إعـــــــلان

Collapse

.

,
See more
See less

سبيرانزا m11 مش هتقدر تغمض عنيك

Collapse
X
 
  • Filter
  • الوقت
  • Show
Clear All
new posts

  • #16
    استاذ عماد انا طبعا مش بكدب حضرتك انا بس بحكي اللي عندي في عربيتي وانا علي استعداد لو حصلت مقابلة اكون موجود فيها انشاء الله معنديش اي مانع ولو لينا حق انا اول واحد هتكلم عنه انا منكرتش ان العربية فيها مشاكل وقلت انها فيها عيوب تقفيل كتير بس دي كلها حاجات بتتصلح ونزلها قطع غيار برة التوكيل كتير الفترة دي واسعارها كويسة جدا جدا مقارنة بالتوكيل غير كدة العربية سعرها يعتبر كويس جدا جدا جدا علي اللي فيها وانا شايف انها لو كانوا راعو ربنا فيها وفي تقفيلها كان سعرها يكون اغلي من كدة بكتير بس هما ضميرهم كان نايم شوية واخيرا ربنا يعينك وانشاء الله عربيتك تتظبط وتبقي احسن عربية بأذن الله

    Comment


    • #17
      انا معايا العربيه وعامل حوالي 33000 بقالها معايا حوالي 8 شهور يعني انا فاحتها شغل العربيه مفيهاش اي حاجه من اللي بيتقال عليها بالعكس جدا ثابته جدا قويه عفشتها جميله محصلش اي مشكله كبيره بالعكس انا مره كنت حتثبت بالعربيه وهربت منهم ولبست حوالي اكتر من عشر مطبات على 120 والعربيه الحمدلله ثابته كما هي مفيش غير شوية تربيط عفشه وبس المشكله اللي عندي صوت تزييق ورا يمين من ساعة مشتريتها وقالو ليا لما اغير فرشها حيروح وقالو اروح للتوكيل في المنصوره بس لأنشغالي الدائم لسه مرحتش وغير كده مفيش اي حاجه بالعكس هي اه ممكن حاجه تانيه بس مش عيب هي بتتأثر جداااا بالبنزين يعني لو حاطط من بنزينه وحشه حتلاقي السحب فرق كتير اووووووووووووووووي عن اي بنزينه العربيه برضو سحبها معقول لو عايز تجري مع اي حد احرق على الغيار جامد انا علمت على سيراتو وبوما كتيييييييييييير وعربيات تانيه بس كله على حساب البنزين طبعااااااااااا
      وربنا يوفق اي حد في اختياره بس بجد العربيه دي بعد فتره حتحس انها احسن انا العربيه معايا دلوقتي احسن من الأول صحيح معظم مشاكلي مع العربيه وهي واقفه الزجاج الخلفي جاله سرطان واحد خبطهالي وهي واقفه وانا راكن عربيه بحمار حك الرفرف حاجات تشل كده بس الحمدلله
      لكن الشهاده لله العربيه بجد تحفه عاليه انيقه ثابته قويه وبعدين دي عامل بيها 33000 يعني مش لسه شاريها ولا حصل مشاكل دينامو ولا قربة ميه ولا زجاج بيرعش ولا الحاجات الغريبه دي وليا صحاب معاهم العربيه وبكلم الناس في التوكيل مسمعتش الموضوع ده اصلااااااااااااااااااااا

      Comment


      • #18
        وكنت عايز اسأل حضرتك يا استاذ عماد صاحبك اللي كان عنده زنه في الشنطه اتحلت في اي توكيل فيهم واتحلت ازاي ياريت تسأله ليا لأن الموضوع ده عندي ورحت الصحراوي عملوها ورجعت تاني وقال ليا عيسى هنا اروح المنصوره الفرع الرئيسي بس عشان شغلي مرحتش لسه بس كويس انها راحت عند صاحبك ياريت اسألهولي وترد عليا ومتشكر جدا لحضترك
        على فكره حضرتك برده اللي كنت السبب اني اشتري العربيه دي من 8 شهور وبشكرك على انك عملت كده ولو رجع بيا الزمن حختارها هي برضو

        Comment


        • #19
          ربنا يباركلك فيها ويديك خيرها ويكفيك شرها ياباشا والاخ عماد ربنا يبعد عنه كل شر فى العربية ويباركله فيها هو كمان .. وبجد انا بنبسط اوى طول مافى نقاش وجدل واختلاف لان دة بيخليك تعرف عيوبها ومميزاتها فى نفس الوقت والحمدلله ان العيوب مقدور عليها وان فية معاينه بتتيح لاى جد فرصة ان يبص على تقفيلها ومشاكلها المنتشرة قبل مايشترى . حتى على الاقل ياخد بالاسباب ولو حصلها حاجة بعد كدة يبقى نصيبة كدة ويحاول يدور على طريقة يعالج بيها المشاكل الى عندة ياكدة يايبيعها ويريح دماغه ويشوف غيرها .. كنت عاوز اسال لو فية فرع رئيسيى فى طنطا او لاء ولو فية فين ؟؟ وكمان فرع المنصورة عاوز اعرف مكانه بردة من فضلكم ..

          Comment


          • #20
            المشاركة الأصلية كتبت بواسطة smsm2020 مشاهدة المشاركة
            عايز نصايح رجالة الـ m11 الوحوش
            أعمل اية وأخد بالى من ايه وانا بستلم العربيه من المعرض
            وأيه الأوراق اللى المفروض اخدها من المعرض
            ولكم منى جزيل الشكر
            وسلام مخصوص لـ hema علشان هو اللى خلانى اقتنع بالعربيه ديه

            تحياتى
            شكرا جزيلا .... هتلاقي شرح مفصل لكل حاجة بالاسعار في التقييم اللي انا عامله و ان شاء الله يكون مفيد لك

            المشاركة الأصلية كتبت بواسطة hima77 مشاهدة المشاركة
            على فكرة انا هيما تانى حاجزها بردو ... هيما اللي معاه الـ M 11 مستنين دخوله علشان نسمع النصيحة .. Hema 82
            انا اقل كتير من اني انصح ... انا بقول رأي بس و ربنا ان شاء الله يهدي الجميع لخيرهم

            المشاركة الأصلية كتبت بواسطة katoba مشاهدة المشاركة
            انا كمان مستنى هيما ياجماعه معاكم .. لانى ناوى اشتريها الشهر الجاى باذن الله على ماخلص رخصتى بس.. ومحتاج اعرف المعاينة ازاى واخد بالى من كل كبيرة وصغيرة
            بجد يا اخوانا اخجلتم تواضعي .... انا اقل كتير جدا من المركز اللي انتوا حتطوني فيه

            المشاركة الأصلية كتبت بواسطة hima77 مشاهدة المشاركة
            انا رأي ان احلي الوان في m11
            أسود
            فيرانى
            نبيتى
            نبيتيييييي تحفة ..... مع ان معايا فيراني فاتح ..... انما لو زيي مبتنضفش العربية يبقي الفيراني الفاتح مش هيبين التراب زي اي لون تاني .... انما النبيتي مع الفرش البيج + النضافة لا يعلي عليهم

            طبعا الاسود لا خلاف عليه انما ابقي ركب خزان ميه ترش منه عليها و هيه ماشية علشان التراب بالاضافة ان الاسود بيسخن العربية اكتر ما البلد بقت ملهلبة اساسا



            المشاركة الأصلية كتبت بواسطة smsm2020 مشاهدة المشاركة
            يا جماعة انا بقالى 6 شهور بسأل على العربيه ديه ومتابعها جداً والله مافى حد غير ماشكرلى فيها
            بس فيها بعض العيوب زى اى عربيه تانيه وانا توكلت على الله وروحت حجزتها وعلى فكرة انا لو كنت سمعت من حد انها عربيه مش قد كدة
            ماكنتش رميت فلوسى فى الأرض وطبيعى جداً ان اى حاجه فى الدنيا فى أختلاف عليها وعايز اعرف فين hemaa 82 مش سائل فينا ليه ولا تقلان علينا ماشى ياعم احنا برضو زى أخواتك .
            تحياتى لكل الأعضاء المحترمين
            والله ولا تقل ولا حاجة ده انا اقل من ان يبقي ليا تقل-الا وزنا طبعا - بس مسحول سحلة الديناصورات في الشغل

            المشاركة الأصلية كتبت بواسطة emad7759 مشاهدة المشاركة
            ياخى الكريم امنا هنا فى المنتدا ده لكى نفيد بعضنا البعض

            وانا لما بقول شىء لانى بمعدل كل عشرين يوم فى التوكيل

            وانا مغب الحجات دى على حساب الضمان وانا لم اتفع اى مليم ليهم

            غير فلوس الصيانه الدوريه للعربيه

            وبعدين الاخ هيما عنده مشاكل برده فى عربيته يعنى عنده وصله شكمان وطنابير وكل ده مش موجود

            ولله وعلم تم تغيرهم ليه ولا لسه

            وبعدين ياخى الفاضل ابو غالى بطل الشغل فى الاسبيرانز خالص

            لاصيانه ولا بيع وبطل التعامل فى هذه العربيات خالص

            وبعدين هيما احنا عملنا كام مقابله وهو لم يحضر

            فى المرتين الاولنين لانه كان عنده ظروف اترطه انه لم يحضر

            وفى المقابله الاخيره فى ابو رواش رفض الحضور بحجه انه مش عاجبعه ابو رواش وبعد كده اكتشفنا منه هو انه شغال فى شركه فى ابو رواش

            ولو اى حد مش مسدق اللى انا بقوله حددو مقابله للى معاه العربيه

            والمياه تكدب الغطاص

            وانا بقول نصيحه سيحاسبنى ربنا عليها

            وربنا يبارك لكل اللى معاه العربيه



            ياخى الكريم لو انتا مش مصدقنى نعمل مقابله واصحابك يجو المقابله بعربيتهم ونشوف والمياه تكدب الغطاص

            وكلمه اخيره ياريت هيما هوة اللى يحدد المقابله الميعاد

            والمكان ونتقابل على خير ونشوف العربيات على الطبيعه

            وطبعا الكلام ده ميزعلشى حد

            وشكرا ليكم


            يا مولانا والله ما شغال في ابو رواش :) انا شغال في TEdata في الدقي ....الا لو الدقي شالوها و حطوها في ابو رواش .... كل اللي عمل معاك خلط ان انا اضريت اروح اجرد مخزن الIT بتاعي في ابو رواش مرة من سنة ... و من ساعتها و انت ماسكهالي زلة مش عارف ليه :)

            علي العموم انا مغير طنابيري في ابو غالي بعد ما اتوافق عليها باسبوع مش اكتر
            و الشكمان و القربة اتغيروا بعد دخول شحنات قطع الغيار المحجوزة في المينا في يناير 2011 و لله الحمد معنديش اي حاجة عايزة تتغير اللهم الا الكصدام الامامي و ده مش هغيره غير اخر السنة علي التأمين بقي و يحيينا و يحييك ربنا

            اما بالنسبة للاجتماع ....فأكيد لو ظروفي مش هتسمح مش هاجي حتي لو كان الاجتماع هيوزعوا فيه عربيات ببلاش ... و برضه زي ما قلت وقتها كل واحد ادري بظروفه... وبرضه لما احتاجني د/ احمد اجيبله لمبة للرمش الامامي قابلته تحت الشركة عندي و جبتهالوا ... علشان ظروفي سمحت ..... و مينفعش حد يكون وصي علي حد ... انا الخسران بعدم تعرفي علي السادة الافاضل اللي حضروا المقابلة ... انما لو كنت رحت كنت هخسر حاجات شخصية بالنسبة لشخصي الضعيف اهم من مليون عربية ... .فهمتني يا سيد الناس؟؟؟؟؟....ثم اني اتحجج ليه ؟؟؟؟ هوا انت في ايديك حاجة هتعاقبني بيها فلازم اتحجج قدامك ؟؟؟؟؟ ميتهايأليش ....
            و بالنسبة للمية و الغطاس .... انا بعرف اعوم بس علي قدي فبلاش المية تكون غويطة قوي بدل ما اغرق منك و تلبس مصيبة و انا محبلكش غير الخير يا ابو عمده ..... ده احنا في الحوار ده من اكتر من سنة :]


            ربنا يكرمك و ايانا و الجميع بالخير و بما يرضيه
            [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

            Comment


            • #21
              والله ياهيما دة كلام جميل واكثر من رائع وانا شخصيا مصدقك جدا واتمنى تكون الصورة وصلت للاستاذ عماد كمان لاننا فى الاول والاخر ياجماعه اخوات ومش عاوزين غير الخير لبعض واحنا هنا فى المنتدى دة بنتعلم كلنا وكل واحد بيسال على حاجة معينه تخصه ومعتقدش ان حد هيتحيز لعربية لمجرد التحيز او حتى فرضا لو شغال فى مكان له مصلحة انه ينشر العربية ويعملها دعاية فية لان فيه ناس كتيرة اوى فى المنتدى جابوا الام 11 وبيتناقشوا مع بعض ولو حد بيتحيز لواحدة هيبان وهنكشفه بسهوله .. لكن فية اتفاق من معظم الناس على العيوب والمميزات .. وربنا يديم المعروف ونفيد بعض دايما وييسر الحال لاى حد عندة مشكله فى عربيته ويحلهاله من عنده .. امين يارب

              Comment


              • #22
                يا مولانا والله ما شغال في ابو رواش :) انا شغال في TEdata في الدقي ....الا لو الدقي شالوها و حطوها في ابو رواش .... كل اللي عمل معاك خلط ان انا اضريت اروح اجرد مخزن الIT بتاعي في ابو رواش مرة من سنة ... و من ساعتها و انت ماسكهالي زلة مش عارف ليه :)

                علي العموم انا مغير طنابيري في ابو غالي بعد ما اتوافق عليها باسبوع مش اكتر
                و الشكمان و القربة اتغيروا بعد دخول شحنات قطع الغيار المحجوزة في المينا في يناير 2011 و لله الحمد معنديش اي حاجة عايزة تتغير اللهم الا الكصدام الامامي و ده مش هغيره غير اخر السنة علي التأمين بقي و يحيينا و يحييك ربنا

                اما بالنسبة للاجتماع ....فأكيد لو ظروفي مش هتسمح مش هاجي حتي لو كان الاجتماع هيوزعوا فيه عربيات ببلاش ... و برضه زي ما قلت وقتها كل واحد ادري بظروفه... وبرضه لما احتاجني د/ احمد اجيبله لمبة للرمش الامامي قابلته تحت الشركة عندي و جبتهالوا ... علشان ظروفي سمحت ..... و مينفعش حد يكون وصي علي حد ... انا الخسران بعدم تعرفي علي السادة الافاضل اللي حضروا المقابلة ... انما لو كنت رحت كنت هخسر حاجات شخصية بالنسبة لشخصي الضعيف اهم من مليون عربية ... .فهمتني يا سيد الناس؟؟؟؟؟....ثم اني اتحجج ليه ؟؟؟؟ هوا انت في ايديك حاجة هتعاقبني بيها فلازم اتحجج قدامك ؟؟؟؟؟ ميتهايأليش ....
                و بالنسبة للمية و الغطاس .... انا بعرف اعوم بس علي قدي فبلاش المية تكون غويطة قوي بدل ما اغرق منك و تلبس مصيبة و انا محبلكش غير الخير يا ابو عمده ..... ده احنا في الحوار ده من اكتر من سنة :]


                ربنا يكرمك و ايانا و الجميع بالخير و بما يرضيه[/QUOTE]

                ياحبيب قلبى انا بقول انتا شوف الوقت اللى يسمح ليك وعلى هذا الاساس نظم المقابله

                مش احنا اللى هنظمها انتا نظمها لينا ونتقابل

                وفيه حاجه تانيه تقدر تقول ليا ابوغالى بطل

                الشغل فى الاسبيرانزا ليه

                تانى حاجه الوصله الشكمان دى كان المفروض

                تتغير عندك من امتا وركبت عندك بعد كام شهر

                وبعدين احنا بقلنا متهيئلى اكثر من سنه فى الموضوع ده

                وللمره المليون انا بقول ليك ولكل اللى معاه العربيه

                رتبه ميعاد للمقابله حتى نفيد بعضنا

                ولا انتا مش عيزنا نتعرف بيك

                وانتا طبعا ادرا بزروفك وعلاشان كده بقول ليك

                رتب انتا المكان والزمان وانتا عارف انى بزعل جدا لما تقول ان فيه حاجه هتتغير عنك

                ويارب تظل عربيتك تمام التمام ويبعد عنك العين

                يارب ولله ليك وحشه ووحشنى النقاش بنا

                وفى النهايه عايز اقول ليك لازم ولابد من عمل

                المقابله ياحبيب قلبى لان العربيه فى النسخ

                الجديده تم تخفيف وزن السياره

                تم زياده المنتج الزباله اللى ابو الفتوح بيحطه فى

                العربيه وتم الغاء حجات من العربيه

                يعنى النسخ الاولى بتعتنا على قد المشاكل

                اللى مختلفه من واحد اللى اخر احسن من الجديده

                وفى النهايه احنا فى الاول ولاخر اخوات

                ويارب يدوم المعروف بنا

                ونتقابل على خير فى المقابله اللى انتا هتنزمها

                ان شاء لله
                [SIGPIC][/SIGPIC]

                Comment


                • #23
                  السلام عليكم
                  انا اشتريت العربية فى 12/2011
                  m11 2011
                  وانا عامل بيها دلوقتى حوالى 15000
                  ومرحتش التوكيل غير فى صيانة الالف وغيرت بعد كده الزيت والفلتر بره
                  والعربية الحمد لله بسم الله ماشاء الله مفيش اي مشكلة فيها
                  ةاتخبطتت منى فسألت على الكصدام الخلفى والفانوس الخلفى يمين
                  ولاقيت فى محلات كتير بتبيع قطع الغيار ومتوفرة جدآ
                  والحمد لله
                  بس السؤال انا لما اغير الزيت برة كده انا طلعت من الضمان
                  [U][I][B][FONT="Arial Narrow"]اخوكم : ابو يوسف و كنزي[/FONT][/B][/I][/U] :ma(36):
                  [CENTER][url=http://www.postimage.org/image.php?v=Pq35bB7J][img]http://www.postimage.org/Pq35bB7J.jpg[/img][/url][/CENTER]

                  Comment

                  Working...
                  X