الجديدةm12

[drmosolini]

حد عنده يعرف مواصفات الجديدةm12

[firstknight_eg]

موجودة في أهرام النهاردة بيتهيألي هي هي نفس مواصفات ال M11

1600 سي سي 118 حصان

فرامل ABS و EBD

مانيوال

جنوط 16 ، 205/55

زجاج كهربا، مرايات كهرابا، حساس مطر، حساس نور

بس الغريب بأه مفيش air bags

السعر 75000

وبيتهيألي ان الوقت مش مناسب خالص للعربية ديه، السوق نايم ومحدش بيشتري انا كنت افضل انه يظبط ال M12 ويعملها دعاية تانية بدل ما ينزل عربية تانية في وقت مش مناسب

[khaled_Saga]

فعلا هى هى ام 11 ولكن هاتشباك موجودة فى اهرام النهاردة .. موضوع الوقت مش مناسب اعتقد لأ عادى انا لسه شارى من شهر وشايف ناس كتير بتشترى والبنوك مش بتبطل تقسيط ماشاء الله بعدين هى ترجع لابو الفتوح وسياسته اكيد هو ادرى


الغريب السعر اللى حضرتك قولته 75000 كتير بصراحة على العربية يعنى هى اغلى من السيدان 3000 طيب ايه السبب؟؟؟؟ انا لما شوفت الاعلان فى الاهرام قولت هتعملها من 65000 ل 70000 بالكتير اللى اعرفه ان الهاتشباك ارخص من السيدان لو بنفس المواصفات

[mmmmgogommmm]

دايما الهاتشباك اغلى--علشان رياضية وليها زبون ميعرفش يركب غيرها

[khaled_Saga]

دايما الهاتشباك اغلى--علشان رياضية وليها زبون ميعرفش يركب غيرها

مين قال؟ عندك الاف اس فى و الاف ار فى دى اغلى من دى ب 5000

[hima77]

مافيش اي فرق غير انها هاتشباك
بالنسبة لتوقيت العرض اعتقد انه مايفرقش كتير بالنسبة للمشتري الجديد بس يفرق معانا احنا ملاك الـ m11 علشان اكيد قطع الغيار تتوافر اكتر لانها اصبحت مطلوبة لعربيتين في السوق وبالنسبة للسعر ما فرقتش كتير نفس السعر بتاع الm11 اول نزلوها لو تفتكرة بالاضافة الي ان كل الهاتشباك في الماركات التانية بيكون اغلي شويه من السيدان .. في المجمل هي خطوه كويسة وان شاء الله يكون ليها رد فعل كويس علي العربيتين

رأي الشخصي الـ m 11 اشيك بكتير منها

[katoba]

الهاتش باك دايما ارخص من السيدان الا بقى لو الهاتش باك حجمها كبير شوية فهنا السعر ممكن يكون متساوى .. لكن انا رايى من راى هيما ان الm11 اشيك بكتير منها

[hima77]

Speranza Egypt - Aboul Fotouh's Photos - In The News | Facebook

ده الاعلان بتاع الــ M12

[firstknight_eg]

بص هي السياسة التسعيرية بتاعت توحة غريبة شوية، يعني العربية تبتدي بالسعر العالي وبعدين تنزل شوية ولما الاقبال يزيد تطلع تاني، تحس ان هي سياسة بتنجانية شوية

علي اي اساس السعر الاولاني اتحط الله اعلم طب والسعر نزل ليه وطلع ليه والمتغيرات واحدة

[attiahf]

فعلا العربية زى ام 11 مع تغيير الشكل الخارجى وارجو انة يكون تلافى مشاكل ام 11 المتعرف عليها ....ارجو ان التقفيل يكون حلو
اهم حاجة فى الاعلان انة حس ان الشركة لسة موجودة اصلى حسيت ان صاحب الشركة هيخلع زى كتير فى السوق

[egypt0777]

انا و الله مستعرب من ابو الفتوح

ازى ينزل الهاتش باك بتاع ال m11
والm11 عربية مش منتشرة لان مفيش عليها اقبال
و قطع غيارها تكاد تكون معدومه فى التوكيل وبره التوكيل

هى بيع و تدبيس الناس وخلاص

للاسف المستهلك المصرى مخدوع بالشكل فقط انما جوهر العربية مش مهم عنده

المشكله الكبيره ان عم توحه يصنع العربية ده فى مصر

يبقى الله يرحمها و حتحصل اخواتها فى المشاكل

رجاء خاص لابو الفتوح استنضف وهات العربية زى ماهى من الصين على ابوها

وبطل تلعب فى العربيات

اعمل حسنة واحده فى حياتك

[fineart607]

مين قال ان الأم11 مش منتشرة ؟؟؟؟؟؟؟؟
وان شاء الله تكون عربية حلوه

[nnbnbnb]

انا و الله مستعرب من ابو الفتوح

ازى ينزل الهاتش باك بتاع ال m11
والm11 عربية مش منتشرة لان مفيش عليها اقبال
و قطع غيارها تكاد تكون معدومه فى التوكيل وبره التوكيل

هى بيع و تدبيس الناس وخلاص

للاسف المستهلك المصرى مخدوع بالشكل فقط انما جوهر العربية مش مهم عنده

المشكله الكبيره ان عم توحه يصنع العربية ده فى مصر

يبقى الله يرحمها و حتحصل اخواتها فى المشاكل

رجاء خاص لابو الفتوح استنضف وهات العربية زى ماهى من الصين على ابوها

وبطل تلعب فى العربيات

اعمل حسنة واحده فى حياتك

انا معاك فى الرئى فى كل اللى انتا قلته لان توحه الى الان لم يحل مشاكل الام 11

ويارب يقدر يشوف حل للمشاكل المزمنه للعربيات دى


ولله العربيه الام11 من اجمل العربيات بس لو يهتم بيها ويوفر قطع الغيار ويزبطها


ولله كانت كلت كل العربيات التانيه وربنا يهديه

[khaled_Saga]

انا معاك فى الرئى فى كل اللى انتا قلته لان توحه الى الان لم يحل مشاكل الام 11

ويارب يقدر يشوف حل للمشاكل المزمنه للعربيات دى


ولله العربيه الام11 من اجمل العربيات بس لو يهتم بيها ويوفر قطع الغيار ويزبطها


ولله كانت كلت كل العربيات التانيه وربنا يهديه

ربنا يهديك الاول يا emad7759

[hemaa_82]

مافيش اي فرق غير انها هاتشباك
بالنسبة لتوقيت العرض اعتقد انه مايفرقش كتير بالنسبة للمشتري الجديد بس يفرق معانا احنا ملاك الـ m11 علشان اكيد قطع الغيار تتوافر اكتر لانها اصبحت مطلوبة لعربيتين في السوق وبالنسبة للسعر ما فرقتش كتير نفس السعر بتاع الm11 اول نزلوها لو تفتكرة بالاضافة الي ان كل الهاتشباك في الماركات التانية بيكون اغلي شويه من السيدان .. في المجمل هي خطوه كويسة وان شاء الله يكون ليها رد فعل كويس علي العربيتين

رأي الشخصي الـ m 11 اشيك بكتير منها

لولا ال 77 بدل ال 82 كنت افتكرت ان انا اللي قلت الكلام ده .....



انا كنت مشغول الفترة اللي فاتت بس افهم من كلمكم ان ال m12 نزلت خلاص؟؟؟؟؟؟؟؟؟؟؟؟؟؟
ده يصدق علي كلام مخازن توحة لما قالولي ان في شحنات قطع غيار داخلة تغرق السوق و بالزات للتيجو و الm

الف مبروك يا اخوانا ........