كماليات m11

[hany_ali]

مع احترامى اللى كل الاراء تقدر تقول ليا نزلها قطع غيار زى ايه انا مش لاقى ليها غير الفونيس الاماميه وشويه

حجات زى النيله زى الاقصدام الامامى و الفللاتر

وبعض القطع اللى بتركب ليها من العربيه ال516 زى التيل

الامامى انا ياباشا بدور على بلى العجل الامامى ومش لقيه خالص

وياريت تقدر تقول ليا موجود فين وعايز الطنابير الاماميه

وبرده لو حضرتك تقدر تقول ليا اجبهم من عند مين

انا لفيت وغرمت اتصلات بجميع كل اللى بيشتغله فى قطع

غيار الصينى وعلى الاخص اللى بيشتغله فى الاسبيرانزا

ولم اجد قطع الغيار اللى انا عيزها فياريت اللى يقول ليها قطع

غيار يقول فين ويتعب نفسه شويه ويجيب لينا اسعار القطع

اللى لقاها لانه مش هيلاقى غير حجات بسيطه جدا

واغلبها بتاعت ال516 اه وياريت اللى يجد اى كمليات

ليها يقول هينوبه صواب كبير فينا

انا عن نفسى عايز ليها الرموش اللى بتركب على زجاج الابواب

ومش عارف اوفق ليها

ولله ولى التوفيق وربنا يسترها على الجميع من

الام زباله

يا باشا حضرتك بس مش بتاخد بالك من الردود عشان انا رديت عليك في موضوع البلي ده قبل كده بس مش فاكر في اي موضوع عموما راجع مشاركاتك هتلاقيني رديت عليك و عموما انا هاقولك برده تاني

موضوع البلي ده مالوش اي علاقة بنوع او ماركة العربية انا قبل ما اركب الام زفت علي حد قولك كنت راكب هيونداي I10 و جابت بلي و ابو غالي نفضلي و طلعني من الضمان لاسباب هو الوحيد بعد الله اللي يعرفها المهم مركز الخدمة قالي الفرده ب 480 جنيه فطبعا رفضت و لفيت مصر كلها عشان ماكنش ليها قطع غيار مع انها هيونداي مش اسبرانزا الزباله المهم بعد كذا شهر روحت لميكانيكي و سألته و وداني لمحل مهجور كده فاتح من السبعينات مثلاً و قولنالو عايزين بلي قدام قالينا عايز المقاس فاكينا و روحناله و قاس و ظبط و بعد كده قال ركبلها بلي بيجو 405 او فيرنا ستار او اوبل استرا و طب يا حج عندك ايه منهم قال عندي الالماني و الفرنساوي و الصيني و الاسعار بالترتيب كانت 190 - 160 - 105 و المصنعية كانت الحداد 20 و الميكانيكي 20 هو ده الموضوع باختصار فعشان متتعبش و تريح نفسك روح اي ميكانيكي و فك البلي و روح اسأل عليه بره و عنوان المحل ده كان في شارع المحولات الهرم الجيزة و ممكن سيادتك تقابلني و اروح معاك انا معنديش مانع اما بالنسبة للطانبير و الحاجت التانية في محل اسمه اولاد سوسو برده في الهرم شارع النفق - ده بيجيب العربيات و يقطعها و عنده العربية دي و اضعف الايمان هيديك طنابير زي اللي في العربية بالظبط لحد ما تلاقيها و بعدين يا باشا انا اسمع لكن مش عن تجربة ان الحرفيين ماخلتش حاجة


و نصيحة لوجه الله لو كرهت عربيتك ايا كان نوعها لو في مسمار اتفك عاتسب و تلعن فيها و عمرك ما هاتركبها فعندك حلين يا تبعها و تريح دماغك و اهي ترجبة و فشلت و قدر الله و ما شاء فعل او انك تبدأ فعلا تدور في الاماكن الصح و تشوف ميكانيكية محترمين و نظاف عن طريق اي معارف ليك و هما هيظبطولك كل حاجة الميكانيكي اللي روحتوا كان عن طريق واحد صاحبي اسمه طارق في شارع سوق فكيهه في ترسا الهرم هو اللي لف علي قطع غيار عربيتي عشان كنت عامل بيها حادثة.

[hima77]

يا باشا حضرتك بس مش بتاخد بالك من الردود عشان انا رديت عليك في موضوع البلي ده قبل كده بس مش فاكر في اي موضوع عموما راجع مشاركاتك هتلاقيني رديت عليك و عموما انا هاقولك برده تاني

موضوع البلي ده مالوش اي علاقة بنوع او ماركة العربية انا قبل ما اركب الام زفت علي حد قولك كنت راكب هيونداي i10 و جابت بلي و ابو غالي نفضلي و طلعني من الضمان لاسباب هو الوحيد بعد الله اللي يعرفها المهم مركز الخدمة قالي الفرده ب 480 جنيه فطبعا رفضت و لفيت مصر كلها عشان ماكنش ليها قطع غيار مع انها هيونداي مش اسبرانزا الزباله المهم بعد كذا شهر روحت لميكانيكي و سألته و وداني لمحل مهجور كده فاتح من السبعينات مثلاً و قولنالو عايزين بلي قدام قالينا عايز المقاس فاكينا و روحناله و قاس و ظبط و بعد كده قال ركبلها بلي بيجو 405 او فيرنا ستار او اوبل استرا و طب يا حج عندك ايه منهم قال عندي الالماني و الفرنساوي و الصيني و الاسعار بالترتيب كانت 190 - 160 - 105 و المصنعية كانت الحداد 20 و الميكانيكي 20 هو ده الموضوع باختصار فعشان متتعبش و تريح نفسك روح اي ميكانيكي و فك البلي و روح اسأل عليه بره و عنوان المحل ده كان في شارع المحولات الهرم الجيزة و ممكن سيادتك تقابلني و اروح معاك انا معنديش مانع اما بالنسبة للطانبير و الحاجت التانية في محل اسمه اولاد سوسو برده في الهرم شارع النفق - ده بيجيب العربيات و يقطعها و عنده العربية دي و اضعف الايمان هيديك طنابير زي اللي في العربية بالظبط لحد ما تلاقيها و بعدين يا باشا انا اسمع لكن مش عن تجربة ان الحرفيين ماخلتش حاجة


و نصيحة لوجه الله لو كرهت عربيتك ايا كان نوعها لو في مسمار اتفك عاتسب و تلعن فيها و عمرك ما هاتركبها فعندك حلين يا تبعها و تريح دماغك و اهي ترجبة و فشلت و قدر الله و ما شاء فعل او انك تبدأ فعلا تدور في الاماكن الصح و تشوف ميكانيكية محترمين و نظاف عن طريق اي معارف ليك و هما هيظبطولك كل حاجة الميكانيكي اللي روحتوا كان عن طريق واحد صاحبي اسمه طارق في شارع سوق فكيهه في ترسا الهرم هو اللي لف علي قطع غيار عربيتي عشان كنت عامل بيها حادثة.

الله ينور عليك يا هاني باشا

[hany_ali]

ربنا يخليك يا هيما بك (بمناسبة رجوع الالقاب ) :)
اصل انا طلع عيني في موضوع قطع غيار ال i10
و عموما ربنا يكرمه و يكرمنا