كماليات m11

[hany_ali]

يا جماعة الخير
السلام عليكم و رحمة الله و بركاته

انا عربيتي لونها احمر فاقع و نفسي اظبتها اكسسوار و حركات بس مش لاقي اي افكار و مش عايز اضيع شكل و انسيابية العربية عشان متبقاش بيئة فهل من افكار ....................

[tamerosman]

اولا اديها ستاير كبس بيبقها شكلها شيك و مش بيئة و حماية من الشمس
بالكتير 100 للظهر و الشبكين الى ورا بتتفصل و لو لاقتها جاهزة بتبقى ارخص
ممكن تعملها دركسيون جلد او فرش جلد هيليق عليها لانها عربية شكلها رياضى مشاء الله


ممكن تركب تلبيسة لمقبض الفتيس و فرمل اليد انا شفت طقم جلد اسود و فيه خياطة حمراء ( 40 جنيه بس) هيليق على اللون الاحمر عندك و فيه كمان طارة الدركسيون بتعاعته ب 50 جنيه

يعنى تا تشات بسيطة كده علشان ما تقلبش بلدى و الف مبروك

[egypt0777]

يا جماعة الخير
السلام عليكم و رحمة الله و بركاته

انا عربيتي لونها احمر فاقع و نفسي اظبتها اكسسوار و حركات بس مش لاقي اي افكار و مش عايز اضيع شكل و انسيابية العربية عشان متبقاش بيئة فهل من افكار ....................

اصلا هى ملهاش قطع غيار

لما يركبلها اكسسوارات

[samehsalem]

وعرفت منين يا باشا انها ملهاش قطع غيار بقي...انت معاك العربية ولاحضرتك بتسال وملقتش ليها قطع غيار

[katoba]

هى العربية دى نكرة بقى ولا اية ؟؟ كل عربيات الدنيا ليها قطع غيار ولا دى طالعه شيطانى ولا يمكن ابو الفتوح نسى انها تبعه ولا اية ياجدعااااااان ؟؟ انا معتش فاهم حاجة

[samehsalem]

يا جماعة العربية نزلها قطع غيار كتير وموجودة في التوفيقية واللي مش مصدق ينزل ولما يرجع يبقي يقولي النتيجة...الكلام لكارهين m11

[hany_ali]

يا جماعة انا قررت حاجة حلوة جداً مدام في ناس كتير مش لاقية قطع غيار للعربية فانا هافتح محل قطع غيار للعربية دي بس هاروح اشتري قطع الغيار من شارع فيصل و من محل المحمدية بالذات و ابعيهالكوا و يبقى كده بقى ليها قطع غيار هههههه

فكرة موضوع الستاير دي يا استاذ تامر هادور عليها و اعملها انشاء الله و اقولك النتيجة

[katoba]

ياباشا والله فكرة وهيبقى مشروع حلو ومش بعيد لما تشتغل كدة وربنا يكرمك الصين تشيل التوكيل من توحة وتديهولك

[samehsalem]

انا مركبلها ستاير كبس في البابين اللي ورا ومفيم الزجاج الخلفي ومحدش بيكلمني عليه خالص قبل الثورة او بعدها

[emad7759]

يا جماعة العربية نزلها قطع غيار كتير وموجودة في التوفيقية واللي مش مصدق ينزل ولما يرجع يبقي يقولي النتيجة...الكلام لكارهين m11

مع احترامى اللى كل الاراء تقدر تقول ليا نزلها قطع غيار زى ايه انا مش لاقى ليها غير الفونيس الاماميه وشويه

حجات زى النيله زى الاقصدام الامامى و الفللاتر

وبعض القطع اللى بتركب ليها من العربيه ال516 زى التيل

الامامى انا ياباشا بدور على بلى العجل الامامى ومش لقيه خالص

وياريت تقدر تقول ليا موجود فين وعايز الطنابير الاماميه

وبرده لو حضرتك تقدر تقول ليا اجبهم من عند مين

انا لفيت وغرمت اتصلات بجميع كل اللى بيشتغله فى قطع

غيار الصينى وعلى الاخص اللى بيشتغله فى الاسبيرانزا

ولم اجد قطع الغيار اللى انا عيزها فياريت اللى يقول ليها قطع

غيار يقول فين ويتعب نفسه شويه ويجيب لينا اسعار القطع

اللى لقاها لانه مش هيلاقى غير حجات بسيطه جدا

واغلبها بتاعت ال516 اه وياريت اللى يجد اى كمليات

ليها يقول هينوبه صواب كبير فينا

انا عن نفسى عايز ليها الرموش اللى بتركب على زجاج الابواب

ومش عارف اوفق ليها

ولله ولى التوفيق وربنا يسترها على الجميع من

الام زباله

[mohser]

ال m11 عربية حلوة حتى و لو من غير كملااليات خالص و اللى بيقول وحشة يبقى هى دى قرفته و نصيبه عشان هو من جواه مش حلو.. بأه فى حد هيجيب عربية زيرو و يطلع فيها كل الكلام الغريب ده . مين عاقل يصدق كده.. بالنسبة للكماليات انا عربيتى لونها رمادى وقررت اسيب منظرها كده لشكلها الروعة و بس قلت أعمل الحاجات العملية للمحافظة يعنى.. ركبت فرش حلد بلون الأبواب من الداخل(لونين و لون منهم الرمهدى يعنى بلون العربية من الخارج و طالع روعة و ركبت دواسات جلد و ستاير و ستارة فامبه للزجاج الأمامى لتحمى التابلوه و السيارة من الاخل) ويكفى هذا . لو فى أفكار عمليةتانية يا ريت حد يقول

[emad7759]

ال m11 عربية حلوة حتى و لو من غير كملااليات خالص و اللى بيقول وحشة يبقى هى دى قرفته و نصيبه عشان هو من جواه مش حلو.. بأه فى حد هيجيب عربية زيرو و يطلع فيها كل الكلام الغريب ده . مين عاقل يصدق كده.. بالنسبة للكماليات انا عربيتى لونها رمادى وقررت اسيب منظرها كده لشكلها الروعة و بس قلت أعمل الحاجات العملية للمحافظة يعنى.. ركبت فرش حلد بلون الأبواب من الداخل(لونين و لون منهم الرمهدى يعنى بلون العربية من الخارج و طالع روعة و ركبت دواسات جلد و ستاير و ستارة فامبه للزجاج الأمامى لتحمى التابلوه و السيارة من الاخل) ويكفى هذا . لو فى أفكار عمليةتانية يا ريت حد يقول

.................................................. ...

......................................



لقد تحول الحوار القائم إلى شخصنه وصراع شخصي وقد خالفتم بذلك القاعدة رقم (13) من قواعد المنتدى، لذا
فقد استحققتم ( انذار مع وقف اسبوع ) لمخالفة قواعد المنتدى.

يرجى مراجعة قواعد المنتدى

مشرف 7ب
3/6/2011
6.3 pm

[khaled_Saga]

ولله انتا شكلك ليس من ملاك العربيه انتا تابع

للوكيل وليس من اصحاب العربيه

يعنى ايه الناس اللى عندهم مشاكل


جواهم مش حلو ولله انتا اللى مش جواك مش

حلو ولابتفهم اصلا فى اسلوب الحوار

انتا بتعجن وخلاص وايه يعنى عربيه

من غير قطع غيار

على فكره فيه دخلاء من عن ابو الفتوح زيك كده

برده كانه باسلوب الهمجيه بتاعك ده وبرده

نابهم جه على شونه وبعدين راجع كتابتك

كويس وياريت تحسن من اسلوبك شويه

اعتقد لو الاخ مشير من عملاء ابو الفتوح زى ما انت بتقول فواضح اكتر ان حضرتك من عملاء منافسى ابو الفتوح او حد بيكرهه كره العمى لانك بتهاجم العربية بشكل فظيع ومبالغ فيه وغير مبرر

ارجوك وفر كلامك كفاية كده لان انت ابتديت تدفع الاخوة الاعضاء الى انهم يردوا علي بكلام مش لطيف واللى بدوره بيقلب لغة الحوار الى خناقة واسلوب مش تمام وفى الاخر انت ترجع تقول الاسلوب مش حلو!

[beko2010]

لو عايز اي قطعة غيار اذهب الى كريم كريمو بالحرفيين وكفاية هجوم على السيارة الجميلة التى لم توفق معها 00حظوظ

[fineart607]

لا حول ولا قوة الا بالله العربية حلوة ولا انكر ان الدفعة الأولى كان بها بعض المشاكل بس العربية الآن ممتازة الحمد لله ومنتشرة
والتوكيل بيحاول يصلح من نفسة وده شىء ايجابى
اما قطع الغيار اكيد هتنتشر مع انتشار العربية الى بدا بالفعل ينتشر والعربيه ما شاء الله مش محتاجه اكسسوارات كتسير ممكن فعلا لمسات بسيطه مثل الستائر الكبس او التفييم وطارة دركسيون واكيد ممكن لو عايز تغير شكل الجنوط على الرغم انه ظريف بس ممكن شكل تانى يحليها اكثر وفرش السيارة من الداخل ممكن يتعمل له كسوه برده تعمل شغل
انا بعذر الناس الى عندها مشاكل لان حاجه تخنق لما تتعب فى فلوس وتروح تجيب حاجه تريحك وتلاقيها فيها مشاكل مع تبرير التوكيل فى البداية بس اعتقد الان الموضوع بقى احسن والعربيه بقة ممتازه ولازم مش نقلل من قيمتها لانها احسن من عربيات كتير والله كورى ودى وجهة نظرى