الجديدةm12

[egypt0777]

هو نوع الكاوتش بقي اساس تقييم العربية ولا ايه يا رجالة !!!!! ... علي فكرة اخويا معاه نيسان صني 2010 والكاوتش بتاع الباب فك لواحدة قبل ما يعمل صيانة ال5000 وماكينة الزجاج الخلفي يمين وقفت لا بيطلع ولا بينزل برده قبل ال 5000 .. هل ده معناه ان العربية زفت وزباله
وهل الكاوتش بتاع الباب يابانى وهل ماكينة الزجاج ياباني برده ؟؟؟؟

باشا كوتش الباب ده من ال 40 % المصرى -- محدش يختلف عليها فى اى عربية تجميع مصرى ان التصنيع المصرى للاسف لا يرقى لتصنيع الفبريكة

انا بتكلم على ال 60% الباقى الفرق بين مكون و مكون

ولا انت مش معانا برده ان ابو فتوح خلاها كلها 100% مصرى و محصلتش ال 60% الصينى

والعجل ابسط دليل على عدم الاسترخاص

[hima77]

اكيد محدش يختلف علي ال 40 % مصري .. بس هى نفس النسبة مش هاتختلف من اسبرانزا او نيسان او هيونداي

اللي هايفرق اليد المبروكة اللي هاتربط الـ 40 % بالــ 60 % وابو الفتوح برده ما بيسترخص في الكاوتش كان ممكن ينزلها بكاوتش النسر زي الفيرنا مثلا

الاختلاف في الرأي لا يفسد للود قضية ... تقبل تحياتي

[egypt0777]

الاختلاف في الرأي لا يفسد للود قضية ... تقبل تحياتي

طبعا احنا حنخسر بعض عشان شوية توكيلات

وتقبل تحياتى انا كمان

بمناسبة الكاوتش -- كله بيسلم نمر بعد ال 40 الف

بس والله عجيبة عم غبور بيحط النسر

[katoba]

الله ينور عليكم يارجاله هو دة الكلام المحترم ومش توحة ولا غيرة اللى هيخلينا نخسر بعض لان كل اصحاب اتوكيلات اكيد حرامية وخصوصا لو بيلعبوا فى العربيات ويقفلوها هنا . الواحد مش قادر ينسى العربيات اللادا بتاعت زمان الى كان بينزل منها نوعين واحد مصرى والتانى روسى .. كنت تركب الروسى تحس انك راكب عربية محترمة من جوا تركب المصرى تلاقى الدواسات محطوطة فى اقصى الشمال واليمين فاضية والفتيس مترين والشبابيك بتخبط من كل حته .. ياراجل توحة مهما لعب فى الحاجة مش هيوصل للمرحله دى وفى النهاية احب اعرف الناس ان للاسف الفترة الجاية كله هيتقفل فى مصر لان كل حاجة دلوقت بقت كدة لانى لسة كنت بشترى سخان غاز لشقتى من كام يوم لقيت الراجل بيقولى للاسف كل الى موجود تقفيل مصرى عندك حته هيونداى اهى كورى منضربش فيها مسمار مصرى خلص وتوكل على الله قلتله حتى السخانات بماركات العربيات بس بصراحة خفت اجيبة لانه ملوش توكيل ومش هعرف اعمله صيانه وجبت الاوليمبيك الصينى تقفيل مصرى .. قلت بينى وبين نفسى هو احنا موعودين ولا اية ربنا يرحمنا ويستر عالبلد ويبعد عننا اى حد قليل الضمير ويباركلنا فى كل الى هنشترية ..

[hemaa_82]

طبعا احنا حنخسر بعض عشان شوية توكيلات

وتقبل تحياتى انا كمان

بمناسبة الكاوتش -- كله بيسلم نمر بعد ال 40 الف :b4_611:

بس والله عجيبة عم غبور بيحط النسر

غبور لو يطول كان يديك العربية علي عجلتين و يقولك ان الباقي في الاوتوماتيك بس .....

يا مؤمن دي الفيرنا الفول ابشن مانوال مفيهاش مرايات كهربا يقولك المريات مع الوتوماتيك بس ... قال فول اوبشن قال ....

انت بس الي بقي عندك حساسية من توحة و مش مركز مع الباقي

[egypt0777]

انت بس الي بقي عندك حساسية من توحة و مش مركز مع الباقي

ماشى نطلع على بتوع هونداى

قال واحنا كنا حنخش فى نسب مع غبور

الحمد لله ربنا ستره مع الواحد


تحياتى

[amm70]

مش عارف ليه منزلهاش اوتو .....في رايي انه ده عيب كبير رغم كل الامكانيات اللي فيها