سائل تنظيف الانجيكشن

[l0new0lf]

عفوا عزيزتى.

هنا فيه وقفة .. معنى كلام حضرتك ان لما تبقى مفولة السحب بيكون مظبوط وبتحسى بضعف السحب لما توصلى نص التانك وانتى نازلة وده يتفسر بان فيه ضعف فى ضخ البنزين اذا فسرناها تفسير منطقى وبالتالى ربما يكون فيه خلل فى طلمبة البنزين .. اعتقد لازم تقولى فى التوكيل على النقطة دى لكن ان شاء الله خير ومتقلقيش هتطلع بسيطة.

تحياتى

انا لما شفت المشاركه دى فطست على نفسى من الضحك لانها مستحيله و هاشرح مستحيله ليه
بفرض ان وزن البنزين مساوى لوزن المياه
الضغط الجوى 14.7 (قول 15 لتقريب الارقام) رطل على البوصه و عشان نحصل على الوزن دة من المياه محتاج عمود مياه طوله 11 متر
ضغط طلمبه البنزين بيكون تقريبا 45 رطل على البوصه المربعه يعنى لو الطلمبه مش شغاله حضرتك محتاج تنك بنزين ارتفاعه اكتر من 33 متر عشان العربيه تشتغل و توصل لضغط 45 و اول ما الارتفاع يقل عن ال 33 متر مش هنوصل الضغط المطلوب و العربيه متدورش
و طبعا البنزين اخف من الميه يعنى الارتفاع هيزيد
افتكر ان الشرح ده يوضح ليه عمر ما العربيه تدور كويس لو الطلمبه فيها حاجه حتى لو مفول التنك

تحياتى

[khaled_Saga]

انا لما شفت المشاركه دى فطست على نفسى من الضحك لانها مستحيله و هاشرح مستحيله ليه
بفرض ان وزن البنزين مساوى لوزن المياه
الضغط الجوى 14.7 (قول 15 لتقريب الارقام) رطل على البوصه و عشان نحصل على الوزن دة من المياه محتاج عمود مياه طوله 11 متر
ضغط طلمبه البنزين بيكون تقريبا 45 رطل على البوصه المربعه يعنى لو الطلمبه مش شغاله حضرتك محتاج تنك بنزين ارتفاعه اكتر من 33 متر عشان العربيه تشتغل و توصل لضغط 45 و اول ما الارتفاع يقل عن ال 33 متر مش هنوصل الضغط المطلوب و العربيه متدورش
و طبعا البنزين اخف من الميه يعنى الارتفاع هيزيد
افتكر ان الشرح ده يوضح ليه عمر ما العربيه تدور كويس لو الطلمبه فيها حاجه حتى لو مفول التنك

تحياتى

والله؟ هو انا قولت نكتة يا جماعة؟

حضرتك تقصد ان لو الطلمبة فيها اى خلل العربية متدورس اصلا؟ جديدة بصراحة اول مرة اسمعها دى

[Ruin Scud]

انا لما شفت المشاركه دى فطست على نفسى من الضحك لانها مستحيله و هاشرح مستحيله ليه
بفرض ان وزن البنزين مساوى لوزن المياه
الضغط الجوى 14.7 (قول 15 لتقريب الارقام) رطل على البوصه و عشان نحصل على الوزن دة من المياه محتاج عمود مياه طوله 11 متر
ضغط طلمبه البنزين بيكون تقريبا 45 رطل على البوصه المربعه يعنى لو الطلمبه مش شغاله حضرتك محتاج تنك بنزين ارتفاعه اكتر من 33 متر عشان العربيه تشتغل و توصل لضغط 45 و اول ما الارتفاع يقل عن ال 33 متر مش هنوصل الضغط المطلوب و العربيه متدورش
و طبعا البنزين اخف من الميه يعنى الارتفاع هيزيد
افتكر ان الشرح ده يوضح ليه عمر ما العربيه تدور كويس لو الطلمبه فيها حاجه حتى لو مفول التنك

تحياتى

ضغط جوي ايه بس ومواسير ميه ايه!!
الراجل بيقول ضعف في ضخ البنزين من الطرمبه ودي بتحصل كتير أن يكون كبس طرمبة البنزين ضعيف مش قاطعه خالص يعني او ميته فايخلي البنزين مايوصلشي بصوره كافيه فيأثر على السحب وبتحصل في عربيات كتير.
تحياتي.

[khaled_Saga]

ضغط جوي ايه بس ومواسير ميه ايه!!
الراجل بيقول ضعف في ضخ البنزين من الطرمبه ودي بتحصل كتير أن يكون كبس طرمبة البنزين ضعيف مش قاطعه خالص يعني او ميته فايخلي البنزين مايوصلشي بصوره كافيه فيأثر على السحب وبتحصل في عربيات كتير.
تحياتي.

يسلم لسانك انا حسيت انى قولت حاجة غلط وبردو لقيت حسابات وارقام كتيرة الموضوع كبر اوى!!

[A.Saad]

منظف الانجكشن
يوضع قبل سفر او خروج متكرر بالعربية
علشان ما يقعدش كتير فيها لان بيكون له اثر سيء فى الحالة دى على خراطيم دورة الوقود

[rodyA113]

انشالله تكون اخر الاحزان يارب..والحمد لله ان الطلمبة مفيهاش مشكلة وان كلامى طلع اوهام

فعلا انا كنت شاكك فى موضوع تنظيف الانجيكشن لان انسداده لايعنى عيب فى العربية وانما عيب مستخدم سواء من التفويل ببنزين ردىء او او او ... وبالتالى الضمان مالوش دعوة بالموضوع ده

لما كان معايا جولييت حطيت سائل التنظيف مرتين وحسيت بفرق جربى مش هتخسرى حاجة

التقل مع التكييف طبيعة معظم العربيات اللى مش غالية على ما اعتقد يعنى انا كنت متخيل ان الام 11 لما هشتريها مش هحس بتقل فى سحب العربية مع التكييف ولكن التقل موجود وملحوظ بس ده مش عيب يستدعى القلق دى طبيعة عربية

انا رايح صيانة ال 5000 كم يوم السبت ادعولى بقى

ميرسي لحضرتك خالص ربنا يحفظك من كل شر ...ربنا معاك ان شاء الله وتيجي من الصيانه كويس وممكن تنقلنا برده حضرتك عملت ايه بالتوفيق

[rodyA113]

منظف الانجكشن
يوضع قبل سفر او خروج متكرر بالعربية
علشان ما يقعدش كتير فيها لان بيكون له اثر سيء فى الحالة دى على خراطيم دورة الوقود

لا انا مبخرجش كتير واخري اسافر راس البر او دمياط الجديده وده قليل جدا مش كتير انا جايبه 10000 وثلاثمئه كيلو في اربع سنين ومن غير ضحك بليز انا بتحرك قليل جداااا لعملي الدائم وانشغالي بالدراسه فالمعدل ده كويس ان اهط السائل ولا لا وميرسي لحضرتك؟

[l0new0lf]

ضغط جوي ايه بس ومواسير ميه ايه!!
الراجل بيقول ضعف في ضخ البنزين من الطرمبه ودي بتحصل كتير أن يكون كبس طرمبة البنزين ضعيف مش قاطعه خالص يعني او ميته فايخلي البنزين مايوصلشي بصوره كافيه فيأثر على السحب وبتحصل في عربيات كتير.
تحياتي.

الراجل ربط بين ان تفويل التنك والبنزين و حجم البنزين بين التفويله و نص التنك ممكن يساعد طلمبه البنزين لوضخها ضعيف
و انا شرحت ان عشان يحصل حاجه زى كده حضرتك محتاج تنك بنزين طول ارتفاعه على الاقل 33 متر
و لو الشرح العلمى المتخصص المبسط اللى انا ذكرته مش عاجب حضرتك
ممكن تروح تسال اى ميكانيكى و هو هيقول لك برضه مينفعش

تحياتى

[A.Saad]

امتى ننضف الرشاشات ، لو فيه حاجة من دول
- تاخير دوارة السيارة
- ضعف اداء المحرك
- زيادة استهلاك الوقود او عدم احتراقه كله
- ضعف الاستجابة لدواسة البنزين عند الضعط عليها
- رجرجة السيارة عند الدوارة او عند الطلوع من السكون
وتنظيف الرشاشات بيكون وقاية بالسائل لكن علاج بالالترا سونيك
واللى انصحك بيه زى ما اوضحت فوق هو منظف لدورة الوقود كلها مش منظف للرشاشات بس
لو الاعراض عندك ضعف فى الضغط عند انخفاض البنزين فى التنك

http://www.nilemotors.net/Nile/48052-a.html

http://www.nilemotors.net/Nile/328-a.html

[Ruin Scud]

الراجل ربط بين ان تفويل التنك والبنزين و حجم البنزين بين التفويله و نص التنك ممكن يساعد طلمبه البنزين لوضخها ضعيف
و انا شرحت ان عشان يحصل حاجه زى كده حضرتك محتاج تنك بنزين طول ارتفاعه على الاقل 33 متر
و لو الشرح العلمى المتخصص المبسط اللى انا ذكرته مش عاجب حضرتك
ممكن تروح تسال اى ميكانيكى و هو هيقول لك برضه مينفعش

تحياتى

الشرح العلمي اللي سيادتك زكرته ومش عاجب حضرتي بناءا على قولك في مكان غلط وفي مكان غير محله ومش مجرد اني ابقى عارف معلومه صح يبقى ليا الحق ادخلها في اي مكان او موضوع حتى لو ماكانشي هو ده محلها وليس ليه اي علاقه بالموضوع ومش الميكانيكي اللي هيفهمني دول اساسا واخدنها بالشبه فياريت حضرتك ماتاخدشي انك تعرف معلوماتك من الميكانيكيه !
الموضوع ببساطه ان الموضوع مش زي مانت فاهم ان الطرمبه فاصله خالص وان البنزين هيروح بسبب الضغط الجوي من التنك الى الموتور بدون تدخل اي قوى اخرى في الموضوع وده بديهيا مفهموم لأن الأتنين في نفس المستوى تقريبا.
انما الموضوع اللي انت مش فاهمه ان الراجل قصد بالطرمبه ان ضغطها ضعف أو كبسها للبنزين قل يعني بتضغط بس مش بصوره كافيه او متصله ولما العربيه تيجي تقرص عليها تتضر تسحب بنزين اكتر وبسبب ان الطرمبه مش قادره تلبي احتياج الموتور من البنزين فده يخلي العربيه تنتش وخصوصا في السرعات العاليه ويأثر على السحب. ده غير ان الظاهره اللي الأخ قال عليه منتشره وبتحصل في عربيات كتير ومنهم كانت عربيتي اللي فاتت وكانت بتنتش في السرعات العاليه وغيرت فلتر بنزين مانفعشي بعد كده اتجهنا للطرمبه وكانت هيه السبب.
هو ده الموضوع اللي حبيت اوضحهولك من مشاركتي السابقه وليس مقدار الضغط الجوي المطلوب لتوصيل مياه من تنك البنزين الى الدور اتاني بدون وجود موتور مياه.
أرجو ان تتفهم وتقبل تحياتي .

[khaled_Saga]

حصل خير يا جماعة انا مكنتش اعرف ان كلامى هيعمل مشاكل بس عموما ادينا بنستفيد من مشاركاتنا وان شاءالله تفضل مواضيعنا محل عموم الفائدة وليس التعصب والشد والجذب

تحياتى

[rodyA113]

امتى ننضف الرشاشات ، لو فيه حاجة من دول
- تاخير دوارة السيارة
- ضعف اداء المحرك
- زيادة استهلاك الوقود او عدم احتراقه كله
- ضعف الاستجابة لدواسة البنزين عند الضعط عليها
- رجرجة السيارة عند الدوارة او عند الطلوع من السكون
وتنظيف الرشاشات بيكون وقاية بالسائل لكن علاج بالالترا سونيك
واللى انصحك بيه زى ما اوضحت فوق هو منظف لدورة الوقود كلها مش منظف للرشاشات بس
لو الاعراض عندك ضعف فى الضغط عند انخفاض البنزين فى التنك

http://www.nilemotors.net/nile/48052-a.html

http://www.nilemotors.net/nile/328-a.html

ميرسي علي اللينكين فعلا استفدتم منهم جدااا

[rodyA113]

حصل خير يا جماعة انا مكنتش اعرف ان كلامى هيعمل مشاكل بس عموما ادينا بنستفيد من مشاركاتنا وان شاءالله تفضل مواضيعنا محل عموم الفائدة وليس التعصب والشد والجذب

تحياتى

11111111111111111+