سائل تنظيف الانجيكشن

[rodyA113]

السلام عليكم ورحمة الله وبركاته
ارجو المساعده في معرفه فائده وضع سائل لتنقيه الرشاشات او الانجيكشن بتاع عربيه اسبيرانزا a113 بصراحه اول مره اعرف المعلومه دي النهارده وانا في البنزينة هل فعلا ليها فائده ؟ واحسن نوع ايه ؟ وامتي اضعه في التنك هل لما البنزين يخلص خالص واروح افول ولا ممكن وهو ناقص 10 او 20 لتر؟؟
:b4_611:

[sv065]

السلام عليكم



أحب اوضح لحضرتك إن السائل ده عبارة عن مادة منظفة لمكونات دورة الوقود بالكامل بدأ من التانك حتي حجرة الإحتراق مرورا بالرشاشات التي غالبا تكون هي الهدف الأكبر من التنظيف وهو متوفر من إنتاج عدة شركات كثيرة وإن كان غالبيتها أمريكي وأنا شخصيا استعملت نوع إسمه Cyclo من محطة وطنية وسعره كان 40 جنيه ومكتوب عليه الإستعمال كل 10000 كم وهو ممكن يفرق بصورة ملحوظة في السيارات اللي بتستعمل بنزين من محطات غير مطابقة للمواصفات يعني مغشوش مثلا سواء بإضافة 90 علي 92 مثلا أو فيه نسبة شوائب أو أن الخزانات نفسها متآكلة ويصل إليها مخلفات المحطة وما شابه وللعلم كنت أجد بتوكيل ميتسوبيشي منظف من إنتاج ميتسوبيشي نفسها لذلك الغرض وكان سعره غالي حوالي 80 جم منذ عامين وكان مخصص للإستعمال داخل التوكيل فقط



وكان الإستعمال عن طريق مليء نصف التانك ثم إضافة السائل ثم تكملة مليء باقي التانك وعدم التموين حتي قرب انتهاء كمية البنزين الموجودة في التانك


خالص تحياتي

[rodyA113]

ميرسي لحضرتك علي الرد يعني معني كده اسيب التانك قرب الانتهاء واروح اعمل الموضوع ده ان شاء الله طيب ليه سؤال هو ليه في التوكيل دايما بيقولولي انهم بينظفوا الرشاشات ويغيروا الفلاتر هل هي مختلفه عن التوكيل ؟ اسفه للإطالة

[khaled_Saga]

حضرتك لما توصلى عند نص التانك تقريبا او تلته ضيفى السائل (ممكن تسألى عن الانواع الكويسة فى بنزينة وطنية) وبعد كده تكملى التانك للاخر ومتفوليش بعدها الا لما يكون التانك فاضى على الاخر بحيث يكون السائل اخد دورته كاملة مع التفويلة.

بالنسبة لموضوع تنضيف الرشاشات فى التوكيل انا مش متأكد بس اعتقد ممكن يكون ده صحيح هم ليه هيكدبوا لكن ممكن انتى تحطى السائل زيادة تأكيد. بالنسبة لتغيير فلتر البنزين ده صحيح انه بيتغير كل عدد كيلومترات معين اعتقد كل 10000 كم.

انا اللى ليا سؤال: هو حضرتك بتحطى بنزين ايه؟ ومنين؟ اظن لو بتحطى 92 او 95 ومن بنزينة نضيفة زى وطنية مش هتبقى محتاجة تحطى السائل ده خالص ولا توجعى دماغك الا اذا كنتى حاسه بضعف ملحوظ فى سحب العربية.

تقبلى تحياتى...

[sv065]

ميرسي لحضرتك علي الرد يعني معني كده اسيب التانك قرب الانتهاء واروح اعمل الموضوع ده ان شاء الله طيب ليه سؤال هو ليه في التوكيل دايما بيقولولي انهم بينظفوا الرشاشات ويغيروا الفلاتر هل هي مختلفه عن التوكيل ؟ اسفه للإطالة

العفو علي ايه



بالظبط كده حضرتك قرب إنتهاء البنزين في التانك



وبخصوص تنظيف الرشاشات في التوكيل المفروض ده مش بيتم إلا في حالة وجود شكوي معينة مثل برجلة السيارة وضعف السحب أو عدم نجاح التدوير أصلا أو ما شابه لكن بدون سبب أو كصيانة دورية أعتقد إنه مش بيتم إلا أن يكون فيه نظام جديد بتحتاجه سيارة معبنة

أما تغيير الفلاتر فده من ضمن إجراءات صيانة أي سيارة طبقا لكتيب الصانع وفي مواعيد محددة ومهم جدا عدم التأخير في تغيير فلتر الهواء لأنه من الفلاتر اللي بتعرض لكتير أوي من التراب في مصر ورأيي الشخصي يفضل التغيير قبل المعاد كمان وكذلك فلتر البنزين لقلة جودة ونظافة البنزين في بعض المحطات


والله تعالي اعلي واعلم



خالص تحياتي

[rodyA113]

حضرتك لما توصلى عند نص التانك تقريبا او تلته ضيفى السائل (ممكن تسألى عن الانواع الكويسة فى بنزينة وطنية) وبعد كده تكملى التانك للاخر ومتفوليش بعدها الا لما يكون التانك فاضى على الاخر بحيث يكون السائل اخد دورته كاملة مع التفويلة.

بالنسبة لموضوع تنضيف الرشاشات فى التوكيل انا مش متأكد بس اعتقد ممكن يكون ده صحيح هم ليه هيكدبوا لكن ممكن انتى تحطى السائل زيادة تأكيد. بالنسبة لتغيير فلتر البنزين ده صحيح انه بيتغير كل عدد كيلومترات معين اعتقد كل 10000 كم.

انا اللى ليا سؤال: هو حضرتك بتحطى بنزين ايه؟ ومنين؟ اظن لو بتحطى 92 او 95 ومن بنزينة نضيفة زى وطنية مش هتبقى محتاجة تحطى السائل ده خالص ولا توجعى دماغك الا اذا كنتى حاسه بضعف ملحوظ فى سحب العربية.

تقبلى تحياتى...

ميرسي جدا لحضرتك انا بهط 92 من شيل او قابيل بس بحس دايما ان السحب قليل قرب نص التانك وبستغرب جداااا لده وان شاء الله ههط السائل زياده تاكيد علشان ابقي مستريحه ان شاء الله

[rodyA113]

العفو علي ايه



بالظبط كده حضرتك قرب إنتهاء البنزين في التانك



وبخصوص تنظيف الرشاشات في التوكيل المفروض ده مش بيتم إلا في حالة وجود شكوي معينة مثل برجلة السيارة وضعف السحب أو عدم نجاح التدوير أصلا أو ما شابه لكن بدون سبب أو كصيانة دورية أعتقد إنه مش بيتم إلا أن يكون فيه نظام جديد بتحتاجه سيارة معبنة

أما تغيير الفلاتر فده من ضمن إجراءات صيانة أي سيارة طبقا لكتيب الصانع وفي مواعيد محددة ومهم جدا عدم التأخير في تغيير فلتر الهواء لأنه من الفلاتر اللي بتعرض لكتير أوي من التراب في مصر ورأيي الشخصي يفضل التغيير قبل المعاد كمان وكذلك فلتر البنزين لقلة جودة ونظافة البنزين في بعض المحطات


والله تعالي اعلي واعلم



خالص تحياتي

ميرسي رد حضرتك اوك انا ان شاء الله هعمل السائل واعمل صيانه بدري شويه لان فعلا حاسه بسحب العربيه قل عن الاول وانا مستغربه قوي للموضوع ده وميرسي ان حضرتك نبهتني ان انبهم في التوكيل انهم ياكدو علي تنظيف الانجيكشن لان بحس بس بضعف في السحب وعلي السرعات لكن التدوير الحمد الله كويسه والله المستعان وميرسي لوقت حضرتك

[l0new0lf]

كل منظف بيحدد كميه البنزين المفروض ينضاف عليها حسب تركيز المنظف
مثال
جنك مكتوب عليه ينضاف على 15 جالون بنزين يعنى تقريبا 55 لتر
يعنى نفول التنك و نضيفه
و نستنى لغايه ما التنك يوصل الربع و بعد كده نفول
برجاء قراءة التعليمات على عبوة المنظف و اتباعها بدقه تجنبا لحدوث اعراض جانبيه
و شكرا

[rodyA113]

كل منظف بيحدد كميه البنزين المفروض ينضاف عليها حسب تركيز المنظف
مثال
جنك مكتوب عليه ينضاف على 15 جالون بنزين يعنى تقريبا 55 لتر
يعنى نفول التنك و نضيفه
و نستنى لغايه ما التنك يوصل الربع و بعد كده نفول
برجاء قراءة التعليمات على عبوة المنظف و اتباعها بدقه تجنبا لحدوث اعراض جانبيه
و شكرا

ميرسي علي المعلومه هقرا التعليمات قبل ما اضيفه ان شاء الله كويس ان حضرتك نبهتني جزاك الله كل خير :16:

[khaled_Saga]

ميرسي جدا لحضرتك انا بهط 92 من شيل او قابيل بس بحس دايما ان السحب قليل قرب نص التانك وبستغرب جداااا لده وان شاء الله ههط السائل زياده تاكيد علشان ابقي مستريحه ان شاء الله

عفوا عزيزتى.

هنا فيه وقفة .. معنى كلام حضرتك ان لما تبقى مفولة السحب بيكون مظبوط وبتحسى بضعف السحب لما توصلى نص التانك وانتى نازلة وده يتفسر بان فيه ضعف فى ضخ البنزين اذا فسرناها تفسير منطقى وبالتالى ربما يكون فيه خلل فى طلمبة البنزين .. اعتقد لازم تقولى فى التوكيل على النقطة دى لكن ان شاء الله خير ومتقلقيش هتطلع بسيطة.

تحياتى

[rodyA113]

عفوا عزيزتى.

هنا فيه وقفة .. معنى كلام حضرتك ان لما تبقى مفولة السحب بيكون مظبوط وبتحسى بضعف السحب لما توصلى نص التانك وانتى نازلة وده يتفسر بان فيه ضعف فى ضخ البنزين اذا فسرناها تفسير منطقى وبالتالى ربما يكون فيه خلل فى طلمبة البنزين .. اعتقد لازم تقولى فى التوكيل على النقطة دى لكن ان شاء الله خير ومتقلقيش هتطلع بسيطة.

تحياتى

ميرسي لحضرتك بجد طيب طلمبه البنزين دي ايه مشكلتها لو طلعت هي السبب هل خطا مني ولا ايه ؟؟؟ وهال في ارشادات معينه لازم اتبعها للحفاظ عليها ؟؟؟ سوري اني طولت علي حضرتك

[khaled_Saga]

ميرسي لحضرتك بجد طيب طلمبه البنزين دي ايه مشكلتها لو طلعت هي السبب هل خطا مني ولا ايه ؟؟؟ وهال في ارشادات معينه لازم اتبعها للحفاظ عليها ؟؟؟ سوري اني طولت علي حضرتك

حضرتك مفيش داعى للشكر كلنا اخوات والمصلحة واحدة

اللى انا قولته احتمال وارد ولكن مش قاطع فياريت متقلقيش..
أكيد مش خطأ منك وانما عطل ممكن يحصل زى اى عطل فى اى عربية من طول وقت الاستخدام او او او .. مفيش اى ارشادات للحفاظ عليها لان انتى ملكيش اى يد فيها دى جزء من اجزاء العربية الداخلية وظيفته ضخ البنزين كهربيا من التانك الى باقى اجزاء دورة البنزين عشان يتحرق..
بكرر لحضرتك انه مجرد احتمال فمتقلقيش اطلاقا..وياريت تطمنينا لما تروحى التوكيل

تحياتى

[rodyA113]

ميرسي لحضرتك انا بحس ديما اننا كلنا اسره واحده ان شاء الله انا حجزت معاد يارب خير وان شاء الله هطمن حضرتك و هكتب اللي حصل بالتفصيل للافاده للجميع الله المستعان

تحياتي للجميع

[rodyA113]

السلام عليكم
لقد قمت بالصيانه والكشف عن الطلمبه كاملة لله الحمد مفيهاش حاجه ..وتم تغير المساعد اليمين الامامي وربنا يستر ويجعله اخر الاحزان يارب وعملت تظبيط زوايا زبالنسبه لمشكله التنظيف للانجيكشن الصيانه مش مسؤله عنها قالي بس السائل اللي موجود في البنزينه والجديد انه قالي كله مبيعات يا دكتوره ومبيعملش حاجه قوووي اهم حاجه تغير الفلاتر اللي بتتغير في الضيانه هل الكلام ده صح ؟؟؟؟؟بس الحمد الله حاسه العربيه احسن بعد الصيانه بس لسه مازال في تقل مع التكييف ولسه مهطتش السائل علشان لسه عند نص التانك وان شاء الله هروح اضعه

لكم تحياتي

[khaled_Saga]

انشالله تكون اخر الاحزان يارب..والحمد لله ان الطلمبة مفيهاش مشكلة وان كلامى طلع اوهام

فعلا انا كنت شاكك فى موضوع تنظيف الانجيكشن لان انسداده لايعنى عيب فى العربية وانما عيب مستخدم سواء من التفويل ببنزين ردىء او او او ... وبالتالى الضمان مالوش دعوة بالموضوع ده

لما كان معايا جولييت حطيت سائل التنظيف مرتين وحسيت بفرق جربى مش هتخسرى حاجة

التقل مع التكييف طبيعة معظم العربيات اللى مش غالية على ما اعتقد يعنى انا كنت متخيل ان الام 11 لما هشتريها مش هحس بتقل فى سحب العربية مع التكييف ولكن التقل موجود وملحوظ بس ده مش عيب يستدعى القلق دى طبيعة عربية

انا رايح صيانة ال 5000 كم يوم السبت ادعولى بقى