سبيرانزا m11 مش هتقدر تغمض عنيك

[smsm2020]

عايز نصايح رجالة الـ m11 الوحوش
أعمل اية وأخد بالى من ايه وانا بستلم العربيه من المعرض
وأيه الأوراق اللى المفروض اخدها من المعرض
ولكم منى جزيل الشكر
وسلام مخصوص لـ hema علشان هو اللى خلانى اقتنع بالعربيه ديه

تحياتى

[hima77]

الف مبروك مقدما ... ربنا يباركلك فيها ويكفيك شرها... متابع

[smsm2020]

انا متشكر جداً يا hima باشا وانا انشاءالله هاروح احجزها الأسبوع ده بس مش عارف هيسلموهالى امتى
من عند سمير ريان بأذن الله بس عايز نصايحك
وعايزك كمان تقولى احلى الوانها علشان انا محتار فى اللون

[hima77]

على فكرة انا هيما تانى حاجزها بردو ... هيما اللي معاه الـ M 11 مستنين دخوله علشان نسمع النصيحة .. Hema 82

[katoba]

انا كمان مستنى هيما ياجماعه معاكم .. لانى ناوى اشتريها الشهر الجاى باذن الله على ماخلص رخصتى بس.. ومحتاج اعرف المعاينة ازاى واخد بالى من كل كبيرة وصغيرة

[hima77]

انا رأي ان احلي الوان في m11
أسود
فيرانى
نبيتى

[emad7759]

انا هقول ليكم نصيحه هتزعلكم او هتفرحكم مش عارف

المهم

اولا احب اهرفكم ان الm11 الجديده وده من شهر خمسه

2010 تم تخفيف وزن العربيه حوالى 200 كيلو جرام

العربيه اصبح بها مشاكل اكثر من الاول

العربيه ليس ليها قطع غيار لافى التوكيل ولا بره

العربيه الى الان فيها مشاكل معنا ولم توحل الى الان

ونصيحه اخيره اللى يتوكل على الله ويشتريها

ميرخصى العربيه على طول يصبر شويه

لانى من عشره ايام كنت فى التوكيل الرئيسى

اللى فى ابو رواش وجه واحد لسه مستلم العربيه

ولم يتم ترخيصها وكان فيها صوت فى الجانب اليمين

كان واحد ماسك مرزبه ونازل تخبيط

وطبعا الراجل دخل التوكيل علاشان يشوف فيها ايه

المهم الراجل خد بعضه وراح يرجع العربيه ومش عارف عمل

ايه فياريت الكل يجرب العربيه ويشوفها كويس

اولا راجع فرق الطابلوه مع الزجاج

ثانيا راجع على الحزمه لتكون خلفه الفتحه بتاعتها

زى مكان عندى

وفى المشى شوف الزجاج فيه صوت رجه ولا لاء

وفى المشى باليل شوف الزجاج الامامى لان اغلب الزجاج

فى العربيات الجديده بيدى رجه غبيه زى موج البحر كده

وجرب الحساست المطر والنور

وشوف الكوتش تاريخ التصنيع سنه كام وشهر كام

لان فيه ناس استلمت العربيه وبعد شهر غيرت كوتش

لانه شقق لحاله

شوف العربيه من وره الكوتش عدل ولا فاتح

يعنى هتجد الفرد الخلفيه وخاصه الفرده الشمال

هتجدها قالبه لجوة دخله من فوق وخارجه من تحت

ونصيحه اخيره ياريت اللى لم يتم حجز العربيه

او يقدر ياخد فلوسه يرجع فى كلامه ويبعد عنها

لانها عربيه فشلت فشل ظريع فى مصر
واللى يريد يركبها يركبها من الصين نفسها

وليست تقفيل بابا ابو الفتوح

لله مابلغت لله ما اشهد

واسف على الاطاله

اه نسيت اهم حاجه جميع m11 حاليا كلها فيها مشاكل

انها بتشرخ قربه المياه الخاصه بمياه الايداتير

فيرت كل اللى معاه العربيه يحرص انه يكشف على طول

عليها وهى بتشرخ من تحت فيشه الحساس على طول

وشكرا ليكم

[samehsalem]

استاذ عماد مع احترامي لكلام حضرتك انا معنديش المشاكل اللي بتتكلم عليها دي كلها....غيرت الدينامو وده علي الضمان والقربة كمان علي الضمان ومكنة ازاز خلفي شمال هتتغير عالضمان لكن غير كدة العربية تمام تمام تمام وربنا شاهد علي كلامي انا كنت شاري من ابو غالي وتقريبا ابو غالي عنده ناس بتفحص العربيات اللي بيخدوها من ابو الفتوح عشان كدة مستحيل تلاقي واحد شاري من ابو غالي وعنده مشاكل في العربية بالطريقة الجامدة دي وربنا شاهد علي كلامي ....انا معاك ان العربية فيها عيوب تقفيل كتير وده راجع لقلة ضمير المصريين اللي جمعوها وخلو سمعتها في الارض بس ده بسبب قلة الضمير لا غير لكن كلها عيوب سهل تتصلح سواء في التوكيل او برة بس هما عاوزين وش خشب شوية عشان يعملوا اللي انت عاوزه وربنا يهدي الجميع للي في الخير ليهم يارب

[mohser]

ربنا يباركله اللى هيشتريها... انا جبتها من شهرين كده,., الحمدلله العربية زى الفل و تمام.. هو بس انا ما حاقظتش شوية و جه كحول على الطابلوهمن جنب الفتيس مع الشمس فقشر شوية افتكر دة عيب فى الخامة و لا ايه انا ما عرفش.. بس العلربية سواقتها فخمة و ثابتة.. الله يحفظها و أى استغسار انا موجود فى حدود علمى و على فكرة ما فيش الكلام اللى فى الزجاج دة و لا الفردة

[hima77]

مع كل الاحترام للاستاذ / عماد وربنا يعوضه خير عن المشاكل اللي في عربيتة ... بس العربية مع اتنين زمايلي في الشغل
الاولي : عاملة 24000 كم تقريبا كل اللي حصل فيها " الدينامو " فصل بعد 14000 كم وكان فيه صوت زنة جاي من الشنطة واتحلوا في التوكيل
الثانية : عامله 9500 كم تقريبا وماشاء الله .. الله اكبر .. زي الفل صوت رجرجة من المساعد اليمين الخلفي اتعمل في صيانة الـ5000 ومن ساعتها العربية ما شاء الله عليها

ومن متابعتى للعربية لاكثر من سنة علي أرض الواقع هو اللي شجعنى ان اجيبها

[smsm2020]

يا جماعة انا بقالى 6 شهور بسأل على العربيه ديه ومتابعها جداً والله مافى حد غير ماشكرلى فيها
بس فيها بعض العيوب زى اى عربيه تانيه وانا توكلت على الله وروحت حجزتها وعلى فكرة انا لو كنت سمعت من حد انها عربيه مش قد كدة
ماكنتش رميت فلوسى فى الأرض وطبيعى جداً ان اى حاجه فى الدنيا فى أختلاف عليها وعايز اعرف فين hemaa 82 مش سائل فينا ليه ولا تقلان علينا ماشى ياعم احنا برضو زى أخواتك .
تحياتى لكل الأعضاء المحترمين

[emad7759]

استاذ عماد مع احترامي لكلام حضرتك انا معنديش المشاكل اللي بتتكلم عليها دي كلها....غيرت الدينامو وده علي الضمان والقربة كمان علي الضمان ومكنة ازاز خلفي شمال هتتغير عالضمان لكن غير كدة العربية تمام تمام تمام وربنا شاهد علي كلامي انا كنت شاري من ابو غالي وتقريبا ابو غالي عنده ناس بتفحص العربيات اللي بيخدوها من ابو الفتوح عشان كدة مستحيل تلاقي واحد شاري من ابو غالي وعنده مشاكل في العربية بالطريقة الجامدة دي وربنا شاهد علي كلامي ....انا معاك ان العربية فيها عيوب تقفيل كتير وده راجع لقلة ضمير المصريين اللي جمعوها وخلو سمعتها في الارض بس ده بسبب قلة الضمير لا غير لكن كلها عيوب سهل تتصلح سواء في التوكيل او برة بس هما عاوزين وش خشب شوية عشان يعملوا اللي انت عاوزه وربنا يهدي الجميع للي في الخير ليهم يارب

ياخى الكريم امنا هنا فى المنتدا ده لكى نفيد بعضنا البعض

وانا لما بقول شىء لانى بمعدل كل عشرين يوم فى التوكيل

وانا مغب الحجات دى على حساب الضمان وانا لم اتفع اى مليم ليهم

غير فلوس الصيانه الدوريه للعربيه

وبعدين الاخ هيما عنده مشاكل برده فى عربيته يعنى عنده وصله شكمان وطنابير وكل ده مش موجود

ولله وعلم تم تغيرهم ليه ولا لسه

وبعدين ياخى الفاضل ابو غالى بطل الشغل فى الاسبيرانز خالص

لاصيانه ولا بيع وبطل التعامل فى هذه العربيات خالص

وبعدين هيما احنا عملنا كام مقابله وهو لم يحضر

فى المرتين الاولنين لانه كان عنده ظروف اترطه انه لم يحضر

وفى المقابله الاخيره فى ابو رواش رفض الحضور بحجه انه مش عاجبعه ابو رواش وبعد كده اكتشفنا منه هو انه شغال فى شركه فى ابو رواش

ولو اى حد مش مسدق اللى انا بقوله حددو مقابله للى معاه العربيه

والمياه تكدب الغطاص

وانا بقول نصيحه سيحاسبنى ربنا عليها

وربنا يبارك لكل اللى معاه العربيه

مع كل الاحترام للاستاذ / عماد وربنا يعوضه خير عن المشاكل اللي في عربيتة ... بس العربية مع اتنين زمايلي في الشغل
الاولي : عاملة 24000 كم تقريبا كل اللي حصل فيها " الدينامو " فصل بعد 14000 كم وكان فيه صوت زنة جاي من الشنطة واتحلوا في التوكيل
الثانية : عامله 9500 كم تقريبا وماشاء الله .. الله اكبر .. زي الفل صوت رجرجة من المساعد اليمين الخلفي اتعمل في صيانة الـ5000 ومن ساعتها العربية ما شاء الله عليها

ومن متابعتى للعربية لاكثر من سنة علي أرض الواقع هو اللي شجعنى ان اجيبها

ياخى الكريم لو انتا مش مصدقنى نعمل مقابله واصحابك يجو المقابله بعربيتهم ونشوف والمياه تكدب الغطاص

وكلمه اخيره ياريت هيما هوة اللى يحدد المقابله الميعاد

والمكان ونتقابل على خير ونشوف العربيات على الطبيعه

وطبعا الكلام ده ميزعلشى حد

وشكرا ليكم

[smsm2020]

يا باشا كل عربيه ليها مميزتها وليها عيوبها وبعدين اى عربيه على حسب أستعمال صاحبها ممكن يهنها وممكن يصونها بس المهم تكون محافظ عليها وربنا يدينا الخير كله انشاء الله
وشكراً على أهتمامك انك تبينلى عيوب العربيه بس مش معقوله مايكونش ليها اى مميزات
يا راجل ده الناس مختلفه على السيراتو ومقطعين بعض بكلام مايصحش يتقال مابين ناس محترمه

[hima77]

يا استاذى الفاضل انا مش بكدب حضرتك ... كل مافى الامر ان حكمى على العربية بنيته من خلال متابعة ومعايشة لعربيتين امام عيني 5 ايام في الاسبوع ومتابع كل المشاكل اللي ظهرت فيهم وبالامانة المشاكل انحصرت في العربيتين علي اللي قولته قبل كدا
وربنا يهدينا جميعا للخير ويوفق كل واحد في الاختيار السليم

[egypt0777]

نصيحه ليك ولاى حد مقدم على المغامرة ده

خد معاك واحد سمكرى --- و ميكانيكى --- وكهربائى

وياريت ترفعها فى بنزينة

غير كده اوعى تشترى العربية