
ده كل اللى تم بالتفصيل وإن شاء الله بكرة اقولك ايه اللى تم لو مزهقتش منى وبكرر ان خبرتى في العربية مش كبيرة فلو كنت بقول حاجة غلط يبقى انا فاهماها غلط واكون مبسوط لو تصلحولى المعلومة لانى فعلا استفدت كتيييييييبير من خبراتكم
وشكرا

اولا .. الجمال النصابين دول اللى كانوا عايزين يشتغلوك .. لا تثق فيهم تانى

ثانيا .. العفشجى الثانى ده شكله امين .. يعنى ممكن تثق فيه شويه

ثالثا .. اتأكد ان الزيت ده بيسرب من السكاترا فعلا .. موش زيت قديم .. يعنى ممكن تغسل الموتور و تراقب او العفشجى ينظف المنطقه دى و تراقبها بدقه





شوف رشح الزيت ده من ايه .. و حركه الاسكاترا جنب الرشح .. يمكن تكون حاجه بسيطه و الاسكاترا سليمه

بس لابد تمنع البوش ( الحركه فى الاسكاترا ) علشان ده فيه خطوره لو البوش كبير

لو الرشح طلع مؤكد و معرفش يصلحه .. يبقى عينك على الزيت بصوره مستمره .. كل يوم او يومين .. لان الرشح حيزيد مع الوقت و يصبح اشد .. و ممكن تتفاجئ ان الزيت نقص منك خلال يوم مثلا او اقل

يعنى الخلاصه لو فيه رشح كبير ( او حتى قليل ) .. لازم تفكر فى الاصلاح .. بس ممكن تؤجله شويه لو الرشح بسيط جدا




فيه عفشجى معروف جدا جدا ( على ما اتذكر اسمه ممدوح ) .. انا لم اتعامل معه حتى الان .. و لكن لو عندى شغل عفشه حاروح له ان شاء الله

هو فى ميدان جميله ابو حريد فى العوايد ( شمال الميدان لو انت ظهرك لفيكتوريا ) .. جنب بتوع المستعمل .. ده من اشهر العفشجيه الموجودين فى اسكندريه و معروف .. و عنده كمان مساعدين استيراد ( كامل بالسوست ) .. هو بيفهم فى الاسبرانزا 620




و فيه المحاسب لقطع غيار اسبرانزا برضه قريب من ميدان العوايد بضاعته كويسه ..
احسن من الحرامى الغشاش ( الجمال ) .. اشتريت منه حاجات طلعت موش مظبوطه 3 مرات

[tasaka]

و نصيحه .. بلاش مصاريف ملهاش لازمه لغايه ما تطمئن ان العربيه تستاهل .. بعد ما تطمئن ابقى اصرف براحتك

و زى ما انت شايف قطع الغيار اصبحت غاليه جدا .. يعنى اعمل اللازم فقط .. لغايه ما تتأكد ان العربيه حتقعد معاك فتره طويله

[وليد وهبة]

اللى حصل انهاردة بعد العفسجى اللى روحت له اشتغل فيها ان اولا الزيت اللى على الاسكترا مش منها فعلا هو في ترشيح بسيط جدا من ماسورة زيت الباور اللى ماشية فوقها بس من فترة وانا مش واخد بالى فهو ده اللى كان عامل الزيت
تانى حاجة جيبت مساعدين قدام عملوا 700 بالظبط
والسبب الرئيسي للموضوع بتاع العومان ده العفشجى بيقول انه عمل لحام في جزء كان مكسور من الاسكترا
الحمد لله الدريكسيون رجع زى الاول المساعدين فوقوا العربية بس بردوا في بوش يمين بسيط
لما انا حاولت اكتشف من ايه على حسب احساسي بالعربية وقفت قدام العربية وهى واقفة وكسرت يمين نص بالظبط لقيت العجلة اليمين بتروح اكتر من الشمال ونفس الكسرة شمال لقيت العجلتين مع بعض
بردو ارجو انك تفيدنى لانى كده رجعت لنقطة انى مش عارف العيب تانى بس المرة دى العيب مختلف
وللمرة التانية لو في معلومة من اللى قلته تم في العربية غلط فانا بقول اللى حصل معايا مش بقول انى فاهم ميكانيكة او تكوين الاسكترا

[tasaka]

اللى حصل انهاردة بعد العفسجى اللى روحت له اشتغل فيها ان اولا الزيت اللى على الاسكترا مش منها فعلا هو في ترشيح بسيط جدا من ماسورة زيت الباور اللى ماشية فوقها بس من فترة وانا مش واخد بالى فهو ده اللى كان عامل الزيت

- يعنى الجمال طلع بيشتغلك .. يعنى كنت حتطلع من عنده دافع 10 الاف مثلا ( لانه حيطلع لك حاجات بعد ما يفك )

- يبقى الدرس المستفاد ابعد عن الجمال فى اى شيئ .. و بالذات فى قطع الغيار الجديده .. و اتعامل مع المحاسب فى العوايد

- الرشح ده ممكن كمان يكون موش من الماسوره و يكون زيت قديم .. اما لو من الماسوره فهل هى ماسوره راجع ( يعنى مفيهاش ضغوط ؟ ) .. لو كده حل الموضوع و موش حيكلف شيئ عند العفشجى ..

- و لازم لازم تأخذ الهوا لو هو عمل شغل فى موضوع التسريب ده لان الهوا فى الدوره ممكن جدا جدا يبوظ طلمبه ( يضعف اداءها و يطلع فيها صوت مستمر بعد كده )

والسبب الرئيسي للموضوع بتاع العومان ده العفشجى بيقول انه عمل لحام في جزء كان مكسور من الاسكترا
الحمد لله الدريكسيون رجع زى الاول المساعدين فوقوا العربية بس بردوا في بوش يمين بسيط
لما انا حاولت اكتشف من ايه على حسب احساسي بالعربية وقفت قدام العربية وهى واقفة وكسرت يمين نص بالظبط لقيت العجلة اليمين بتروح اكتر من الشمال ونفس الكسرة شمال لقيت العجلتين مع بعض
بردو ارجو انك تفيدنى لانى كده رجعت لنقطة انى مش عارف العيب تانى بس المرة دى العيب مختلف
وللمرة التانية لو في معلومة من اللى قلته تم في العربية غلط فانا بقول اللى حصل معايا مش بقول انى فاهم ميكانيكة او تكوين الاسكترا

- موش فاهم فين عمل اللحام .. ارجو التوضيح

- و المفروض ساعتها يكون الفرق موجود سواء كسرت شمال او يمين .. و لو فى الفرق الواضح اللى انت بتتكلم عنه موجود .. يبقى العربيه المفروض حتحدف معاك فى المشى المستقيم و حتصفر فى الملفات

- افهم من العفشجى ليه البوش موجود فى ناحيه واحده فقط ( و اسأل كمان بتاع الزوايا ) .. لان لو فيه بوش فى العلبه المفروض يكون على الجنبين .. و اسأله هل البوش زايد ام معقول و ما يخوفش .. و ايه الحل المقترح عنده

- خلى العفشجى يربط العفشه كامله قبل الزوايا .. و التربيط ده ممكن برضه يحل موضوع البوش .. و يتأكد من ان البوش موش بسبب بيضات او مقصات تالفه



- عموما لو فى فرق بين العجلتين يبقى تظبط زوايا

- اسأل كمان بتاع الزوايا .. هل فى حاجه تالفه بشده فى العفشه و هى اللى سببت البوش ده

- بعد ظبط الزوايا راجع على موضوع البوش ده .. يمكن ينتهى مع ظبط الزوايا ( لو كانت الزوايا ملخبطه بفرق كبير ) .. عموما لازم تشوف موضوع البوش لو كبير

تانى حاجة جيبت مساعدين قدام عملوا 700 بالظبط

عايز اعرف معلومات مستفيضه عن المساعدين ..

جديد ام مستعمل ؟

ابه نوعهم ؟

لو مستعمل .. هل جبتهم كاملين بالسوست ام مساعدين فقط

[وليد وهبة]

هم الماسورتين جنب بعض فانا مش واضح قدامى هو من الراجع ولا لا
العفشجى قالى مش حعرف اعمل فيهم حاجة لان دي شغلة ميكانيكي وانشاء الله حروح لميكانيكى يشوفها
جزئية اخد الهوا دى مش فاهمها اعملها ازاى و لا عند الميكانيكى ولا ايه بالظبط
اللحام كان في الجنب اليمين من الاسكترا على حد قوله وكمان هو بس على البيضات والمقصات وقالى ان حالتهم ممتاز الحمد لله
المساعدين بقي روحت سالت في صلاح الدين على المونرو زي ما عرفت منكم ان احسن حاجة للعربية بتاعتنا للاسف مش فاكر اسم اللى جيبته منهم بس عارف مكانه وقالى اصل المونرو شغل قديم فده سعرهم القديم وبردو لعدم الخبرة وضيق الوقت مقدرتش اعرف اتاكد منهم ازاى وخصوصا انهم من غير علبة او اى كلام عليهم ومن غير سوست
وانشاء الله انهاردة حظبط زوايا واجربها لانها مش بتحدف منى ولا بتصفر في الملفات ويروح البوش
وشكرا على التوضيحات

[tasaka]

هم الماسورتين جنب بعض فانا مش واضح قدامى هو من الراجع ولا لا
العفشجى قالى مش حعرف اعمل فيهم حاجة لان دي شغلة ميكانيكي وإن شاء الله حروح لميكانيكى يشوفها
جزئية اخد الهوا دى مش فاهمها اعملها ازاى و لا عند الميكانيكى ولا ايه بالظبط
اللحام كان في الجنب اليمين من الاسكترا على حد قوله وكمان هو بس على البيضات والمقصات وقالى ان حالتهم ممتاز الحمد لله
المساعدين بقي روحت سالت في صلاح الدين على المونرو زي ما عرفت منكم ان احسن حاجة للعربية بتاعتنا للاسف مش فاكر اسم اللى جيبته منهم بس عارف مكانه وقالى اصل المونرو شغل قديم فده سعرهم القديم وبردو لعدم الخبرة وضيق الوقت مقدرتش اعرف اتاكد منهم ازاى وخصوصا انهم من غير علبة او اى كلام عليهم ومن غير سوست
وإن شاء الله انهاردة حظبط زوايا واجربها لانها مش بتحدف منى ولا بتصفر في الملفات ويروح البوش
وشكرا على التوضيحات

قبل الزوايا .. لازم تربيط العفشه كويس .. لو العفشجى لم يعملها يبقى تربطها عند الميكانيكى و تقوله انك حتظبط زوايا علشان يربطها بضمير

قول لبتاع الزوايا على ملاحظاتك بخصوص البوش اللى ناحيه اليمين بس .. و كمان على اللحام اللى انت عملته و خليه يشوفه لو امكن ..

و خليه يبص على العفشه بصه سريعه .. و اعرف هو تشخيصه ايه



انا معرفش الخرطوم ده هو حيعمل فيه ايه ..

بس اخد الهوا لو حاجه بسيطه .

- بتتأكد ان الزيت بين العلامه الواطيه و العاليه فى خزان الزيت ..

- و بتحرك الدريكسيون يمين و شمال الى اخره .. 5 او 6 مرات كامله .. لغايه عدم ظهور فقاقيع داخل الخزان اثناء التحريك

الاصح و الافضل عند تحريك الدريكسيون يمين و شمال ان العربيه تبقى مرفوعه من الامام للعجلتين الاماميتين .. و تحرك الدريكسيون بدون تدوير الموتور

و الا لو لم يرفع العجلتين حيضطر يدور الموتور علشان يحرك الدريكسيون ( موش الصح .. بس ناس كتير بتعمل كده ) .. موش صح علشان لو فيه هوا كتير يبقى حيمر على الطلمبه بعد ما تدور الموتور قبل ما الهوا كله يخرج

- و بعدين بتزود الزيت للعلامه العليا


كان فيه من اسبوعين فى المنتدى موضوع عن كيفيه اخذ الهوا من لانسر حسب الكتالوج

[tasaka]

كان فيه من اسبوعين فى المنتدى موضوع عن كيفيه اخذ الهوا من لانسر حسب الكتالوج

تغيير زيت الباور لانسر بومه كما تنص الشركه

نفذ فقط جزئيه اخذ الهوا .. لانك موش حتغير الزيت بالكامل

[tasaka]

وقالى اصل المونرو شغل قديم فده سعرهم القديم وبردو لعدم الخبرة وضيق الوقت مقدرتش اعرف اتاكد منهم ازاى

سؤال

المونرو ده مكتوب عليه الموديل ؟؟ .. اسمه ( مونرو ريفلكس ) Reflex

حسب علمى .. المساعدين عندنا غاز + زيت .. ده اكيد للخلفى .. بس اعتقد الامامى كمان لازم يكون زيه على ما اعتقد

[akmm]

بدانا ننام تانى ...................

[ahmed rabei]

السلام عليكم

ازيكم يا شباب.....محتتج نصيحتكم في اول مشكله معايا بعد امتلاك العربيه ب بحوالي شهرين ونصف موديل 2007
دورت الصبح عادي ودارت بسهوله وطلعت وبعد عشر دقايق بدات اسمع صوت خروشه من الناحيه اليمين وبعد دقيقتين العربيه بطلت ادور تاني مدورش شويه ودارت وطلعت والصوت اختفي مع السرعه وظهر تاني مع السلانسيه علي ال d وبدات لمبة الزيت تنور والعربيه طفت ومبدورش كملت علي الحال ده تدور وتمشي ولنبة الزيت تإيد والعرببه تطفي مع السرعه الهاديه لحد مجبتها البيت وطفيت العربيه وفتحت الكبوت واستنيت العربيه تبرد شويه وقست الزيت لقيته تمام قلت ابص علي المياه ملقتش ولا نقطه في القربه استغربت جدا ان العربيه ليه مسخنتش مع ان المؤشر بيوصل للنص والمراوح تشتغل وينزل عن النص وهكذا....المهم مليتها ميه وسيبت الغطا مفتوح ودورت تاني دارت بسهوله قلت سبها شويا لقبت القربه بترطش طفيت وبصيت ملقتش مياه قلت ترطشت واتبخرت ملبت تاني وقفلت كويس ودورت ربع ساعه وطفيت واستنيت وبصيت لقيت الميه زي ماهي قلت تمام وسيبتها وجيت علي بليل لفبت بيها خوالي 10 كيلو كتجربه لقيتها تمام رجعت ركنتها وبصيت علي الميه لقيتها تمام.....تاني يوم الصبح عملت مشوار 50 كيلو سريع من الحلميه لكتوبر كانت تمام وركنت وسيبتها وشويه ونزلت ابص علي القربه لقيت المياه قلت للنص......عايز اعرف1- المياه راحت فين و2-ليه العربيه مسخنتش قبل متقف و3-ليه لمبة الزبت قادت و4-هل صوت الخروشه قبل اافصل ده صوت تخبيط في القربه الفاضيه هل ده زيت ولا ميه قليله عشان العرببه بتسخن في السلانسيه و5-عايز اعرف احتمالية جوان وش السلندر ايه

[tasaka]

ال 620 معروف عنها ان ثرموستات الكوعه بتاعها ممكن يعطل ( يعلق و هو فاتح على طول .. او و هو قافل على طول ) .. لو عطل و علق على المقفول يبقى مفيش ميه حتروح من الرادياتير للموتور هلشان تبرده فتحصل السخونه و الغليان .. اكشف عليه و لو بايظ و بيعلق يبقى غيره بنوع ( اصلى ) .. و لا تلغيه ابدا لان الكل حينصحك انك تلغيه

برضه مشهور ان غطا القربه بيبوظ .. و العربيه تسخن و تنقص ميه .. لو بايظ اعنقد بيشتروا غطا قربه لانوس ( موش القربه كلها )

لو لسه الميه بتنقص باستمرار .. يبقى راجع على جميع خراطيم دوره التبريد و اتأكد ان كل حاجه سليمه

و تتاكد كمان ان المراوح بتشتغل موش عطلانه .. لان برضه كان فيه ناس بتتكلم عن كنترول المراوح ( بس موش متأكد انه عيب مشهور فى ال 620 ام لا )



بعد اضافه الماء لازم تأخد هوا من الدوره بعد ما تملى الميه .. تزود ميه و تدور العربيه و تسيبها دايره لغايه ما المروحه تشتغل ( شغل السخن على اعلى رقم جوه العربيه علشان الهوا اللى فى راديتير المكيف كمان يخرج ) .. و بعدين تشوف الميه نقصت ام مستواها كويس و تزودها ان لزم لغايه العلامه اللى فى نصف القربه .. و بعدين تقفل الغطا .. و بعدين تتابع لعده ايام و تزود النقص ان وجد نتيجه خروج الهواء المحبوس فى الدوره ( المفروض كميات تكون صغيره لان كميه الهوا المتبقيه حتكون قليله فى الدوره )

لو انت كنت مليت القربه بالكامل .. طبعا حتنقص لغايه نصف القربه من الفايظ .. لان ده هو المستوى اللى عنده علامه ال Full للقربه


طبعا غلط جدا انك تمشى على العربيه و هى بتغلى و لمبه الزيت منوره .. يعنى انت كده بتتكلم فى انك ممكن تبوظ الموتور بالكامل

و مينفعش تزود ميه و العربيه لسه سخنه .. يعنى لو الموتور لسه سليم .. انت بالحركه دى ممكن تخليه يجيب وش سلندر .. لازم بعد نقص ميه كبير و غليان تنتظر حتى يبرد الموتور تماما ( ساعتين مثلا ) و بعدين تزود ميه


و لازم طبعا طبعا تشوف موضوع لمبه الزيت .. ممكن يموت سلك فيشه ملمس او حاجه بسيطه .. لكن لازم تحل المشكله دى لان لو طلمبه الزيت هى اللى ضعيفه ممكن تضرب لك موتور .. يعنى لازم تنهى قصه اللمبه دى

[ahmed rabei]

تسلم علي الرد الجميل استاذ tasaka

لكن عايز اوضح حاجات العربيه مسخنتش خالص في الحوار ده والمؤشر معداش النص يمكن عشان كانت بتبطل علي طول بعد مع لمبة الزيت تنورفامبتاخدش فرصه تسخن.....تاتي حاجه المروحتين عندي بيشتغلوا مع بعض اول ما النؤشر يوصل للنص واول ما ينزل عن النص المروحتين برده بيبطلوا مع بعض......السؤال بس ليه لمبة الزيت نورت وليه مبقتش تنور بعد مازودت مياه وايه اعراض جوان وش السلندر غيرنقصان الميه باستمرار (مع سلامة القربه والغطا وخراطيم التبريد) او مياة القربه تطحن

[Yousef Fadl]

يا جماعه الخير انا لسه حديث في ركوب العربيات الصيني واشتريت ٦٢٠ بس محتاجه صيانه في مشكله في حساس الفتيس والعفشه يعني بمعني اصح اللي كان ركبها قبلي مهين شويه , محتاج اعرف قطع الغير سعرها حلو ومتوافره ولا هتعب وفين ممكن اعثر علي قطع الغيار في منطقه القاهره والجيزه وشكرا