فرق حسيته بين ال m11 واللانوس

[graffittiii]

فرق عقد كامل من الزمن من 99 الى 2010 اية ياجدعان !!

+1111111

[khaled_Saga]

انا معاك الانوس بور تقيل وواطيه فعلا وما فيهاش متعه القيادة خالص غير طلعتها البطيئه بس الصراحه هيه قويه وماتورها بيستحمل انا ماشى 380 الف ولسه الماتور فل و بالرغم انى والله بحرق جامد ومرة مشيت من غير ميه يوم كامل والعربيه كانت بتبطل خرطوم ميه اتقطع وانا مكنتش واخد بالى لان مؤشر الحرارة لم يرتفع وغيرت الخرطوم فقط والماتور لم يتا ثر الصراحه الانوس تتحمل لكن ليست رفاهيه ولا متعه

ربنا يباركلك فيها ويبعد عنك كل شر..

اقولك نصيحة .. شيل علبة البيئة وعوض عنها بوصلة شكمان فاضية ونضف رشاشاتك واتاكد ان حساس الشكمان سليم واستمتع بقمة السحب والطلعة القوية فى اللانوس وعن تجربة

[khaled_Saga]

ربنا يبارك في السيارتين اكيد في فروقات بين الاتنين بس في النهايه الاتنين مش ركوبه

شكرا لمرورك يا احمد ولكن الاتنين ركوبة لكل واحد على اد فلوسه

تحياتى

[khaled_Saga]

بس يعنى للعلم عن تجارب مع اصدقاء ليا اشتروا عربيات صينى من فترة العربيات الصينى زى المناديل الورق استعمال مرة واحدة فقط يعنى بعد 3 سنين ممكن نتكلم عن العربيه ونقارن بجد بين عربيه قديمه زى الانوس وفقيرة وعربيه زى m11 الى كلها امكانيات انا عن نفسى راكب لانوس موديل 2004 بس لو حبيت اركب عربيه تانيه هركب يا بانى يا اوربى صينى لا اعتقد الى بعد عشر سنوات على الاقل ويكفى ان تصميم الانوس فى الشكل مش مقلد ومسروق من عربيات اخرى وغير ممل بعد السنين دى كلها شكلها لسه مقبول انا من الناس الى جربت عربيات كتير جدااااااااا وشايف ان الانوس معقوله بالنسبه لسعرها غير انها عمرها ما وقفت بيا على طريق ودايما شيلانى علشان كدة انا بحب الانوس اعذرونى انا بحب الانوس مهما الناس قالوا عنها

شكرا لمرورك ليا اكتر من تعليق:

1. بعد 3 سنين نبقى نتكلم فعلا منحكمش من دلوقتى .. وانا مجرب الجولييت كانت موديل 98 يعنى بقالها اكتر من 10 سنين ماشية ومتقدرش تنكر ان اعطالها بالجملة
2. اللى معاه فلوس كفاية اكيد هيشترى اوروبى او كورى نضيف
3. تقليد الشكل مش عيب فى العربية ومش معنى ان اللانوس مش مقلدة يبقى شكلها مقبول بالعكس مفيهاش اى لمسات جمالية بالمرة وحكاية ان شكلها مقبول فده عشان هى عربية اعتمادية فالناس بتتغاضى عن الشكل مقابل رخص الصيانة وقطع الغيار
4. مفيش عربية مفيهاش اعطال مهما كانت صناعتها ومسيرها هيجيلها يقوم وتعمل حركة نقص لانها فى الاول وفى الاخر مكنة وحديد فى حديد (ربنا يباركلك فى عربيتك ومتعطلش خالص).

[khaled_Saga]

ربنا يبارك للكل فى سياراته مهما كانت انواعها

امين يا رب وعقبال عربيتك ان شاء الله يا احمد

نورت موضوعى .. تحياتى

[Neo206]

بجد الصينى بقى ليه سوق فى مصر و بيثبث كفائته

[amado318]

شوف انا معرفش حاجه عن m11 شكلها بس هيه ممكن تكون نقله فعلا انا ركبت الاسبرانزا بتاعت صحبى سواقتها كانت حلوة بس مجال الرؤيه فى الزجاج الامامى مكنش كويس بالنسبه ليا تانى حاجه هوة كان بايت عندى وانا سبت العربيه معشقه قام الصبح يمشى دور مارش والعربيه معشقه المارش اتحرق ودة الى كرهنى فيها صراحه غير انها كانت بتتحرك كتير فى المطبات حسيت ان عفشتها مش قويه كما يجب ربنا يسهل واجرب m11 ممكن تكون مختلفه واغير رائى فى العربيات الصينى بس عموما m11 شكلها جميل وشبابى طبعا غير الانوس بتاعت العواجيز الى زى حلاتى وربنا يباركلك فيها ان شاء الله

[khaled_Saga]

شوف انا معرفش حاجه عن m11 شكلها بس هيه ممكن تكون نقله فعلا انا ركبت الاسبرانزا بتاعت صحبى سواقتها كانت حلوة بس مجال الرؤيه فى الزجاج الامامى مكنش كويس بالنسبه ليا تانى حاجه هوة كان بايت عندى وانا سبت العربيه معشقه قام الصبح يمشى دور مارش والعربيه معشقه المارش اتحرق ودة الى كرهنى فيها صراحه غير انها كانت بتتحرك كتير فى المطبات حسيت ان عفشتها مش قويه كما يجب ربنا يسهل واجرب m11 ممكن تكون مختلفه واغير رائى فى العربيات الصينى بس عموما m11 شكلها جميل وشبابى طبعا غير الانوس بتاعت العواجيز الى زى حلاتى وربنا يباركلك فيها ان شاء الله

ربنا يباركلك ويبارك للجميع فى عربيته...


1. مجال الرؤية ضعيف عشان العربية عالية ودى ميزة عشان المطبات تنساها خالص مع الوقت بتتعود ده لو اللى راكبها سواق طبعا
2. دوارة العربية مالها ومال التعشيق؟ كلنا بندور والعربية معشقة!!
3. عفشة الاسبرنزا مش ضعيفة ولكن ناشفة مش رياضية بتخليك تحس بالمطبات زى الحال فى اللانوس انعم منها ولكن اعتقد انه مش عيب انما حسب راحة اللى سايق لو مش بتفرق معاه يبقى الاسبرنزا بالنسبة له حلوة جميلة


تحياتى

[aftr]

صينى مين ياجماعه دى عربيه ورق وعن تجربه كفايه اللانوس موجوده من سنين m11 لسه جديده ومشاكل كتير بصراحه عاوز تخسر فلوس هات عربيه صينى عريبه 75000 فكربيع بعد شهور 55000 ويكون حظك كويس لوحد خدها مابالك بعد 3سنين مثلا تعمل كام ---كلام الاخ
تمام</B>amado318

[esam722]

صينى مين ياجماعه دى عربيه ورق وعن تجربه كفايه اللانوس موجوده من سنين m11 لسه جديده ومشاكل كتير بصراحه عاوز تخسر فلوس هات عربيه صينى عريبه 75000 فكربيع بعد شهور 55000 ويكون حظك كويس لوحد خدها مابالك بعد 3سنين مثلا تعمل كام ---كلام الاخ
تمام</B>amado318

مع احترامى لسيادتك انا مش عارف انت جبت موضوع 55000 ده منين وبعدين العربية ب70000 جنية هى لسة سعرها زايد من فترة بسيطة
وبعدين اى عربية زيرو بتيجى تبيعها بعد شهور من شراءها اكيد لازم تخسر فيها مش الصينى بس ممكن توصل ل10000 جنية على حسب ظروف البيعة من حيث الاستعجال او شطارة الشارى لكن الموضوع مش قاعدة

وبعدين احنا لو حطينا اللانوس بجانب الm11 الفرق فى السعر 3000 جنية الفرق فى الامكانيات والتكنولوجيا ب30000 جنية وده مفيش كلام وبعدين اللى يجيب عربية زيرو مبيفكرش يبيع الابعد 3 او 4 سنين على الاقل وقتها مش هتكون الخسارة كبيرة

لكن 20000 جنية فى شهور ده صعب شوية

[ALshahba]

اللانوس وقتها خلص
دلوقت وقت اسبيرانزا

[aftr]

حضرتك ادخل على كونتكت كار وانته تعرف جبت السعر ده منين ونروح بعيد ليه هنا فى القسم عضو جبها 56 الف ياعنى مش غريبه على عربيه صينى وبعدين انا بتكلم على السعر اول مانزلت كانت 75000 الف وبعدين الباشا نزل 5000 من تمنها فى خلال شهور انا مش عارف نزل m12 على اساس ايه مش لما يزبط m11 من العيوب وبعدين ياريت تقولى كام عربيه m11 موجوده ده بسبب فشل العربيه والخامات الرديئه اللى موجوده فى العربيه والمشاكل انا مش هقول غير حسبى الله ونعمه الوكيل فيك ياابو الفتوح

[huss2000]

انا فعلا اشتريت ال m11 مستعملة ب 56 موديل 2010 لكن ده المتوقع من اي عربية في الدنيا تمنها ينزل من 10 الى 15 الف خصوصا انها مش كسر زيرو ده غير ان العربيات االفرنساوي على سبيل المثال تخسر فيها اكتر من الصيني ولو روحت اجيب لانوس فاضية موديل 2010 وماشية 30 الف تمنها من 50 او 52 ومستحيل تزيد عن كده ولو كسر زيرو يعني ماشية 5 الاف مثلا حتعملها من 55 ل 58 مش حتزيد عن كده ... انا لسه شاري العربية قريب ولفيت وقتلت الاسعار بحثا فلو بنتكلم عن سعر ال m11 من الناحية دي فسعرها معقول

[fineart607]

برده الم 11 عربية كويسه وبنحبها والى معاه فلوس يجيب احسن منها يجيب

انا وجهة نظرى انها احسن من الانوس والفيرنا والساجا والوجان والأفيو ومنافس قوى للجين 2

[abofarah]

تماااااااااااااااااااااااااااااام