ما هو تقييمك لوكيل سبيرانزا و مراكز الخدمه

[lovelorn]

طب يا شباب ايه أخبار توكيل أسبيرانزا اللى فى اسكندرية

انا ملاحظ ان محدش قال رأيه فيه خالص

[midosoft2010]

معروف اساسا ان عيسى اكبر حرامي في المنصوره

[waelfouad]

نفسي اروح مركز الصيانه



انا مشكلتي ان انا اشتريت العربية ومش عارف اروح اعمل صيانه 1000 بسبب ضمان العربية اللي لسه موصلش بقاله شهر وانا وبعيد عن حضراتكم عامل 1900 كيلو لحد دلوقتي . بس الحمد لله الضمان وصل من يومين بس للاسف مجبوش معاه ااعرض اللي منزلوه ابو الفتوح ( 20000 كيلو او عام ) ايهما اقرب و ده عرض صيانه مجاني وبيغيروا كل حاجة ببلاش العرض ده لكل الناس اللي اشترت في الفتره اللي ما بين 1/1/2009 لحد 31/3/2009 وانا الحمد لله كنت من الناس دي اللي في شهر مارس بس للاسف قالولي ان انا ملاحقتش العرض (ده المعرض) علشان انا عقبال ما طلعت الرخصة وبعتوها كنا بقينا في شهر ابريل . وطبعا ده كلام مايدخولش العقل
المهم انهم توصلوا لفكرة تانيه وهو ان ابو الفتوح منزل العرض ده علي عربيات معينه ,
بمعني ان فيه ارقام شاسيهات معينه هي اللي عليها العرض وللاسف ان رقم الشاسيه بتاعي مدخلش في العرض بس مشكورا ادارة المعرض قالتلي انهم حايبعتوا الورق تاني ويحولوا يجبولي العرض في اقرب فرصه. علي شان انا للاسف مدخلتش في السحب ده اللي منزلوا ابو الفتوح ( ده برضوا كلام يدخل العقل) عمتا انا سايبهم يومين كده واشوف حايعملوا ايه
لاني عرفت من مصدر موثوق منه ان ابو الفتوح كان بيبيع العربيات في الفتره دي علي اساس العرض اللي موجود واللي مش عايز العرض بيتخصم جزء من سعر العربيه وان المعرض اللي انا اخدت منه العربيه كان واخدها من غير العرض وبسعر اقل وباعها بسعر العربيات اللي عليها عرض - وانا والله عرفت موضوع العرض ده بالصدفة بس مش مستعد اني اتنازل عنه ورفضت استلام ضمان العربيه الا بعد استلام العرض وفي نفس الوقت خايف العربيه يحصلها حاجه بسبب ال صيانه ال1000 اللي لسه معملتهاش ومش عارف اعمل ايه ؟؟؟

[mohamadika]

السلام عليكم ورحمة الله وبركاته

تجربتى الشخصيه كويسه بصراحه من حيث التعامل وتصليح المشاكل
انا رحت مرتين مره للدقى ومره لابو رواش بصراحه ابو رواش تعاملهم عادى مش وحش ومش حلو لكن كفاءة التصليح والامكانيات كويسه جدا
بالنسبه للدقى تعاملهم كويس جدا بس الامكانيات محدوده.
ودى تجربتى الشخصيه

[ahmeddarhos]

حد يا جماعة ممكن يقول رأيه فى مركز خدمة أبوغالى...
ولو عاوز احجز فى أبورواش ممكن حد يكتب رقم التليفون.. وشكرا

[aelhossan]

ناس قمه في
قلة الذوق
اساتذه فى
عدم الاحترام
عباقره فى
عدم المعرفه
من الاخر توكيل مالوش لازمه لعربيات مالهاش لازمه

[pharonicking]

ناس قمه في
قلة الذوق
اساتذه فى
عدم الاحترام
عباقره فى
عدم المعرفه
من الاخر توكيل مالوش لازمه لعربيات مالهاش لازمه

100 100

[attiahf]

نرجو من الجميع ان يكون رايهم موضعى ويتم ذكر الاشايء الجيدة والسيئة التى حدثت معاة: يعنى مثلا يكون على النظام الاتى:
- نوع العربية ، السنة
- تاريخ الصيانة، نوعها
- اسم مركز الصيانة
- الاشياء الجيدة
- الاشياء السيئة
وبناء عليها ممكن نحدد التقييم بصورة صحيحة

[attiahf]

ايضا بمراجعة نتائج التوصيت تبين ان فى بعض الاعضاء مش معاهم عربيات اسبيرانزا، فمش عارف قيم بناء على اية؟؟؟؟؟؟

[medoragab]

انا بتعامل مع مركز ابوالفتوح في الإسكندرية في شارع كلية الطب
الناس هناك زي الفل بصراحة وبخاصة البشمهندس أحمد
ناس زي الفل

[unplugged]

لو سمحتم أنا جبت اسبرانزا 113
عاملة 16000 وعندي صوت في تيل الفرامل والله أعلم الطمبورة كمان والا ايه والعفشة ناشفة محتاجة ربط وفردة كلاكس مش شغالة
طبعا أحتاج أروح للتوكيل قبل ما اتحرك بيها
والحقيقة اني لسه ما اعرفش عناويين مراكز الخدمة
فياريت لو تزودوني بالمعلومات دي لأني ملاقيتش في المنتدى
وألف شكر للجميع...

[monita88]

تجربتى مع مركز صيانة تكنو سرفيس 2 بجسر السويس
مش عاوزة اقولكم انها حاجة زبالة عندة طلمبة الباور بايظة و محتاجة تغيير فضلو يماطلونى حوالى اسبوعين و كلم استاذ فلان و استاذ فلان يحولنى على استاذ زفتان و استاذ زفتان على استاذ ابو قردان و فى الاخر مفيش طلمبة طيب يا عمى مينفعش امشى بالعربية كدا و اشتكيت فى خدمة العملاء و فى الحقيقة ناس فى منتهى قلة الذوق بردو قالولى الطلمبة موجودة بس عاوزها ادفع 1200 جنيه ليه يا حج وفين الضمان قالولى هو كدا قلتلهم طيب انا هشتكى فى حماية المستهلك رد بتاع خدمة العملاء اللى تعرف تعمله ابقى اعمله
زبالة بقى واللا لاء ؟ انا بعت للشركة الام فى الصين و هفضل اشتكيهم فى كل حتة لغاي ما اوصل لحقى لان دى ناس بتمارس البلطجة وبس
و شكرا لاتاحة الفرصة انى اقول تجربتى

[safwato]

اولا احب اقول للاخ صاحب الكلاكس .. اتق الله وقول الحقيقة
انا كنت واقف فى اول مرة راح فيها يشتكى من الكلاكس وشوفت اسلوبه فى التعامل مع الناس فى مركز خدمة عيسى اسلوب فى منتهى قلة الادب ، نازل شتيمة فى المهندسين والفنيين والمهندس وائل اخذ النصيب الاكبر من الشتائم وبعد دا كله عايز الناس تتعامل معاه باحترام طيب ازاى الكلام ده هم دول مش بنى ادميين زى حضرتك والا انت على رسك ريشه .
هو فى ناس كده الغرور راكبها وفاكره كل الناس هتخاف منها لما يقلوا ادبهم . يااخى اتقى الله ومتفرتيش على الناس ايه يعنى لما تروح اول مرة وما تكونش قطعة الغيار متوفرة فى الوقت ده ويقولولك على ميعاد تانى دا يدى لك الحق فى شتيمة الناس وعايزهم فى الاخر يتعاملو معاك كويس طيب ازاى

[amr1973]

اولا احب اقول للاخ صاحب الكلاكس .. اتق الله وقول الحقيقة
انا كنت واقف فى اول مرة راح فيها يشتكى من الكلاكس وشوفت اسلوبه فى التعامل مع الناس فى مركز خدمة عيسى اسلوب فى منتهى قلة الادب ، نازل شتيمة فى المهندسين والفنيين والمهندس وائل اخذ النصيب الاكبر من الشتائم وبعد دا كله عايز الناس تتعامل معاه باحترام طيب ازاى الكلام ده هم دول مش بنى ادميين زى حضرتك والا انت على رسك ريشه .
هو فى ناس كده الغرور راكبها وفاكره كل الناس هتخاف منها لما يقلوا ادبهم . يااخى اتقى الله ومتفرتيش على الناس ايه يعنى لما تروح اول مرة وما تكونش قطعة الغيار متوفرة فى الوقت ده ويقولولك على ميعاد تانى دا يدى لك الحق فى شتيمة الناس وعايزهم فى الاخر يتعاملو معاك كويس طيب ازاى

اخى العزيز اعتقد ان مشاركة واحده و تقول الكلام ده و كانك عارف الراجل صاحب الموضوع على فكرة انا متاكد من كلام الراجل لانه حصل معايا فى عربية نسيبى و خرجوا العربية برة الضمان قال اية عشان فى بند فى الضمان بيبقول انى اعمل الصيانة كل 5000 كيلو او بعد 3 شهور من نهاية اخر صيانة و بالتالى انا مش ملتزم بالمواعيد الصيانات الدورية و العربية عاملة عداد 22 الف فى 3 سنوات و مليانة مشاكل و عايزين 1300 جنية بص توكيل زبالة و بلطجية و نصابين و قلة زوق تخيل يرد عليك و يقول لك كتيب الضمان ده العقد اللى بينى و بينك و مش هاتعرف تشتكى بكل قلة زوق طبعا ياخد درجة توكيل سىء و نصابين

[egypt0777]

توكيل ابو ال * * * *

دول شله حرامية و نصابين و نور

فعلا الشعار بتاعهم لا زم يكون

انطلاقة تنفض جيوبك


تنبيه بعدم استخدام الفاظ خارجه عن الذوق العام

26/4/2010
5:00 am

مشرف 12 أ