محتاج رايكم بخصوص شراء الاسبيرانزا

[محمد صبري ابراهيم]

شكرا يا دكتو على استجابة حضرتك السريعة

[ehabbadr]

الموضوعين بتوع الاراء و المعارضه بقوا كبار و صعب حد يدور على حاجه معينه ليك اقتراحات لتنظيمهم

[محمد صبري ابراهيم]

والله يا دكتور

أنا شايف إنهم كبار ديه مش مشكلة لأان طالما المعلومات موجودة ورا بعضها هناك، فأي حد عايز يعرف حاجة هايقدر ياخد من وقته ساعة زمن و يقراه كله من أوله لإخرة ، فيعرف كل حاجة كل حاجة عن العربية كاتقييم أو رأي معارض

فهو كدة مش مزعج
ده رأي

[ehabbadr]

اسمح لى فى سؤال باقى الاعضاء و زى ماحضراتكم شايفين

[Eng.Ahmed]

انت ممكن تشترى بالتقسيط من ابو الفتوح ، بيتعاملوا مع بنك العربى الافريقى و كريدى اجريكول و CIB بس لازم تجيب من اى بنك منهم عند استلام العربيه شيك مقبول الدفع مش جواب و ده ممكن من البنوك الى قلتلك عليها بس معرفش باركليز ايه نظامه

[Driver]

اقتباس:

والاتنين واحدة ب 66000 والتانية 67500 ومافيهموش ربع الاوبشنز اللى موجودة فى الاسبيرانزا ده غير الشكل التحفة


سؤال بسيط للغاية...مش ده يخليك تسال نفسك ليه؟؟

اقولك ليه يا باشا...ده بالظبط زي متجيب ساعة مجهولة ب100ج ويكون فيها عدادات ضغط وارتفاع وكروموجراف و ستوب واتش
او
تججيب ساعة كاسيو ب100ج برضه ويكون فيها 3عقارب والتاريخ (ان وجد)!!!!

اقولك الفرق انا بقى..
الساعة الأولى اول ما هتجيبها هتبقى طاير بيها و بقدراتها الخرافية لمدة..وبعدين؟؟
نظرا لردائة مكوناتها هتنهار وظائف الساعة واحدة ورا التانية(ان لم تعمل بكفاءة من البداية)وحتى وظيفتها الأساسية كساعة ممكن تضرب منك...وهتصلحها...و ممكن تصرف عليها قد تمنها مرة كمان و في الاخر...هترميها في الزبالة..وتضطر تجيب ساعة كمان...

الساعة التانية هتجيبها ...هتلبسها...ممكن مش هتبهرك زي التانية...بس هتأدي مهمتها كساعة على اكمل وجه لمدة 5 سنين على الأقل ولمما تطلب...هتطلب حجر ب5 ج علشان تواصل لسنوات جاية كمان...

انا عارف ان ناس كتير قوي بتحب تجيب الساعة المجهولة...لكن ليس كل ما يلمع ذهبا...

وانا على فكرة..اللي جابلى فكرة الاسبرانزا...واحد صاحبي...وحب التجربة مادحكش عليك

بس نظرتي ليها كان للأساسيات وليس للكماليات....ولاده اشتغل ولا ده اشتغل...

وانا من الآخر كده مجند نفسي لمحاولة حماية اي واحد فيكي يا بلد يفكر في الاسبرانزا...وان شاء الله اكثب ثواب عن كل واحد انجح في حمايته من الوباء ده....ده انا ياريت القي حد كان ينصحني...حتى الواد صاحبي الجبان خلع منى بعد كده لمما قلتله:بيعهالي يا فالح زي ما لبستني

دول 43 يوم يا باشا....مش سنين...

انا عارف ان ال128 بنت لذينة و عربية قلة..ودايما كاسفاك...و انا بعتبرها فترة تجنيد..

خلليك في الفرنا..و واحد معايا في الشغل جابها جديد و جربتها منه و عالجوا موضوع الزوايا بتاعها في ال2007

وممكن اديك معلومات للحفاظ على الفرنا بالذات اذا نويت ان شاء الله..

وراجع تجربة الفيرنا الكاملة

http://www.nilemotors.net/Forum/viewtopic.php?t=2150&postdays=0&postorder=asc&start=0

اسمحولي اقولكم جميعا ان كلامكم كله على عيني و راسي....بس الراجل سألني سؤال وانا رديت عليه بتحليل سهل الفهم و سلس....الأستاذ محمد صبري ابراهيم دخلنا فى متاهات ملهاش اول من اخر

1 - تقفيل مصري (زيها زي اللانوس و الفيرنا) مافيش جمارك يعني
2 - يا ريت نفتكر أقبل تحرير سعر صرف الدولار كانت اللانوس بكام، كانت ب 42000 جنية
3 - الأوبشنز ديه كلها لعب عيل، وحدة كونترول واحدة بتعمل كل ده، و اسمحلي ال CAN-Bus في الاسبيرانزا متطور جدا و فيه إمكانيات كتيير جدا زي الأجانب ما بيقولوا (Out of the box) يعني إمكانيات كتير زيادة عن إحتياجك و هو هو بنفس السعر الطبيعي لأي CAN-Bus موجود في أي عربية، صناعة الالكترونيات و الرقائق المدمجة تطورت تطور غير عادي من أول 2005 (أنا أساسا مهندس إتصالات و إلكترونيات) و أول حاجة عملتها إني قريت عن الشريحة ديه في الاسبيرانزا كويس جدا و بتركيز و لو حضرتك إحتجت أي معلومات هنها قولي و هاحاول أوفرها لحضرتك بقدر المستطاع.

و مع احترامي انك لسة ماستلمتش..اسأل مجرب ولا تسال مهندس...وبعدين العربية فيها مليون حاجة تانية غير الCAN-Bus ...

سوقنا ليه ظروف خاصة....و كمان شوارع خاصة...و توكيلات خاصة كمان :mrgreen:

ولمما تستلم ان شاء الله....ابقى ادعيلى كده و افتكرني كويس

[moh_code]

يا استاذ Zezo9500 انت تشبهه العربية بالساعة والله يا Zezo9500 أحسن حاجه إنك متفركش خالص فى العربية دى علشان متقعدش كل شوية فاكر اللى حصلك وتندم عليه - انصحك بعدم التفكير فى اللى كان وبص للأمام وبالتوفيق إن شاء الله .

[محمد صبري ابراهيم]

استاذ زيزوقال "اسمحولي اقولكم جميعا ان كلامكم كله على عيني و راسي....بس الراجل سألني سؤال وانا رديت عليه بتحليل سهل الفهم و سلس....الأستاذ محمد صبري ابراهيم دخلنا فى متاهات ملهاش اول من اخر"


1 - يا ريت تقولي إيه المتهات بالضبط علشان أخد بالي منها بعد كدة
2 - أنا ما قولتش أي حاجة عن تجربة، أنا أتكلمت عن حقائق و عن أجزاء في العربية من صناعة شركات معينة و الأجزاء ديه ليها إمكانيات معروفة و معلنة !!!!!!!!!!!!!، يا عني مش بافتي لو خدت بالك، ما قولتش جرب كذا و لا كذا ده كويس و لا وحش، أنا هنا سردت حقائق
3 - ياريت تقولي أي أوبشن تاني في العربية بعيد عن ال CAN-Bus ، بعد إذنك غير التكيف و الباور

أما بالنسبة للدعوة، فا متقلقش أنا بدعيلك من غير حاجة :lol: