ام 11 .. اداء وثبات فوق الممتاز وعن اول تجربة

[hany_ali]

ازيك يا أ/ احمد ... معلش انا كنت مشغول شوية الفترة اللي فاتت وكنت في مأمورية للشغل ولسه راجع
انا لسه معملتش صيانة الالف لاني كنت مسافر بس ان شاء الله علي يوم السبت اللي جاي
بالنسبة للعربية الحمد لله .. الحمد لله .. كل اللي ظاهر حتي الان :
1- صوت تكتكة خفيف مع لف الدركسيون في وضع الثبات ناحية اليمين صادر من العجلة اليمين
2- موشر البنزين تقريبا فيه حاجة مش مظبوطة بس ده لاحظتة النهاردة بس

فيه موقف كويس مع الصيانة الفورية حصل معايا امبارح :
لما رجعت من السفر يوم الجمعة وخارج بالعربية جيت ادور العربية ما دارتش ولا طلعت اي صوت قولت في نفسي ادي اولها هو احنا لحقنا اتصلت بيهم في التوكيل ادوني رقم الصيانة الفورية (0168888830 - 0168888840 ) قالولي بشتغلو من 8 ص - 8 م عدا الجمعة اتصلت بيهم السبت الساعة 10.00 الصبح وقولتلهم جالي فني الساعة 12.15 قالي انت نسيت الانتظار شغال قولتلة لا قالي نسيت الشنطة مفتوحة قولتله لا ... علي ما وصلنا الجراج اللي فيه العربية اول ما شافها راح علي الشنطة بيشدها لاقها مفتوحة قالي انت اخر مرة مشيت بالعربية امتى ( كان اخويا اخدها وانا مسافر يوم الاثنين اللي فات عمل بيها مشوار ) قولتلوا دا كان اخر مشوار الظاهر بقي لان اخويا مش متعود عليها لسه نسي الشنطة مفتوحة او داس غلط علي مفتاح الشنطة في الريموت وقفل العربية ومشى من يوم الاثنين لحد الجمعة كانت البطارية فصلت

المهم جاب توصيله وشغل العربية سيبناها دايرة شوية وبطلت ودور مادارتش عملنا كدا مرتين ومادارتش قام الراجل بكل ذوق شايل البطارية وراح علي عربيتة جاب واحدة تانية وقبل ما يركبها لاقيتة بيفك كابل الارضي بتاع البطارية وقعد يصنفر فيه ونظفه وقال ده من عيوب التقفيل عندنا ان العربية بتترش من غير ما يعزل الكابلات بتاعة البطارية ممكن يخلي العربية تفصل معاك في اي وقت وركب البطارية الجديدة ودور العربية وكله تمام ... وطلب صورة الرخصة علشان يعمل امر الشغل

والحمد لله علي كل شئ العربية مافيش اي حاجة تانية

ده حصل معايا و انا قولتلكم عليه قبل كده
معلش يا باشا خيرها في غيرها
العربية فله شمعة منورة :)

[hima77]

الحمد لله يا هاني ... انا حابب العربية جدا ومرتاح معاها الحمد لله ... المواقف دي عادية جدا بالنسبة لي

[hany_ali]

و الله و انا كمان يا هيما بس عملت حادثة امبارح و الباب الشمال اللي ورايا ادمر بالازاز ادعوللللللللللللللي في التأمين ينجزوه

و كنت عايز اسالك يا هيما لما بتجيب مارش بيكون تقيل شوية و رخم و مش بيجي من اول مرة و لا انا اللي فأري :)

[hima77]

قدر الله وماشاء فعل ... والحمد لله انها جت علي قد الباب وربنا سلمها معاك .. وربنا يقويك مع التأمين ويهديهملك

بالنسبة للمارشدير هو فعلا تقيل .. بس لما الفني كان بيعملي البطارية قالي ده عادي في كل موديلات اسبرانزا
ومع الوقت التروس بتطبع مع بعضها وهتلاقيه عادي خالص

[yassin_samir]

السلام عليكم و رحمة الله و بركاتة
انا ياسين من قسم الدايو و اسمحوا ليا انى اتكلم معاكم فى الموضوع دة
انا ليا وجهة نظر و ارجوا ان تقبلوها و هى تقبل اراء الاخرين
و انا شايف ان اى حد يتكلم كلام وحش فى حق العربية الام انتم رافضينة طب لية ماتسيبة كل و احد يقول رائية و حتى لو طلع كذب او افترا
القارئ عندة عقل يميز الكلام و حكاية انى او انت يمشى بكلام غيرة دة كان زمان الان انا بسال ميت مرة قبل ما اعمل اوشترى و ابيع عربية او اتخذ اى قرار بالنسبة لعربيتى
فى حاجة مهمة كمثال الانوس مثلا فى مصر من 19999 و قبل كدة كمان بسنة و حتى الان تمشى فى الشوارع و اقفة على حيلها ماسكة نفسها طبعا فى منها مكسر و مبهدل على الاخر طيب كدة كام سنة 12 سنة طيب دة و فت كافى انى احكم على العربية دى انها كويسة و حمالة اسية و بقت عربية شعبية من الطراز الاول و قطع غيارها بقت برخص التراب و جديد و مستعمل و تيوانى و صينى و تايلندى و اسبانى و كورى و كورى نضيف و فى الاخر جى ام اصلى من خارج التوكيل و جى ام اصلى من التوكيل نفسة و دة لاى حد شكاك زى انا السؤال هنا و العلم عند الله طبعا هل تفتكر ان الام 11 او اى عربية صينى انها تستمر تخدم مالكها بالشكل دة طبعا انا مش بقارن على اساس الفئة طبعا هناك فرق من حيث الحجم و الامكنيات و كدة و الرحابة الخ طيب سؤال تانى انت لما تيجى تبيع و انت كدة كدة هتبيع فى يوم من الايام المهم فى النهاية هتبيع سواء بعد شوية او بعد فترة طيب العربية تجيب كام و هانتظر اد اية لما تتباع و هعرف ابيع
بالسعر اللى انا طابلة و اللى هو فعلا سعرها و تساوية و لا هلاقى واحد ميسواش 3 شلن يبيع فية و يشترى براحتة و ابقا مذللول لية علشان اخلص نفسى و على فكرة انا شايف ان الضرر من ان شخص يقول ان العربية الفلانية و حشة و او انة يفتى على انها و حشة اقل بكتير على ان و احد يقول انها هايلة و ممتاذة و هى العكس مثال و احد كان رايح يشتريها قولتلة انها و حشة مثلا فماشتراش و و جاب حاجة تانية هو و اثق فيها كدة انا ماضرتهوش لا ممكن يكون كلامى صح و العربية تطلع و حشة جدا و هو مخسرش حاجة و العكس
تقبلوا مرورى

[firstknight_eg]

السلام عليكم و رحمة الله و بركاتة
انا ياسين من قسم الدايو و اسمحوا ليا انى اتكلم معاكم فى الموضوع دة
انا ليا وجهة نظر و ارجوا ان تقبلوها و هى تقبل اراء الاخرين
و انا شايف ان اى حد يتكلم كلام وحش فى حق العربية الام انتم رافضينة طب لية ماتسيبة كل و احد يقول رائية و حتى لو طلع كذب او افترا
القارئ عندة عقل يميز الكلام و حكاية انى او انت يمشى بكلام غيرة دة كان زمان الان انا بسال ميت مرة قبل ما اعمل اوشترى و ابيع عربية او اتخذ اى قرار بالنسبة لعربيتى
فى حاجة مهمة كمثال الانوس مثلا فى مصر من 19999 و قبل كدة كمان بسنة و حتى الان تمشى فى الشوارع و اقفة على حيلها ماسكة نفسها طبعا فى منها مكسر و مبهدل على الاخر طيب كدة كام سنة 12 سنة طيب دة و فت كافى انى احكم على العربية دى انها كويسة و حمالة اسية و بقت عربية شعبية من الطراز الاول و قطع غيارها بقت برخص التراب و جديد و مستعمل و تيوانى و صينى و تايلندى و اسبانى و كورى و كورى نضيف و فى الاخر جى ام اصلى من خارج التوكيل و جى ام اصلى من التوكيل نفسة و دة لاى حد شكاك زى انا السؤال هنا و العلم عند الله طبعا هل تفتكر ان الام 11 او اى عربية صينى انها تستمر تخدم مالكها بالشكل دة طبعا انا مش بقارن على اساس الفئة طبعا هناك فرق من حيث الحجم و الامكنيات و كدة و الرحابة الخ طيب سؤال تانى انت لما تيجى تبيع و انت كدة كدة هتبيع فى يوم من الايام المهم فى النهاية هتبيع سواء بعد شوية او بعد فترة طيب العربية تجيب كام و هانتظر اد اية لما تتباع و هعرف ابيع
بالسعر اللى انا طابلة و اللى هو فعلا سعرها و تساوية و لا هلاقى واحد ميسواش 3 شلن يبيع فية و يشترى براحتة و ابقا مذللول لية علشان اخلص نفسى و على فكرة انا شايف ان الضرر من ان شخص يقول ان العربية الفلانية و حشة و او انة يفتى على انها و حشة اقل بكتير على ان و احد يقول انها هايلة و ممتاذة و هى العكس مثال و احد كان رايح يشتريها قولتلة انها و حشة مثلا فماشتراش و و جاب حاجة تانية هو و اثق فيها كدة انا ماضرتهوش لا ممكن يكون كلامى صح و العربية تطلع و حشة جدا و هو مخسرش حاجة و العكس
تقبلوا مرورى

استاذ ياسين طبعا كلامكم صح 100 100 بس المشكلة في الموضوع ان اللي داخل داخل عشان ينغص عليك عيشتك

يعني واحد يقول انا عندي مشكلة في حاجة معينة تلقيه داخل يقولك اصلها صيني تعبانة وابو الفتوح ابن كذا وكذا

يا سيدي الفاضل هو الراجل بيسأل علي حل لمشكلته ولا داخل يدور علي حد يقطم فيه

مفيش مشاكل ان واحد يسأل يقول العربية عاملة ايه معاك يخش يحكي تجربته ويقول كل اللي في نفسه بس لما يبقي حد عنده مشكلة ما نقعدش نكره في اليوم اللي جاب في العربية

وهلا بيك في اي وقت

[khaled_Saga]

استاذ ياسين طبعا كلامكم صح 100 100 بس المشكلة في الموضوع ان اللي داخل داخل عشان ينغص عليك عيشتك

يعني واحد يقول انا عندي مشكلة في حاجة معينة تلقيه داخل يقولك اصلها صيني تعبانة وابو الفتوح ابن كذا وكذا

يا سيدي الفاضل هو الراجل بيسأل علي حل لمشكلته ولا داخل يدور علي حد يقطم فيه

مفيش مشاكل ان واحد يسأل يقول العربية عاملة ايه معاك يخش يحكي تجربته ويقول كل اللي في نفسه بس لما يبقي حد عنده مشكلة ما نقعدش نكره في اليوم اللي جاب في العربية

وهلا بيك في اي وقت

اتفق مع حضرتك فى الرأى.. كلام الاستاذ ياسين مظبوط ولكن بتحفظ بسيط واللى حضرتك وضحته وهو ان اللى بيدخل للاسف بيشتم فى العربية لدرجة مستفذة يعنى الموضوع مش بيقف عند حد انه بس بيقول رأيه ولكن للاسف بوصل انه بيكره صاحب العربية فيها.. اكيد شىء مرفوض
اتفق فى ان اللانوس وامثالها حمالة اسية وقطع غيارها برخص التراب وطوب الارض بيفهم فيها ويشتغل فيها وانا كان معايا جولييت لمدة سنتين وفعلا حمالة اسية ولكن انت ليه قولت حمالة اسية؟؟؟؟ حمالة اسية لانك بتخبط وبترزع فيها وبتسيبها ماشية بحالها وقرفها مش بيهمك حاجة لانك عارف ان بأقل الامكانيات هتلم الليلة بمبلغ مش كبير انما فى حالة عربية زى الاسبرنزا اقل خبطة او عيب فيها هيكلفك شىء وشويات ووجع دماغ وصداع انت فى غنى عنه..طبعا دى نقطة فى صالح العربيات اللى زى اللانوس ومش فى صالح الاسبرنزا ولكن يظل المكمن فى ان كل عربية قابلة انها تخرب وتبوظ وتتعبك وتكرهك فى اليوم اللى جبته فيها .. تنكر ان اللانوس كل يوم والتانى عند ميكانيكى اوكهربائى او او او او ؟؟؟ تنكر ان اكتر من نص العربيات دى ماشية فى مصر بعيوب سواء خبطة او سير بيصفر او تيل بيصوصو او زوايا بتحدف او ترصيص بيرقص العربية عند ال 90 كم او عدم ثبات او او او؟؟؟؟؟
لو كلام الاستاذ ياسين مظبوط بالنسبة لفئة العربيات الكورى الاعتمادية يبقى المفروض محدش بقى يشترى اى عربيات غيرها ولا تقولى كروز ولا كيا ولا بى ام ولا اسكودا ولا اى حاجة ماهم بردو دول عربيات نضيفة لكن العيب اللى بيحصل فيهم بيوجع!!!

اخيرا يا استاذ ياسين تقبل تحياتى واهلا بيك فى اى وقت معانا .. كلنا هنا اخوات مادام الاحترام فى الاسلوب موجود

[yassin_samir]

شكرا ليكم جميعا و احب اوضح انى فى الشغل راكب frv و بحس انها احسن و اركز من الانوس
مش عارف اوصف بالظبط ممكن اقول انها ماسكة نفسها اكتر من عربيتى او متربطة جامد مش عارف الهم انى بستريح فيها اكتر الصراحة اكتر من عربيتى و العفشة احسن و الماتور اقوى من عربيتى و خصوصا مع التكيف بس فى الاخر كل عربية لها مميزات و لها عيوب و لا يوجد سيارة فى مصر كاملة الاوصاف
مثال كدة على السريع فى واحد فى الشارع معاة رانجلر زيرو لقيت بالصدفة اية محدش يتخيل لقيت تانك غاز طبيعى فى الشنطة ينهار ابيض
طب لية دا انت راجل غنى و المفروض نزية و لو انت بخيل مكنتش جبتها و اكيد اكيد انت تعرف مسبقا انها حوت بنزين ( الصراحة كونت مستنية يقولى انه مكنش يعرف انها بتسهله استهلاك عالى علشان اديلة ميت قلم على وشة )
لقيتة مستخصر انة يحط 95 و احد ابن حلال شار علية انه يركب غاز طبيعى اوفر له حسبى الله و نعم الوكيل فى الناس الجهلة

[medo_2060]

شكرا لنقل التجربه
وربنا يبارك لك فى العربيه.. بحبها جدا الصراحه :)

[khaled_Saga]

شكرا لنقل التجربه
وربنا يبارك لك فى العربيه.. بحبها جدا الصراحه :)

ميدو تحياتى لك وشكرا لمرورك الكريم وربنا يبارك للكل فيما رزق ويكفينا شر العربيات بانواعها