إعـــــــلان

Collapse

.

,
See more
See less

اقتراح لملاك الاسبرانزا بخصوص العيوب و الوكيل

Collapse
X
 
  • Filter
  • الوقت
  • Show
Clear All
new posts

  • #46
    كلام حضرتك يا أستاذ معاذ كلام موضوعي و معتدل و باين فيه رغبة حضرتك في الاقتراح و المساعدة

    و ده طبعا يجب أن يحترم و يلتفت إليه بالتأكيد و أهلا و سهلا بحضرتك و بآراءك في أي وقت
    [B] رأيي صواب يحتمل الخطأ و رأي غيري خطأ يحتمل الصواب

    م/ محمد صبري
    [/B][SIZE=1]اسبرانزاوي رقم 25
    [/SIZE] A516 فيراني

    Comment


    • #47
      مجرد راى

      انا شايف ياجماعة من ساعة ماتم طرح هذا الموضوع ولم يعلن عن اتخاذ خطوات فعلية نحو هذه المشاكل لدرجة اننى تخيلت انكم ممكن ان تتبعوا الاجراءات التالية :
      1- عمل تجمع من الاعضاء اثناء اقامة معرض السيارات والمطالبة بمقابلة حسن ابوالفتوح لشرح شكواكم كخطوة اولى
      2- اللجو الى القنوات الفضائية مثل برنامج 90 دقيقة على قناة المحور حيث اعتقد ان معتز الشربينى سيولى هذا الموضوع الاهتمام اذا علم به .
      3- اللجوء لاعضاء مجلس الشعب كلا حسب دائرته لمناقشة كيفية التلاعب باموال الناس وكسب اموال طائلة من جراء بضاعة مغشوشة وفاسدة
      4- اخيرا اقتراحكم باللجو للصحافة
      واللــــــــــــــــــه العظيم قلبى موجوع بهمومكم ونفسى اعملكم حاجة بس ما باليد حيلة غير الدعاء لكم

      Comment


      • #48
        انا تهيألي ممكن مظاهرات قدام الفروع...و اعتصامات و اضرابات جماعية عن قيادة السيارة....و ممكن نولع في عربيتين في ميدان عام....!!!

        يا راجل قول كلام غير ده....... :? :?

        الحل في المقاطعة....واشهار سمعة السيارة السيئة في جميع المحافل....و فضحها ولمما ابو الفتوح يحس بتهديد حقيقي...ساعتها هيخاف فعلا....و يجري ورا اصحابها علشان يصلحلهم العربيات البايظة...وانشللة يغيرهالهم بياباني مستعمل حتى :mrgreen: :mrgreen:

        Comment


        • #49
          ...وانشللة يغيرهالهم بياباني مستعمل حتى
          ساعتها حتندم انك بعتها و حتشترى واحده تانيه علشان تبدلها
          د. ايهاب بدر
          اسرانزاوى رقم 7[b][/b]
          [img]http://www4.0zz0.com/2007/05/30/20/59862206.jpg[/img]

          Comment


          • #50
            :D

            Comment


            • #51
              انا مش معاك يا زيزو

              اللى بيشترى عربية مش بيبقى ناوى يغير الا بعد فترة

              يبقى الحل الوحيد وقفة ايجابية من ملاك السيارة, ياخدوا حقهم من الوكيل, و ينعموا بسيارة خالية من العيوب او الاخطاء

              الوقفة دى هما من حقهم يختاروا ازاى يواجهوا الوكيل, سواء بالحسنى او بالتهديد او بالتشهير, الاهم المصلحة العامة و انهم ياخدوا حقهم و يستمتعوا بعربيتهم و الفلوس اللى دغعوها فيها
              [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

              Comment


              • #52
                مأدرش أوقول غير ربنا معاكو
                [CENTER][RIGHT][CENTER][SIGPIC][/SIGPIC]
                [/CENTER]

                [/RIGHT]
                [/CENTER]

                Comment


                • #53
                  أستاذ محمد

                  تحية لحضرتك بجد على النصائح

                  من وجهة نظري الشخصية(و حط تحت كلمة الشخصية 100 خط) إن العيوب ديه مش عيوب جامدة أو تعيق السيارة عن أداء و ظيفتها (عصاية فتيس سايبة شوية - عافشة ناشفة (طيب ما السكودا فلشيا معروف عنها إن عافشنها ناشفة و في نفس الوقت عربية ليها معجبين) - دبة العفشة ، التوكيل خلاص حلها - فيه مشاكل إيه تاني :roll: .... خامات التابلوة رخيصة مش مشكلة ، كل العربيات إللي في مصر خامات تابلوها رخيصة، بتختلف الجودة بس من شركة للتانية بس في النهاية ما حدش فينا راكب عربية تابلوها جلد طبيعي و خشب أبانوس أو عاج طبيعي ، إلا طبعا المرسيدس و البي إم) (أرجو إني ما كونش نسبت عيب من العيوب)

                  رأيي الشخصي هنا هو الأنتظار حتى تكمل العربية عامها الأول، و بعد كدة يتعمل تقييم شامل لما تم، مع الناس إللي استلمت سابقا وتم تعديل سياراتهم أو لم يتم بعد، بالإضافة لتقييم العربيات التي تم تسليمها إبتداء من شهر 4، و هل فعلا خالية من أي عيب أم لا، ثم بعد ذلك يمكن التحرك أو لا على ضوء هذه التقييمات الموضوعية

                  حتي يكون التحرك بقوة و مدعم و يحدث الأثر المطلوب (في حالة الإحتياج لتحرك)

                  نفس اللي بيحصل ده، حصل مع اللانوس و في خلال سنة كانت كل حاجة إتحلت

                  خلينا نصبر بعض الوقت و نعطي كل واحد فرصته، ثم بعد ذلك يبداء وقت المحاسبة و المراجعة

                  و في النهاية ده رأيي الشخصي و لا يعبر إلا عن رأيي فقط
                  [B] رأيي صواب يحتمل الخطأ و رأي غيري خطأ يحتمل الصواب

                  م/ محمد صبري
                  [/B][SIZE=1]اسبرانزاوي رقم 25
                  [/SIZE] A516 فيراني

                  Comment


                  • #54
                    بلاش إنفعال

                    أنا مع أ / محمد صبرى فى رأيه
                    أولاً : من كلامكم التوكيل مش مقصَر فى إصلاح أى عيوب فوراً لأنه عاوز ينجح العربيه .
                    ثانياً : كل العيوب إللى إنتم كتبتوها مش عيوب أساسيه ولكن عيوب ممكن إصلاحها وبسهوله وعلى سبيل المثال وليس الحصر إيه يعنى تيل بيصفر ماكنا زمان بنجيب التيل إللى بيصفر علشان عجبنا الصوت وكان النوعين موجودين .
                    ثالثاً : نظموا نفسكم أيوه لكن هجوم فى غير ميعاده مش صح . يعنى طول ما التوكيل شغال نساعده مش نهاجمه .
                    :D وبعدين إحمدوا ربنا إن التوكيل محترم زى مابتقولوا ولاً اقول ربنا يوعدكم بتوكل ... بلاش أحسن :D
                    tareq sheir [url=http://www.0zz0.com/realpic.php?s=4&pic=2007/05/29/21/91577061.jpg][img]http://www4.0zz0.com/thumps/2007/05/29/21/91577061.jpg[/img][/url]

                    Comment


                    • #55
                      ا/محمد صبرى

                      انا عاوز اسأل حضرتك سؤال: هل من الطبيعى فى اى مكان فى العالم ان لما عربية تبتدى تتصنع او تتجمع الناس ملزمة انها تستحمل العيوب؟

                      العميل ده المفروض يتعامل انه جوهرة, لابد من الوكلاء و المصنعين الحرص على كسبه و معاملتة برقى و باحترام عقليته و ادميته بشدة و الحرص على الحفاظ عليه اطول فترة ممكنة

                      ابو الفتوح مبيعملش كده, و بتعامل باستخفاف مع عملائه, وده رأى انا ممكن حد ميكنش متفق معايا فيه

                      الزيادة فى اسعار الصيانة, الاستاذ محمد مرسى لما راح عمل صيانة الالف و وجد ناس بتعانى من العربية

                      الم يكن من الاولى من جهة ابو الفتوح تدريب العمال و الموظفين على ميكانيكية السيارة و يعرفوا اجزائها و ازاى يتعاملوا معاها, يبقى ايه بقى الفرق بينه و بين اى بلية ميكانيكى بره؟!!!

                      الم يكن من المفروض ان يتاكد تمتم التاكيد من خلو السيارة من اى عيوب قبل اما ينزلها؟؟؟

                      انا حاسس كده انه مسلفكم العربيات دى, و هياخدها منكم بعد فترة, علشان كده محدش بيشتكى بما انه كتر خيره سايب معاكم العربيات شوية

                      حضراتكم دافعين فلوس. جنيه ولا مليون مش فارقة, الفلوس ديه اكيد ملقيتوهاش فى الشارع فيبقى لازم يكون فى مقابل, و المقابل ده لازم يكون على مستوى يرضى طموحاتكم و احتياجتكم كش على اهواء ابو الفتوح

                      بالشكل اللى هو عمله ده, انا شايف ان العربية مش هتكمل نجاح, و ممكن تقف انتاجها قبل المدة اللى هو مقررها
                      [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                      Comment


                      • #56
                        انا عاوز اسأل حضرتك سؤال: هل من الطبيعى فى اى مكان فى العالم ان لما عربية تبتدى تتصنع او تتجمع الناس ملزمة انها تستحمل العيوب؟
                        لأ طبعا
                        بس هنا في مصر، ما حدش بيقفل عربية و بتنزل من أول مرة مافيهاش مشاكل (و ده طبعا للأسف الشديد جدا، كوريا والصين وتركيا و حتى إيران مش أحسن مننا في حاجة) !!!!!!!!!!!!!!!!!!!!!!!!!!!!!!!!

                        العميل ده المفروض يتعامل انه جوهرة
                        أي مكان إلا مصر !!!!!!!!!!!!!

                        ابو الفتوح مبيعملش كده, و بتعامل باستخفاف مع عملائه
                        ديه أنا مختلف مع حضرتك شوية فيها، أنا رأيي إنه مش بيتعامل بإستخفاف (كل الوكلاء في مصر لا يقدمون الخدمة اللائقة للعميل أصلا للأسف)، هي قلة خبرة بالعربية، مع إستعجال النزول في السوق، يعني هو إستعجل شوية في النزول بالعربية.

                        الزيادة فى اسعار الصيانة
                        أنا مش بشكك في كلام حد، بس أنا شخصيا مش هاكون أي رأيي أو إنطباع غير لما أسمع و أشوف بنفسي، ممكن يكون الموضوع في لبس أو سوء تفاهم، الله أعلم ، نتأكد الأول

                        الم يكن من المفروض ان يتاكد تمتم التاكيد من خلو السيارة من اى عيوب قبل اما ينزلها؟؟؟
                        معاك حق


                        انا حاسس كده انه مسلفكم العربيات دى, و هياخدها منكم بعد فترة, علشان كده محدش بيشتكى بما انه كتر خيره سايب معاكم العربيات شوية
                        يارييييتتتتتتتتتتتتتتتتتتتتتت، ياريتوا مسلفهلنا (هي الحداية بترمي كتاكيت)



                        حضراتكم دافعين فلوس. جنيه ولا مليون مش فارقة, الفلوس ديه اكيد ملقيتوهاش فى الشارع فيبقى لازم يكون فى مقابل
                        دا إحنا طلع عنينا في الفلوس ديه، ربنا واحه إللي يعلم
                        بس أنا شايف بردة إن فيه مقابل (من وجهة نظري الشخصية)، العربية بردة على قد فلوسها ، مش وحشة ، و بتأدي الغرض منها في حدود سعرها، و لو التوكيل بيعمل حركة فأكيد إن شاء الله هايبقى فيه رد فعل، بمعنى أنا شخصيا لو رحت اعمل صيانة العربية و بعدين جابولي في الفاتورة حاجة من الحاجات الغريبة ديه و إللي المفروض إنها تظبيط التقفيل بتاعهم، اكيد أكيد مش هادفع و هايبقى يوم في التوكيل !!!!!!!
                        [B] رأيي صواب يحتمل الخطأ و رأي غيري خطأ يحتمل الصواب

                        م/ محمد صبري
                        [/B][SIZE=1]اسبرانزاوي رقم 25
                        [/SIZE] A516 فيراني

                        Comment


                        • #57
                          كنت عاوز اقترح ان المشرفين د ايهاب و الاستاذ وائل يعملوا كده احصائية للمشاكل اللى عند الناس

                          معظم الناس مش عاوزة تقول على الملأ مشاكل العربية معاهم, و ده حقهم

                          طب متعملوا استفتاء, بنظام الرسائل الخاصة, و تبعتوها لكل ملاك السبرانزا اللى وصلوا ل 60 دلوقت على الموقع او اكتر ما شاء الله و تسألوهم عن انطباعتهم و السلبيات و الايجابيات فى العربية, و تطلعوا لنا النتيجة خالصة, يعنى مثلا 20% من العربيات عندهم مشكلة علبى الدركسيون, 100% عندهم مشكلة التيل, كده بحيث دى تبقى تجسيد للواقع اللى حاصل, و احصائيات حقيقية مش كلام مرسل و خلاص, او كلام من غير ادلة

                          و يبقى كده فى احصائية واقعية للعيوب الموجودة فى عينة مش صيرة من الملاك, و فى نفس الوقت نعرف من الاحصائية دى ايه اكتر حاجة عاجباهم من العربية او خليتهم يختاروها
                          [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                          Comment


                          • #58
                            فعلا يااستاذ معاذ معاك حق واقتراح جميل يمكن للادارة تبنيه من خلال تصميم استمارة راى بها المشاكل السابقة وما على صاحب السيارة غير التصويت امام مشكلته حتى لوكانت اكتر من مشكلة . :lol:

                            Comment


                            • #59
                              أنـا نفسـى أعـرف أيـه الضـجة دى على الأسـبرانزا ؟
                              س: مافيش عربيات تانيـة فى نيل موتورز غـيرهـا ؟
                              ج : أكيد هى العربيـة صـاحبة الشعبية الأولى فى نيل موتورز عـاملة رواج ونسـبة مشـاهدة ومشـاركة عـالــية

                              بالتـأكـيد فيـه ماركـات أخــــــرى فيهـا مشـاكل
                              ( الكمـال للـه سـبحانه وتعـالى ) لكن لازم هـدنـة شـوية دى مش حرب ولا أخـر الدنيـا يهيـألى لو كل المـصـريين عندهـم الحـمـاس ده فى كل أمـور حـيـاتـهــــم ماكنش ده يبقى حالنا ولا أحتـاجنـا لاصيـنـى ولا كـورى ولا أى حــــــد

                              ................. مش كده والا أيـه ؟ بس خـلاص
                              طـــارق أمــــيــن -- أســبـرانـزاوى

                              Comment


                              • #60
                                استاذ طارق

                                اولا السلام عليكم و رحمة الله و بركاته

                                أنـا نفسـى أعـرف أيـه الضـجة دى على الأسـبرانزا ؟
                                س: مافيش عربيات تانيـة فى نيل موتورز غـيرهـا ؟
                                ج : أكيد هى العربيـة صـاحبة الشعبية الأولى فى نيل موتورز غاملة رواج ونسـبة مشـاهدة ومشـاركة عـالــية
                                و الله حضرتك فى عربيات كتير و الحمد لله فى الموقع, بس لو حضرتك مسكنا كل ماركة و نوع من السيارات, اقدر اقولك عيوبه و مميزاته بسهولة, ليه لان المنتج Standard, مفيش اى تاليف فى التجميع فتطلع عربيات ما شاء الله خالية من اى عيب, و تطلع عربية تزقها اول اما تستلمها من المعرض (ده تعبير مجازى)

                                ليه الضجة, طبيعى لما فى شىء بينتشر بيبقى عليه ضجة, و مش شرط انتشاء شىء يعنى هو صح, و الا كان انتشار قنوات الاغانى و الفيديو كليب و المسخرة ظاهرة صحية و حاجة كويسة, و الامثلة كتير

                                و بعدين انا او غيرى لما نكتب هنا, يبقى الغرض الصالح العام و بس. يعنى فيها ايه لما نقول الوكيل يصلح العيوب المنتشرة فى العربية, و ملاكها يستمتعوا بيها؟ ايه اللى يزعل فى الكلام ده؟!!!

                                معظم العربيات فيها مشاكل, و سواء ملاكها اكتشفوها دلوقت, او بعدين لكن فى مشاكل سببها عدم الضمير, و الستهانة بالعميل من جانب وكيل السيارة

                                ايه بقى اللى يزعل, لما نقول حلوا المشاكل اللى مع الوكيل علشان تستمتعوا بالعربية؟!!

                                لو حضرتك عربيتك سليمة, او جايب العربية دى كعربية تانية للاسرة, فى ناس غير حضرتك استلف او اقترض علشان يحقق حلمه باقتناء سيارة, و يبقى مصيره البهدلة من التوكيل, و ظهور عيوب فى سيارته. ده لما الواحد بيجيب هدوم جديدة ميبقاش عاوز يشيل الورق من عليها, او حاجة جديدة ميبقاش عاوز يستعملها علشان يزهو و يفرح بيها, ما بالك بسيارة و فى خضم الفرحة و البهجة باقتناء عربية يفاجأ بعيوب حتى لو تافهة و مماطلة فى حلها, و الامثلة كتير لاعضاء من الملاك هنا فى معاناتهم مع الوكيل


                                لازم هـدنـة شـوية دى مش حربولا أخـر الدنيـا يهيـألى لو كل الصـريين عندهـم الحـمـاس ده فى كل أمـور حـيـاتـهــــم ناكنش ده يبقى حالنا ولا أحتـاجنـا لاصيـنـى ولا كـورى ولا أى حــــــد

                                ................. مش كده والا أيـه ؟ بس خـلاص
                                و الله حضرتك الحماس موجود, و فى مجالات كتير, بس زى ما كتبت فى الاول, الجدل و الكلام الكتير عن الاسبرانزا هو اللى خلانى اكتب مقترحات فى دماغى. المقترحات دى ممكن تلاقى قبول عند البعض و البعض الاخر لأ, و ده تحت كبدأ الاختلاف فى الرأى لا يفسد للود قضية

                                انا بس هسأل حضرتك سؤالين :

                                1- لو حضرتك عندك مشاكل (لا قدر الله) فى عربيتك, هل تنتظر وقوف اخوتك من الملاك فى صراعك مع الوكيل لو ماطلك او رفض الاعتراف بالعيوب, او اخر التصليح؟

                                2- لو حضرتك معندكش مشاكل, هل هتقف جنب اخواتك اللى عندهم مشاكل, حتى لو كان فى عواقب وخيمة و صدام عنيف مع الوكيل؟

                                للاسف, احنا بنفضل نقول احنا فى مصر و اصبروا على الوكيل, و حرام يا عينى الضغط عليهم جامد, و نستنى عليهم جبتين تلاتة
                                طيب و هو الوكيل ده مكنش ليه اراحكم من الاول, و وفر لكم قطع الغيار قبل اما ينزل العربية, و لم يتأخر او يماطل فى تغييرات, ده حتى تعديل الدركسيون, مش حاسيين بالتغيير, و ده مش كلامى

                                يبقى نفضل ساكتين, و نسكت عن كلمة الحق علشان الناس متزعلش (الساكت عن الحق شيطان اخرس)

                                كويس ان حضرتك تبقى مقتنع باختيارك, او بسيارتك و دى حاجة جميلة, لكن فى نفس الوقت القناعة دى متخليش حضرتك تغفل عن حاجات كانت ناقصة علشان الحلو يكمل

                                هتعمل ايه حضرتك, لو حصل اى عطل فى عربيتك, و العربية مش هتمشى من مكانها, و قالوا لحضرتك هتستنى 3 اسابيع نجيبها بالبريد السريع, هتعمل ايه؟

                                ارجو ان حضرتك كتزعلش من كلامى او تاخده بصفة شخصية, الموضوع عام و لما اتفتح كان للمنفعة العامة و بس

                                شكرا لسعة صدر حضرتك

                                اخوك
                                معاذ
                                [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                                Comment

                                Working...
                                X