محتاج رايكم بخصوص شراء الاسبيرانزا

[aelgebaly]

السلام عليكم

رحت اتعاقدت على شراء اسبيرانزا بالتقسيط من معرض الفادى بمدينة نصر من خلال بنك باركليز واخدت خلاص موافقة البنك والمفروض ان انا اروح استلم عايز اعرف ايه الاجراءات بالضبط عند الاستلام واعمل اتشك على ايه بالضبط وانا باستلم وعايز اخد رايكم فى حاجة كمان المعرض حاسب العربية ب 69000 وقالى لما تيجى تدفع المقدم وتستلم حيحاول يخليه 68500 وقالى ان التامين مع الجمعية التعاونية ب 2.5 % وانا شايف ان ده كتير مقارنة بعرض المنتدى بالاضافة ان انا حاسس ان سعر العربية ممكن يقل عن كده لانى بدات افكر ان انا حاشتريها ب 4000 جنيه زيادة عن ثمنها ده غير فوائد التقسيط فهل العربية تستاهل الزيادة دى كلها ولا الواحد يفكر فى افيو او ماتركس ويزود حبة المقدم ولو حد يعرف معرض بيتعامل مع باركليز ويبعيها بسعر اقل انا ممكن انقل الموافقة للمعرض ده

يا ريت تسعادونى لان انا محتار اوى اخد القرار

[sh_masry]

يا ريت تقراء كل ما على هذه السياره فى المنتدى و بعدين انت تحدد .......
عموما فى رأيى انا ان دفع فلوس ايا ان كانت قيمتها فى سياره صينيه الصنع و مصريه التجميع يبقى حرام و الأفضل شراء سياره معروفه للجميع و معروف ما بها و ما عليها بدلا من مغامره غير محسوبه العواقب فى مثل هذه السياره و كفايه العيوب الكثيره التى بها و التى لا تشجع اى شخص فى التفكير فيها ....
و انا بالطبع مع الماتريكس اولا ثم الأقيو .....ثم اى سياره فى نفس الفئه السعريه بعيدا عن هذه المسماه بألأسبرانزا
تعليق صغير من عندى ( روح ياعم ده انت ربنا بيحبك انك هاتخلع من العربيه دى ههههههههه )

a7'ook
Sherif

[ehabbadr]

يا ريت تقراء كل ما على هذه السياره فى المنتدى و بعدين انت تحدد .......

انا مع شريف فى الجزء السابق جدا لأننا مش حنعيد كل يوم القصه دى شويه مجهود من سيادتك للمراجعه و خلى بالك شريف ده العضو المندب فى شركه هيونداى و احنا عارفينه كويس من زمان

[TAREKSHEIR]

لو فكرت فى كام هتدفع مش هتشترى حاجه خالص .
خلًص من غير ماتفكر هتدفع كام لأنه على 7 سنين مش هتحس .
ولعلمك أى عربيه زيرو حلوه .
مبروك علسك إن شاء الله .

[Abonora]

بصراحة حرام تدفع جنية واحد زيادة عن تمنها الاصلى --يعنى لو ح تاخدها ب 64 الف -يبقى مبروك عليك اكتر من كدة لا انصحك --خاصا ان كل مالكى السيارة ورغم ارتياحهم لها الا انة هناك بعض المخاوف خاصا ان اقتناء هذة السيارة وبحكم انها جديدة على السوق المصرى بها بالكثير من المغامرة-لو ح تدفع اكثر من ثمنها الاصلى يبقى تجيب حاجة نسبة المخاطرة فيها اقل-

[aelgebaly]

الاخوة الافاضل شريف وايهاب شاكر لاهتمامكم وردكم وانا فعلاً قرايت كل المكتوب فى المنتدى بس محتاج طيب اعرف رايكم فى السعر بتاع الاسبيرانزا هل ممكن يبقى فى حاجة احسن ولا كده معقول ونقطة تانية ايه اللى اتشك عليه وانا باستلم العربية

[TAREKSHEIR]

كل عربيه من البنك هتزود على ثمنها نفس القيمة .
طاوعنى لو عملت محاسب مش هتشترى حاجة . إوعى تتردد .

[sh_masry]

محتاج طيب اعرف رايكم فى السعر بتاع الاسبيرانزا هل ممكن يبقى فى حاجة احسن

بص يا باشا مع احترامى لكل الأخوه انا شايف ان 64 الف كتير على العربيه اساسا ..... و لكن فى نفس رينج السعر ممكن تلاقى الفيرنا ..... الأفيو بس هاتزود طبعا و الماتريكس
اما بخصوص شراء اسبرانزا و قسط كمان فده مش مقبول خالص .....ليه ؟؟؟
- علشان القسط هايبقى فى حدود 5 سنوات ..... تفتكر انت العمر الأفتراضى قد ايه للعربيه دى ؟؟ ماحدش يقدر يجاوب عليك دلوقتى خالص ..... مع انى فى اعتقادى انه مش هايزيد عن 3 سنوات و من قبل ما يخلصوا هاتواجهه مشاكل للعيوب اللى فيها طبعا ...... يبقى هاتكون راكب عربيه عيوبها كتير و سريعه الأعطال و انت لسه بتدفع اقساط ....و اعتقد مش هاتبقى مبسوط.

- هاتجبلك كام لو فكرت تبيع بعد ماتخلص الأقساط ؟؟ و طبعا هاتكون واقفه عليك فوق ال 77 الف جنيه و ده يبقى حرام .
و برده فى رأيى انا انها ساعتها مش هاتجبلك فوق حاجه و اربعين (ده لو لسه موجوده فى السوق)...... يبقى انت خسرت فيها كتير جدا جدا

- من وجهه نظرى برده ... غير مستحب انى ابقى راكب عربيه عليها اقساط و كل شويه اروح التوكيل علشان العيوب اللى فيها .

a7'ook
Sherif

[ehabbadr]

بص يا باشا مع احترامى لكل الأخوه انا شايف ان 64 الف كتير على العربيه اساسا ..... و لكن فى نفس رينج السعر ممكن تلاقى الفيرنا

طبعا معروف ان الاسبرانزا أحسن من الفيرنا اللى سعرها وقع لغايه 59000 و بعدين غبور طلعها تانى علشان منظره كان وحش (سعرها العادل 40000)
ثانيا ضمان الاسبرانزا 3 سنوات أو 100000 كم
الاسبرانزا منتظر بغلى فى التوكيل من موديل 2008 و كده سعر المستعمل سوف يعلى زى الدايو اللى جابها أول مانزلت بيبيعها دلوقتى بمكسب و بسبب سياسات ابو الفتوح التسويقيه الجيده لكن المستشار الفنى بتاع هيونداى ( شريف المصرى ) بيخسر الناس فى عربياته المستعمله عند البيع

[Hossam Mounir]

و طبعا هاتكون واقفه عليك فوق ال 77 الف جنيه و ده يبقى حرام .

حاسب يا عم شريف ... ما ليكش دعوه بالرقم ده ...

صدقني يا عم هو ما يقصدكش خالص ... ولا كان قصده يجيب سيرتك ...ههههههههههههههههه

تحياتى للجميع ...

م/ حسام منير

[sh_masry]

أ.حسام كتب:

حاسب يا عم شريف ... ما ليكش دعوه بالرقم ده ...

انت اللى قارينى يا حس ..... ههههههه

د.ايهاب كتب:

لكن المستشار الفنى بتاع هيونداى ( شريف المصرى )

ارجو عدم ادخال اسمى فى مثل هذه المواضيع لأنى عمرى ما قلت فلان قال وللا فلان عاد ..... انا بقول رأيى اللى انا شايفه من وجهه نظرى السليم و انت لك رأيك اللى هو غلط فى رأيى ,,,, و بس مانقلش المعروف طبعا و مش معروف ... ايه هو اللى معروف ده ؟؟؟ و منين جبت انه معروف .؟؟؟ شوف انتشار دى و انتشار دى ....... و ارجو من كل من يدافع يدافع بعقل مش دفاع اعمى علشان ركب العربيه و خايف يتقال انه ركب صينى ..........!!!!! هى صينى فى الأخر و معيوبه من جميع النواحى و لها نظره مختلفه و متدنيه عن جميع السيارات التى فى مصر رأيى يا المستشار الفنى لأسبرانزا .

[ehabbadr]

تصدق فعلا انا غلطان لك بس بخصوص الانتشار ده فرق وقت و حجوزات الاسبرانزا أكتر كتير برغم ان السعر واحد تقريبا اما الموصفات برضه الاسبرانزا أحسن (حسب مواصفات السياره المعلنه)اما الدفاع الاعمى يمكن النظارة بتاعتى عايزه تتغير مع انها جديده على العموم لو كنت فعلا زعلان اشرب 30 كانز :lol: :lol:

[PAYOO]

يا دكتور إيهاب مش ممكن "شريف المصري" هايقبل أنك تعتذر له أبدا لأني أعرف مدى محبته لك واحترامه لشخصك ولانك لم تقل شيئا يستوجب الاعتزار

[sh_masry]

بايو كتب :

يا دكتور إيهاب مش ممكن "شريف المصري" هايقبل أنك تعتذر له أبدا لأني أعرف مدى محبته لك واحترامه لشخصك ولانك لم تقل شيئا يستوجب الاعتزار

و ردى عليك يا بايو الدكتور ايهاب دكتور انف و اذن و حنجره يعنى كل ما فى الدماغ و الدكتور ايهاب دماغه كبيره من كتر الدماغات اللى بيشوفها و بيجيي هنا علشان يفسى دماغه شويه فمش معقوله نزعل منه و نوجعله دماغه ...... و هات دماغك ابوسها يا دكتور هههههههههههه
- دكتور تحاليل امه ماتت .... مشى فى الجنازه يقول تحاليلى يامه .
- الطريقه الوحيده لتجعل امراة صماء تسمعك هي ان تقول لها اريد ان اتزوجك
امضاء دكتور انف واذن
- دكتور امراض جلديه ابوه مات، قاعد فى العزا يقول: هييييييه تنيا.
- دكتور مسك ودن الزبون وقالو عاوز ودنك دى الزبون قال لا الدكتور قطعها ورماها فى القمامه ثم مسك الودن الثانيه وقلو عاوز ودنك دى الزبون قال عوزها الدكتور قطعها واعطاها للزبون
- دكتور أطفال اتجوز دكتورة أطفال نشروا خبر الجواز فى مجلة ميكى
- ظبطوا دكتور فى شم النسيم بيلون البيض بالبيتادين والميركروكروم
- -سألوا واحد بلديتنا أنت ليه بترج إبنك قبل ما يأخد الدوا؟
قال لهم أصل الدكتور قال لى رجه قبل ما تديهوله
- واحد بخيل راح يزور ابوه في المستشفى.. لما وصل ع الباب شاف كلمة ادفع.. قال نجي بعدين نزوره
- السباك للدكتور: أجرة إيدى لتركيب المواسير والحنفيات 300 جنيه
الدكتور: ليه يعنى ! ده أنا عمرى ماأخذت هذا المبلغ وأنا دكتور
السباك : ولا أنا برضه لما كنت دكتور


ايه ؟؟؟ كفايه كده ؟؟؟؟؟؟

a7'ookom
Sherif

[ehabbadr]

ده جده جميل جدا و كفايه قوى , متنساش ترحب بخالد ابو النجا علشان كان مسافر الجزيره و لسه راجع