ام 11 .. اداء وثبات فوق الممتاز وعن اول تجربة

[khaled_Saga]

السلام عليكم اخوانى الكرام ..

دايما بحب اشاركم فى كل اخبارى وتجاربى مع ام 11 العربية الاكثر جدلا فى فئتها .. فبعيدا عن فكرة انها صينى وسوء التقفيل المصرى اللى كلنا متفقين عليه وايضا بعيدا عن كل المشكلات اللى واجهتنى من اول ما اشتريت العربية واللى عرضتها عليهم فى التوكيل واتحل معظمها والحمد لله فى اول صيانة سواء عمدا او بغير عمد فهو ببركة دعاء الوالدين :)

اتيحت ليا الفرصة امبارح انى اجرب العربية على طريق الاسكندرية (للاسف الزراعى) فهو طريق سيء للغاية فى معظم مناطقه لكن هو اقرب طريق ليا عشان انا من بنها واصلا بنها واقعة على طريق القاهرة - اسكندرية الزراعى وكنت رايح افسح المدام يوم كده وراجع .. المهم فبصراحة وبكل حيادية العربية ادائها على الطريق فوق الممتاز من حيث الثبات والنعومة فأنا قدرت اوصل لسرعة 150كم\ساعة على الطريق الحر (اللى مش بيعديك على طنطا) هو طريق له رسوم مرور وواسع جدا ورايق جدا لكن يعيبه عدم وجود اى خدمات نهائيا طوال مسافة ال 25 كم تقريبا اللى هى طول الطريق ففعلا لقيت العربية منتهى الثبات بسم الله ماشاء الله ربنا يبارك فيها والحمد لله الرادار صورنى على 140كم ودفعت 150 جنيه غرامة فورية :(
تانى حاجة وهى الطريق الدولى الساحلى اللى قبل بوابة اسكندرية القديمة (بوابة السيوف) ب 18كم انا باخده عشان انزل شارع 45 فى العصافرة علاطول لانى بطلع على الشقة فى المندرة والطريق بردو واسع وسالك وفلة لكن اخدت فيه كام حفرة ورا بعض وانا على 120كم للاسف الحفر كانت واسعة ومش باينة الطريق كان ضلمة كحل والعربية عدت الحمد لله بسلام هى اترزعت رزع محترم وخوفت لايكون حصل حاجة فى العفشة مش ناقصة يعنى بس الحمد لله لسه بخير
تالت حاجة فعلا اللى كل يوم بيزيد احساسى بانها صح ويقين ان العربية منظرها بيجيب العين بشكل فظيع وصدقونى والله ومن غير مااحكى مواقف ان دايما فيه ناس معينة عارف ان عينيهم وحشة اول لما يشوفوا العربية بيحصل حاجة اخرها كان اول امبارح الاكصدام الامامى اتحك فى رصيف بخطأ غير مقصود منى بسبب واحد حيوان انا اضايقت اوى ساعتها لكن عزائى ان الحطة من تحت مش باينة اوى يعنى للى واقف ادام العربية الا اذا وطى شوية وبص عليها كويس وتانى حاجة قولت يلة خليها تاخد العين كويس انها جت فى الاكصدام مش حاجة كبيرة

اسف للاطالة بس حبيت اعيشكم معايا تجاربى مع الشقية ام 11 .. اتمسوا بالعافية

[katoba]

ربنا يباركلك فى عربيتك ياخلود والله انت من الناس الى بتدينى امل فى العربية دى وبتحسسنى اد اية هى عربية محترمة انت ومجموعه كمان فى القسم للاسف فية ناس بتعقدنى بيبقى معظمهم مش معاهم العربية اصلا لدرجة انهم خلوا دماغى تشت مبقتش عارف اعمل اية واجيب اية .. بس والله انا مرتاح للعربية دى جدا ولما بفكر فى حاجة غيرها بحس ان قلبى مقبوض مش عارف لية وبالنسبة لموضوع العين انا كذا مرة اتشد للعربية دى من غير ماعرف نوعها اية مجرد ماشوف العلامه افرح ولسة شايفها والله الصبح وانا جاى قدام الشغل بس طبعا بلحق نفسى واقول ماشاء الله قبل ماحسدها . ههههههه ماحنا مش عاوزين الى بنعمله فى الناس يطلع علينا .. وفى انتظار تجاربك اول باول ياباشا

[khaled_Saga]

ربنا يباركلك فى عربيتك ياخلود والله انت من الناس الى بتدينى امل فى العربية دى وبتحسسنى اد اية هى عربية محترمة انت ومجموعه كمان فى القسم للاسف فية ناس بتعقدنى بيبقى معظمهم مش معاهم العربية اصلا لدرجة انهم خلوا دماغى تشت مبقتش عارف اعمل اية واجيب اية .. بس والله انا مرتاح للعربية دى جدا ولما بفكر فى حاجة غيرها بحس ان قلبى مقبوض مش عارف لية وبالنسبة لموضوع العين انا كذا مرة اتشد للعربية دى من غير ماعرف نوعها اية مجرد ماشوف العلامه افرح ولسة شايفها والله الصبح وانا جاى قدام الشغل بس طبعا بلحق نفسى واقول ماشاء الله قبل ماحسدها . ههههههه ماحنا مش عاوزين الى بنعمله فى الناس يطلع علينا .. وفى انتظار تجاربك اول باول ياباشا

منور والله يا ابو حميد ليك وحشة كبيرة انشالله تكون بخير وربنا يباركلك انت كمان يا حبيب قلبى عقبال عربيتك..

احمد انا كنت فى نفس موقفك لما حجزت البريليانس وطلعت مش موجودة وفقدت الامل فى انى الاقيها وبدأت افكر فى بديل والمشكلة انى كنت على خلاف شديد مع المدام لانها بتعرف تسوق وبتهتم شوية بالعربيات فكان ليها نصف القرار فى الاختيار .. المهم بدأنا نفكر فى بدائل زى البروتون ساجا مثلا ولكن هى كانت رافضة الام 11 لمجرد انها اسبيرانزا ولما استقرينا على الساجا (ولو انها عربية محترمة) ولكن لما حجزتها حسيت بقبضة شديدة فى قلبى وعدم ارتياح فظيع وكنت مضايق اوى وفى يوم قررت بينى وبين نفسى اقنعها اقناع تام بالام 11 وفعلا وصلت للمراد وقدرت اقنعها واتصلت بالمعرض غيرت الحجز ومدير مبيعات المعرض قالى اختيارك سليم وهتعجبك اكتر من الساجا ومش هتصدق انى ساعتها حسيت بارتياح فظيع لما استقريت على الام 11 وسبحان الله اجراءات البنك ساعتها خلصت هوا واستلمت فى يوم وليلة..

بص يا احمد لازم تلاقى ناس كتير بتعادى العربية دى والغريب ان معظمهم مش معاهم العربية ومش فاهم ليه بيحاربوها وبعضهم معاهم العربية ولكن حظهم فيها طلع وحش وجتلهم منها عقدة وعلى النقيض هتلاقى ناس زييى بتشكر فيها وبالرغم من انى اشتكيت من كذا حاجة واكيد انت شوفت موضوع الملاحظات بتاعى اللى المفروض ان اى عربية زيرو متكونش فيها كل ده .. ولكن انت عارف انى حيادى فى حكمى على العربية وزى مابقول مميزاتها بقول عيوبها او مشاكلها اللى ظهرت معايا والحمد لله معظمها اتحل بعد اول صيانة..
العربية مفيش غبار على ادائها كأداء موتور وثبات على الطريق ودول اكتر حاجتين يهموك وان كان فيه بعض العيوب فمن خلال تجربتى او الى سمعته من الناس انها راجعة للتقفيل المصرى وليس عيب فى مكونات العربية اكيد فاهم اقصد ايه يعنى مثلا لما تستلم العربية وتلاقى دربكة فى العفشة او صوت تكة او او فمش معنى كده ان مساعدينها اى كلام او مقصاتها ورق وانما لما تلاقى الاصوات دى اختفت بعد تربيط العفشة فى الصيانة هتعرف انه عيب تقفيل ايدى المصريين وقس على ذلك حاجات كتيرة..

انا شايف يا احمد ان العربية بصراحة جميلة وشيك وادائها جيد جدا يمكن هتكون مثلا محتاج تحسس وتحافظ عليها لان هيكون عندك هوسهوس الصينى اول ما تجيبها زى ما انا حصلى ومن كتر اللى الناس بتقوله هتحس دايما ان عربيتك فيها عيوب ويتهيألك وانت ماشى لو فيه صوت طالع من عربية جمبك او حتى بعيدة عنك يتخيلك انه طالع من عندك انت وقفل الكاسيت وتهدى وتتاكد انه مش منك وكأن الشيطان راكب فوق ودانك وبيقولك "دى عربية صينى زى ما قالولك سامع الصوت ده من عندك" هههههههههه والله كان بيحصلى كتير الكلام ده ومازال بيحصلى..

اتكل على الله وصلى استخارة واستفت قلبك وان افتوك (اللى بيقولك هات ام 11 ولا هات لوجان ولا هات فيرنا ولا ساجا ولا ولا مش هو صاحب القرار ومش هو اللى هيدفع الفلوس ومش هو اللى هيشيل الهم لو طلع الاختيار فى محله) فاعتقد انك سألت عن العربية وسمعت تجارب كتيرة فمش باقى غير اتخاذ القرار وربنا يصلحلك ويصلح لينا الحال ويوفقك للاختيار الصحيح ايا كان اللهم امييييييييين..

تقبل تحياتى وشكرا حبيبى لمرورك

[katoba]

تسلم ياخلود على الكلام الجميل دة .. انت فعلا معاك حق وانا والله الحمدلله مرتاح نفسيا وهجيبها باذن الله لانى مش لاقى احلى منها بصراحة لحد دلوقت فى فئتها السعرية ولا فى فخامتها وشياكتها وشكلها وصدقنى بمجرد ماجيبها هنسى اى هوسهوس لان ساعتها بقى هتبقى كل الشكوك والافكار الى فى بالى انتهت وبقت العربية معايا امر واقع .. وانا ان شاء الله متاكد ان ربنا هيباركلى فيها لانى هصلى استخارة ومحدش عارف جايز متبقاش من نصيبى واجيب انا البيرليانس هههههههه ماهو كل واحد ونصيبة بقى وفى كل الاحوال انت كلامك صح محدش هيدفعلى فلوس من جيبة انا الى هدفع وانا الى هشيل مسؤولية الحاجة الى هشتريها وربنا يباركلك ياباشا ويبارك للجميع هنا

[katoba]

وبالمناسبة هيما hima77 معتش بيدخل لية متعرفش اى اخبار عنه .. عاوزين نعرف عمل اية فى صيانه الالف والعربية عامله معاه اية ؟؟

[sv065]

بسم الله ماشاء الله

مبروك عليك سيارك الجميلة وإن شاء الله تحكي لنا أكثر عنها

خالص تحياتي

[hima77]

وبالمناسبة هيما hima77 معتش بيدخل لية متعرفش اى اخبار عنه .. عاوزين نعرف عمل اية فى صيانه الالف والعربية عامله معاه اية ؟؟

ازيك يا أ/ احمد ... معلش انا كنت مشغول شوية الفترة اللي فاتت وكنت في مأمورية للشغل ولسه راجع
انا لسه معملتش صيانة الالف لاني كنت مسافر بس ان شاء الله علي يوم السبت اللي جاي
بالنسبة للعربية الحمد لله .. الحمد لله .. كل اللي ظاهر حتي الان :
1- صوت تكتكة خفيف مع لف الدركسيون في وضع الثبات ناحية اليمين صادر من العجلة اليمين
2- موشر البنزين تقريبا فيه حاجة مش مظبوطة بس ده لاحظتة النهاردة بس

فيه موقف كويس مع الصيانة الفورية حصل معايا امبارح :
لما رجعت من السفر يوم الجمعة وخارج بالعربية جيت ادور العربية ما دارتش ولا طلعت اي صوت قولت في نفسي ادي اولها هو احنا لحقنا اتصلت بيهم في التوكيل ادوني رقم الصيانة الفورية (0168888830 - 0168888840 ) قالولي بشتغلو من 8 ص - 8 م عدا الجمعة اتصلت بيهم السبت الساعة 10.00 الصبح وقولتلهم جالي فني الساعة 12.15 قالي انت نسيت الانتظار شغال قولتلة لا قالي نسيت الشنطة مفتوحة قولتله لا ... علي ما وصلنا الجراج اللي فيه العربية اول ما شافها راح علي الشنطة بيشدها لاقها مفتوحة قالي انت اخر مرة مشيت بالعربية امتى ( كان اخويا اخدها وانا مسافر يوم الاثنين اللي فات عمل بيها مشوار ) قولتلوا دا كان اخر مشوار الظاهر بقي لان اخويا مش متعود عليها لسه نسي الشنطة مفتوحة او داس غلط علي مفتاح الشنطة في الريموت وقفل العربية ومشى من يوم الاثنين لحد الجمعة كانت البطارية فصلت

المهم جاب توصيله وشغل العربية سيبناها دايرة شوية وبطلت ودور مادارتش عملنا كدا مرتين ومادارتش قام الراجل بكل ذوق شايل البطارية وراح علي عربيتة جاب واحدة تانية وقبل ما يركبها لاقيتة بيفك كابل الارضي بتاع البطارية وقعد يصنفر فيه ونظفه وقال ده من عيوب التقفيل عندنا ان العربية بتترش من غير ما يعزل الكابلات بتاعة البطارية ممكن يخلي العربية تفصل معاك في اي وقت وركب البطارية الجديدة ودور العربية وكله تمام ... وطلب صورة الرخصة علشان يعمل امر الشغل

والحمد لله علي كل شئ العربية مافيش اي حاجة تانية

[katoba]

ازيك ياهيما واحشنا كتير يامان والله وحمدالله عالسلامة ياريس .. وحاول تفجت العربية شغل اليومين دول علشان وانت قبل ماتروح صيانة الالف تبقى عملت تقرير شامل عن كل مشاكلك زى خالد كدة وان شاء الله تتحل وموضوع عيوب التقفيل والرش بدون مايعزل الكابلات ظهر مع ااكتر من واحد للاسف قلة ضمير فانت حاول تشوف كل التكات والتريكات الصغيرة دى علشان تلمها كلها فى صيانة الالف وربنا يباركلك فى عربيتك ياباشا ويبعد عنك كل شر وسوء وعن الجميع .

[hugan]

ما شاء الله
كان ناقص القسم من زمان المواضيع الجميله دي

[emad7759]

السلام عليكم اخوانى الكرام ..

دايما بحب اشاركم فى كل اخبارى وتجاربى مع ام 11 العربية الاكثر جدلا فى فئتها .. فبعيدا عن فكرة انها صينى وسوء التقفيل المصرى اللى كلنا متفقين عليه وايضا بعيدا عن كل المشكلات اللى واجهتنى من اول ما اشتريت العربية واللى عرضتها عليهم فى التوكيل واتحل معظمها والحمد لله فى اول صيانة سواء عمدا او بغير عمد فهو ببركة دعاء الوالدين :)

اتيحت ليا الفرصة امبارح انى اجرب العربية على طريق الاسكندرية (للاسف الزراعى) فهو طريق سيء للغاية فى معظم مناطقه لكن هو اقرب طريق ليا عشان انا من بنها واصلا بنها واقعة على طريق القاهرة - اسكندرية الزراعى وكنت رايح افسح المدام يوم كده وراجع .. المهم فبصراحة وبكل حيادية العربية ادائها على الطريق فوق الممتاز من حيث الثبات والنعومة فأنا قدرت اوصل لسرعة 150كم\ساعة على الطريق الحر (اللى مش بيعديك على طنطا) هو طريق له رسوم مرور وواسع جدا ورايق جدا لكن يعيبه عدم وجود اى خدمات نهائيا طوال مسافة ال 25 كم تقريبا اللى هى طول الطريق ففعلا لقيت العربية منتهى الثبات بسم الله ماشاء الله ربنا يبارك فيها والحمد لله الرادار صورنى على 140كم ودفعت 150 جنيه غرامة فورية :(
تانى حاجة وهى الطريق الدولى الساحلى اللى قبل بوابة اسكندرية القديمة (بوابة السيوف) ب 18كم انا باخده عشان انزل شارع 45 فى العصافرة علاطول لانى بطلع على الشقة فى المندرة والطريق بردو واسع وسالك وفلة لكن اخدت فيه كام حفرة ورا بعض وانا على 120كم للاسف الحفر كانت واسعة ومش باينة الطريق كان ضلمة كحل والعربية عدت الحمد لله بسلام هى اترزعت رزع محترم وخوفت لايكون حصل حاجة فى العفشة مش ناقصة يعنى بس الحمد لله لسه بخير
تالت حاجة فعلا اللى كل يوم بيزيد احساسى بانها صح ويقين ان العربية منظرها بيجيب العين بشكل فظيع وصدقونى والله ومن غير مااحكى مواقف ان دايما فيه ناس معينة عارف ان عينيهم وحشة اول لما يشوفوا العربية بيحصل حاجة اخرها كان اول امبارح الاكصدام الامامى اتحك فى رصيف بخطأ غير مقصود منى بسبب واحد حيوان انا اضايقت اوى ساعتها لكن عزائى ان الحطة من تحت مش باينة اوى يعنى للى واقف ادام العربية الا اذا وطى شوية وبص عليها كويس وتانى حاجة قولت يلة خليها تاخد العين كويس انها جت فى الاكصدام مش حاجة كبيرة

اسف للاطالة بس حبيت اعيشكم معايا تجاربى مع الشقية ام 11 .. اتمسوا بالعافية

ربنا يملاهالك بركه وتظل على هذا الحال على طول الوقت

وربنا يديك خيرها ويكفيك شرها

وانا اسف وياريت متزعلشى منى انتا ياباشا زكرت الشىء

الحسن اللى فى العربيه وهو الشىء الوحيد اللى فى العربيه

وبعد كده هى لاتصلح ان تكون عربيه محترمه

يانااااااااااااااااااااااااااااااااااااااااااااااا اااااس العربيه

فشلت فشل كبير جدا فى مصر

العربيه فاشله وده اللى لازم الكل يعترف بيه

وياريت محدش يضحك على نفسه وعلى فكره انا من اول ملاك العربيه ولو حد فيكم تابع فى موضوع هيما بتاع تقييم العربيه

هتجده انى من الناس اول مجبتها كنت بمجد فيها

وبعدين انتا مشيت على سرعه ال150 كيلو

دى انتا كدا مجبتش سرعه انا والحمد لله مشيت بيها من 160 الى ال200 على الطريق الاسكندريه القاهره الصحراوى

وده مشى على طول على الطرق السريعه بس انا والحمد لله

لم يتم تصويرى الى الان واسف على الاطاله

ومازلت بقول ياريت ترتبه مقابله للى معاهم العربيه

ونتقابل وانا ان شاء لله هوريكم العيوب اللى فى الام زباله

[khaled_Saga]

ربنا يملاهالك بركه وتظل على هذا الحال على طول الوقت

وربنا يديك خيرها ويكفيك شرها

وانا اسف وياريت متزعلشى منى انتا ياباشا زكرت الشىء

الحسن اللى فى العربيه وهو الشىء الوحيد اللى فى العربيه

وبعد كده هى لاتصلح ان تكون عربيه محترمه

يانااااااااااااااااااااااااااااااااااااااااااااااا اااااس العربيه

فشلت فشل كبير جدا فى مصر

العربيه فاشله وده اللى لازم الكل يعترف بيه

وياريت محدش يضحك على نفسه وعلى فكره انا من اول ملاك العربيه ولو حد فيكم تابع فى موضوع هيما بتاع تقييم العربيه

هتجده انى من الناس اول مجبتها كنت بمجد فيها

وبعدين انتا مشيت على سرعه ال150 كيلو

دى انتا كدا مجبتش سرعه انا والحمد لله مشيت بيها من 160 الى ال200 على الطريق الاسكندريه القاهره الصحراوى

وده مشى على طول على الطرق السريعه بس انا والحمد لله

لم يتم تصويرى الى الان واسف على الاطاله

ومازلت بقول ياريت ترتبه مقابله للى معاهم العربيه

ونتقابل وانا ان شاء لله هوريكم العيوب اللى فى الام زباله

شكرا لكل الاخوة الكرام المرور والله يبارك فيكم واسمحولى بس ارد خصوصا على الاستاذ عماد..

يا أخ عماد لا داعى للاعتذار انت كده كده كل مرة بتدخل فى مواضيعى تشتم فى العربية وتكرهنى فيها ولكن الحمد لله انا ليا اللى شايفه فى العربية وبعدين على أد فلوسى اشتريت وانا عارف انى مشترتش بى ام وكمان لا انا اول ولا اخر واحد اشتراها ولا هيشتريها وانا مقتنع بان كل عربية ليه ميزاتها وعيوبها ولا خلاف على كده.
انا شايف ان تجربة حضرتك لا تستدعى انك فى كل موضوع يخص الام 11 تدخل تسب فيها وتكره اصحابها فيها انت لا هتستفيد شىء غير للاسف انك ممكن تعكر مزاج ملاك العربية واعتقد انك ملكش اى مصلحة فى كده.
اسف على كلامى وتقبل تحياتى

[meedoo69]

السلام عليكم
العربيه زى الفل الحمدلله انا جربت عربيات كتير قبلها بس هى ما تقلش عنهم كفاءه بل اعلى منهم فى حاجات تانيه مهمه الثبات و الصاج و قوه الفرامل ده غير الاوبشن الل مالى العربيه بس العربيات حظوظ حتى لو زيرو وربنا يبارك لكم فى عربياتكم ويبعد عنها العين اميييييييين

[hima77]

شكرا لكل الاخوة الكرام المرور والله يبارك فيكم واسمحولى بس ارد خصوصا على الاستاذ عماد..

يا أخ عماد لا داعى للاعتذار انت كده كده كل مرة بتدخل فى مواضيعى تشتم فى العربية وتكرهنى فيها ولكن الحمد لله انا ليا اللى شايفه فى العربية وبعدين على أد فلوسى اشتريت وانا عارف انى مشترتش بى ام وكمان لا انا اول ولا اخر واحد اشتراها ولا هيشتريها وانا مقتنع بان كل عربية ليه ميزاتها وعيوبها ولا خلاف على كده.
انا شايف ان تجربة حضرتك لا تستدعى انك فى كل موضوع يخص الام 11 تدخل تسب فيها وتكره اصحابها فيها انت لا هتستفيد شىء غير للاسف انك ممكن تعكر مزاج ملاك العربية واعتقد انك ملكش اى مصلحة فى كده.
اسف على كلامى وتقبل تحياتى

تسلم الصوابع اللي كتبت الكلام ده ...
يا خالد حب العربية هاتلاقي منها اكتر ما انت متوقع
"" مافيش عربية فيكي يا مصر اجمع عليها الشعب ان مافيهاش عيوب سواء عن تجربة او سماعي من ملاكها ""

[emad7759]

شكرا لكل الاخوة الكرام المرور والله يبارك فيكم واسمحولى بس ارد خصوصا على الاستاذ عماد..

يا أخ عماد لا داعى للاعتذار انت كده كده كل مرة بتدخل فى مواضيعى تشتم فى العربية وتكرهنى فيها ولكن الحمد لله انا ليا اللى شايفه فى العربية وبعدين على أد فلوسى اشتريت وانا عارف انى مشترتش بى ام وكمان لا انا اول ولا اخر واحد اشتراها ولا هيشتريها وانا مقتنع بان كل عربية ليه ميزاتها وعيوبها ولا خلاف على كده.
انا شايف ان تجربة حضرتك لا تستدعى انك فى كل موضوع يخص الام 11 تدخل تسب فيها وتكره اصحابها فيها انت لا هتستفيد شىء غير للاسف انك ممكن تعكر مزاج ملاك العربية واعتقد انك ملكش اى مصلحة فى كده.
اسف على كلامى وتقبل تحياتى

ياخى الغالى انا مش بكرهك فى العربيه انا وانتا وكل اللى اشترى

عربيه اى كان نوعها فكلانا تعبنا فى الفلوس وعلى فكره

ولله العظيم انا بفرح لما اجد حد عربيته حلوه

وربنا يديك خيرها ويكفيك شرها ويارب تزل فرحان بيها كده

على طول يارب ولو مشركاتى هتزعلكم انا ياسيدى

مش هشارك تانى خالص لا بلحلو ولا المر طالما كلمه الحق بتزعل كده وبتعكر اللى معاهم العربيه

يارجالهخ اعظم واحسن عربيه فى الدنيا هى الام11

وكل العربيات التانيه زى النيله ووحشه جدا وكلها مشاكل

ولاكن الام 11 احسن عربيه فى مصر والحمد لله قطع غيارها

موجوده على الرصيف وسعرها ببلاش زى ال128

والدنيا وردى واللى مش معاه عربيه ام11 ليس معاه عربيه

وياريت الناس كلها تبيع عربيتها وتشترى ام11

ايه رئيك كده حلو اى خدمه ياعم انتا تامر

ودى ياسيدى اخر مشاركه معاكم وشوفه لما حد يسمع كلامكم

ويروح يشترى وتقابله المشاكل ويدور على قطع الغيار ليها

ولم يجد ويقول زى منا بقول حسبنا لله ونعم الوكيل فى اللى

خلانى اشتريها هيكون كويس

وفى الاول والاخر احنا اخوات

واى اوامر اخره انا تحت امرك ياباشا

وانا فى اخر مشاركه معاكم بقول ليكم ياريت

ترتبه مقابله يارب تعملوها فى المريخ وانا هكون اول من يحضر المقابله ونشوف مين فينا اللى صح ومين اللى غلط

ولو انتم وثقين من عربيتكم رتبه المقابله والمياه تكدب الغطاص


واقول ليكم مع الف مليون سلامه وخليكم مع بعض

وانا خارج علاشان معكرشى مزاج حد او اكره حد فى عربيته


واسف على الاطاله ومعلشى علاشان دى اخر مشاركه ليا

[mohser]

ياخى الغالى انا مش بكرهك فى العربيه انا وانتا وكل اللى اشترى

عربيه اى كان نوعها فكلانا تعبنا فى الفلوس وعلى فكره

ولله العظيم انا بفرح لما اجد حد عربيته حلوه

وربنا يديك خيرها ويكفيك شرها ويارب تزل فرحان بيها كده

على طول يارب ولو مشركاتى هتزعلكم انا ياسيدى

مش هشارك تانى خالص لا بلحلو ولا المر(يا ريت) طالما كلمه الحق بتزعل كده وبتعكر اللى معاهم العربيه

يارجالهخ اعظم واحسن عربيه فى الدنيا هى الام11)(كلام مظبووط)

وكل العربيات التانيه زى النيله ووحشه جدا وكلها مشاكل

ولاكن الام 11 احسن عربيه فى مصر والحمد لله قطع غيارها

موجوده على الرصيف وسعرها ببلاش زى ال128

والدنيا وردى واللى مش معاه عربيه ام11 ليس معاه عربيه

وياريت الناس كلها تبيع عربيتها وتشترى ام11

ايه رئيك كده حلو اى خدمه ياعم انتا تامر

ودى ياسيدى اخر مشاركه معاكم وشوفه لما حد يسمع كلامكم

ويروح يشترى وتقابله المشاكل ويدور على قطع الغيار ليها

ولم يجد ويقول زى منا بقول حسبنا لله ونعم الوكيل فى اللى

خلانى اشتريها هيكون كويس

وفى الاول والاخر احنا اخوات

واى اوامر اخره انا تحت امرك ياباشا

وانا فى اخر مشاركه معاكم بقول ليكم ياريت

ترتبه مقابله يارب تعملوها فى المريخ وانا هكون اول من يحضر المقابله ونشوف مين فينا اللى صح ومين اللى غلط

ولو انتم وثقين من عربيتكم رتبه المقابله والمياه تكدب الغطاص


واقول ليكم مع الف مليون سلامه وخليكم مع بعض

وانا خارج علاشان معكرشى مزاج حد او اكره حد فى عربيته
(أحسن حاجة)

واسف على الاطاله ومعلشى علاشان دى اخر مشاركه ليا

(مع ألف سلامة)